ბათალგინი

ბათალგინი

ბათალგინის ზოგადი ინფორმაცია

ბათალგინი. Batalgin. ანალგეზიურ-ანტიპირექსიული სამკურნალო საშუალება. აქტიური ნივთიერებები – ნატრიუმის მეტამიზოლი + პიტოგენონი + ფენპივერინიუმის ბრომიდი. Metamizole sodium + Pitofenone + Fenpiverinium bromide. ათქ.კლასიფიკაციის კოდი – N02BB02. მწარმოებელი ფირმა – შპს “ბათფარმა”(საქართველო).

ბათალგინის შემადგენლობა და გამოშვების ფორმა

ბათალგინი. Batalgin გამოდის საინიექციო ხსნარის ფორმით. საინიექციო ხსნარის 1 მლ 1 ამპულა შეიცავს ნატრიუმის მეთამიზოლს 500 მგ2.5 გ, პიტოფენონის ჰიდროქლორიდს 2 მგ0.01 გ, ფენპივერინის ბრომიდს 0.02 მგ0.0001 გ. დამხმარე ნივთიერება: საინიექციო წყალი.

ბათალგინის ფასები ქართულ ფარმაცევტულ ბაზარზე
ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ბათალგინი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ბათალგინის ფასების შესახებ შეუძლიათ მოგვაწოდონ  mpifarm@gmail.com

ბათალგინის ფასები ფარმადეპოში
ბათალგინის  ფასები ავერსში
ბათალგინის ფასები psp-ში
ბათალგინის ფასები სხვა აფთიაქებში

ბათალგინის აქტიური ნივთიერებები

ნატრიუმის მეტამიზოლი + პიტოგენონი + ფენპივერინიუმის ბრომიდი. Metamizole sodium + Pitofenone + Fenpiverinium bromide. ნატრიუმის მეტამიზოლს + პიტოგენონს + ფენპივერინიუმის ბრომიდს მიაკუთვნებენ აასს – პირაზოლონების ჯგუფს.

ბათალგინის გამოყენების ძირითადი მიმართულებებია

  • ტკივილის სინდრომი შინაგანი ორგანოების გლუვი კუნთების სპაზმის დროს
  • კოლიკა თირკმლის
  • კოლიკა ღვიძლის
  • კოლოკა ნაწლავების
  • დისმენორეა
  • ნაღვლმდენი გზების დისკინეზია
  • ტკივილი ნევრალგიის დროს
  • ტკივილი ართრალგიის დროს
  • ტკივილი იშიალგიის დროს
  • ტკივილები ქირურგიული ჩარევებისა და დიაგნოსტიკური პროცედურების შემდეგ
ბათალგინის საფირმო აღწერიდან

ფარმაკოლოგიური თვისებები
ბათალგინი კომბინირებული პრეპარატია, რომელსაც გამოხატული ანალგეზიური, სპაზმოლიზური და სიცხის დამწევი მოქმედება აქვს. პირდაპირი მიოტროპული მოქმედებისა და, ნაწილობრივ, ანტიქოლინერგული მოქმედების ხარჯზე პრეპარატი იწვევს გლუვი კუნთების მოდუნებას.
ფარმაკოკინეტიკა
კუნთში შეყვანისას პრეპარატის აქტიური ნივთიერებები სწრაფად და თითქმის მთლიანად შეიწოვება. პლაზმის ცილებს უკავშირდება 50–60%. პრეპარატი გადადის დედის რძეში.
ნატრიუმის მეთამიზოლი ღვიძლში ინტენსიურად ბიოტრანსფორმირდება 4 ძირითადი მეტაბოლიტის წარმოქმნით. ეს მეტაბოლიტები თავ-ზურგ-ტვინის სითხეშიც აღინიშნება. პრეპარატი ძირითადად შარდით გამოიყოფა.
ჩვენებები
• ტკივილის სინდრომი შინაგანი ორგანოების გლუვი კუნთების სპაზმის დროს (მათ შორის, თირკმლის, ღვიძლის, ნაწლავების კოლოკა, დისმენორეა, ნაღვლმდენი გზების დისკინეზია);
• ტკივილის ხანმოკლე კუპირება ნევრალგიის, ართრალგიის, იშიალგიის დროს;
• დამხმარე პრეპარატის სახით ტკივილების შესამსუბუქებლად ქირურგიული ჩარევებისა და დიაგნოსტიკური პროცედურების შემდეგ.
მიღების წესები და დოზები
საინიექციო ხსნარი შეჰყავთ კუნთში ან ვენაში. ხსნარის შეყვანის წინ საჭიროა ამპულის ხელში შეთბობა. ხსნარის ვენაში სწრაფი შეყვანის შემთხვევაში შესაძლებელია არტერიული წნევის კრიტიკული დაქვეითება და შოკის განვითარება. ი/ვ შეყვანა უნდა განხორციელდეს ნელა, არა უმეტეს 1 მლ/წთ-ში, მწოლიარე მდგომარეობაში. აუცილებელია არტერიული წნევის, გულის შეკუმშვათა სიხშირისა და სუნთქვის სიხშირის კონტროლი.
მოზრდილებისა და 15 წელზე მეტი ასაკის მოზარდებისათვის რეკომენდებული ერთჯერადი დოზა შეადგენს 2 მლ ხსნარს ვენაში ან კუნთში. მაქსიმალური სადღეღამისო დოზაა 10 მლ (5 მლ 2-ჯერ დღეში).
ბავშვებისათვის:
• 12_15 წლის ბავშვებში (50 კგ-მდე სხეულის მასით) რეკომენდებული ერთჯერადი დოზაა 0.8 მლ; მაქსიმალური სადღეღამისო დოზა _ 6.4 მლ (1.6 მლ 4-ჯერ დღეში);
• 8_11 წლის ბავშვებში (33 კგ-მდე სხეულის მასით) რეკომენდებული ერთჯერადი დოზაა 0.5 მლ; მაქსიმალური სადღეღამისო დოზა _ 4 მლ (1 მლ 4-ჯერ დღეში);
• 5_7 წლის ბავშვებში (24 კგ-მდე სხეულის მასით) რეკომენდებული ერთჯერადი დოზაა 0.4 მლ; მაქსიმალური სადღეღამისო დოზა – 3.2 მლ (0.8 მლ 4-ჯერ დღეში);
• 3-4 წლის ბავშვებში (18 კგ-მდე სხეულის მასით) რეკომენდებული ერთჯერადი დოზაა 0.2 მლ; მაქსიმალური სადღეღამისო დოზა – 2.4 მლ (0.6 მლ 4-ჯერ დღეში);
• 1-2 წლის ბავშვებში (12-14 კგ სხეულის მასით) რეკომენდბული ერთჯერადი დოზაა 0.2 მლ; მაქსიმალური სადღეღამისო დოზა – 1.6 მლ (0.4 მლ 4-ჯერ დღეში);
• 6-11 თვის ბავშვებში (8-10კგ სხეულის მასით) პრეპარეტი შეჰყავთ მხოლოდ კუნთში.
რეკომენდებული ერთჯერადი დოზაა 0.1 მლ; მაქსიმალური სადღეღამისო დოზა – 1.2 მლ (0.3 მლ 4-ჯერ დღეში);
• 3-5 თვის ბავშვებში (5.5-7.5კგ სხეულის მასით) პრეპარატი შეჰყავთ მხოლოდ კუნთში.
რეკომენდებული ერთჯერადი დოზაა 0.1 მლ, მაქსიმალური სადღეღამისო დოზა – 0.8 მლ (0.2 მლ 4-ჯერ დღეში).
გვერდითი მოვლენები
ალერგიული რეაქციები (გამონაყარი კანზე, ქავილი, ძალზე იშვიათად _ ანაფილაქსიური შოკი, ჭინჭრის ციება), ანგიონევროზული შეშუპება, წვის შეგრძნება ეპიგასტრიუმში, პირის ღრუს სიმშრალე, თავის ტკივილი, თავბრუხვევა, არტერიული წნევის დაქვეითება, ტაქიკარდია, ციანოზი, თრომბოციტოპენია, ლეიკოპენია, აგრანულოციტოზი. ბრონქოსპაზმისადმი მიდრეკილების დროს შესაძლებელია შეტევის პროვოცირება, სტივენს-ჯონსონის სინდრომი, ლაიელის სინდრომი; თირკმლის ფუნქციის დარღვევა (ოლიგურია, ანურია, პროტეინურია, ინტერსტიციური ნეფრიტი, შარდის წითლად შეღებვა); ოფლის გამოყოფის შემცირება, შარდის გამოყოფის გაძნელება. ადგილობრივი რეაქციები – ინფილტრატები კუნთში შეყვანის ადგილას.
უკუჩვენება
მომატებული მგრძნობელობა პირაზოლონის წარმოებულების, ასევე ფენილბუტაზონის, პიტოფენონის, ფენპივერინის ან მათი წარმოებულების მიმართ; ნივთიერებათა ცვლის დარღვევები; ცნობიერების დაკარგვა, ტაქიარითმია; დახურულკუთხოვანი გლაუკომა, წინამდებარე ჯირკვლის ჰიპერტროფია, კუჭ-ნაწლავის ტრაქტის მექანიკური სტენოზი; 3 თვემდე ასაკის ახალშობილები.
ორსულობა და ლაქტაცია
პრეპარატის მიღება ორსულობის I ტრიმესტრსა და ბოლო 6 კვირის განმავლობაში არ არის რეკომენდებული. მკურნალობის პერიოდში საჭიროა ძუძუთი კვების შეწყვეტა.
განსაკუთრებული მითითებები
პრეპარატი სიფრთხილით და სათანადო სამედიცინო მეთვალყურეობის პირობებში ინიშნება პაციენტებში, რომლებსაც 100 მმ ვწ. სვ-ზე დაბალი სისტოლური წნევა აქვთ ან არასტაბილური ჰემოდინამიკა აღენიშნებათ, ასევე სისხლმბადი სისტემის დარღვევების მქონე პაციენტებში.
პრეპარატის ხანგრძლივი დროით (1 კვირაზე მეტი) გამოყენებისას საჭიროა პერიფერიული სისხლის სურათისა და ღვიძლის ფუნქციური მდგომარეობის კონტროლი.
აგრანულოციტოზზე ეჭვის შემთხვევაში ან თრომბოციტოპენიის არსებობისას საჭიროა პრეპარატის მიღების შეწყვეტა.
ატოპიური ბრონქული ასთმისა და პოლინოზების მქონე პაციენტებში იზრდება ალერგიული რეაქციების განვითარების რისკი.
განსაკუთრებული სიფრთხილეა საჭირო 2 მლ-ზე მეტი ხსნარის შეყანისას (არტერიული წნევის მკვეთრი დაქვეითების რისკის გამო).
დაუშვებელია პრეპარატის გამოყენება მწვავე აბდომინური ტკივილის კუპირებისათვის (მიზეზის დადგენამდე).
ალკოჰოლის ერთდროულმა მიღებამ შეიძლება გააძლიეროს ბათალგინის ტოქსიკურობა.

პრეპარატის ზემოქმედება ავტოტრანსპორტისა და მექანიზმების მართვის უნარზე: მკურნალობის პერიოდში საჭიროა სიფრთხილის გამოჩენა ავტოტრანსპორტის მართვისა და პოტენციურად საშიში ქმედებების შესრულებისას, რომლებიც ყურადღების მომატებულ კონცენტრაციასა და სწრაფ ფსიქომოტორულ რეაქციას მოითხოვს.
ჭარბი დოზირება
სიმპტომები: ღებინება, არტერიული წნევის დაქვეითება, ძილიანობა, ცნობიერების დარღვევა, გულისრევა, პირის ღრუს სიმშრალე, ტკივილი ეპიგასტრიუმის არეში, ღვიძლისა და თირკმლის ფუნქციის დარღვევა, კრუნჩხვები.
მკურნალობა: კუჭის ამორეცხვა, ენტეროსორბენტების დანიშვნა, სიმპტომური თერაპიის ჩატარება.
სხვა წამლებთან ურთიერთქმედება
ბათალგინისა და ქინაქინის შემცველი პრეპარატების ერთდროული დანიშვნისას შესაძლებელია ანტიქოლინერგული ეფექტების გაძლიერება.
ბათალგინისა და ციკლოსპორინის ერთდროული დანიშვნისას შესაძლებელია ციკლოსპორინის კონცენტრაციის შემცირება სისხლის პლაზმაში.
ბათალგინის ხსნარი ერთ შპრიცში შეუთავსებელია ნებისმიერ სხვა სამკურნალო საშუალებებთან
შენახვის პირობები და ვადები
ინახება მშრალ, სინათლისაგან დაცულ ადგილას, ოთახის ტემპერატურაზე.
ინახება ბავშვებისათვის მიუწვდომელ ადგილას.
ვარგისობის ვადა: 5 წელი.
შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
აფთიაქში გაცემის წესი
ფარმაცევტული პროდუქტის II ჯგუფი (რეცეპტით).

Share on Facebook
Facebook
გააზიარე Facebook -ზე ..