მკურნალობა უცხოეთში


კეტოტიფენი

კეტოტიფენის ზოგადი ინფორმაცია

კეტოტიფენი. KETOTIFEN. პოხიერი უჯრედების მემბრანების მასტაბილიზირებელი პრეპარატების ჯგუფის სამკურნალო საშუალება სისტემური მოქმედებით. აქტიური ნივთიერება – კეტოტიფენი. Ketotifen. ათქ.კლასიფიკაციის კოდი – R06AX17. მწარმოებელი ფირმა – შპს “ბიოპოლუსი” (საქართველო).

კეტოტიფენის შემადგენლობა და გამოშვების ფორმა

კეტოტიფენი. KETOTIFEN გამოდის 1 მგ–იანი ტაბლეტის ფორმით. 1 ტაბლეტი შეიცავს კეტოტიფენის ფუმარატს, რომელიც 1 მგ კეტოტიფენის ეკვივალენტურია.დამხმარე ნივთიერებებია: სიმინდის სახამებელი, მიკროკრისტალური ცელულოზა, სილიციუმის კოლოიდური დიოქსიდი, პოლივინილპიროლიდონი, მაგნიუმის სტეარატი, გასუფთავებული ტალკი, ნატრიუმის სახამებლის გლიკოლატი.

კეტოტიფენის ფასები ქართულ ფარმაცევტულ ბაზარზე

კეტოტიფენის ფასები ფარმადეპოში
კეტოტიფენის ფასები ავერსში
კეტოტიფენის ფასები psp-ში
კეტოტიფენის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც კეტოტიფენი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია კეტოტიფენის ფასების შესახებ შეუძლიათ მოგვაწოდონ  mpifarm@gmail.com

კეტოტიფენის აქტიური ნივთიერება

კეტოტიფენი. Ketotifen. ქიმიური დასახელება – 4,9-დიჰიდრო-4-(1-მეთილ-4-პიპერიდილიდენ)-10Н-ბენზო[4,5]ციკლოჰეპტა[1,2 -b]თიოფენ-10-ონი (და ფუმარატის სახით). ბრუტო–ფორმულა:C19H19NOS. კეტოტიფენს მიაკუთვნებენ პოხიერი უჯრედების მემბრანების სტაბილიზატორების ჯგუფს. CAS-კოდი:34580-13-7.

კეტოტიფენის სინონიმები               

კეტოტიფენი (KETOTIFEN, GMP, საქართველო),მონტოფი (MONTOF, AVERSI, საქართველო).

კეტოტიფენის გამოყენების ძირითადი მიმართულებებია

  • ალერგიული დაავადებები
  • ასთმა ბრონქული, ატოპიური
  • ბრონქიტი ალერგიული
  • პოლინოზი
  • რინიტი ალერგიული
  • კონიუქტივიტი ალერგიული
  • ჭინჭრის ციება
  • დერმატიტი ატოპიური

კეტოტიფენის საფირმო აღწერიდან

კეტოტიფენის ფარმაკოლოგიური თვისებები

კეტოტიფენი ანტიალერგიული საშუალებაა. იგი ბლოკავს ჰისტამინის H1-რეცეპტორებს. პრეპარატი აფერხებს პოხიერი უჯრედებისა და ბაზოფილებისაგან ჰისტამინისა და სხვა მედიატორების გამოთავისუფლებას. იგი თრგუნავს თრომბოციტების აქტივაციის ფაქტორით გამოწვეულ ეოიზინოფილების დაგროვებას სასუნთ გზებში. პრეპარატი უზრუნველყოფს ბრონქული ასთმის შეტევებისა და სხვა სახის დაუყოვნებელი ტიპის ალერგიული რეაქციების პროფილაქტიკას.

კეტოტიფენის ფარმაკოკინეტიკა

პერორალური მიღებისას კეტოტიფენი თითქმის მთლიანად შეიწოვება კუჭ-ნაწლავის ტრაქტისაგან. საკვების მიღება არ მოქმედებს შეწოვის ხარისხზე. მაქსიმალური კონცენტრაცია (Cmax) სისხლის პლაზმაში 2_4 სთ-ში მიიღწევა. კეტოტიფენის 75% უკავშირდება პლაზმის ცილებს. პრეპარატი 50%-ით მეტაბოლიზდება ღვიძლში `პირველი გავლის~ დროს. ორგანიზმიდან გამოიყოფა ორ ფაზად: ნახევარგამოყოფის პერიოდი (T1/2) საწყის ფაზაში შეადგენს 3_5 სთ-ს, საბოლოო ფაზაში _ 21 სთ-ს. გამოიყოფა თირკმლებით: 60_70% მეტაბოლიტების სახით, 1% _ უცვლელი სახით.

კეტოტიფენის ჩვენებები

ალერგიული დაავადებების პროფილაქტიკა, მათ შორის, ატოპიური ბრონქული ასთმა, ალერგიული ბრონქიტი, პოლინოზი, ალერგიული რინიტი, ალერგიული კონიუნქტივიტი, ჭინჭრის ციება, ატოპური დერმატიტი.

კეტოტიფენის მიღების წესები და დოზები

პრეპარატი მიიღება პერორალურად, ჭამის დროს. მოზრდილებში ინიშნება 1 მგ 2-ჯერ დღეში (დილას და საღამოს). აუცილებლობისას სადღეღამისო დოზას ზრდიან 4 მგ-მდე (2 მგ 2-ჯერ დღეში). ბავშვები 6 თვიდან 3 წლამდე: ტაბლეტის გამოყენება ამ ასაკის ბავშვის სამკურ-ნალოდ რეკომენდებული არ არის. გამოიყენეთ კეტოტიფენი სიროფის სახით.

3 წელზე მეტი ასაკის ბავშვებში ინიშნება 1 მგ 2-ჯერ დღეში.

მკურნალობის ხანგრძლივობაა არანაკლებ 2_3 თვისა, განსაკუთრებით იმ პაციენტებში, რომელთაც პირველი კვირეების განმავლობაში ეფექტი არ აღენიშნება. მკურნალობის შეწყვეტა ხდება თანდათანობით, 2_4 კვირის განმავლობაში.

კეტოტიფენის გვერდითი მოვლენები

ნერვული სისტემისა და გრძნობათა ორგანოების მხრივ: ძილიანობა, მსუბუქი თავბრუხვევა, ფსიქიკური რეაქციების შენელება, რაც ჩვეულებრივ მკურნალობის დაწყებიდან რამდენიმე დღეში გაივლის. საჭმლის მომნელებელი სისტემის მხრივ: შესაძლებელია მადის მომატება; იშვიათად _ პირის სიმშრალე, დისპეფსია.

სისხლმბადი სისტების მხრივ: თრომბოციტოპენია.

შარდგამომყოფი სისტემის მხრივ: დიზურია, ცისტიტი.

ნივთიერებათა ცვლის მხრივ: სხეულის მასის მომატება.

კეტოტიფენის უკუჩვენებები

მომატებული მგრძნობელობა კეტოტიფენის ან პრეპარატის სხვა კომპონენტების მიმართ.

ორსულობა და ლაქტაცია

პრეპარატის გამოყენება ორსულობის დროს, განსაკუთრებით I ტრიმესტრში, დასაშვებია მხოლოდ იმ შემთხვევაში, თუ დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების პოტენციურ რისკს. კეტოტიფენი გადადის დედის რძეში, რის გამოც ლაქტაციის პერიოდში კეტოტიფენის დანიშვნის აუცილებლობისას საჭიროა ძუძუთი კვების შეწყვეტა.

კეტოტიფენის განსაკუთრებული მითითებები

პრეპარატი სიფრთხილით გამოიყენება ეპილეფსიის, ღვიძლის უკმარისობის დროს.

კეტოტიფენის თერაპიული ეფექტი ვითარდება ნელა, 1_2 თვის განმავლობაში.

ბრონქული ასთმის სამკურნალოდ გამოყენებული პრეპარატების მიღება გრძელდება კეტოტიფენის გამოყენების დაწყებიდან სულ მცირე 2 კვირის განმავლობაში.

პრეპარატის ზემოქმედება ავტოტრანსპორტისა და მექანიზმების მართვის უნარზე: კეტოტიფენის გამოყენებისას საჭიროა თავის არიდება პოტენციურად საშიში სახის ქმედებებისაგან, რომელიც ყურადღებასა და სწრაფ ფსიქომოტორულ რეაქციას მოითხოვს.

ჭარბი დოზირება კეტოტიფენით

სიმპტომები: ძილიანობა, ნისტაგმი, ცნობიერების არევა, დეზორიენტაცია, ბრადიკარდია ან ტაქიკარდია, ჰიპოტენზია, ქოშინი, ციანოზი, კრუნჩხვები, აგზნებადობა (განსაკუთრებით ბავშვებში); შესაძლებელია კომის განვითარება.

მკურნალობა: ღებინების გამოწვევა, კუჭის ამორეცხვა, გააქტივებული ნახშირის, მარილის შემცველი საფაღარათო საშუალებების დანიშვნა, სიმპტომური მკურნალობის ჩატარება. აგზნებისა და კრუნჩხვების დროს _ ხანმოკლე მოქმედების ბარბიტურატების ან ბენზოდიაზეპინების შეყვანა. დიალიზი არაეფექტურია.

კეტოტიფენის სხვა წამლებთან ურთიერთქმედება

კეტოტიფენმა შეიძლება გააძლიეროს სედატიური, საძილე, ანტიჰისტამინური საშუალებებისა და ეთანოლის ეფექტები.

კეტოტიფენისა და პერორალური ჰიპოგლიკემიური საშუალებების ერთდროული გამოყენებისას აღინიშნება თრომბოციტების რაოდენობის შექცეევადი შემცირება.

კეტოტიფენისა და ბრონქოდილატატორების ერთდროული გამოყენებისას ზოგჯერ შესაძლებელია ამ უკანასკნელთა დოზის შემცირება.

კეტოტიფენის შენახვის პირობები და ვადები

ინახება მშრალ ადგილას, არა უმეტეს 25ºC ტემპერატურაზე.

ინახება ბავშვებისათვის მიუწვდომელ ადგილას.

ვარგისობის ვადა: 3 წელი.

შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

კეტოტიფენის გაცემის წესი

ფარმაცევტული პროდუქტის ჯგუფი II (გაიცემა რეცეპტით).

Comments are closed.

nostalgia

vaka