ბიულეტენი ,,დიეტები” ISSN E1987-8478, N3, თებერვალი, 2010წ.
ყველიერი – ბლინების დროა
დიეტური ბლინები გაცილებით უფრო სასარგებლოა, გემოთი კი არაფრით არ ჩამოუვარდება ჩვეულებრივ, ტრადიციულ ბლინებს. ძირითადი განსხვავება იმაშია, რომ დიეტური ბლინების ცომი დაბალკალორიულია.
ცომი მზადდება უცხიმო ან ნაკლებცხიმიან რძეზე, წყალზე მის დამზადებას ნუ შეეცდებით, – ბლინები მაგარი და უგემური გამოგივათ. კვერცხი – ჩვეულებრივი ნორმის ნახევარი; გამოიყენება მხოლოდ მცენარეული ცხიმი, რომელსაც უმატებენ ცომს მოზელისას.
ფქვილი – ხორბლის ან ჭვავის, მსხვილად დაფქვილი; შესაძლებელია მათი კომბინაცია 1:1. ჭვავის ფქვილი მდიდარია В, Е ვიტამინებით და გაცილებით უკეთ ითვისებს მას ორგანიზმი, ვიდრე უმაღლესი ხარისხის ფქვილს. გარდა ამისა, მსხვილად დაფქვილი ფქვილი შეიცავს პექტინსა და უჯრედისს, რომელიც ხელს უწყობს საჭმლის მონელებას.
დიეტური ბლინები
ინგრედიენტები:
რძე (უცხიმო ან ნაკლებცხიმიანი) – 2 ჭიქა
კვერცხი – 1 ცალი
ზეთი – 2-3 სუფრის კოვზი
ფქვილი – 150-200 გრამი
მარილი
მომზადების წესი:
ათქვიფეთ კვერცხი, დაამატეთ რძე და კარგად აურიეთ. ჩაყარეთ ფქვილი, მუდმივად ურიეთ და მიყვანეთ კეფირის კონსისტენციამდე. დაუმატეთ ზეთი და კიდევ კარგად აურიეთ.
შიგთავსი დიეტური ბლინებისათვის
შიგთავსად შესაძლოა გამოვიყენოთ ბოსტნეული, ხილი, მწვანილი, სოკო, უცხიმო ხაჭო ან ნაკლებცხიმიანი თევზი.
ბლინები თევზით
მოხარშული თევზის ფარში (მინტაი, ხეკი), წვრილად დაჭრილი მჟავე კიტრი, მწვანილი (კამა, ოხრახუში).
ბლინები ხაჭოთი და მწვანილით
უცხიმო ხაჭო, დაჭრილი მწვანილი, დაქუცმაცებული კაკალი.
ბლინები სოკოთი
წვრილად დაჭრილი სოკო (მოხარშული), ხახვი, მწვანილი.
ბლინები ხაჭოთი, ქიშმიშითა და კურაგით
უცხიმო ხაჭო, ქიშმიში, წვრილად დაჭრილი კურაგა.
აღებულია http://www.smachno.ua/dir/diets/7614.html
Viewed 1830 times by 1187 viewers
Posted in დიეტები |
