ყაბზობა

ყაბზობა – კუჭის ხანგრძლივი (2 დღეზე მეტხანს) უმოქმედობა ან, ყოველდღიური მოქმედების გაძნელება ან ნაწლავების დაცლის დაუკმაყოფილებლობის გრძნობა.

ყაბზობის ძირითადი სახეებია:

ალიმენტური ყაბზობა ანუ კვებითი ყაბზობა.  მას  იწვევს ხანგრძლივი დროის მანძილზე კვების რაციონში მცენარეული საკვებისა და სითხის მცირე რაოდენობით მიღება.

ნევროგენული ყაბზობა, რომლის დროსაც პირობითი რეფლექსების გავლენით დათრგუნულია გარეთ გასვლის სურვილი; ანთებითი – ვითარდება ნაწლავთა დაავადებების (კოლიტი, ბუასილი, უკანა გასავლის ნასკდომები და ფისტულები) შედეგად.

მექანიკური ყაბზობა  – ნაწლავში რაიმე დაბრკოლების (სიმსივნე, განავლის მასა, ნაწიბურები და სხვ.) გაჩენისას.
ტოქსიკური ყაბზობა – რაიმე ნივთიერებით (ტყვია, მორფიუმი, ატროპინი და სხვ.) მოწამვლის დროს; ენდოკრინული, – რაც დაკავშირებულია შინაგანი ჯირკვლების ფუნქციის დარღვევასთან.
ყაბზობას ხელს უწყობს უმოძრაობა, გასუქება, ფილტვის ემფიზემა. ხანგრძლივი ქრონიკული ყაბზობის დროს აღინიშნება ტაქიკარდია, თავის ტკივილი, თავბრუ, სისუსტე, დეპრესია, უმადობა, ბოყინი, გემოვნების გაუკუღმართება, სწრაფი გაძღომისა და კუჭში სიმძიმის შეგრძნება, მუცლის ჭვალვა; ზოგჯერ – ცვლილებები ღვიძლსა და სანაღვლე გზებში.
ყაბზობის დროს დიდი მნიშვნელობა აქვს სწორი ნაწლავის გამოკვლევას (რექტოსკოპია და სხვ.).

ყაბზობის პროფილაქტიკა: კვების რეჟიმის დაცვა (უნდა ერიდოთ მშრალი საჭმლის მიღებას დიდი ინტერვალებით); ფიზ. შრომა, სპორტი და სხვ.

ყაბზობის მკურნალობა: გამწმენდი ოყნები; სათანადო დიეტა (ბოსტნეული, ხილი, შავი პური, მაწონი, მინერ. წყლები და სხვ.). თუ ავადმყოფი მსუქანი არ არის – ცხიმის შემცველი პროდუქტები (კარაქი, მცენარეული ზეთი და სხვ.); დიდი რაოდენობით სითხე; ფიზიოთერაპია, ტალახით მკურნალობა, სამკურნალო  ვარჯიში, მუცლის მასაჟი.

ყაბზობის დროს ავადმყოფს ეკრძალება შოკოლადი, კაკაო, შავი ყავა, მაგარი ჩაი, ღვინო, ბრინჯი, მოცვი და სხვ.

ყაბზობა ხშირად იწვევს სწორი ნაწლავის და ბუასილის გაღიზიანებას. პროფილაქტიკისა და გართულებების თავიდან ასაცილებლად ტრადიციულად იყენებენ თურმანიძის მალამოს, რომლის სურათსაც ბანერზე ხედავთ.


ლიტერატურა, წყაროები, გაფრთხილება

  • გაფრთხილება
  • დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  • დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

.

Share on Facebook
Facebook
გააზიარე Facebook -ზე ..