სტუგერონი

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): cinnarizine

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: პრეპარატები თავბრუსხვევის მოსახსნელად.

ათქ კოდი: N07C A02

შემადგენლობა
ყოველი ტაბლეტი შეიცავს
მოქმედი ნივთიერება: ცინარიზინი – 25 მგ
დამხმარე ნივთიერებები: კრემნიუმის დიოქსიდი კოლოიდური, უწყლო, კარტოფილის სახამებელი, მაგნიუმის სტეარატი, პოვიდონი, ტალკი, სიმინდის სახამებელი, ლაქტოზის მონიჰიდრატი.

აღწერა
თეთრი, ან თითქმის თეთრი, ბრტყელი, დისკისმაგვარი ტაბლეტები წაკვეთილი ბოლოებით, პრაქტიკულად უსუნო, გრავირებით “STUGERON” ერთ მხარეს და გამყოფი ღარით მეორე მხარეს.

ფარმაკოლოგიური თვისებები
ფარმაკოდინამიკა
ცინარიზინი აინჰიბირებს სისხლძარღვების გლუვი კუნთების უჯრედების შეკუმშვას კალციუმის არხების ბლოკირების გზით. დამატებით ცინარიზინი, როგორც კალციუმის პირდაპირი ანტაგონისტი, აქვეითებს ვაზოაქტიური ნივთიერებების კუმშვით აქტივობას, როგორიცაა ნორეპინეფრინი და სეროტონინი, რეცეპტორდამოკიდებული კალციუმის არხების ბლოკირებით. უჯრედში კალციუმის მიდინების ბლოკადა თავის ტვინის სისხლძარღვებისათვის ამორჩევითია და იწვევს ვაზოკონსტრიქციის შემცირებას არტერიულ წნევაზე და გულის შეკუმშვათა სიხშირეზე გავლენის გარეშე.
ცინარიზინმა შეიძლება დამატებით გააუმჯობესოს არასაკმარისი მიკროცირკულაცია, ერითროციტების დეფორმირების გაძლიერებით და სისხლის სიბლანტის შემცირებით. მისი მიღებისას იზრდება ჰიპოქსიისადმი უჯრედული რეზისტენტობა.
ცინარიზინი აინჰიბირებს ვესტიბულური სისტემის სტიმულაციას, რაც იწვევს ნისტაგმის დათრგუნვას და სხვა ვეგეტატიურ დარღვევებს. ცინარიზინის მეშვეობით შესაძლებელია თავბრუსხვევის მწვავე შეტევების თავიდან აცილება, ან შესუსტება.

ფარმაკოკინეტიკა
პერორალური მიღების შემდეგ, ცინარიზინი შეიწოვება 1 საათის განმავლობაში, თუმცა მისი ბიოშეღწევადობა შეიძლება ვარირებდეს კუჭის წვენის რაოდენობიდან გამომდინარე. პლაზმაში ცინარიზინის პიკური კონცენტრაციები მიიღწევა პრეპარატის მიღებიდან 1-3 საათში.
პლაზმიდან ცინარიზინის ნახევარგამოყოფის პერიოდი შეადგენს 4 საათს.
ცინარიზინი ექვემდებარება ექსტენსიურ მეტაბოლიზმს ღვიძლში კონიუგაციის გზით, გლუკურონიდების წარმოქმნით. ამ მეტაბოლიტების 1/3 გამოიყოფა თირკმლებით, 2/3 – ნაწლავებით.
ცინარიზინის შეკავშირება პლაზმის ცილებთან შეადგენს 91%.

კლინიკამდელი კვლევების შედეგები უსაფრთხოების შესახებ
მოცემული სამკურნალო საშუალების გამოყენების შესახებ, შესაბამისი კლინიკამდელი მონაცემები არ არის.

მიღების ჩვენებები
შემანარჩუნებელი თერაპია ლაბირინთული წარმოშობის მენიერის დაავადების სიმპტომებისას, თავბრუსხვევის, გულისრევის, ღებინების, ყურებში ხმაურის და ნისტაგმის ჩათვლით.
წონასწორობის დარღვევის პროფილაქტიკა.

შაკიკის პროფილაქტიკა.
შემანარჩუნებელი თერაპია თავის ტვინის სისხლის მიმოქცევის დარღვევის სიმპტომებისას, თავბრუსხვევის, ყურებში ხმაურის, სისხლძარღვოვანი წარმოშობის თავის ტკივილის, გაღიზიანებადობის, ჩაკეტილობის, მეხსიერების და ყურადრების კონცენტრაციის დარღვევის ჩათვლით.
შემანარჩუნებელი თერაპია პერიფერიული სისხლის მიმოქცევის დარღვევის სიმპტომებისას, რეინოს დაავადების, აკროციანოზის, ხანგამოშვებითი კოჭლობის, მიკროცირკულაციის დარღვევის, ტროფიკული და ვარიკოზული წყლულების, ღამის კრუნჩხვების, კიდურებში სიცივის შეგრძნების ჩათვლით.

წინააღმდეგჩვენებები
ჰიპერმგრძნობელობა მოქმედი ნივთიერების, ან ნებისმიერი დამხმარე ნივთიერების მიმართ.

სიფრთხილით
სხვა ანტიჰისტამინური პრეპარატების მსგავსად, სტუგერონმა შესაძლოა გამოიწვიოს დისკომფორტი კუჭის არეში; პრეპარატის ჭამის შემდეგ მიღება შეამცირებს კუჭის ლორწოვანი გარსის გაღიზიანებას.
პაციენტებში პარკინსონის დაავადებით, სტუგერონი რეკომენდებულია მხოლოდ იმ შემთხვევაში, თუ სარგებელი აღემატება მოცემული დაავადების დამძიმების შესაძლო რისკს.
რადგან სტუგერონმა შეიძლება გამოიწვიოს ძილიანობა მკურნალობის დასაწყისში, საჭიროა სიფრთხილე ალკოჰოლის ერთდროული გამოყენებისას, ან ცნს-ის დამთრგუნველი საშუალებების მიღებისას.
ლაქტოზას აუტანლობის შემთხვევაში, საჭიროა ამ ფაქტის გათვალისწინება, რადგან ყოველი ტაბლეტი შეიცავს 175,00 მგ ლაქტოზის მონოჰიდრატს.
პაციენტებმა იშვიათი მემკვიდრული დაავადებებით, როგორიცაა გალაქტოზის აუტანლობა, ლაპპას ლაქტაზის უკმარისობა, ან გლუკოზო-გალაქტოზის შეწოვის დარღვევა, არ უნდა მიიღონ მოცემული სამკურნალო საშუალება.

გამოყენება ორსულობის და ლაქტაციის პერიოდში
მიუხედავად იმისა, რომ ცხოველებზე ჩატარებულ კვლევებში ცინარიზინი არ ახდენდა ტერატოგენულ მოქმედებას, სტუგერონი, როგორც ნებისმიერი სამკურნალო საშუალება, ორსულობის პერიოდში გამოყენებული უნდა იყოს მხოლოდ იმ შემთხვევაში, თუ თერაპიული სარგებელი დედისთვის გაამართლებს პოტენციურ რისკს ნაყოფისათვის.
მონაცემები ქალის რძეში სტუგერონის გასვლის შესახებ, არ არის, ამიტომ ქალებმა, რომლებიც იღებენ სტუგერონს უარი უნდა თქვან ძუძუთი კვებაზე.

მიღების წესი და დოზები
მოზრდილები:
თავის ტვინის სისხლის მიმოქცევის დარღვევა: 3 ჯერ დღეში 1 ტაბლეტი (75 მგ დღე-ღამეში).
პერიფერიული სისხლის მიმოქცევის დარღვევა: 3 ჯერ დღეში 2-3 ტაბლეტი (150-225 მგ დღეში).
შუა ყურის ანთება: 3 ჯერ დღეში 1 ტაბლეტი (75 მგ დღე-ღამეში).
წონასწორობის დარღვევის პროფილაქტიკა: 1 ტაბლეტი (25 მგ) მოგზაურობამდე ნახევარი საათით ადრე;
მიღება შეიძლება გაიმეოროთ ყოველ 6 საათში.
ბავშვები და მოზარდები: 5-12 წლის ბავშვებისთვის რეკომენდებულია მოზრდილის დოზის ნახევარი.
ხანდაზმულები: მონაცემები არ არის.
გამოყენება ღვიძლის უკმარისობისას: მონაცემები არ არის.
გამოყენება თირკმლის უკმარისობისას: მონაცემები არ არის.
სტუგერონი უმჯობესია მიიღოთ ჭამის შემდეგ.
მაქსიმალური რეკომენდებული სადღეღამისო დოზა არ უნდა აღემატებოდეს 225 მგ (9 ტაბლეტი).
რადგან სტუგერონის გავლენას თავბრუსხვევაზე აქვს დოზადამოკიდებული ხასიათი, დოზა უნდა გაიზარდოს თანდათან.

გვერდითი მოვლენები
შეიძლება განვითარდეს ისეთი სიმპტომები, როგორიცაა ძილიანობა და დარღვევები კუჭ-ნაწლავის ტრაქტის მხრივ. ისინი ჩვეულებრივ გარდამავალი ხასიათისაა და შეიძლება თავიდან იქნას აცილებული ოპტიმალური დოზის თანდათან მიღწევისას.
იშვიათ შემთხვევებში აღინიშნება თავის ტკივილი, პირის სიმშრალე, სხეულის მასის მომატება, მომატებული ოფლიანობა და ალერგიული რეაქციები. ძალიან იშვიათ შემთხვევებში იყო ცნობები ბრტყელი წითელი ლიქენის და მგლურასმაგვარი სიმპტომების განვითარების შესახებ.
სამედიცინო ლიტერატურაში იყო ცნობები ქოლესტაზური სიყვითლის ერთეული შემთხვევების შესახებ. ექსპტრაპირამიდული სიმპტომების განვითარების, ან გაღრმავების იშვიათი შემთხვევები აღინიშნა უპირატესად ხანდაზმულ პირებში ხანგრძლივად მკურნალობისას. ასეთ შემთხვევაში მკურნალობა უნდა შეწყდეს.

ორგანოთა სისტემის პირველი კლასი  (MedDRA 9.1) გვერდითი რეაქციები
დარღვევები იმუნური სისტემის მხრივ ჰიპერმგრძნობელობა
(ალერგიული რეაქციები)
დარღვევები ნერვული სისტემის მხრივ ძილიანობა
თავის ტკივილი
ექსტრაპირამიული დარღვევები
დარღვევები კუჭ-ნაწლავის ტრაქტის მხრივ პირის სიმშრალე
დარღვევები კნტ-მხრივ
დარღვევები ღვიძლის და ნაღვლის ბუშტის მხრივ ქოლესტაზური სიყვითლე
დარღვევები კანის და კანქვეშა ქსოვილის მხრივ ჰიპერჰიდროზი (მომატებული ოფლიანობა)
წითელი ბრტყელი ლიქენი
დარღვევები ჩონჩხ-კუნთოვანი და შემაერთებელი ქსოვილის მხრივ მგლურასმაგვარი სიმპტომები
ლაბორატორიული მაჩვენებლები სხეულის მასის მომატება

დოზის გადაჭარბება
4 წლის ბავშვში დოზის გადაჭარბების ერთეული შემთხვევისას (2 100 მგ) აღინიშნა შემდეგი გამოვლინებები: ღებინება, ძილიანობა, კომა, ტრემორი, არტერიული ჰიპოტენზია.
სპეციფიური ანტიდოტი არ არსებობს. პრეპარატის დოზის გადაჭარბების პირველი საათის განმავლობაში რეკომენდებულია კუჭის ამორეცხვა. ჩვენების მიხედვით შეიძლება აქტივირებული ნახშირის მიცემა.

ურთიერთქმედება სხვა სამკურნალო საშუალებებთან
ალკოჰოლის და ცნს-ის დამთრგუნველი საშუალებების, ან ტრიცილკური ანტიდეპრესანტების ერთდროულმა მიღებამ შეიძლება გააძლიეროს ჩამოთვლილი ნივთიერებებიდან ნებისმიერის, ან სტუგერონის სედაციური მოქმედება.
ანტიჰისტამინური მოქმედებიდან გამომდინარე, შესაძლოა აღმოფხვრას კანის რეაქტიულობის დადებითი რეაქციები, რომელიც ვითარდება მისი გამოყენების გარეშე. ამიტომ სტუგერონი არ უნდა მიიღოთ 4 დღის განმავლობაში კანის სინჯების ჩატარებამდე.

გავლენა სატრანსპორტო საშუალებების მართვასა და მექანიზმებთან მუშაობაზე
შესაძლო ძილიანობის განვითარების გამო, განსაკუთრებით მკურნალობის დასაწყისში, სატრანსპორტო საშუალებების მართვისა და მექანიზმებთან მუშაობისას საჭიროა სიფრთხილე.

შეფუთვა
25 ტაბლეტი პვქ/ალ ფოლგის ბლისტერზე.
2 ბლისტერი გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები
შეინახეთ არაუმეტეს 300ჩ ტემპერატურის პირობებში. შეინახეთ ბავშვებისთვის მიუწვდომელ ადგილას!

ვარგისიანობის ვადა: 5 წელი.
არ გამოიყენოთ პრეპარატი შეფუთვაზე მითითებული ვარგისიანობის ვადის გასვლის შემდეგ.

გამოშვების ფორმა: 25მგ ტაბლეტი #50

გაცემის რეჟიმი: II ჯგუფი (გაიცემა ფორმა N3 რეცეპტით)

მწარმოებელი: GEDEON RICHTER Plc,  უნგრეთი

გაფრთხილება

Share this...Share on Facebook
Facebook