მკურნალობა უცხოეთში


დისგრენი

დისგრენის ზოგადი ინფორმაცია

დისგრენი. Disgren. ანტითრომბოზული და შედედების საწინააღმდეგო საშუალებების – ანტიაგრეგანტების ჯგუფის სამკურნალო პრეპარატი. აქტიური ნივთიერება – ტრიფლუზალი. Triflusal. მწარმოებელი ფირმა – J. Uriach and Cia. S.A (ესპანეთი).

დისგრენის შემადგენლობა და გამოშვების ფორმა

დისგრენი. Disgren გამოდის 300მგ კაფსულის ფორმით. დისგრენი 300 მგ კაფსულების აქტიური სუბსტანცია არის ტრიფლუზალი. ყოველი კაფსულა შეიცავს 300 მგ ტრიფლუზალს. დამატებითი ნივთიერებებია: ჟელატინი კაფსულის გარსში და საბეჭდი მელანი დაფუძნებული რკინის წითელ ოქსიდზე (E-172).

დისგრენის ფასები ქართულ ფარმაცევტულ ბაზარზე

დისგრენის ფასები ფარმადეპოში
დისგრენის ფასები ავერსში
დისგრენის ფასები psp-ში
დისგრენის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც დისგრენი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია დისგრენის ფასების შესახებ შეუძლიათ მოგვაწოდონ  mpifarm@gmail.com

დისგრენის აქტიური ნივთიერება

ტრიფლუზალი. Triflusal.

დისგრენის გამოყენების ძირითადი მიმართულებებია

  • მიოკარდიუმის ინფარქტი
  • სტენოკარდია სტაბილური
  • სტენოკარდია არასტაბილური
  • ინსულტი
  • კორონარული შუნტირების შემდეგ

დისგრენის საფირმო აღწერიდან

დისგრენის ჩვენებები

მოცემული პრეპარატი ნაჩვენებია მიოკარდიუმის ინფარქტის რეციდივის, სტაბილური ან არასტაბილური სტენოკარდიის ან ინსულტის რისკის შესამცირებლად იმ პაციენტებში, რომლებსაც ადრე გადატანილი აქვთ რომელიმე აღნიშნული შემთხვევა. ის ასევე ნაჩვენებია იმ პაციენტებისათვის, რომლებსაც ჩაუტარდათ კორონარული შუნტირება.
დისგრენი ნაჩვენებია მოზრდილებისათვის

დისგრენის მიღების წესები და დოზები

დისგრენი მიიღება პერორალურად.
რეკომენდებული დოზა შეადგენს ორ კაფსულას (600 მგ ტრიფლუზალი) დღეში, ერთჯერადი დოზის სახით ან დაყოფილი ორ დოზად, ან სამ კაფსულას (900 მგ ტრიფლუზალი) დღეში დაყოფილი სამ დოზად.
კაფსულა უნდა გადაიყლაპოს საკმარისი რაოდენობით სითხის მიყოლებით, სასურველია ჭამის დროს.
გახსოვდეთ, რომ პრეპარატი ყოველდღიურად უნდა მიიღოთ. მკურნალობის ხანგრძლივობას განსაზღვრავს ექიმი. პრეპარატის მიღება არ შეწყვიტოთ ექიმის მითითების გარეშე.

დისგრენის გვერდითი მოვლენები

ყველა პრეპარატის მსგავსად, დისგრენიც იწვევს გვერდით მოვლენებს.
ყველაზე ხშირად ვლინდება კუჭის არეში სიმძიმის შეგრძნება. ასევე შეიძლება აღინიშნოს თავის ტკივილი, გულისრევა (გულისრევის შეგრძნება), ყაბზობა, პირღებინება, მუცლის შებერილობა ან დიარეა, ტკივილი მუცლის არეში. აღნიშნული სიმპტომები ზომიერი ხასიათისაა და ქრება რამდენიმე დღეში, თუ არ შეწყვეტთ მკურნალობას. საკვებთან ერთად დისგრენის მიღებისას მცირდება ისეთი გვერდითი ეფექტების გამოვლენის ალბათობა, რომლებიც გავლენას ახდენენ მონელებაზე. ზოგჯერ შეიძლება განვითარდეს გასტროინტესტინალური სისხლდენა, სისხლი შარდში, ჩალურჯებები, სისხლდენა ცხვირიდან, სისხლდენა ღრძილებიდან და ცერებრალური ჰემორაგიები. გარდა ამისა, მზის სხივების ზემოქმედების შედეგად აღინიშნა კანის ალერგიული რეაქციების ცალკეული შემთხვევები.
თუ რომელიმე ჩამოთვლილი გვერდითი ეფექტი დროთა განმავლობაში გაძლიერდა ან ხანგრძლივად აღინიშნა, შეწყვიტეთ მკურნალობა და მიმართეთ ექიმს.
ისეთი გვერდითი ეფექტების განვითარებისას, რომლებიც აღწერილი არ არის წინამდებარე ინსტრუქციის ფურცელში, მიმართეთ ექიმს ან ფარმაცევტს.

დისგრენის უკუჩვენებები

დისგრენი არ მიიღება:
- თუ პაციენტს აღენიშნება ან აღენიშნებოდა კუჭის წყლული;
- თუ პაციენტს აღენიშნება ისეთი დარღვევები, რომლებმაც შეიძლება სისხლდენები გამოიწვიოს;
- თუ პაციენტი ალერგიულია ტრიფლუზალის ან სხვა სალიცილატების მიმართ.
განსაკუთრებული სიფრთხილე არის საჭირო დისგრენის გამოყენებისას: – თუ პაციენტს აღენიშნება თირკმლის ან ღვიძლის უკმარისობა;
- თუ არსებობს სისხლდენის რისკი რაიმე სახის დაზიანების ან სხვა პათოლოგიური მდგომარეობების გამო, ან თუ პაციენტი ხანგრძლივი დროის განმავლობაში იღებდა არასტეროიდულ ანთების საწინააღმდეგო პრეპარატებს (ტკივილის მოსახსნელი და/ან კუნთების ანთების ან არტიკულაციის სამკურნალო საშუალებები);
- თუ დაგეგმილია ქირურგიული ოპერაცია. ასეთ შემთხვევაში, უნდა შეფასდეს სისხლდენის რისკი და აუცილებლობისას, დისგრენის მიღება უნდა შეწყდეს ოპერაციამდე რამდენიმე დღით ადრე.
ყველა ზემოთ ჩამოთვლილ შემთხვევაში, აუცილებლად მიმართეთ ექიმს კონსულტაციისათვის.

დისგრენის განსაკუთრებული მითითებები

ავტომობილების მართვა და მანქანა-დანადგარებთან მუშაობა:
დისგრენი გავლენას არ ახდენს ავტომობილების მართვისა და მანქანა-დანადგარებთან მუშაობის უნარზე.

დისგრენის ჭარბი დოზირება

ძალიან მაღალი დოზების მიღების შემდეგ შეიძლება განვითარდეს სალიცილატებით ინტოქსიკაციის სიმპტომები (თავის ტკივილი, ხმაური ყურებში, თავბრუსხვევა, გულისრევა, პირღებინება, გახშირებული სუნთქვა).
ჭარბი დოზის მიღებისას დაუყოვნებლივ მიმართეთ ექიმს, ფარმაცევტს ან უახლოეს სამედიცინო პუნქტს.
თუ დაგავიწყდათ დისგრენის მიღება
გამოტოვებული დოზების კომპენსირების მიზნით ორმაგი დოზის მიღება არ შეიძლება. ჩვეულებრივ გააგრძელეთ დისგრენის მიღება
სხვა წამლებთან ურთიერთქმედება
არასტეროიდულ ანთების საწინააღმდეგო საშუალებებთან, პერორალურ ანტიდიაბეტურ საშუალებებთან, პერორალურ ანტიკოაგულანტებთან ერთად მიღებისას შესაძლოა აღინიშნოს ყველა ამ პრეპარატის, მათ შორის დისგრენის ეფექტების გაძლიერება.

დისგრენის შენახვის პირობები და ვადები

დისგრენი შეინახეთ ბავშვებისათვის მიუწვდომელ ადგილას.

არ შეიახოთ 25oC-ზე მაღალ ტემპერატურაზე.
შეინახეთ თავდაპირველ შეფუთვაში პრეპარატის ტენიანობისაგან დაცვის მიზნით.
დისგრენი არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.

Comments are closed.

nostalgia

დარგობრივი საიტები

vaka