მენიერის დაავადება

მენიერის დაავადება

არჩილ შენგელიალალი დათეშიძე

მენიერის დაავადება (Ménière’s disease) – მიზეზები ცნობილი არ არის. ძირითადი პათოლოგიური ფაქტორია ლაბირინთის სითხის (ენდოლიმფა) რაოდენობის გაზრდა და ლაბირითშიგა წნევის მომატება.

მენიერის დაავადება – სიმპტომები, მიმდინარეობა. იწყება ძლიერი თავბრუსხვევის, გულისრევის, ღებინების შეტევებით, რასაც ახლავს ხმაური ყურებში,  სმენის დაქვეითება (ხშირად ცალ ყურში), ნისტაგმი (ჯანმრთელ მხარეზე) და წონასწორობის დარღვევა; ავადმყოფს არ შეუძლია სიარული, დგომა და ჯდომაც კი. შეტევა შესაძლოა გაგრძელდეს რამდენიმე საათიდან რამდენიმე დღემდე, მეორდება საკმაოდ ხშირად (ყოველ 2-3 დღეში), ზოგჯერ კი იშვიათად (1-2 წლის განმავლობაში 1-ჯერ). შეტევებს შორის პერიოდში დაავადების ნიშნები არ აღინიშნება, გარდა სმენის დაქვეითებისა. განმეორებითი შეტევები იწვევენ სმენის თანდათანობით  დაქვეითებას. დაავადების ხანგრძლივობა სხვადასხვაა, შეიძლება გაგრძელდეს ათეული წლები. ხშირად ავადდებიან ქალები 30 – 50 წლის ასაკში. ზოგჯერ კლინიკური სურათი მკაფიოდ გამოხატული არ არის.

მენიერის დაავადება – მკურნალობა. შეტევის პერიოდში – წოლითი რეჟიმი, სიმშვიდე, ხმაურის გამორიცხვა. ხშირი შეტევებისა და კონსერვატული თერაპიის არაეფექტურობის დროს მიმართავენ ქირურგიულ ოპერაციას.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

ყელ-ყურ-ცხვირის დაავადებები