სწორი ნაწლავის ფისტულები

სწორი ნაწლავის ფისტულები – პათოლოგიურად წარმოქმნილი გზები სწორი ნაწლავის კედელში, ჩვეულებრივ მორგანის კრიპტების არეში, რომლებიც მთავრდებიან სწორი ნაწლავის ირგვლივ უჯრედისში ან ხშირად იხსნებიან უკანა ტანის ირგვლივ კანზე.

პათოგენეზი

პარაპროქტიტის თავისთავადი ან ქირურგიული გახსნის შემდეგ სწორი ნაწლავის სანათურთან  კავშირი შენარჩუნებულია მუდმივი ინფიცირების გამო და ნაწიბუროვანი ქსოვილების წარმოქმნით  ხვრელის ირგვლივ სწორი ნაწლავის ლორწოვან გარსში.

სიმპტომები, მიმდინარეობა

გარეთა ფისტულების დროს კანზე უკანა ტანის არეში ან დუნდულოებზე ვლინდება ერთი ან რამდენიმე წერტილოვანი ხვრელი ქსოვილთა გამკვრივებით ირგვლივ და ლოროწოსა ან  ჩირქის მუდმივი ან პერიოდული გამოყოფით და გარემომცველი ქსოვილების მაცერაციით. სწორი ნაწლავის გამოკვლევით ისინჯება ხვრელი ერთ  –  ერთი კრიპტის მიდამოში (ფისტულის შიგნითა ხვრელი). არასრული შიგნითა ფისტულის დროს  ავადმყოფები აღნიშნავენ უცხო სხეულის გრძნობას უკანა ტანში, ტკივილს, პერიოდულად ლორწოსა და ჩირქის გამოყოფას სწორი ნაწლავიდან, რომელიც აღიზიანებს ირგვლივ კანს. ორივე შემთხვევაში წარმოიქმნება მწვავე ანთებითი პროცესის რეციდივი, მისთვის დამახასიათებელი სიმპტომებით (ტკივილი, ტემპერატურის მომატება, შემცივნება და სხვ.). ფისტულები მიდრეკილები არიან შეხორცებისაკენ და ჩვეულებრივ არ ექვემდებარებიან კონსერვატულ მკურნალობას.

მკურნალობა

ქირურგიულია. პროგნოზი კეთილსაიმედოა, განსაკუთრებით კვალიფიციური ქირურგიული ჩარევის შემდეგ.

გაფრთხილება!

ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი