ტექსამენი – ლ

ტექსამენი – ლ

ტექსამენი – ლ–ის ზოგადი ინფორმაცია

ტექსამენი – ლ. TEKSAMEN – L. პროპიონის მჟავას წარმოებული პრეპარატების ჯგუფის არასტეროიდული ანთების საწინააღმდეგო საშუალება გამოხატული ანალგეზიური ეფექტით. აქტიური ნივთიერება – ტენოქსიკამი. Tenoxicam. ათქ.კლასიფიკაციის კოდი – M01AC02. მწარმოებელი ფირმა – მუსტაფა ნევზათი ილაჩ სანაი ა.შ. (თურქეთი).

ტექსამენი – ლ–ის შემადგენლობა და გამოშვების ფორმა

ტექსამენი – ლ. TEKSAMEN – L გამოდის ი/მ და ი/ვ საინექციო ხსნარის მოსამზადებელი ფხვნილის ფორმით 1 ამპულა გამხსნელთან (საინექციო წყალი) ერთად. თითოეული ლიოფილიზებული ფლაკონი შეიცავს 20მგ ტენოქსიკამს. დამხმარე ნივთიერებები: 57.33მგ მანიტოლი, 3.28მგ სოდიუმის ჰიდროქსიდი, 3მგ ტრომეტამოლი და 2მგ სოდიუმის მეტაბისულფიდი.

ტექსამენ– ლ–ის ფასები ქართულ ფარმაცევტულ ბაზარზე

ტექსამენ– ლ–ის ფასები ფარმადეპოში
ტექსამენ– ლ–ის ფასები ავერსში
ტექსამენ– ლ–ის ფასები psp-ში
ტექსამენ– ლ–ის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ტექსამენ– ლ, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ტექსამენი– ლ–ის ფასების შესახებ შეუძლიათ მოგვაწოდონ  mpifarm@gmail.com

ტექსამენი – ლ–ის აქტიური ნივთიერება

ტენოქსიკამი. Tenoxicam. ქიმიური დასახელება – 4-ჰიდროქსი-2-მეთილ-N-2-პირიდინილ-2Н-თიენო [2,3-e]-1,2-თიაზინ -3-კარბოქსამიდ -1,1-დიოქსიდი. ბრუტო–ფორმულა: C13H11N3O4S2. ტენოქსიკამს მიაკუთვნებენ აასს – ოქსიკამების ჯგუფს. CAS-კოდი:59804-37-4.

ტექსამენი – ლ–ის სინონიმები          

ტექსამენი (TEKSAMEN, Asfarma, თურქეთი).

ტექსამენი – ლ–ის გამოყენების ძირითადი მიმართულებებია

  • ართრიტი რევმატოიდული
  • პოლიართრიტი არასპეციფიური, ინფექციური
  • ოსტეოართროზი
  • ართრიტი პოდაგრული
  • ართროზი
  • სპონდილიტი მაანკილოზებელი
  • იშალგია
  • ლუმბაგო
 
ტექსამენი – ლ–ის საფირმო აღწერიდან

ფარმაკოლოგიური თვისებები
ტენოქსიკამი წარმოადგენს არასტეროიდულ ანთების საწინააღმდეგო პრეპარატს. იგი ავლენს ძლიერ ანთებისსაწინააღმდეგო და ტკივილგამაყუჩებელ მოქმედებას, ნაკლებად გამოხატულ სიცხის დამაქვეითებელ მოქმედებას, ასევე აფერხებს თრომბოციტების აგრეგაციას. მოქმედების მექანიზმს საფუძვლად უდევს იზოფერმენტების ციკლოოქსიგენაზა – 1-ის და ციკლოოქსიგენაზა – 2-ის აქტივობის დათრგუნვა, რის შედეგადაც ანთების კერაში და ორგანიზმის ასევე სხვა ქსოვილებში მცირდება პროსტაგლანდინების სინთეზი. გარდა ამისა ტენოქსიკამი ანთების კერაში აქვეითებს ლეიკოციტების დაგროვებას. ტენოქსიკამის განმასხვავებელ თავისებურებას წარმოადგენს ხანგრძლივი მოქმედება და ხანგრძლივი ნახევრადგამოყოფის პერიოდი – 72სთ. პრეპარატის 99% უკავშირდება პლაზმის ცილებს. ტენოქსიკამი კარგად აღწევს სინოვიალურ სითხეში. გამოყენებული დოზის 2/3 გამოიყოფა შარდით, 1/3 – ფეკალიებით.
ჩვენებები
– რევმატოიდული ართრიტი
– არასპეციფიური ინფექციური პოლიართრიტი
– ოსტეოართროზი
– პოდაგრული ართრიტი
– ართროზი
– მაანკილოზებელი სპონდილიტი
– იშალგია
– ლუმბაგო
მიღების წესები და დოზები
ტექსამენი – ლ-ის ინექციები:
ხანმოკლე მკურნალობისთვის – 20მგ დღეში;
ხანგრძლივი მკურნალობისთვის – 10მგ დღეში.
მწვავე ართრიტი: პირველი 2 დღე – 40მგ დღეში, მომდევნო 5 დღე – 20მგ დღეში.
დანიშნული დოზა გამოყენებულ უნდა იქნას ერთ მიღებაზე.
ტექსამენის ტაბლეტები:
ხანმოკლე მკურნალობისთვის – 20მგ დღეში;
ხანგრძლივი მკურნალობისთვის – 10მგ დღეში.
მწვავე ართრიტი: პირველი 2 დღე – 40მგ დღეში, მომდევნო 5 დღე – 20მგ დღეში.
დანიშნული დოზა გამოყენებულ უნდა იქნას ერთ მიღებაზე.
გვერდითი მოვლენები
კუჭ-ნაწლავის ტრაქტის მხრივ: 11.4% – ტკივილი კუჭში, გულძმარვა, გულისრევა, ღებინება, დიარეა.
ნერვული სისტემის მხრივ: 2.6% – თავის ტკივილი, თავბრუსხვევა.
ალერგიული რეაქციები: 2.5% – ლაიელის სინდრომი, სტივენს ჯონსონის სინდრომი, ქავილი, ერითემა, გამონაყარი.
შესაძლოა სისხლში ტრანსამინაზების დონის მომატება, ჰემოგლობინის დონის დაქვეითება. ანემია, თრომბოციტოპენია, ჰიპერგლიკემია, აზოტის, შარდოვანას და კრეატინინის შექცევითი მატება სისხლის პლაზმაში.
უკუჩვენება
პრეპარატი არ ინიშნება ტენოქსიკამის და სხვა არასტეროიდული ანთების საწინააღმდეგო საშუალებების მიმართ მომატებული მგრძნობელობისას. კუჭ-ნაწლავის ტრაქტის ეროზიულ-წყლულოვანი დაზიანება – გამწვავების ფაზაში, წყლულოვანი ანამნეზი, ასევე პრეპარატის დანიშვნის პირდაპირ უკუჩვენებას წარმოადგენს სისხლდენა კუჭ-ნაწლავის ტრაქტიდან.
ორსულობა და ლაქტაცია
არ არის საკმარისი მონაცემები ტენოქსიკამის გამოყენების შესახებ 18 წლამდე ასაკის პირებში, ორსულებსა და მეძუძურ ქალებში, ამიტომ ამ ჯგუფის პაციენტებში პრეპარატი ინიშნება განსაკუთრებული სიფრთხილით.
განსაკუთრებული მითითებები
ტენოქსიკამის გამოყენებისას საჭიროა გულდასმითი ყურადღების დევნა კუჭ-ნაწლავის ტრაქტის ფუნქციაზე. ულცეროგენეზის ან კუჭ-ნაწლავის ტრაქტიდან სისხლდენის პირველივე ნიშნების აღმოჩენისთანავე აუცილებელია ტენოქსიკამის დაუყოვნებლივ მოხსნა.
პრეპარატი სიფრთხილით ინიშნება პირებში თირკმლის ფუნქციის დარღვევით, რადგან შესაძლებელია დაქვეითდეს თირკმლის სისხლის მიმოქცევა, რამაც შეიძლება გამოიწვიოს თირკმლის უკმარისობა; ტენოქსიკამი განსაკუთრებული სიფრთხილით ინიშნება დიურეზული საშუალებებით მკურნალობის ფონზე. ტენოქსიკამს შეუძლია ნატრიუმის, კალიუმის, ლითიუმის იონების, ასევე წყლის შეკავება. ამასთან დაკავშირებით არტერიული ჰიპერტონიის ან გულის უკმარისობის მქონე პირებში ტენოქსიკამმა შეიძლება დაამძიმოს ძირითადი დაავადებების მიმდინარეობა. ტენოქსიკამი ამცირებს თრომბოციტების აგრეგაციას და ახანგრძლივებს სისხლდენის დროს, რაც გათვალისწინებულ უნდა იქნას ოპერაციული ჩარევისას. არ არის საკმარისი მონაცემები ტენოქსიკამის გამოყენების შესახებ 18 წლამდე ასაკის პირებში, ორსულებსა და მეძუძურ ქალებში, ამიტომ ამ ჯგუფის პაციენტებში პრეპარატი ინიშნება განსაკუთრებული სიფრთხილით.
ჭარბი დოზირება
პრეპარატის დოზის გადაჭარბების შემთხვევაში აუცილებელია სიმპტომური მკურნალობის წარმოება.
სხვა წამლებთან ურთიერთქმედება
ტენოქსიკამის მიღება არასასურველია სალიცილატებთან ერთად.
შენახვის პირობები და ვადები
ინახება შეფუთვაში, ოთახის ტემპერატურაზე, ბავშვებისათვის მიუწვდომელ ადგილზე.
ხსნარი გამოყენებულ უნდა იქნას მომზადებისთანავე.
აფთიაქში გაცემის წესი
პრეპარატი გაიცემა რეცეპტით.