ანგინორმი-წითელი A

ანგინორმი-წითელი A. ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

ანგინორმი-წითელი A-ს საერთაშორისო დასახელება (აქტიური ნივთიერება): კომბინირებული/comb. drug

ანგინორმი-წითელი A-ს კლინიკურ-ფარმაკოლოგიური ჯგუფი: ანტისეპტიკური საშუალებები


ანგინორმი-წითელი A აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები,  უფასო პრეპარატების სიები და სხვა >>>

ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>

უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>


შემადგენლობა
1 საწუწნი ტაბლეტი შეიცავს: 2.4-დიქლორბენზილის სპირტს – 1.2მგ. ამილმეთაკრეზოლს – 0.6 მგ. დამხმარე ნივთიერებები: მენთოლი, შაქარი, თხევადი გლუკოზა, ლიმონმჟავა, ფორთოხლის არომატიზატორი და საღებავი (ანგინორმი-წითელი A ფორთოხლის არომატით), თაფლის არომატიზატორი, ლიმონის არომატიზატორი და საღებავი (ანგინორმ-წითელი A თაფლისა და ლიმონის არომატით), წყალი.

ძირითადი ფიზიკურქიმიური თვისებები: ნარინჯისფერი (ფორთოხლის არომატით) ან ღია ყვითელი ფერის (თაფლისა და ლიმონის არომატით). მრგვალი ფორმის, ბრტყელი ზედაპირის მქონე, საწუწნი ტაბლეტები.

ფარმაკოლოგიური თვისებები
ანგინორმი-წითელი A პირის ღრუსა და ყელის ადგილობრივი გამოყენების კომბინირებული ანტისეპტიკური საშუალებაა, რომელსაც ანთების საწინააღმდეგო და ტკივილგამაყუჩებელი მოქმედება ახასიათებს. ამასთანავე, ლორწოვანი გარსის სიცივის რეცეპტორების სტიმულაციის გზით, იგი ადგილობრივად ავლენს საანესთეზიო თვისებებს. In vitro ხელს უშლის უმეტესი გრამდადებითი და გრამუარყოფითი ბაქტერიების ზრდის პროცესს, რაც განპირობებულია მიკრობული უჯრედის კედლის შემადგენლობაში შემავალი ცილის კოაგულაციით; ახასიათებს სოკოს საწინააღმდეგო მოქმედება. იგი ხსნის ზედა სასუნთქი გზების ლორწოვანი გარსის გაღიზიანების სიმპტომებს, ამცირებს შეშუპებას, ყელის ტკივილს, აადვილებს ცხვირით სუნთქვას, ხასიათდება კარგი ამტანობითა და სასიამოვნო გემოთი.

ფარმაკოკინეტიკა:
მონაცემები პრეპარატის ფარმაკოკინეტიკის შესახებ არ არსებობს, რადგან პრეპარატი ხასიათდება ძალიან მცირე სისტემური აბსორბციით.

ჩვენებები
ანგინორმი – წითელი A გამოიყენება პირის ღრუს, ყელის ხახისა და ხორხის ინფექციურ-ანთებითი დაავადებების პროფილაქტიკისა და საწყისი სტადიის სიმპტომური მკურნალობისათვის (კომპლექსური თერაპიის შემადგენლობაში); ტონზილიტი, ფარინგიტი, ლარინგიტი (მათ შორის, პროფესიული ხასითის), გინგივიტი, სტომატიტი, რძიანა.

მიღების წესები და დოზები
მოზრდილებსა და ბავშვებში 6 წლის ასაკის ზევით რეკომენდებულია ნელა გაიწუწნოს პრეპარატის ერთი ტაბლეტი ყოველ 2-3 სთ-ში (მოზრდილები) ან ყოველ 4 სთ-ში (ბავშვები) ერთხელ. მაქსიმალური სადღეღამისო დოზა შეადგენს 6-8 ტაბლეტს.

გვერდითი მოვლენები
პრეპარატის მიღებისას შესაძლებელია ალერგიული რეაქციების განვითარება.

უკუჩვენება
ჰიპერმგრძნობელობა პრეპარატის კომპონენტების მიმართ; ბავშვთა ასაკი (6 წლამდე)

ორსულობა და ლაქტაცია
ანგინორმი-წითელი A-ს უსაფრთხოება ორსულობისა და ძუძუთი კვების პერიოდში გამოყენებისას დადგენილი არ არის, თუმცა უარყოფითი მოქმედება ნაკლებად სავარაუდოა. პრეპარატის გამოყენება ამ პერიოდის განმავლობაში დასაშვებია იმ შემთხვევაში, როდესაც დედისთვის მოსალოდნელი სარგებელი მკვეთრად აჭარბებს ნაყოფზე ან ბავშვზე უარყოფითი მოქმედების პოტენციურ რისკს.

განსაკუთრებული მითითებები
გამოყენების თავისებურებები: თუ დაავადება გაგრძელდა 3 დღეზე მეტ ხანს, რთულდება მაღალი ტემპერატურით, თავის ტკივილით ან სხვა სიმპტომებით, საჭიროა ექიმის მიერ მკურნალობის სქემის გადახედვა.
შაქრიანი დიაბეტის მქონე პაციენტებმა უნდა გაითვალისწინონ, რომ პრეპარატი შეიცავს 1.52გ. შაქარს და 0.95 გ. გლუკოზას.
პრეპარატი არ მოქმედებს ავტოტრანსპორტისა და სხვა მექანიზმების მართვის უნარზე.

ჭარბი დოზირება:
მცირე სისტემური აბსორბციის გამო დოზის გადაჭარბება ნაკლებად სავარაუდოა. დოზის გადაჭარბების შემთხვევაში აღინიშნება გულისრევა, ღებინება, დიარეა. მკურნალობა სიმპტომურია.

სხვა წამლებთან ურთიერთქმედება
კლინიკურად მნიშვნელოვანი ურთიერთქმედებები სხვა პრეპარატებთან გამოვლენილი არ არის.

შენახვის პირობები და ვადები
ინახება არა უმეტეს 30°C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი. შეფუთვაზე აღნიშნული ვადის გასვლის შემდეგ, პრეპარატის გამოყენება დაუშვებელია.

გამოშვების ფორმა: საწუწნი ტაბლეტი ფორთოხლის არომატით №24

გაცემის რეჟიმი: III ჯგუფი (ურეცეპტოდ)
მწარმოებელი კომპანია: Maty Pharmaceuticals Pvt Ltd, ინდოეთი

გაფრთხილება