მკურნალობა უცხოეთში


დერმოვეიტი

დერმოვეიტის ზოგადი ინფორმაცია

დერმოვეიტი. DERMOVATE. გარეგანი გამოყენების  გლუკოკორტიკოიდული პრეპარატების ჯგუფის სამკურნალო საშუალება. აქტიური ნივთიერება –კლობეტაზოლი. Clobetasol . ათქ.კლასიფიკაციის კოდი – D07AD01. მწარმოებელი ფირმა – Glaxosmithkline Export Ltd (დიდი ბრიტანეთი).

დერმოვეიტის შემადგენლობა და გამოშვების ფორმა

დერმოვეიტი. DERMOVATE გამოდის 0.05%  25 გ კრემის და მალამოს ფორმით. კრემის 1 გ შეიცავს კლობეტაზოლის პროპიონატს 500 მკგ. მალამოს 1 გ შეიცავს კლობეტაზოლის პროპიონატს 500 მკგ.

დერმოვეიტის ფასები ქართულ ფარმაცევტულ ბაზარზე

დერმოვეიტის ფასები ფარმადეპოში
დერმოვეიტის ფასები ავერსში
დერმოვეიტის ფასები psp-ში
დერმოვეიტის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც დერმოვეიტი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია დერმოვეიტის ფასების შესახებ შეუძლიათ მოგვაწოდონ  mpifarm@gmail.com

დერმოვეიტის აქტიური ნივთიერება

კლობეტაზოლი. Clobetasol. ბრუტო–ფორმულა: C22H28ClFO4. კლობეტაზოლს მიაკუთვნებენ გლუკოკორტიკოიდების ჯგუფს. CAS-კოდი:25122-41-2.

დერმოვეიტის გამოყენების ძირითადი მიმართულებებია

  • ფსორიაზი (ფოლაქისებრი გავრცელებული ფსორიაზის გარდა)
  • ეგზემა (რეფრაქტერული ფორმა)
  • ლიქენი, ბრტყელი, წითელი
  • წითელი მგლურა დისკოიდური
  • კანის სხვა დაავადებები, რომლებიც რეზისტენტულია შედარებით აქტიური გლუკოკორტიკოიდული საშუალებებით თერაპიის მიმართ

დერმოვეიტის საფირმო აღწერიდან

დერმოვეიტის ფარმაკოლოგიური თვისებები

პრეპარატი წარმოადგენს გარეგანი მოქმედების გლუკოკორტიკოიდულ საშუალებას, რომელიც ავლენს ანთების საწინააღმდეგო და ანტიალერგიულ მოქმედებას. ამცირებს შეშუპებას, ჰიპერემიას და გამოყენების ადგილას ქავილს.

დერმოვეიტის ფარმაკოკინეტიკა

ადგილობრივად ხმარებისას, განსაკუთრებით დაზიანებულ კანზე დამწოლი ნახვევის გამოყენების შემთხვევაში, შესაძლებელია პრეპარატის შეწოვა გლუკოკორტიკოიდული სისტემური გვერდითი ეფექტების განვითარებით. ჰიდროკორტიზონთან შედარებით იგი პლაზმის ცილებს ნაკლებად უკავშირდება, თუმცა გააჩნია ხანგრძლივი ნახევარგამოყოფის პერიოდი. იგი მეტაბოლიზმს განიცდის ძირითადათ ღვიძლში, ნაწილობრივ კი – თირკმელების მეშვეობით. პრეპარატი ორგანიზმიდან გამოიყოფა შარდით

დერმოვეიტის ჩვენებები

- ფსორიაზი (ფოლაქისებრი გავრცელებული ფსორიაზის გარდა);
- ეგზემა (რეფრაქტერული ფორმა);
- წითელი ბრტყელი ლიქენი;
- დისკოიდური წითელი მგლურა;
- კანის სხვა დაავადებები, რომლებიც რეზისტენტულია შედარებით აქტიური გლუკოკორტიკოიდული საშუალებებით თერაპიის მიმართ.

დერმოვეიტის მიღების წესები და დოზები

მალამო ან კრემი თხელ ფენად დაიტანება დაზიანებულ უბანზე დღეში 1-2-ჯერ სასურველი ეფექტის მიღებამდე.
კანის შედარებით მძიმე ფორმის დაზიანებისას, განსაკუთრებით ჰიპერკერატოზის შემთხვევაში დერმოვეიტის ანთების საწინააღმდეგო მოქმედება შესაძლოა გავაძლიეროთ დამწოლი ნახვევის (ერთ ღამეში შესაძლებელია მივიღოთ სასურველი შედეგი) გამოყენებისას.
პრეპარატის მიღებიდან 2-4 კვირის შემდეგ სასურველი ეფექტის არ არსებობის შემთხვევაში აუცილებელია ექიმთან კონსულტაცია დიაგნოზის დაზუსტების მიზნით.
პრეპარატი რეკომენდებულია ხანმოკლე მიღებისათვის. Aაუცილებლობის შემთხვევაში შესაძლებელია ხანმოკლე ვადით პრეპარატის განმეორებითი მიღება. იმ შემთხვევაში, თუ აუცილებელია ხანგრძლივი ვადით მკურნალობა, რეკომენდებულია შედარებით სუსტად მოქმედი საშუალებების გამოყენება.

დერმოვეიტის გვერდითი მოვლენები

ადგილობრივი რეაქციების მხრივ: ხანგრძლივი და ინტენსიური მკურნალობისას – კანზე ატროფიული ცვლილებები – სტრიები, კანის ზედაპირის გათხელება, სისხლძარღვების გაფართოება, პიგმენტაციის დარღვევა, ჰიპერტრიქოზი.
სისტემური რეაქციები: პრეპარატის ხანგრძლივი დროით და მაღალი დოზით გამოყენებისას განსაკუთრებით ბავშვებში მოსალოდნელია ჰიპერკორტიციზმის სიმპტომების განვითარება.

დერმოვეიტის უკუჩვენებები

- ჩვეულებრივი გამონაყარი, ვარდისფერი ფერისმჭამელები;
- პერიორალური დერმატიტი;
- კანის პირველადი ვირუსული ინფექციური დაავადებები (მარტივი ჰერპესი, ჩუტყვავილა);
- კანის პირველადი ბაქტერიული ინფექციები;
- კანის პირველადი სოკოვანი ეტიოლოგიის დაზიანებები;
- 1 წლამდე ასაკის ბავშვებში დერმატოზები, დერმატიტისა და გაღიზიანების ჩათვლით, რომლებიც გამოწვეულია საფენებით.
პრეპარატის მიმართ მომატებული მგრძნობელობა.

დერმოვეიტის განსაკუთრებული მითითებები

პრეპარატის თვალის ქუთუთოზე გამოყენებისას სიფრთხილეა საჭირო, რათა იგი არ მოხვდეს თვალში.
ისეთი დაავადებების სამკურნალოდ როგორიცაა: ფსორიაზი, წითელი დისკოიდური მგლურა, ეგზემა, საჭიროა მხედველობაში მივიღოთ, რომ სახის კანზე, სხეულის სხვა ნაწილებთან შედარებით აღინიშნება გამოხატული ატროფიული ცვლილებები.
ფსორიაზის მკურნალობისას პაციენტებში საჭიროა ყურადღება, რეციდივის პრევენციისათვის, ტოლერანტობის განვითარების, გავრცელებული პუსტულოზური ფსორიაზის და კანის ბარიერული ფუნქციის დარღვევით გამოწვეული ადგილობრივი და სისტემური რეაქციების გამო. დამწოლი ნახვევის მოხსნის შემდეგ აუცილებელია კანის გასუფთავება. ინფექციის არსებობისას საჭიროა დერმოვეიტის მიღების შეწყვეტა და შესაბამისი მკურნალობის დანიშვნა.
პრეპარატის მიმართ მომატებული მგრძნობელობის განვითარებისას აუცილებელია პრეპარატის მიღების შეწყვეტა.
პრეპარატის ხანგრძლივი დროით გამოყენებისას მოსალოდნელია ჰიპოფიზისა და თირკმელზედა ჯირკვლის ქერქის ფუნქციის დათრგუნვა. იმ შემთხვევაში, როდესაც მოზრდილებში ერთკვირიანი დოზა არ აჭარბებს 50 გ, ზემოთაღნიშნული გვერდითი მოვლენები ატარებენ დროებით ხასიათს და სტეროიდული თერაპიის კურსის შეწყვეტისთანავე ქრებიან. ეს ეხება ბავშვებში აღნიშნული პრეპარატებით მკურნალობას, რომლებიც იღებენ მას შემცირებული დოზით. დამწოლი ნახვევის გამოყენება ზრდის ადგილობრივი გამოყენების გლუკოკორტიკოიდული საშუალებების აბსორბციას. ჩვილ ბავშვებში საფენები ასრულებენ დამწოლი ნახვევის ფუნქციას.
ორსულობის პერიოდში პრეპარატის გამოყენებისას უსაფრთხოების შესახებ მონაცემები არ არსებობს.

დერმოვეიტის ჭარბი დოზირება

მწვავე ფორმის ჭარბი დოზირების განვითარება ნაკლებადაა მოსალოდნელი. Qქრონიკული ჭარბი დოზირების ან პრეპარატის არასწორი გამოყენებისას შესაძლებელია ჰიპერკორტიციზმის ნიშნების განვითარება, რაც მოითხოვს პრეპარატის მიღების შეწყვეტას.

დერმოვეიტის სხვა წამლებთან ურთიერთქმედება

არ არის აღწერილი

დერმოვეიტის შენახვის პირობები და ვადები

დერმოვეიტი ინახება არაუმეტეს 3oC ტემპერატურაზე, სინათლისა და ბავშვებისაგან დაცულ ადგილას.
ვარგისიანობის ვადა – 2 წელი.

Comments are closed.

nostalgia

დარგობრივი საიტები

vaka