კაფრა

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): ოფლოქსაცინი/ofloxacin

აფთიაქები, ფასები, ფასდაკლებები

კლინიკურ-ფარმაკოლოგიური ჯგუფი:  ფტორქინოლონების ჯგუფის ანტიბაქტერიული საშუალებები

შემადგენლობა
პრეპარატის გარსით დაფარული ტაბლეტი შეიცავს აქტიური ნივთიერების – ოფლოქსაცინის 200 მგ-ს ან 400 მგ-ს.
დამხმარე ნივთიერებები: მიკროკრისტალური ცელულოზა, ლაქტოზა, ჟელატინიზირებული სახამებელი, ნატრიუმის სახამებლის გლიკოლატი, კროსკარმელოზა ნატრიუმი, ჰიდროქსიპროპილცელულოზა, პოლივინილპიროლიდონი, მაგნიუმის სტეარატი, შემოსაგარსი ფხვნილი.

ფარმაკოლოგიური თვისებები
ფტორქინოლონის ჯგუფის ფართო სპექტრის ანტიმიკრობული საშუალება.
ოფლოქსაცინის ბაქტერიციდული მოქმედება განპირობებულია ბაქტერიის უჯრედებში ფერმენტ დნმ-ჰირაზას ბლოკადით. მაღალაქტიურია მრავალი გრამუარყოფითი მიკროორგანიზმის მიმართ: Escherichia coli, Salmonella spp., Shigella spp., Proteus spp., Morganella morganii, Klebsiella spp., (Klebsiella pneumoniae-s CaTvliT); Enterobacter spp., Serratia spp., Citrobacter spp., Yersinia spp., Providencia, Haemophilus influenzae, Neisseria gonorrhoeae, Neisseria meningitidis, Mycoplasma spp., Legionella pneumophila, Acinetobacter spp., Chlamydia spp. აქტიურია ზოგიერთი გრამდადებითი მიკროორგანიზმისადმი: Staphylococcus spp., Streptococcus spp. (განსაკუთრებით ბეტა-ჰემოლიზურისადმი). ოფლოქსაცინისადმი ზომიერად მგრძნობიარეა: Enterococcus faecalis, Streptococcus pneumoniae, Pseudomonas spp. ოფლოქსაცინი აქტიურია ბეტა-ლაქტამაზას მაპროდუცირებელი მიკროორგანიზმებისადმი.
ოფლოქსაცინისადმი მდგრადია ანაერობული ბაქტერიები (B.urealiticus -ის გარდა).

ფარმაკოკინეტიკა
პერორალური მიღების შემდეგ ოფლოქსაცინი სწრაფად და ადვილად აბსორბირდება კუჭ-ნაწლავის ტრაქტიდან. პლაზმაში Cmax მიიღწევა 1-2 საათში. პრეპარატის ბიოშეღწევადობა შეადგენს 96-100%-ს, პლაზმის ცილებს უკავშირდება 25%. ოფლოქსაცინი კარგად ნაწილდება ორგანიზმის ქსოვილებსა და სითხეებში (შარდ-სასქესო სისტემის ორგანოები, წინამდებარე ჯირკვალი, ფილტვები, ყელ-ყურ-ცხვირის ორგანოები, ნაღვლის ბუშტი, ძვლები, კანი). ოფლოქსაცინი აღწევს პლაცენტაში და გამოიყოფა დედის რძესთან ერთად.
მეტაბოლიზდება ოფლოქსაცინის 5%. T1/2 6-8 საათია. 80% გამოიყოფა თირკმლების გზით შეუცვლელი სახით. ღვიძლის და/ან თირკმლების დარღვეული ფუნქციის პაციენტებში შესაძლებელია ოფლოქსაცინის ორგანიზმიდან გამოდევნის შენელება.

ჩვენებები
ოფლოქსაცინისადმი მგრძნობიარე მიკროორგანიზმებით გამოწვეული ინფექციურ-ანთებითი დაავადებები:
– ქვედა სასუნთქი გზების ინფექციები (პნევმონია);
– ყელ-ყურ-ცხვირის ორგანოთა ინფექციები (სინუსიტი, ფარინგიტი, ტონზილიტი, შუა ყურის ანთება, ლარინგიტი, ტრაქეიტი);
– კანის, რბილი ქსოვილების, ძვალ-სახსართა სისტემის ინფექციები (აბსცესი, ფურუნკული, კარბუნკული, ფლეგმონა, პიოგენური ართრიტი);
– მუცლის ღრუს და მცირე მენჯის ორგანოთა ინფექციები (ენდომეტრიტი, სალპინგიტი, ოოფორიტი, ცერვიციტი, პროსტატიტი, ორქიტი, ეპიდიდიმიტი);
– თირკმლის და შარდ-სასქესო სისტემის ორგანოთა ინფექციები (პიელონეფრიტი, ცისტიტი, გონოკოკური ინფექცია, ქლამიდიოზი).

მიღების წესები და დოზები
პრეპარატის დოზა და მკურნალობის ხანგრძლივობა განისაზღვრება ინფექციის სახით და სიმძიმით, ავადმყოფის საერთო და თირკმლების ფუნქციური მდგომარეობით.
პრეპარატის დღიური დოზა შეადგენს 200-800 მგ-ს, მკურნალობის საშუალო ხანგრძლივობა – 7-10 დღეს.
მოზრდილებში ინიშნება 200-400 მგ 2-ჯერ დღეში ან 400-800 მგ დღეში ერთ მიღებაზე. მაქსიმალური დღიური დოზაა 800 მგ. ღვიძლის ფუნქციის მნიშვნელოვანი დარღვევის დროს პრეპარატის დღიურმა დოზამ არ უნდა გადააჭარბოს 400 მგ-ს. თირკმლის ფუნქციის დარღვევის დროს პრეპარატის დოზა განისაზღვრება კრეატინინის კლირენსის (კკ) გათვალისწინებით. თუ კკ 20-50 მლ/წთ, პრეპარატის პირველი დოზა 200 მგ-ია, შემდეგ 100 მგ ყოველ 24 საათში ერთხელ; თუ კკ 20 მლ/წთ-ზე ნაკლებია, პრეპარატის პირველი დოზა 200 მგ-ია, შემდეგ 100 მგ ყოველ 48 საათში ერთხელ.
ტაბლეტები უნდა მიიღონ მთლიანად, ჭამამდე ან ჭამის დროს საკმარისი რაოდენობის წყალთან ერთად.
ასაკოვანი პაციენტები დოზის კორექციას არ საჭიროებენ.

გვერდითი მოვლენები
საჭმლის მომნელებელი ტრაქტის მხრივ: დისპეფსიური მოვლენები – ტკივილი მუცლის არეში, ანორექსია, გულისრევა, ღებინება; იშვიათად – სისხლის პლაზმაში ღვიძლის ფერმენტების აქტივობის და ბილირუბინის დონის მატება.
ცნს-ის მხრივ: ფსიქომოტორული რეაქციების შენელება, თავის ტკივილი, თავბრუსხვევა, ძილის დარღვევა, მოუსვენრობა, აგზნებადობა; ერთეულ შემთხვევაში – ტრემორი, კრუნჩხვები, პარესთეზიები კიდურებში, ექსტრაპირამიდული და კოორდინაციის დარღვევები, კოშმარული სიზმრები, ფსიქოზური რეაქციები შიშის შეგრძნების, დეპრესიის, გონების დაბინდვის, ჰალუცინაციების სახით; იშვიათად – დიპლოპია, მხედველობის, გემოს და ყნოსვის დარღვევა.
საყრდენ-მამოძრავებელი სისტემის მხრივ: ტენდინიტი, მიალგია, არტრალგია, ტენდოსინოვიტი, მყესის გაგლეჯვა. სისხლმბადი სისტემის მხრივ: იშვიათად – ანემია, ლეიკოპენია, ნეიტროპენია, აგრანულოციტოზი, თრომბოციტოპენია.
შარდგამომყოფი სისტემის მხრივ: ინტერსტიციალური ნეფრიტი, თირკმლების გამომყოფი ფუნქციის ტრანზიტორული დარღვევა შარდოვანას და კრეატინინის დონის მატებით.
დერმატოლოგიური რეაქციები: გამონაყარი, ქავილი, ფოტოსენსიბილიზაცია.
ალერგიული რეაქციები: ენის შეშუპება, კვინკეს შეშუპება, ანაფილაქსიური შოკი.
სხვადასხვა: ვასკულიტი.

უკუჩვენება
– ეპილეფსია;
– ცნს-ის დარღვევები კრუნჩხვითი განტვირთვის დაბალი ზღურბლით (ქალა-ტვინის ტრავმის, ინსულტის, ცნს-ის ანთებითი პროცესების შემდეგ);
– 18 წლამდე ასაკი;
– ორსულობა;
– ლაქტაცია(ძუძუთი კვება);
– ოფლოქსაცინისადმი ან ქინოლონის სხვა წარმოებულებისადმი მომატებული მგრძნობელობა.

ორსულობა და ლაქტაცია
კაფრას დანიშვნა უკუნაჩვენებია ორსულობის პერიოდში. ოფლოქსაცინი გამოიყოფა დედის რძესთან ერთად, ამიტომ ლაქტაციის პერიოდში იკრძალება ძუძუთი კვება.

განსაკუთრებული მითითებები
სიფრთხილით გამოიყენება ღვიძლის და თირკმლების ფუნქციური დაზიანების მქონე პაციენტებში.
პრეპარატით მკურნალობის პერიოდში ავადმყოფები უნდა მოერიდონ ულტრაიისფერი სხივებით დასხივებას. ოფლოქსაცინი სიფრთხილით ინიშნება კრუნჩხვითი განტვირთვისადმი წინასწარგანწყობილ პაციენტებში (მათ შორის ანამნეზში ცნს-ის ტრავმის არსებობის შემთხვევაში). პრეპარატის პირველად მიღებისას გვერდითი მოვლენების გამოვლინების შემთხვევაში (განსაკუთრებით ნერვული სისტემის მხრივ ან ალერგიული რეაქციების სახით) საჭიროა პრეპარატის დაუყოვნებელი მოხსნა.
ოფლოქსაცინი სიფრთხილით ინიშნება თავის ტვინის სისხლძარღვების ათეროსკლეროზის და თავის ტვინის სისხლმომარაგების დარღვევების შემთხვევაში.
ავტომობილისა და სხვა მექანიკური საშუალებების მართვაზე გავლენა
პრეპარატმა შესაძლოა გამოიწვიოს ყურადღების მოდუნება და ფსიქომოტორული რეაქციების შენელება. რეაქციების შენელებას აღრმავებს პრეპარატთან ერთად ალკოჰოლის მიღება.

ჭარბი დოზირება
სიმპტომები: თავბრუსხვევა, გონების დაბინდვა, ღებინება.
მკურნალობა: კუჭის ამორეცხვა; საჭიროებისას – სიმპტომური თერაპია. სპეციფიკური ანტიდოტი არ არსებობს.

სხვა წამლებთან ურთიერთქმედება
კაფრას ეფექტურობას ამცირებს მინერალური ანტაციდების და რკინაშემცველი პრეპარატების ერთდროული გამოყენება, ამიტომ მათი მიღებისას საჭიროა 2 საათიანი ინტერვალის დაცვა.
ანთების საწინააღმდეგო არასტეროიდულ საშუალებებთან ერთად კაფრას გამოყენებისას იზრდება კრუნჩხვის განვითარების ალბათობა.
გლიბენკლამიდთან ერთდროული გამოყენებისას მოსალოდნელია პლაზმაში მისი კონცენტრაციის მატება. კაფრას და პრობენეციდის, ციმეტიდინის, ფუროსემიდის ან მეტოტრექსატის ერთდროული გამოყენებისას შესაძლებელია პლაზმაში ოფლოქსაცინის კონცენტრაციის მატება.
კაფრას მირება გავლენას არ ახდენს თეოფილინის პლაზმურ კონცენტრაციაზე
გლუკოკორტიკოსტეროიდებისა და ოფლოქსაცინის ერთდროული დანიშვნისას იზრდება მყესების გაგლეჯვის რისკი, განსაკუთრებით ასაკოვან პაციენტებში.

შენახვის პირობები და ვადები
პრეპარატის ვარგისობის ვადა – 3 წელი.
ინახება 10-25°C ტემპერატურაზე, ბავშვებისათვის ხელმიუწვდომელ ადგილზე!

გამოშვების ფორმა: 200მგ ტაბლეტი №10

გაცემის რეჟიმი: II ჯგუფი (გაიცემა ფორმა N3 რეცეპტით)

მწარმოებელი: ჯი-ემ-პი, საქართველო

გაფრთხილება

Share this...Share on Facebook
Facebook