როქსითრომიცინი

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): როქსითრომიცინი/roxithromycin

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ანტიბაქტერიული საშუალებები,
მაკროლიდები
შემადგენლობა
პრეპარატის ერთი ტაბლეტი შეიცავს აქტიური ნივთიერების – როქსითრომიცინის 150 მგ-ს.
მოქმედების მექანიზმი
ნახევრადსინთეზური მაკროლიდების ჯგუფის ანტიბიოტიკი. პრეპარატისადმი მგრძნობიარეა: A და B ჯგუფის Streptococcii, მათ შორის Str. pyogenes, Str. agalactiae, Str. mitis, saunguis, viridans, Streptococcus pneumoniae; Neisseria meningitidis; Branhamella catarrhalis; Bordetella pertussis; Listeria monocytogenes; Corynebacterium diphtheriae; Clostridium; Mycoplasma pneumoniae; Pasteurella multocida; Ureaplasma urealyticum; Chlamydia trachomatis, pneumoniae, psittaci; Legionella pneumophila; Campylobacter; Cardnerella vaginalis. პრეპარატისადმი ნაკლებად მგრძნობიარეა: Haemophilus influenzae; Bacteroides fragilis და Vibrio cholerae. პრეპარატისადმი მდგრადია: Enterobacteriaceae, Pseudomonas, Acinetobacter. როქსითრომიცინს მაკროლიდების ჯგუფის სხვა პრეპარატებთან შედარებით კუჭის მჟავე არეში ყველაზე მეტი მდგრადობა ახასიათებს. მისი 12 საათიანი ინტერვალით მიღება განაპირობებს ეფექტური კონცენტრაციის შენარჩუნებას მთელი დღე-ღამის განმავლობაში. როქსითრომიცინი გამოირჩევა მაღალი შეღწევადობით ფილტვებში, ნუშისებრ ჯირკვლებსა და წინამდებარე ჯირკვალში, ასევე ნეიტროფილურ ლეიკოციტებსა და მონოციტებში, რითაც აუმჯობესებს ფაგოციტოზის უნარს. როქსითრომიცინი ნაწილობრივ მეტაბოლიზირდება და მისი უმეტესი ნაწილი გამოიყოფა ფეკალური მასებისა და შარდის საშუალებით. ნახევარგამოყოფის პერიოდი შეადგენს საშუალოდ 10,5 სთ-ს.
ჩვენებები
– პრეპარატისადმი მგრძნობიარე მიკროორგანიზმებით გამოწვეული ინფექციურ-ანთებითი დაავადებები: ზედა და ქვედა სასუნთქი გზების ინფექციები, კანისა და რბილი ქსოვილების ინფექციები, შარდსასქესო სისტემის ინფექციები (მათ შორის სქესობრივი კონტაქტით შეძენილი ინფექციები, გონორეას გარდა); ოდონტოლოგიური ინფექციები;
– მენინგოკოკური მენინგიტის პროფილაქტიკა პირებში, რომელთაც კონტაქტი იქონიეს დაავადებულებთან.
მიღების წესები და დოზები
მოზრდილებში ინიშნება – 150 მგ ორჯერ დღეში (დილით და საღამოს) ჭამამდე; ღვიძლის უკმარისობისას – 150 მგ ერთხელ დღეში. ბავშვებში როქსითრომიცინი ინიშნება სხეულის წონის, დაავადების გამომწვევისა და ინფექციური პროცესის სიმძიმის მიხედვით. რეკომენდებული დოზა შეადგენს 5-8 მგ/კგ/დღეში, მკურნალობის ხანგრძლივობამ არ უნდა გადააჭარბოს 10 დღეს.
გვერდითი მოვლენები
გულისრევა, ღებინება, მუცლის ტკივილი, დიარეა, ღვიძლის ტრანსამინაზებისა და ტუტე ფოსფატაზას ტრანზიტორული მატება; ასევე – ალერგიული რეაქციები.
უკუჩვენება
პრეპარატის დანიშვნის უკუჩვენებაა – მაკროლიდების ჯგუფის პრეპარატებისადმი მაღალი მგრძნობელობა, ორსულობა, ლაქტაციის პერიოდი, ერგოტამინისა და დიჰიდროერგოტამინის ტიპის პრეპარატების ერთდროული დანიშვნა.
განსაკუთრებული მითითებები
ღვიძლის უკმარისობისას საჭიროა ღვიძლის ფუნქციების კონტროლი და როქსითრომიცინის დოზის კორექცია. ხანდაზმული ასაკის პაციენტები, ასევე ანამნეზში თირკმლის უკმარისობის არსებობა, არ მოითხოვს დოზის კორექციას. დაუშვებელია როქსითრომიცინისა და ერგოტამინის (ასევე მისი მსგავსი ვაზოკონსტრიქტორების) ერთდროული დანიშვნა, რამაც შესაძლებელია გამოიწვიოს კიდურების ქსოვილების ნეკროზი. როქსითრომიცინი სისხლში ზრდის ბრომოკრიპტინის, ციკლოსპორინისა და ტერფენადინის კონცენტრაციას. დიგოქსინთან კომბინაციაში შესაძლებელია მისი აბსორბციის გაზრდა. როქსითრომიცინი გავლენას არ ახდენს კარბამაზეპინის, რანიტიდინის, ანტაციდების, ორალური კონტრაცეპტივების, ვარფარინის აბსორბციაზე. დოზის გადაჭარბებისას საჭიროა კუჭის ამორეცხვა და სიმპტომური მკურნალობა. სპეციფიკური ანტიდოტი არ არსებობს.
შენახვის პირობები და ვადები
პრეპარატის ვარგისიანობის ვადაა 3 წელი, ინახება 10-25ºC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!
გამოშვების ფორმა: 150მგ ტაბლეტი #10
გაცემის რეჟიმი: II ჯგუფი (გაიცემა ფორმა N3 რეცეპტით)
მწარმოებელი: ჯი-ემ-პი, საქართველო

გაფრთხილება