ლალი დათეშიძე
თირკმლისმიერი გლუკოზურია (renal glycosuria). ეტიოლოგია, პათოგენეზი. თირკმლისმიერი გლუკოზურია ვითარდება თირკმლის მილაკების ფერმენტულ სისტემებში მემკვიდრეობითი დეფექტის შედეგად. თირკმლისმიერ გლუკოზურიაზე ლაპარაკობენ მაშინ, როცა შარდთან ერთად გლუკოზის გამოყოფა აღემატება მის ფიზიოლოგიურ ექსკრეციას (200 მგ/დღეში). თირკმლისმიერი გლუკოზურიის დროს გლუკოზის დღიური ექსკრეცია შარდთან ერთად შეადგენს 10-20 გ-ს, თუმცა ცნობილია გლუკოზურიის შემთხვევები, როცა ეს მაჩვენებელი აღწევს 100 გ-ს. თირკმლისმიერი გლუკოზურიის სიხშირე შეადგენს 2-3:1000; გადაეცემა ავტოსომურ-დომინანტური ტიპით.
კლინიკური სურათი. კლინიკური სიმპტომები (გარდა გლუკოზურიისა) აღინიშნება მხოლოდ ძალიან მძიმე შემთხვევებში და განპირობებულია შაქრის მნიშვნელოვანი დანაკარგით. ავადმყოფებს აღენიშნებათ სისუსტე, შიმშილის გრძნობა. მყარი ოსმოსური დიურეზი იწვევს დეჰიდრატაციასა და ჰიპოკალიემიას. ნახშირწყლების დეფიციტთან შესაძლებელია უკავშირდებოდეს ბავშვის ფიზიკურ განვითარებაში ჩამორჩენა.
დიაგნოზი. თირკმლისმიერი გლუკოზურიის კრიტერიუმები შეიძლება იყოს: 1. გლუკოზის მომატებული ექსკრეცია შაქრის ნორმალური შემცველობის დროს სისხლში; 2. შარდთან გლუკოზის ექსკრეციის დამოუკიდებლობა ორგანიზმში შეყვანილი ნახშირწყლებისაგან; 3. სისხლში შაქრის დონის ცვლილების არარსებობა ნახშირწყლების შესვლისას; 4. შარდთან ერთად გამოყოფილი შაქრის, როგორც გლუკოზის იდენტიფიკაცია; 5. ნორმალური შაქრის მრუდი გლუკოზით დატვირთვის შემდეგ.
მკურნალობა. ამ დაავადების პათოგენეტიკური თერაპიის მეთოდები არ არსებობს. საჭიროა ავადმყოფის სწორად კვება, რათა თავიდან იქნას აცილებული ნახშირწყლებით გადატვირთვა და ჰიპერგლიკემია, რომელიც ხელს უწყობს შაქრის დაკარგვას. ჰიპოგლიკემიის განვითარების დროს შესაძლებელია წარმოიქმნას გლუკოზის დამატებითი შეყვანის აუცილებლობა, ხოლო ჰიპოკალიემიის დროს მიზანშეწონილია კალიუმით მდიდარი პროდუქტები (ქიშმიში, სტაფილო და სხვ.).
პროგნოზი კეთილსაიმედოა; პროფილაქტიკა: სამედიცინო – გენეტიკური კონსულტირება.
ფარმაცევტული ფირმების წარმომადგენლებს ვთხოვთ მოგვაწოდონ ინფორმაცია საქართველოში ოფიციალურად რეკომენდებული პრეპარატების შესახებ mpifarm@gmail.com. თქვენს მიერ მოწოდებულ მასალების მიხედვით აღიწერება თქვენი პრეპარატის გამოყენების სპეციფიკა ამ დაავადების მკურნალობის დროს და პრეპარატის მოკლე დახასიათება,რომელიც გავა პრეპარატის აღწერის სპეციალურ გვერდზე.
იხილეთ “ემპირიული და კლინიკური ფიტოთერაპია”
იხილეთ ექიმთა კატალოგი
მასალა წარმოადგენს “ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. საიტებს უფლება ეძლევათ ეს სტატია, არაკომერციული მიზნით, გადააკოპირონ თავიანთ ინტერნეტ-გვერდებზე და ფორუმებში. სტატიის თავში აუცილებლად უნდა დაეწეროს: აღებულია “ლალი დათეშიძის სამედიცინო ენციკლოპედიიდან www.medgeo.net “
სტატიის განვითარება და სრული ვერსიები
MedGeoNet-ზე წარმოდგენილი მასალების სრული და ახალი ვერსიები პერიოდულად გამოდის დისკების ფორმით. იხ. >>>
ლიტერატურა
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
- Большая медицинская энциклопедия; Москва, издательство ,,Советская энциклопедия” – 1988
Viewed 591 times by 313 viewers
Posted in ბავშვთა |
