ციპზი-500

  ციპზი-500

ციპზი-500–ის ზოგადი ინფორმაცია

ციპზი-500. CIPZY-500 Tablets. ფტორქინოლონების ჯგუფის სამკურნალო საშუალება. აქტიური ნივთიერება – ციპროფლოქსაცინი. Ciprofloxacin. მწარმოებელი ფირმა – “ZEE LABORATORIES” (ინდოეთი).

ციპზი-500–ის შემადგენლობა და გამოშვების ფორმა

ციპზი-500. CIPZY-500 Tablets გამოდის 500 მგ ტაბლეტის ფორმით. 1 ტაბლეტი შეიცავს 500მგ ციპროფლოქსაცინის ჰიდროქლორიდის მონოჰიდრატს.

ციპზი-500–ის ფასები ქართულ ფარმაცევტულ ბაზარზე

ციპზი-500–ის ფასები ფარმადეპოში
ციპზი-500–ის ფასები ავერსში
ციპზი-500–ის ფასები psp-ში
ციპზი-500–ის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ციპზი-500, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ციპზი-500–ის ფასების შესახებ შეუძლიათ მოგვაწოდონ  mpifarm@gmail.com

ციპზი-500–ის აქტიური ნივთიერება

ციპროფლოქსაცინი. Ciprofloxacin. ქიმიური დასახელება – 1-ციკლოპროპილ-6-ფტორი-1,4-დიჰიდრო-4-ოქსო-7-(1-პიპერაზინილ)-3-ქინოლინკარბონის მჟავა (და ჰიდროქლორიდის სახით). ბრუტო–ფორმულა:C17H18FN3O3. ციპროფლოქსაცინს მიაკუთვნებენ ქინოლონები/ფტორქინოლონების ჯგუფს. CAS-კოდი:85721-33-1.

ციპზი-500–ის სინონიმები

ცეფლოქსი-ავერსი (CEFLOX-AVERSI, AVERSI, საქართველო),  ციპრო (Cipro, Avita, თურქეთი), ციპროდენკი 500 (Cipro-Denk 500, გერმანია), ციპროფლოქსაცინი (CIPROFLOXACIN, GMP, საქართველო).

ციპზი-500–ის გამოყენების ძირითადი მიმართულებებია

  • ინფექციები ზედა და ქვედა სასუნთქი გზების
  • ინფექციები სასქესო გზების
  • გონორეა
  • ინფექციები საშარდე გზების
  • ინფექციები კუჭ-ნაწლავის ტრაქტის
  • დიარეა ინფექციური
  • პერიტონიტი
  • ზოგიერთი მძიმე სისტემური ინფექციები (სეფსისი)
  • ინფექციები პირის ღრუს
  • ინფექციები ძვლების
  • ინფექციები სახსრების
  • ინფექციები რბილი ქსოვილების
  • ინფექციები კანის
  • ინფექციები ჭრილობების
  • ინფექციები თვალის
  • დაქვეითებული იმუნიტეტის მქონე ავადმყოფები იმუნოდეპრესანტებთან და ციტოსტატიკური პრეპარატებით მკურნალობის შედეგად

ციპზი-500–ის საფირმო აღწერიდან

ფარმაკოლოგიური თვისებები

ციპროფლოქსაცინი წარმოადგენს ფართო სპექტრის პერორალურ სინთეზურ ბაქტერიოციდულ საშუალებას. მისი ბაქტერიოციდული ეფექტის შედეგს წარმოადგენს დნმ-ის ენზიმ ჰირაზასთან ურთიერთქმედება, რომელიც აუცილებელია ბაქტერიული დნმ-ის სინთეზისათვის.

ციპროფლოქსაცინის აქტივობა, როგორც გრამდადებითი, ასევე გრამუარყოფითი ორგანიზმების მიმართ დადგენილია in vitro და კლინიკური კვლევებით.

პრეპარატის სპეციფიკური მოქმედების გამო, გარდა ქინოლონების ჯგუფისა მას არ ახასიათებს ჯვარედინი რეზისტენტობა სხვა ანტიბიოტიკების მიმართ, რის გამოც იგი უფრო მეტად აქტიურია იმ ბაქტერიების მიმართ, რომლებიც რეზისტენტული არიან შემდეგი ანტიბიოტიკების მიმართ: მაგ. Aმინოგლიკოზიდების, პენიცილინების, ტეტრაციკლინების და სხვათა მიმართ. ლაბორატორიული და კლინიკური კვლევებით დადგენილია მისი აქტივობა ისეთ მიკროორგანიზმების მიმართ როგორიცაა:Acinetobacter, Aeromonas, Branhamella, Brucella, Campylobacter, Chlamydia, Esherichia coli, Streptocococcus agalactiae, Streptococcuse, Vibrio, Yersinia ციპროფლოქსაცინი არ ავლენს ეფექტს Treponoma pallidum – ის მიმართ.

სხვა ანტიბაქტერიულ პრეპარატებთან ერთად ციპროფლოქსაცინს ძირითადად ახასიათებს დამატებითი და ნეიტრალური მოქმედება.

სინერგიზმს ადგილი აქვს ციპროსა და ბეტა-ლაქტამური ჯგუფის საშუალების კომბინაციის დროს.

იგი არ გამოიყენება გაციების ან ვირუსული ინფექციების დროს.

ფარმაკოკინეტიკა

პერორალური მიღებისას ციპროფლოქსაცინი სწრაფად და კარგად აბსორბირდება კუჭ-ნაწლავის ტრაქტიდან. პირველადი მეტაბოლიზმის დროს ბიოშეღწევადობა ყოველგვარი დანაკარგების გარეშე შეადგენს 70-80%. მისი მაქსიმალური კონცენტრაცია სისხლის პლაზმაში აღინიშნება 1-2 სთ-ის შემდეგ. საშუალო კონცენტრაცია 12 სთ-ის შემდეგ პრეპარატის 250მგ და 500მგ მიღებიდან შეადგენს შესაბამისად 0.1 ან 0.2 მკგ/მლ-ს.

პრეპარატის ნახევრად გამოყოფის პერიოდი, (თირკმლის ნორმალური ფუნქციის მქონე პირებში), შეადგენს დაახლოებით 4სთ-ს. პრეპარატის დოზის 40-50% გამოიყოფა შეუცვლელი სახით შარდთან ერთად.ერთჯერადი დოზის 10-12% ორგანიზმიდან გამოიყოფა მეტაბოლიტების სახით. პრეპარატის 90% გამოყოფა თირკმლის საშუალებით პირველი 24 საათის განმავლობაში. თირკმლის უკმარისობით დაავადებული ავადმყოფი, ან ავადმყოფები, რომლებსაც აქვთ კრეატინინის კლირენის არა უმცირეს 20მლ/წთ-ში საჭიროებენ დოზის ნახევარს ან პრეპარატის მიღებებს შორის ინტერვალის გაზრდას.

ხანში შესული ავადმყოფების მკურნალობის პროცესში აუცილებელია კრეატინინის კლირენსის განსაზღვრა, ვინაიდან პრეპარატის ნახევრად დაშლის პერიოდი სისხლის პლაზმაში შესაძლებელია ხანგრძლივი აღმოჩნდეს.

ციპროფლოქსაცინის მიღებისას ჭამის დროს მისი აბსორბცია ფერხდება დაახლოებით 2სთ-ით, რაც გავლენას არ ახდენს პრეპარატის ძირითად აბსორბციაზე.

ჩვენებები

ზედა და ქვედა სასუნთქი გზების ინფექციები;

სასქესო გზების ინფექციები, გონორეის ჩათვლით;

საშარდე გზების ინფექციები;

კუჭ-ნაწლავის ტრაქტის ინფექციები, ინფექციური დიარეის ჩათვლით;

პერიტონიტი, ზოგიერთი მძიმე სისტემური ინფექციები (სეფსისი);

პირის ღრუს ინფექციები;

ძვლების, სახსრების, რბილი ქსოვილების, კანის და ჭრილობების ინფექციები;

თვალის ინფექციები;

პრეპარატი გამოიყენება ინფექციების პროფილაქტიკისა და დაქვეითებული იმუნიტეტის მქონე ავადმყოფებში იმუნოდეპრესანტებთან და ციტოსტატიკური პრეპარატებით მკურნალობის შედეგად.

მიღების წესები და დოზები

პრეპარატის დოზის და მკურნალობის ხანგრძლივობის დადგენა ხდება ექიმის მიერ. მას იღებენ სითხესთან ერთად. მიღება უზმოზე აჩქარებს მისი შეწოვის უნარს. იღებენ 2-ჯერ დღეში 12სთ-იანი ინტერვალით. სადღეღამისო დოზა შეადგენს 500-1500მგ-მდე.

საშარდე გზების მწვავე ინფექციები(დაავადების სიძლიერის მიხედვით): 250-500მგ დღე-ღამეში; მწვავე გაურთულებელი გონორეა მამაკაცებში(ურეთრიტი); 250მგ ერთ მიღებაზე.

მკურნალობის საშუალო ხანგრძლივობა შეადგებს 1-დან 7-დღემდე, სხვა ინფექციებთან ბრძოლას შეიძლება დასჭირდეს 7-დან 14-დღემდე.

სტრეპტოკოკებით გამოწვეული ინფექციების მკურნალობა გრძელდება მინიმუმ 10 დღის განმავლობაში.

გვერდითი მოვლენები

გულისრევა, დიარეა, ღებინება, ტკივილი და დისკომფორტი მუცლის არეში, თავის ტკივილი, აგზნება, მეტეორიზმი, ტაქიკარდია, თავბრუსხვევა.

კუჭნაწლავის ტრაქტის მხრივ საჭმლის მონელების დარღვევა, მადის დაკარგვა, მეტეორიზმი. მწვავე და მდგრადი დიარეის შედეგად განვითარებული ფსევდომემბრანული კოლიტი. გულ-სისხლძარღვთა სისტემის მხრივ: ტაქიკარდია, წინაგულების ციმციმი, ვენტრიკულური ექტოპია, ჰიპოტენზია, გულის წასვლა;

ც.ნ.ს მხრივ: თავბრუსხვევა, უძილობა. იშვიათად: ჰალუცინაციები, ღამის კოშმარები, მანიაკალური რეაქციები, გაღიზიანებადობა, ტრემორი, ატაქსია, კრუნჩხვები, ლეთარგია, ძილიანობა, საერთო სისუსტე, ანორექსია, ფობია, დეპერსონალიზაცია, დეპრესია, პარესთეზია, მხედველობის დაქვეითება.

კანის რეაქციები: ქავილი, ურტიკარია, ჰიპერემია, შემცივნება, კანის კანდიდოზი, ჰიპერპიგმენტაცია, კვანძოვანი ერითემია, პეტექიები, ექსოფოლიატური დერმატიტები, ვასკულიტი, ჰემორაგიული ბუშტუკები;

აგრეთვე სახსრების და კუნთების ტკივილები, ინტერსტიციული ნეფრიტი, ჰეპატიტი, ღვიძლის ნეკროზი.

უკუჩვენება

პრეპარატის, მასში შემავალი ინგრედიენტების ან ფტორქინოლონების ჯგუფის სხვა ანტიმიკრობული პრეპარატების მიმართ მომატებული მგრძნობელობა.

ორსულობა და ლაქტაცია

ორსულებში პრეპარატის მიღება ხდება მხოლოდ აბსოლუტური აუცილებლობის შემთხვევაში. მკურნალობის პროცესში საჭიროა ძუძუთი კვება შეწყდეს.

განსაკუთრებული მითითებები

სიფრთხილით გამოიყენება ხანდაზმულ, ეპილეფსიით, თავის ტვინში სისხლის მიმოქცევის მოშლით, ფსიქიური დაავადებებით და ცნს-ის სხვა დაავადებებით შეპყრობილ პაციენტებში. პრეპარატით მკურნალობის პროცესში საჭიროა მზის სხივებისგან თავის დაცვა. ზოგიერთ პაციენტებში ვითარდება ფოტოსენსიბილიზაცია.

მკურნალობის პროცესში შესაძლებელია მყესების ანთება და მათი გაგლეჯა. იმ შემთხვევაში, როდესაც მკურნალობის დროს ადგილი აქვს მყესების არეში (განსაკუთრებით ფეხებში აქილევსის ქუსლი) მტკივნეულ შეგრძნებას, საჭიროა ექიმთან კონსულტაცია.

მკურნალობის პროცესში ძლიერი ფიზიკური დატვირთვა ნებადართული არ არის. რადგან პრეპარატი აქვეითებს ავტომობილის და სხვადასხვა დანადგარების მართვის შესაძლებლობას, პრეპარატის სიფრთხილით ენიშნებათ მათთან კონტაქტში მყოფ პირებს.

პრეპარატის მიღების დროს საჭიროა ალკოჰოლის მიღებისგან თავის შეკავება. 15 წლამდე ბავშვებში არ არის რეკომენდირებული ართრიპათიის განვითარების საშიშროების გამო.

ჭარბი დოზირება

ციპროფლოქსაცინის ტაბლეტების ჭარბი რაოდენობით მიღების შემთხვევაში საჭიროა სიმპტომატური მკურნალობა, ხოლო ანაფილაქსიური რექციების განვითარებისას შოკის საწინააღმდეგო თერაპია.

სხვა წამლებთან ურთიერთქმედება

ანტაციდებთან კომბინაციისას რომლებიც შეიცავენ მაგნიუმის ჰიდროჟანგს, ალუმინის და კალციუმის ან რკინის და თუთიის შემცვლელ პრეპარატებთან, ქვეითდება ციპროფლოქსაცინის ბიოშეღწევადიბა 90%-ით. ამიტომ მიზანშეწონილია პრეპარატის მიღება 2 სთ-ით ადრე ან 4სთ-ის შემდეგ.

ციპროფლოქსაცინისა და თეოფილინის პერორალურად დანიშვნისას, თეოფილინის კლირენსი მცირდება, რასაც შეიძლება თან მოჰყვეს მისი რაოდენობის გაზრდა სისხლის პლაზმაში და აქედან გამომდინარე უარყოფითი რეაქციები ც.ნ.ს მხრივ.

ზოგიერთ ავადმყოფებში ციპროფლოქსაცინისა და ციკლოსპორინის ერთდროულმა დანიშვნამ, შეიძლება გამოიწვიოს სისხლის პლაზმაში კრეატინინის დროებით მომატება. აღნიშნულ შემთხვევაში საჭიროა სისხლის სურათის სისტემატური (კვირაში – 2 ჯერ) კონტროლი.

შენახვის პირობები და ვადები

პრეპარატი ინახება მშრალ, სინათლისგან და ბავშვებისგან დაცულ ადგილზე. მოარიდეთ ბავშვებს!

ვარგისიანობის ვადა: 3 წელი

აფთიაქში გაცემის წესი

რეცეპტით