ლორატადინი

  ლორატადინი

ლორატადინის ზოგადი ინფორმაცია

ლორატადინი. Loratadine. ჰისტამინური H1 რეცეპტორების ბლოკატორების– მეორე თაობის პრეპარატების ჯგუფის სამკურნალო საშუალება. აქტიური ნივთიერება – ლორატადინი. Loratadine. ათქ.კლასიფიკაციის კოდი – R06AX13. მწარმოებელი ფირმა – შპს “ბიოპოლუსი” (საქართველო).

ლორატადინის შემადგენლობა და გამოშვების ფორმა

ლორატადინი. Loratadine გამოდის 10 მგ ტაბლეტის ფორმით. 1 ტაბლეტი შეიცავს ლორატადინს _ 10 მგ-ს. დამხმარე ნივთიერებებია: ლაქტოზა, სიმინდის სახამებელი, პოლივინილპიროლიდონი, მაგნიუმის სტეარატი, ტალკი.

ლორატადინის ფასები ქართულ ფარმაცევტულ ბაზარზე

ლორატადინის ფასები ფარმადეპოში
ლორატადინის ფასები ავერსში
ლორატადინის ფასები psp-ში
ლორატადინის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ლორატადინი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ლორატადინის ფასების შესახებ შეუძლიათ მოგვაწოდონ  mpifarm@gmail.com

ლორატადინის აქტიური ნივთიერება

ლორატადინი. Loratadine. ქიმიური დასახელება –  4-(8-ქლორ-5,6-დიჰიდრო-11Н-ბენზო-[5,6]ციკლოჰეპტა [1,2-b]პირიდინ-11-ილიდენ)-1-პიპერიდინკარბონის მჟავის ეთილის ეთერი. ბრუტო–ფორმულა:C22H23ClN2O2. ლორატადინს მიაკუთვნებენ H1-ანტიჰისტამინური საშუალებების ჯგუფს. CAS-კოდი:79794-75-5.

ლორატადინის სინონიმები    

ეროლინი სიროფი (EROLIN, EGIS, უნგრეთი),ეროლინი ტაბლეტები (EROLIN, EGIS, უნგრეთი).

ლორატადინის გამოყენების ძირითადი მიმართულებებია

  • რინიტი ალერგიული, სეზონური და ქრონიკული
  • კონიუნქტივიტი ალერგიული
  • პოლინოზი
  • ჭინჭრის ციება
  • ჭინჭრის ციება, ქრონიკული, იდიოპათიკური
  • კვინკეს შეშუპება
  • დერმატოზები, ქავილით მიმდინარე
  • ფსევდოალერგიული რეაქციები
  • ალერგიული რეაქციები მწერის ნაკბენზე

ლორატადინის საფირმო აღწერიდან

ფარმაკოლოგიური თვისებები
ლორატადინი ანტიჰისტამინური საშუალებაა. იგი ჰისტამინის პერიფერიული Н1-რეცეპტორების ბლოკატორია. მას აქვს სწრაფი და ხანგრძლივი ანტიალერგიული მოქმედება. მდგომარეობის გაუმჯობესება აღინიშნება პრეპარატის მიღებიდან 30 წთ-ის განმავლობაში. ანტიჰისტამინური ეფექტის მაქსიმუმი აღინიშნება მიღებიდან 8_12 სთ-ის შემდეგ და გრძელდება 24 სთ-ზე მეტი ხნის განმავლობაში.
ფარმაკოკინეტიკა
პერორალური მიღებისას ლორატადინი სწრაფად შეიწოვება კუჭ-ნაწლავის ტრაქტიდან. ლორატადინის მაქსიმალური კონცენტრაცია (Cmax) სისხლის პლაზმაში 1.3 სთ-ში მიიღწევა, მისი აქტიური მეტაბოლიტის დეზლორატადინის _ 2.5 სთ-ში. საკვების მიღება დაახლოებით 1 სთ-ით ზრდის ლორატადინისა და დეზლორატადინის Cmax – ის მიღწევის დროს, მაგრამ ამ ნივთიერებების Cmax არ იცვლება.
ლორატადინის ნახევარგამოყოფის პერიოდი (T1/2) საშუალოდ 8 სთ-ია (3 სთ-დან 20 სთ-მდე), დეზლორატადინის _ 28 სთ (9 სთ-დან 92 სთ-მდე). ლორატადინის 80% გამოიყოფა მეტაბოლიტების სახით შარდით და განავლით ერთნაირი თანაფარდობით 10 დღის განმავლობაში; 27% _ შარდით პირველი დღის განმავლობაში.
ფარმაკოკინეტიკა განსაკუთრებულ კლინიკურ შემთხვევებში: T1/2 იზრდება ღვიძლის ალკოჰოლური დაზიანების დროს და არ იცვლება თირკმლის ქრონიკული უკმარისობისას.
Cmax იზრდება ხანდაზმულ პაციენტებში, თირკმლის ქრონიკული უკმარისობის, ღვიძლის ალკოჰოლური დაზიანების დროს.
ჰემოდიალიზი არ მოქმედებს ლორატადინისა და მისი აქტიური მეტაბოლიტის ფარმაკოკინეტიკაზე.
ჩვენებები
• სეზონური და ქრონიკული ალერგიული რინიტი;
• ალერგიული კონიუნქტივიტი;
• პოლინოზი;
• ჭინჭრის ციება (მათ შორის, ქრონიკული იდიოპათიკური ჭინჭრის ციება);
• კვინკეს შეშუპება;
• ქავილით მიმდინარე დერმატოზები;
• პსევდოალერგიული რეაქციები;
• ალერგიული რეაქციები მწერის ნაკბენზე.
მიღების წესები და დოზები
პრეპარატი მიიღება პერორალურად, საკვების მიღებასიგან დამოუკიდებლად.
მოზრდილებსა და 12 წელზე მეტი ასაკის მოზარდებში რეკომენდებულია 10 მგ ლორატადინის ერთხელ დღეში მიღება.
2-დან 12 წლამდე ასაკის ბავშვებში ლორატადინი ინიშნება სხეულის მასის მიხედვით: 30 კგ-ზე ნაკლები სხეულის მასის დროს _ 5 მგ ერთხელ დღეში, 30 კგ და მეტი სხეულის მასის დროს _ 10 მგ ერთხელ დღეში.
ღვიძლის ფუნქციის დარღვევის ან თირკმლის უკმარისობის მქონე პაციენტებში საწყისი დოზაა 10 მგ ყოველ მეორე დღეს.
გვერდითი მოვლენები
ნერვული სისტემის მხრივ: მოზრდილებში _ თავის ტკივილი, დაღლილობა, ძილიანობა; ბავშბებში _ იშვიათად თავის ტკივილი, ნერვოზულობა, სედატიური მოქმედება.
საჭმლის მომნელებელი სისტემის მხრივ: მოზრდილებში _ პირის სიმშრალე, გულისრევა, გასტრიტი; იშვიათად _ ღვიძლის ფუნქციის დარღვევა.
გულ-სისხლძარღვთა სისტემის მხრივ: მოზრდილებში _ იშვიათად გულისცემა, ტაქიკარდია.
ალერგიული რეაქციები: მოზრდილებში _ გამონაყარი კანზე; იშვიათად _ ანაფილაქსია.
სხვა: მოზრდილებში _ იშვიათად ალოპეცია.
უკუჩვენება
• მომატებული მგრძნობელობა ლორატადინის ან პრეპარატის სხვა კომპონენტების მიმართ;
• 2 წლამდე ასაკი.
ორსულობა და ლაქტაცია
პრეპარატის ორსულობის დროს გამოყენება დასაშვებია იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების პოტენციურ რისკს. პრეპარატის აქტიური კომპონენტები გადადიან დედის რძეში, რის გამოც მკურნალობის პერიოდში საჭიროა ძუძუთი კვების შეწყვეტა.
განსაკუთრებული მითითებები
პრეპარატი სიფრთხილით გამოიყენება ღვიძლის უკმარისობის დროს.
პრეპარატის ზემოქმედება ავტოტრანსპორტისა და მექანიზმების მართვის უნარზე: პრეპარატის გამოყენებისას საჭიროა თავის არიდება პოტენციურად საშიში ქმედებებისათვის, რომელიც ყურადღებასა და სწრაფ ფსიქომოტორულ რეაქციას მოითხოვს.
ჭარბი დოზირება
სიმპტომები: ძილიანობა, ტაქიკარდია, თავის ტკივილი.
მკურნალობა: კუჭის ამორეცხვა (ნატრიუმის ქლორიდის 0.9%-იანი ხსნარით), ადსორბენტების (გააქტივებული ნახშირი) მიღება, სიმპტომური მკურნალობის ჩატარება. ჰემოდიალიზი არაეფექტურია.
სხვა წამლებთან ურთიერთქმედება
ლორატადინისა და კეტოკონაზოლის, ერითრომიცინის ან ციმეტიდინის ერთდროული მიღებისას პლაზმაში აღინიშნება ლორატადინისა და მისი მეტაბოლიტის კონცენტრაციის გაზრდა, რაც არ ვლინდება კლინიკურად, მათ შორის, ეკგ-ს მონაცემებით.
ლორატადინი არ აძლიერებს ცნს-ზე ეთანოლის მოქმედებას.
შენახვის პირობები და ვადები
ინახება მშრალ ადგილას, არა უმეტეს 25ºC ტემპერატურაზე.
ინახება ბავშვებისათვის მიუწვდომელ ადგილას.
ვარგისობის ვადა: 3 წელი.
შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
აფთიაქში გაცემის წესი
ფარმაცევტული პროდუქტის ჯგუფი III (გაიცემა ურეცეპტოდ).

Share this...Share on Facebook
Facebook