ტაიქოლდი

ტაიქოლდის ზოგადი ინფორმაცია

ტაიქოლდი. TAICOLD. გაციების დროს გამოსაყენებელი პრეპარატების ჯგუფის სამკურნალო საშუალება სისტემური გამოყენებისათვის. აქტიური ნივთიერებები – პარაცეტამოლი + ქლორფენირამინის მალეატი + ასკორბინის მჟავა. Paracetamol + Chlorpheniramine maleate + Ascorbic acid. მწარმოებელი ფირმა – ჯი-ემ-პი (საქართველო).

ტაიქოლდის შემადგენლობა და გამოშვების ფორმა

ტაიქოლდი. TAICOLD გამოდის 500 მგ/2 მგ/30 მგ პაკეტის ფორმით. პრეპარატის ერთი პაკეტი შეიცავს პარაცეტამოლს 500 მგ,  ქლორფენირამინის მალეატს 2 მგ, ასკორბინის მჟავა (ვიტამინი C) 30 მგ.დამხმარე ნივთიერებები, ნატურალური არომატიზატორი.

ტაიქოლდის ფასები ქართულ ფარმაცევტულ ბაზარზე

ტაიქოლდის ფასები ფარმადეპოში
ტაიქოლდის ფასები ავერსში
ტაიქოლდის ფასები psp-ში
ტაიქოლდის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ტაიქოლდი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ტაიქოლდის ფასების შესახებ შეუძლიათ მოგვაწოდონ  mpifarm@gmail.com

ტაიქოლდის აქტიური ნივთიერებები

პარაცეტამოლი + ქლორფენირამინის მალეატი + ასკორბინის მჟავა. Paracetamol + Chlorpheniramine maleate + Ascorbic acid.

ტაიქოლდის გამოყენების ძირითადი მიმართულებებია

• გაციება
• გრიპი
• ინფექციურ-ანთებითი დაავადებები, რომელთათვისაც დამახასიათებელია ცხელება, თავის ტკივილი, მწვავე რინიტი, ცხვირის “გაჭედვა”, ცემინება, კუნთების ტკივილი

ტაიქოლდის საფირმო აღწერიდან

მოქმედების მექანიზმი
კომბინირებული პრეპარატი.
პარაცეტამოლს ახასიათებს გამოხატული ტკივილგამაყუჩებელი, სიცხის დამწევი და სუსტი ანტიანთებითი მოქმედება. მოქმედების მექანიზმი დაკავშირებულია ჰიპოთალამუსის უპირატესად თერმორეგულაციის ცენტრში პროსტაგლანდინების სინთეზის დათრგუნვასთან. ქლორფენირამინის მალეატი – H1-ჰისტამინორეცეპტორების ბლოკატორი. ახასიათებს ანტიალერგიული მოქმედება, ამცირებს ზედა სასუნთქი გზების ლორწოვანი გარსების სისხლძარღვების გამტარობას, ცრემლდენას, თვალებისა და ცხვირის ქავილს. ასკორბინის მჟავა (ვიტამინი C) ზრდის ორგანიზმის მდგრადობას ინფექციებისადმი, გრიპისა და სხვა მწვავე რესპირატორულ-ვირუსული ინფექციების დროს ავსებს C ვიტამინზე მოთხოვნილებას.
ჩვენებები
გაციების, გრიპის და ინფექციურ-ანთებითი დაავადებების სიმპტომური მკურნალობა, რომელთათვისაც დამახასიათებელია ცხელება, თავის ტკივილი, მწვავე რინიტი, ცხვირის “გაჭედვა”, ცემინება, კუნთების ტკივილი.
მიღების წესები და დოზები
1 პაკეტის შიგთავსი უნდა გაიხსნას 1 ჭიქა ცხელ წყალში. მოზრდილებში ინიშნება 1 პაკეტი ყოველ 4-6 საათში ერთხელ, მაგრამ არა უმეტეს 4-ჯერ 24 საათის განმავლობაში. მკურნალობა გრძელდება არა უმეტეს 5 დღე. სასურველია პრეპარატის მიღება გრიპისა და გაციების პირველივე სიმპტომების გამოვლინებისთანავე.
გვერდითი მოვლენები
ტაიქოლდი ჟოლოს არომატით არ იწვევს სერიოზულ გვერდით მოვლენებს. იშვიათ შემთხვევაში შესაძლებელია პირის სიმშრალე, გულისრევის შეგრძნება, თავბრუსხვევა.
უკუჩვენება
დანიშვნის უკუჩვენებაა პრეპარატის კომპონენტებისადმი მაღალი მგრძნობელობა.
განსაკუთრებული მითითებები
პრეპარატის დანიშვნა ორსულობის და ლაქტაციის პერიოდში არ არის რეკომენდებული. პრეპარატი სიფრთხილით ინიშნება კორონარული არტერიების გამოხატული თეროსკლეროზის, ჰიპერთირეოზის, შაქრიანი დიაბეტის მძიმე ფორმების და შინაგან ორგანოთა მძიმე ფუნქციური დარღვევების დროს. “ტაიქოლდი ჟოლოს არომატით” მკურნალობის ფონზე მიუღებელია ალკოჰოლის, საძილე საშუალებების და ტრანკვილიზატორების დანიშვნა. “ტაიქოლდი ჟოლოს არომატით” სიფრთხილით ინიშნება მაო-ს ინჰიბიტორებთან, ბეტა-ადრენობლოკატორებთან კომბინაციაში. პრეპარატთან ერთად არასასურველია პარაცეტამოლის შემცველი სხვა საშუალებების მიღება. ღვიძლის ფერმენტების მაინდუცირებელი მოქმედების სამკურნალო საშუალებები (ზოგიერთი საძილე და კრუნჩხვების საწინააღმდეგო პრეპარატი, რიფამპიცინი, ეთანოლი) პარაცეტამოლთან კომბინაციაში აძლიერებენ მის ჰეპატოტოქსიკურობას.
შენახვის პირობები და ვადები
პრეპარატის ვარგისიანობის ვადაა 3 წელი, ინახება 10-25oC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!
აფთიაქში გაცემის წესი
ექიმის რეცეპტის გარეშე!