ერდომედი

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): ერდოსტეინი/erdostein

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: მუკოლიზური და ამოსახველებელი საშუალებები
შემადგენლობა

ყოველი კაფსულა შეიცავს:
აქტიური ინგრედიენტი: ერდოსტეინი 300 მგ
არააქტიური ინგრედიენტები: მიკროკრისტალური ცელულოზა 10.0 მგ, პოვიდონი 8.0 მგ, მაგნიუმის სტეარატი 3.0 მგ.
კაფსულის გარსის კომპონენტები: ჟელატინი 76.6 მგ, ტიტანიუმის დიოქსიდი 2.0 მგ, რკინის საღებავი ყვითელი ოქსიდი 0.76 მგ, ინდიგოტინი 0.09 მგ.
აღწერა
კაფსულები: მყარი ჟელატინის კაფსულები, კორპუსი ყვითელი და სახურავი მწვანე შეფერილობის. კაფსულების შემადგენლობა: მოყვითალო-მოთეთრო ფერის ფხვნილი.
ფარმაკოლოგიური თვისებები
ერდომედი წარმოადგენს ახალ პრეპარატს, რომლის ეფექტურობა განპირობებულია აქტიური მეტაბოლიტების მოქმედებით. მეტაბოლიტების თიოლის ჯგუფები იწვევენ დისულფიდური ხიდების, რომლებიც აკავშირებენ გლიკოპროტეინების ქსოვილებს, გარღვევას. ეს იწვევს ნახველის სიბლანტის შემცირებას. რის შედეგადაც ერდოსტეინი აძლიერებს და აჩქარებს რესპირატორული გზების განთავისუფლებას სეკრეტისგან, აუმჯობესებს ეპითელიის სეკრეციულ ფუნქციას და ზრდის მუკოცილიარის ტრანსპორტის ეფექტურობას რესპირატორული ტრაქტის ზედა და ქვედა განყოფილებებში.
ერდოსტეინი ამინური ჯგუფების მეშვეობით ანტაგონისტურად მოქმედებს ადგილობრივად ჟამგბადის თავისუფალ რადიკალებზე და ხელს უშლის ალფა-1-ანტიტრიფსინის დათრგუნვას თამბაქოს მწეველებში, ამით ამცირებს თამბაქოს ბოლის დამაზიანებელ მოქმედებას ქრონიკულ მწეველებში.
ერდოსტეინი ზრდის IgA კონცენტრაციას სასუნთქი გზების ლორწოვან გარსში ავადმყოფებში, რომელთაც აწუხებთ სასუნთქი გზების ქრონიკული ობსტრუქციული დაავადებები და ასევე ამცირებს გრანულოციტების ფუნქციებზე თამბაქოს ბოლის დამრთგულველ მოქმედებას. ერთდროული გამოყენებისას ერდოსტეინი ზრდის ბრონქიალურ სეკრეტში ამოქსიცილინის კონცენტრაციას, რაც საშუალებას იძლევა მიღწეულ იქნას უფრო სწრაფი ეფექტი ამოქსიცილინით მონოთერაპიასთან შედარებით.
პრეპარატით თერაპიის ეფექტი ვითარდება მკურნალობის 3-4 დღე-ღამის განმავლობაში. ერდოსტეინი როგორც ასეთი არ შეიცავს თავისუფალ SH რადიკალებს. ამიტომ პრეპარატი არ ხასიათდება კუჭ-ნაწლავის ტრაქტის დამაზიანებელი მოქმედებით და მომნელებელი სისტემის მხრივ გვერდითი ეფექტები არ განსხვავდება პლაცებოს ეფექტებისგან.
ფარმაკოკინეტიკა
სწრაფად აბსორბირდება კუჭ-ნაწლავის ტრაქტში და მეტაბოლიზდება ღვიძლში სამ აქტიურ მეტაბოლიტამდე, მათგან ყველაზე მნიშვნელოვანია – N-თიოდიგლიკოლ-ილ-ჰომოცისტეინი (მეტაბოლიტ 1 ან M1). ნახევრადგამოყოფის პერიოდი 5 საათზე მეტი. პრეპარატის განმეორებითი გამოყენება ან საჭმლის მიღება არ მოქმედებს ფარმაკოკინეტიკურ პარამეტრებზე. Cmax-3,46 მკგ/მლ; Tmax – 1,48 სთ.; AUC (0-24 სთ) – 12.09. ერდოსტეინის 64,5% კავშირდება სისხლის პლაზმის ცილებით. პრეპარატი გამოიყვანება თირკმელებით და საჭმლის მომნელებელი ტრაქტით არაორგანული სულფატების სახით.
ღვიძლის ფუნქციის დარღვევის შემთხვევაში აღინიშნება Cmax და AUC მაჩვენებლების ზრდა. ღვიძლის ფუნქციის გამოხატული დარღვევის შემთხვევაში შესაძლებელია ნახევრადგამოყოფის პერიოდის ზრდა. თირკმელების უკმარისობის შემთხვევაში შესაძლებელია მეტაბოლიტების აკუმულაცია.
ჩვენებები
პრეპარატი გამოიყენება ზრდასრულთა, მოზარდთა და ბავშვების სამკურნალოდ, რომელთა სხეულის წონა აღემატება 15 კგ-ს.
1) სასუნთქი გზების მწვავე ანთებითი დაავადებები:
– რინიტი, სინუსიტი, ლარინგო-ფარინგიტი, მწვავე ბრონქიტი
2) სასუნთქი გზების ქრონიკული დაავადებების გამწვავება:
– ქრონიკული ბრონქიტი, ფილტვების ქრონიკულ ობსტრუქციული დაავადებები,
ჰიპერსეკრეტული ასთმა, ბრონქოექტაზური დაავადება
– თამბაქოს მწეველის ქრონიკული ბრონქიტი (სეზონური გამწვავებების ჩათვლით)
3) კომპლექსური თერაპია ანტიბიოტიკებით ბაქტერიული ეტიოლოგიის ბრონქიტის
გამწვავებისას
4) პნევმონიისა და ნაწილობრივი ატელექტაზის პროფილაქტიკა ქირურგიული
ჩარევის შემდეგ
მიღების წესები და დოზები
ზრდასრულებში
კაფსულები: 1 კაფსულა (300 მგ) 2-3-ჯერ დღეში
ბავშვებში
15-20 კგ (ასაკი 3-დან 6 წლამდე)
21-30 კგ (ასაკი 7-დან 12 წლამდე)
გვერდითი მოვლენები
იშვიათ შემთხვევაში შესაძლებელია გვერდითი ეფექტები კუჭ-ნაწლავის ტრაქტის მხრივ: გულძმარვა, გულისრევა, იშვიათად – დიარეა. ძალიან იშვიათად მკურნალობის დასაწყისში შესაძლებელია აგევზია (გემოს შეგრძნების დაკარგვა) ან დისგევზია (გემოს შეგრძნების შეცვლა).
იშვიათ შემთხვევაში შესაძლებელია ალერგიული რეაქციები: კანის გაწითლება, ჭინჭრის ციება.
უკუჩვენება
1) გარკვეული ჰიპერმგრძნობელობა პრეპარატის აქტიური და არააქტიური ინგრედიენტების ან ნივთიერებების მიმართ, რომლებიც შეიცავენ SH თავისუფალ რადიკალებს
2) ბავშვები 2 წლამდე
3) ღვიძლის ფუნქციის დარღვევა
4) თირკმელების უკმარისობა (კრეატინინის კლირენსი < 25 მლ/წთ)
5) ჰომოცისტეინურია (პრეპარატი წარმოადგენს ჰომოცისტეინის წყაროს, ამიტომ შესაძლებელია ამინომჟავების მეტაბოლიზმის დარღვევა პაციენტებში, რომლებიც არიან დიეტაზე თავისუფალი მეთიონინის დაბალი შემცველობით)

სიფრთხილით
1) პრეპარატის გამოყენება ორსულობის (განსაკუთრებით პირველი ტრიმესტრის პერიოდში) და ლაქტაციის პერიოდში შესაძლებელია მხოლოდ მკაცრი სამედიცინო ჩვენებების მიხედვით.
2) არარაციონალური გამოყენებისას ხველების საწინააღმდეგო თერაპიასთან ერთად შესაძლებელია ბრონქებში თხევადი სეკრეტის დაგროვება და სუპერინფექციის ან ბრონქოსპაზმის განვითარების საშიშროების ზრდა.
3) თირკმელების უკმარისობის შემთხვევაში შესაძლებელია მეტაბოლიტების აკუმულაცია.
4) ღვიძლის ფუნქციის გამოხატული დარღვევისას შესაძლებელია ნახევრადგამოყოფის დროის ზრდა.
განსაკუთრებული მითითებები
გამოყენება ორსულობისას და ლაქტაციისას: პრეკლინიკურმა გამოკვლევებმა არ გამოამჟღავნეს ემბრიოტოქსიური მოქმედება. მაგრამ პრეპარატის გამოყენების გამოცდილება ორსულობის პერიოდში და ძუძუთი კვების დროს შეზღუდულია. ამიტომ, პრეპარატის გამოყენება ორსულობის პერიოდში, განსაკუთრებით პირველ ტრიმესტრში, და ლაქტაციის პერიოდში უნდა ხდებოდეს მკაცრად ჩვენებების შესაბამისად.

ავტომანქანისა და სხვა მექანიზმების მართვის უნარზე ზემოქმედება:
პრეპარატი ავტომანქანისა და სხვა მექანიზმების მართვის უნარზე არანაირ გავლენას არ ახდენს.
ჭარბი დოზირება
პრეპარატის დოზის გადაჭარბების შემთხვევები არაა დაფიქსირებული. მაგრამ დოზის გადაჭარბების ან პრეპარატის ბავშვების მიერ შემთხვევითი გამოყენების შემთხვევაში, რეკომენდირებულია სიმპტომატური თერაპიის ჩატარება.
სხვა წამლებთან ურთიერთქმედება
ერთდროული გამოყენებისას ერდოსტეინი ზრდის ამპიცილინის კონცენტრაციას ბრონქიალურ სეკრეტში.
შენახვის პირობები და ვადები
შეინახეთ არა უმეტეს 25ºC ტემპერტურაზე
შეინახეთ ბავშვებისათვის მიუწვდომელ ადგილას!
ვარგისიანობის ვადა:
კაფსულები – 4 წელი
არ გამოიყენოთ შეფუთვაზე მითითებული ვარგისიანობის ვადის ამოწურვის შემთხვევაში.
გამოშვების ფორმა: 300მგ კაფსულა #10
გაცემის რეჟიმი: III ჯგუფი (ურეცეპტოდ)
მწარმოებელი: ედმონდ ფარმა, იტალია

გაფრთხილება