შელკალი სიროფი

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): კალციუმის კარბონატი, ქოლეკალციფეროლი/ calcium carbonate, colecalciferol

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ფოსფორისა და კალციუმის ცვლაზე მოქმედი საშუალებები. ძვლის ქსოვილში ნივთიერებათა ცვლის მარეგულირებელი საშუალებები

შემადგენლობა
სუსპენზიის ყოველი 5 მლ შეიცავს:
ორგანული წყაროდან (ხამანწკების ნიჟარა) მიღებულ 625 მგ კალციუმის კარბონატს, რომელიც შეესაბამება;
ელემენტარული კალციუმი 250 მგ.
ვიტამინი D3 ბფ 125 სე.
საღებავი: კარმოიზინი

ფარმაკოლოგიური თვისებები
შელკალიTM (SHELCALTM) სიროფი შეიცავს კალციუმის კარბონატს, რომელიც უზრუნველყოფს ელემენტარული კალციუმის მაქსიმალურ პროპორციას და ასევე შეიცავს D3 ვიტამინს, რომელიც ხელს უწყობს კალციუმის აბსორბაციას.
კალციუმი წარმოადგენს ყველაზე მეტად გავრცელებულ მინერალს ორგანიზმში. ის მნიშვნელოვანია ნერვული, ჩონჩხის და კუნთოვანი სისტემის ფუნქციის შენარჩუნებისთვის. კალციუმი ასევე გარკვეულ როლს ასრულებს გულის, თირკმლის და სასუნთქი სისტემის ფუნქციონირებაში, სისხლის კოაგულაციაში და კაპილარების განვლადობაში. კალციუმის მნიშვნელოვანი წილი (99%) ადამიანის ორგანიზმში აღმოჩენილია ჩონჩხის სტრუქტურაში. საკვები კალციუმის წილი, რომელიც შეიწოვება, მერყეობს მრავალ ფაქტორზე დამოკიდებულების მიხედვით, რომელთა შორის არის ორგანიზმის მოთხოვნილებები, მაგრამ ჩვეულებრივ შეადგენს დაახლოებით 30%-ს.
კალციუმის პეროლალური მიწოდება საჭიროა როდესაც მაღალია ფიზიოლოგიური მოთხოვნები, მაგალითად ბავშვობის ან მოზარდთა ასაკში, ორსულობის და ლაქტაციის პერიოდში.

ფარმაკოკინეტიკა
კალციუმის აბსორბაციის მოცულობა დამოკიდებულია კვებით ფაქტორებზე, წვრილი ნაწლავის მდგომარეობაზე და ფიზიოლოგიურ სტატუსზე. აბსორბაცია იზრდება ორსულობის და ლაქტაციის პერიოდში.
კალციუმის კარბონატი, კუჭის წვენის გავლენით, გარდაიქმნება კალციუმის ქლორიდად და შეიწოვება ნაწლავის მიერ. შრატში კალციუმის დაახლოებით ნახევარი არის პროტეინ დაკავშირებული, 5-10% წარმოდგენილია მცირე, ადვილად ხსნადი დიფუზიური ორგანული მარილების ფორმით და ნარჩენების სახით, თავისუფალი იონები. აბსორბაციის შემდეგ კალციუმი საბოლოოდ ინკორპორირდება ძვლებში და კბილებში. Aბსორბირებული კალციუმის ექსკრეცია ძირითადად ხორციელდება შარდის საშუალებით. D3 ვიტამინი, რომელიც მთლიანად აბსორბირდება წვრილი ნაწლავის მიერ, აძლიერებს კალციუმის აბსორბაციას.
D3 ვიტამინი (ქოლეკალციფეროლი) სწრაფად შეიწოვება ორალური მიღებისას. მისი ცირკულაცია ხორციელდება სპეციფიური გამა-გლობულინების საშუალებით, ხანგრძლივად აკუმულირდება ცხიმოვან და კუნთოვან ქსოვილში და უმთავრესად გამოიყოფა ნაღველით და ფეკალებით.

ჩვენებები
შელკალიTM (SHELCALTM) სიროფი გამოიყენება მინერალ-ვიტამინური დანამატის სახით კალციუმ-დეფიციტური მდგომარეობის დროს და კალციუმის დანამატის სახით ზრდის, ორსულობის და ლაქტაციის პერიოდში.

მიღების წესები და დოზები
პეროლარული დოზა შეადგენს 5-10 მლ-ს დღეში ან ექიმის დანიშნულების მიხედვით.

გვერდითი მოვლენები
შეიძლება გამოვლინდეს გასტროინტესტინალური ტრაქტის სუსტი გაღიზიანება, გულისრევა და ღებინება.

უკუჩვენება
შელკალიTM (SHELCALTM) სიროფი უკუნაჩვენებია ჰიპერკალცემიური მდგომარეობის დროს, როგორიცაა ჰიპერპარათიროიდიზმი, მეტასტაზიური ჰიპერკალციემია და მრავლობითი მიელომა.
სიფრთხილის ზომები:
კალციუმის დანამატებმა შეიძლება გაზარდოს ჰიპერკალციემიის რისკი, როდესაც მისი შეყვანა ხდება დიჰიდრატაციის ან ელექტროლიტური დისბალანსის დროს. მიუხედავად იმისა, რომ პაციენტები, რომლებსაც აქვთ ქრონიკული დიარეა ან მალაბსორბცია, როგორც წესი საჭიროებენ კალციუმის დანამატებს. კალციუმის დანამატების დანიშვნა ასეთ სიტუაციაში ზრდის კალციუმის ექსკრეციას.

ორსულობა და ლაქტაცია
კვლევის მიხედვით, კალციუმი რეკომენდებულია დოზით ორსულობის პერიოდში არ იწვევს რაიმე პრობლემებს. მიუხედავად იმისა, რომ დამატებითი კალციუმი შეიძლება გამოიყოს დედის რძეში, მისი კონცენტრაცია არ არის საკმარისი იმისათვის, რომ გამოიწვიოს რაიმე უარყოფითი ეფექტი ახალშობილებში.
პრეპარატის გამოყენება პედიატრიაში: რეკომენდებული დღიური რაოდენობის მიღების შემთხვევაში, რაიმე პრობლემა ამ პოპულაციაში დადასტურებული არ არის.
პრეპარატის გამოყენება გერიატრიაში:
რეკომენდებული დღიური რაოდენობის მიღების შემთხვევაში, რაიმე პრობლემა ამ პოპულაციაში დადასტურებული არ არის.

განსაკუთრებული მითითებები
შელკალიTM (SHELCALTM) სიროფი სიფრთხილით ინიშნება იმ პაციენტებში, რომლებიც მიდრეკილი არიან თირკმელში კონკრემენტების წარმოქმნისადმი და მათში, რომლებსაც აღენიშნებათ თირკმლის ფუნქციის დარღვევა. ჰიპერკალცინურიის გამოსარიცხად შარდის კალციუმის ექსკრეცია შეიძლება განისაზღვროს პაციენტებში, რომლებსაც აღენიშნებათ თირკმლის კენჭები.

ჭარბი დოზირება
დოზის მწვავე ან ქრონიკული გადაჭარბების შემთხვევაში ვლინდება ჰიპერკალცემია, ჰიპერფოსფატემია და ხანდახან ჰიპერმაგნიემია. რეკომენდირებულია კუჭის ამორეცხვა თუ პაციენტმა პრეპარატი მიიღო 4 საათის განმავლობაში. უნდა გაკონტროლდეს შრატის კალციუმის დონე და განხორციელდეს ჰიპერკალციემიის შესაბამისი მკურნალობა.

სხვა წამლებთან ურთიერთქმედება
თავიდან უნდა იქნეს აცილებული შელკალიTM (SHELCALTM) სიროფის ერთდროულად მიღება სხვა პრეპარატებთან ერთად, როგორიცაა დიგიტალისი, ვერაპამილი, ფენიტონი, თიაზიდური დიურეტიკები ან ანტაციდები.
კალციუმის არხების ბლოკატორები: კალციუმის დანამატების მაღალ დოზებთან ერთად მათი იმავდროულად გამოყენებისას შეიძლება შემცირდეს პაციენტების საპასუხო რეაქცია ვერაპამილზე.
კალციუმის ან მაგნიუმის შემცვლელი პრეპარატები: შელკალTM (SHELCALTM) სიროფთან ერთად მათი ერთდროულმა გამოყენებამ შეიძლება გაზარდოს შრატის კალციუმის ან მაგნიუმის კონცენტრაციები მგრძნობიარე პაციენტებში.
ფენიტონი:U ერთდროულმა გამოყენებამ შეიძლება შეამციროს ფენიტონის და კალციუმის ბიოშეღწევადობა შესაძლოა არაბსორბციული კომპლექსის ჩამოყალიბების გამო. ასეთ პაციენტებში არ არის რეკომენდირებული შელკალTM (SHELCALTM) სიროფის დანიშვნა ფენიტონის მიღებიდან 1-3 საათის განმავლობაში.
პეროლალური ტეტრაციკლინები, რკინის დანამატები: კალციუმმა შეიძლება დაარღვიოს ტეტრაციკლინების ან რკინის შეწოვა. შელკალTM (SHELCALTM) სიროფის და ამ პრეპარატების მიღებებს შორის ინტერვალი უნდა იყოს სულ მცირე 3 საათი.
თიაზიდური დიურეზიული საშუალებები; რენალი ტუბულარული რეაბსორბციით ან თიაზიდების მიერ კალციუმის ძვლოვანი ქსოვილის გამოთავისუფლება შეიძლება გაძლიერდეს ეგზოგენური კალციუმით.
ატენოლოლი: ატენოლოლის პლაზმური საშუალო პიკური დონე და ბიოშეღწევადობა შეიძლება შემცირდეს, რამაც შესაძლოა გამოიწვიოს ბეტა ბლოკადის შემცირება.
ქინოლონები: ნორფლოქსაცინის ბიოშეღწევადობა შეიძლება შემცირდეს, ხოლო ციპროფლოქსაცინი და ოფლოქსაცინი არ ავლენენ რაიმე სახის ცვლილებებს.
შენახვის პირობები და ვადები
ინახება სინათლისაგან დაცულ, გრილ ადგილას.
ვარგისიანობის ვადა: 2 წელი

გამოშვების ფორმა: 150მლ სიროფი ფლაკონი #1

გაცემის რეჟიმი: III ჯგუფი (ურეცეპტოდ)

მწარმოებელი: Elder Pharmaceuticals, ინდოეთი

გაფრთხილება

Share this...Share on Facebook
Facebook