ტრიტაცე 10 მგ

ტრიტაცე. ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): რამიპრილი/ramipril

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: არტერიული ჰიპერტენზიის სამკურნალო საშუალება. ანგიოტენზინ-გარდაქმნელი ფერმენტების ინჰიბიტორები

ათქ კლასიფიკაციის კოდი:  C09AA05
შემადგენლობა და გამოშვების ფორმა
ტაბლეტები: ბლისტერზე 28 ტაბ.
1 ტაბ.
რამიპრილი…………………………………………….2.5 მგ
ტაბლეტები: ბლისტერზე 28 ტაბ.
1 ტაბ.
რამიპრილი…………………………………………….5 მგ
ტაბლეტები: ბლისტერზე 28 ტაბ.
1 ტაბ.
რამიპრილი…………………………………………….10 მგ

დამხმარე ნივთიერებები: ჰიპრომელოზა, პრეჟელატინირებული სახამებელი (სიმინდის სახამებელი), მიკროკრისტალური ცელულოზა, ნატრიუმის სტეარილფუმარატი, რკინის ოქსიდის ჰიდრატი (E 172).

ფარმაკოლოგიური თვისებები
პრეპარატი წარმოადგენს აგფ_ინჰიბიტორს, რომელიც ხელს უწყობს არტერიული წნევის დაქვეითებას და გულის მუშაობის გაუმჯობესებას.

ჩვენებები
– არტერიული ჰიპერტენზია, რომელიც გამოწვეული არ არის ორგანული მიზეზებით (პირველადი არტერიული ჰიპერტენზია);
– სუსტი ან ზომიერი გულის უკმარისობა (NYHA II-დან III-მდე), გულის მწვავე შეტევის შემდგომ, რომელსაც ადგილი ჰქონდა 2-9 დღით ადრე;
– თირკმლის გარკვეულ დაავადებათა მქონე პაციენტებში, რომელთაც არ აღენიშნებათ დიაბეტი (არადიაბეტური გლომერულოპათია, კრეატინინის კლირენსი <70 მლ/წთ/1.73მ3, შარდში პროტეინების გამოყოფა 1 გრ/დღ. მეტი რაოდენობით), განსაკუთრებით კი იმ შემთხვევაში, თუ ამავდროულად აღინიშნება მაღალი არტერიული წნევა;
– გულის შეტევისა თუ ინფარქტის ან გულ-სისხლძარღვთა დაავადებით სიკვდილიანობის რისკის შემცირება: მაგალითად, თუ აღინიშნება გულის მხრივ სისხლის მიმოქცევასთან დაკავშირებული პრობლემები (გამოხატული გულის იშემიური დაავადება), შაქრიანი დიაბეტი სულ მცირე ერთი დამატებითი რისკ-ფაქტორით, კიდურებში სისხლის მიმოქცევასთან დაკავშირებული პრობლემები (პერიფერიული არტერიული ოკლუზიური დაავადება), ან ადრე გადატანილი ინფარქტი.

დოზირების რეჟიმი
პრეპარატი მიიღება პერორალურად.
თირკმლის ნორმული ფუნქციის მქონე პაციენტებში გამოიყენება შემდეგი დოზები, გარდა იმ შემთხვევებისა, თუ მათი დანიშვნა სხვაგვარად არ ხდება:
ორგანული მიზეზის გარეშე გამოწვეული სისხლის მაღალი წნევა (პირველადი არტერიული ჰიპერტენზია): ჩვეულებრივ, საწყისი დოზა არის 1 X ტრიტაცე® 2.5 მგ ტაბლეტი (2.5 მგ რამიპრილის ექვივალენტი) დილით. აღნიშნული დოზა წარმოადგენს, აგრეთვე, შემანარჩუნებელ დოზას. თუ აღნიშნული დოზის საშუალებით არტერიული წნევა არ არის ნორმის ფარგლებში, თქვენს ექიმს შეუძლია გაზარდოს დოზა დღეში 5 მგ რამიპრილამდე არაუადრეს 3 კვირაზე. მაქსიმალურ დოზას წარმოადგენს დღეში 10 მგ რამიპრილი. იმ შემთხვევაში, თუ საკმარისი არა არის დღეში 2 X ტრიტაცე® 2.5 მგ ტაბლეტების (5 მგ რამიპრილის ექვივალენტი) არტერიული წნევის დამწევი ეფექტი, რეკომენდებულია, მაგალითად, დამატებით დიურეზულების ან კალციუმის ანტაგონისტების მიღება. რამიპრილის არტერიული წნევის დამწევი ეფექტის გაზრდა შესაძლებელია ამ გზით.
გულის სუსტი ან ზომიერი უკმარისობა (NYHA II-დან III-მდე), გულის მწვავე შეტევის შემდეგ (2-9 დღით ადრე).

შენიშვნა:
ტრიტაცე® 2.5 მგ ტაბლეტებით მკურნალობის კურსი იწყება მხოლოდ საავადმყოფოს პირობებში.
განსაკუთრებით ყურადღებით უნდა განხორციელდეს მეთვალყურეობა იმ პაციენტებზე, რომლებიც ღებულობენ არტერიული წნევის დამწევ სხვა პრეპარატებს, რათა თავიდან აიცილონ არტერიული წნევის დაცემა.
საწყის სადღეღამისო დოზას წარმოადგენს 1 X ტრიტაცე® 2.5 მგ ტაბლეტები (დღეში 5 მგ რამიპრილის ექვივალენტი). თუ აღნიშნული დოზის მიმართ პაციენტებს არ ახასიათებთ ტოლერანტობა (მაგ. თუ ადგილი აქვს არტერიული წნევის მკვეთრ დაცემას), სადღეღამისო დოზა უნდა შემცირდეს 1.25 მგ რამიპრილამდე (დღეში 2.5 მგ რამიპრილის ექვივალენტი).
დოზის გაზრდა ხდება პაციენტის მდგომარეობის მიხედვით. დოზის გაორმაგება შესაძლებელია 1-2 დღის ინტერვალით, 2 X ტრიტაცე® 2.5 მგ ტაბლეტების მაქსიმალურ დღიურ დოზამდე როგორც დილით, ისე საღამოს (დღეში 10 მგ რამიპრილის ექვივალენტი).
არადიაბეტური გლომერულოპათია: რეკომენდებული საწყისი დოზა არის 1.25 მგ რამიპრილი დღეში ერთჯერ. დოზის გაზრდა შესაძლებელია პრეპარატის მიმართ ტოლერანტობის მიხედვით. დოზის გაორმაგება რეკომენდებულია 2-3 კვირიანი ინტერვალით.
შემანარჩუნებელ დოზას ჩვეულებრივ წარმოადგენს 2 X ტრიტაცე® 2.5 მგ ტაბლეტები (5 მგ რამიპრილის ექვივალენტი) ერთჯერ დღეში. უფრო მაღალი დოზით მკურნალობასთან დაკავშირებით ამჟამად არ არსებობს საკმარისი გამოცდილება. იმ პაციენტებში, რომელთაც აღენიშნებათ 60 მლ/წთ-ზე ნაკლები  კრეატინინის კლირენსი, დაუშვებელია 2 X ტრიტაცე® 2.5 მგ ტაბლეტების (5 მგ რამიპრილის ექვივალენტი) დღიური მაქსიმალური დოზის გადაჭარბება.
გულის შეტევის, ინფარქტის ან გულ-სისხლძარღვთა დაავადებით გარდაცვალების რისკის შემცირება იმ პაციენტებში, რომელთაც აღენიშნებათ  გულ-სისხლძარღვთა დაავადებების მზარდი რისკი: რეკომენდებული საწყისი დოზა არის 1 X ტრიტაცე® 2.5 მგ ტაბლეტები (2.5 მგ რამიპრილის ექვივალენტი) დღეში ერთხელ. პრეპარატის მიმართ ტოლერანტობის მიხედვით, შესაძლებელია დოზის თანდათან ზრდა. რეკომენდებულია დოზის გაორმაგება ერთი კვირის შემდეგ და მომდევნო 3 კვირის შემდეგ დღეში 10 მგ რამიპრილამდე გაზრდა, როგორც ჩვეულებრივი შემანარჩუნებელი დოზა.
დოზის განსაზღვრა იმ პაციენტებში, რომელთაც აღენიშნებათ თირკმლის ფუნქციის დარღვევა (60 მლ/წთ-ზე ნაკლები კრეატინინის კლირენსი): საწყის დოზას წარმოადგენს 1.25 მგ რამიპრილი დილით.
შემანარჩუნებელი დოზა არის ჩვეულებრივ 1 X ტრიტაცე® 2.5 მგ ტაბლეტები (2.5 მგ რამიპრილის ექვივალენტი) დღეში. დაუშვებელია 2 X ტრიტაცე® 2.5 მგ ტაბლეტების (5 მგ რამიპრილის ექვივალენტი) დღიური მაქსიმალური დოზის გადაჭარბება.
მიღების დრო და სიხშირე: პრეპარატის მიღება ხდება უშუალოდ საუზმის წინ, დროს ან მის შემდეგ საკმაო რაოდენობით სითხესთან ერთად. აქტიური ნივთიერება რამიპრილის აბსორბციაზე არსებით გავლენას არ ახდენს საკვები.
გულის მწვავე შეტევის შემდგომი გულის უკმარისობის მქონე პაციენტების შემთხვევაში თავდაპირველად მითითებული დღიური დოზა უნდა გაიყოს ორ ინდივიდუალურ დოზად (დილის და საღამოს დოზა). სხვა პაციენტებში დღიური დოზა მიიღება ერთჯერადად დილით.
იმ პაციენტებში, რომელთაც განუვითარდათ გულის უკმარისობა გულის მწვავე შეტევის შემდგომ, პრეპარატით მკურნალობა იწყება გულის შეტევიდან 2-9 დღეში.
მკურნალობის ხანგრძლივობა: ექიმი თავად წყვეტს მკურნალობის კურსის ხანგრძლივობას. იმ პაციენტებისათვის, რომელთაც აღენიშნებათ გულის უკმარისობა გულის მწვავე შეტევის შემდეგ, რეკომენდებულია პრეპარატის მიღება სულ მცირე 15 თვის მანძილზე.

გვერდითი მოვლენები
სხვა პრეპარატების მსგავსად, ტრიტაცეს ახასიათებს გვერდითი ეფექტები, თუმცა არა ყველა პაციენტთან მიმართებაში. ქვემოთ მოცემულია ტრიტაცეს და სხვა აგფ-ინჰიბიტორებისათვის დამახასიათებელი არასასურველი ეფექტები.
გვერდითი ეფექტების კლასიფიცირება შემდეგნაირად ხდება:
ძალიან ხშირი: 10 ნამკურნალებ პაციენტში 1-ზე მეტი შემთხვევა.
ხშირი: 10 ნამკურნალებ პაციენტში 1-ზე ნაკლები, მაგრამ 100 ნამკურნალებ პაციენტში 1-ზე მეტი შემთხვევა.
ნაკლებად ხშირი: 100 ნამკურნალებ პაციენტში 1-ზე ნაკლები, მაგრამ 1000 ნამკურნალებ პაციენტში 1-ზე მეტი შემთხვევა.
იშვიათი: 1000 ნამკურნალებ პაციენტში 1-ზე ნაკლები, მაგრამ 10000 ნამკურნალებ პაციენტში 1-ზე მეტი შემთხვევა.
ძალიან იშვიათი: 10000 ნამკურნალებ პაციენტში 1-ზე ნაკლები შემთხვევა, რაც მოიცავს ერთეულ შემთხვევებს.
ნერვული სისტემის მხრივ: ნაკლები სიხშირით თავს იჩენს თავის ტკივილი, დაღლილობა და წონასწორობის დარღვევა, ხოლო იშვიათად – თავბრუსხვევა, ჭარბი ძილიანობა (მოთენთილობა), დეპრესია, ძილის დარღვევა, იმპოტენცია, სქესობრივი ლტოლვის დაქვეითება, დაბნეულობა, შფოთვა, ნერვიულობა, მოუსვენრობა, კანკალი, სმენის დარღვევები (მაგ. ხმაური ყურებში), ბუნდოვანი მხედველობა და სუნის აღქმის დარღვევები, გემოსთან დაკავშირებული ცვლილებები ან გემოს შეგრძნების დროებით დაკარგვა. ძალიან იშვიათად – ჩხვლეტა, მეტყველების მოშლა და სიცივის შეგრძნება კიდურებში (პარესთეზია);
გულ-სისხლძარღვთა სისტემის მხრივ: განსაკუთრებით პრეპარატით მკურნალობით დასაწყისში და იმ პაციენტებში, რომელთაც აღენიშნებათ: მარილის და/ან სითხის უკმარისობა (მაგ., დიურეზულებით ადრე ჩატარებული მკურნალობის კურსი), გულის უკმარისობა (განსაკუთრებით გულის მწვავე შეტევის შემდეგ), მკვეთრად გამოხატული მაღალი არტერიული წნევა, მაგრამ აგრეთვე, აქტიური ნივთიერება რამიპრილის და/ან დიურეზულების დოზის გაზრდის შემდეგ, არტერიული წნევის მკვეთრმა დაცემამ (ჰიპოტენზია, განსაკუთრებით წამოდგომისას) შესაძლებელია თავი იჩინოს ნაკლები სიხშირით ისეთი სიმპტომების თანხლებით, როგორიცაა თავბრუსხვევა, თავის არეში სიცარიელის შეგრძნება(ხანდახან ყურადღების კონცენტრაციის დარღვევასთან ერთად), ოფლიანობა,  სისუსტის შეგრძნება და მხედველობის დარღვევები. აღნიშნულ შემთხვევაში იშვიათად აღინიშნება ცნობიერების დაკარგვა (სინკოპე).
არტერიული წნევის მკვეთრ დაცემასთან დაკავშირებით შესაძლებელია თავი იჩინოს შემდეგმა გვერდითმა ეფექტებმა:
ნაკლები სიხშირით – გულის რიტმის აჩქარება (ტაქიკარდია), იშვიათად – გულის აჩქარება და სტენოკარდია და ძალიან იშვიათად – გულის შეტევა (შესაძლოა სიცოცხლისათვის სახიფათო), ხანმოკლე სიმპტომური ცირკულაციური დარღვევები თავის ტვინში (ხანმოკლე იშემიური შეტევა) და ინფარქტი (იშემიური ცერებრალური შეტევა, შესაძლოა იყოს სიცოცხლისათვის სახიფათო). იშვიათ შემთხვევებში, თავს იჩენს ან უარესდება გულისცემის სიხშირის დარღვევები. ძალიან იშვიათად – სისხლის მიმოქცევის დარღვევები, რაც გამოწვეულია პრეპარატით მკურნალობისას სისხლძარღვთა შევიწროების გაუარესებით.
სასუნთქი სისტემის მხრივ: ხშირად აღინიშნება მშრალი, გამაღიზიანებელი ხველა. იშვიათად – ბრონქების სპაზმური შევიწროება (ბრონქოსპაზმი), გაძნელებული სუნთქვა, ბრონქიტი, ცხვირის ლორწოვანი გარსის ანთება და გაცივება (რინიტი). იშვიათად ვითარდება აგფ-ინჰიბიტორებით გამოწვეული ქსოვილოვანი შეშუპება (ანგიონევროზული შეშუპება), რაც ვრცელდება ხორხზე, ყელსა და/ან ენაზე.
შავკანიან პაციენტებს უფრო მეტი მიდრეკილება ახასიათებთ ქსოვილოვანი შეშუპებისადმი, ვიდრე არაშავკანიანებს.
კუჭ-ნაწლავის ტრაქტის მხრივ: ნაკლები სიხშირით თავს იჩენს გულისრევა და მადის დაკარგვა. იშვიათად ისეთი სიმპტომები, როგორიცაა მუცლის ტკივილი, მუცლის ღრუს ზედა ნაწილის სიმპტომები (იშვიათად კუჭქვეშა ჯირკვლის ფერმენტების ზრდის თანხლებით), საჭმლის მონელების დაღვევა, პირღებინება, ფაღარათი ან ყაბზობა. ძალზედ იშვიათად გვხვდება კუჭ-ნაწლავის არეში ქსოვილოვანი შეშუპება (კუჭ-ნაწლავის ანგიონევროზული შეშუპება); იშვიათად – პირის, ენის ან კუჭ-ნაწლავის ტრაქტის ლორწოვანი გარსის ანთება, პირის სიმშრალე და წყურვილი; ძალზე იშვიათ შემთხვევებში – კუჭქვეშა ჯირკვლის ანთება (პანკრეატიტი) და კუჭ-ნაწლავის ფუნქციის დარღვევა (სუბილეუს, ილეუს).
ღვიძლის მხრივ: აგფ-ინჰიბიტორებით მკურნალობის დროს ძალიან იშვიათ შემთხვევებში ვლინდება სინდრომი, რომელიც ჩნდება ნაღვლის ბუშტის ფუნქციის დარღვევის შედეგად გამოწვეული სიყვითლით (ქოლესტაზური სიყვითლე) და იწვევს ღვიძლის უჯრედების ნეკროზს (ღვიძლის ნეკროზი, რომელიც შეიძლება სიცოცხლისათვის საშიში აღმოჩნდეს). ღვიძლის ფუნქციის დარღვევები (ღვიძლის მწვავე უკმარისობის ჩათვლით) და ღვიძლის ანთება (ჰეპატიტის) ვლინდება ძალზედ იშვიათად.
სიყვითლის (იცტერუს) გამოვლინების ან ღვიძლის ფერმენტების მკვეთრი ზრდის შემთხვევაში, დაუყოვნებლივ უნდა შეწყდეს ტრიტაცეთი მკურნალობა და პაციენტი მოთავსდეს სამედიცინო მეთვალყურეობის ქვეშ.
კანის, ალერგიული რეაქციების მხრივ: კანის ან ლორწოვანი გარსის რეაქციები (სავარაუდოდ ალერგიული რეაქციების ნიშნები), როგორიცაა გამონაყარი, ჭინჭრის ციება, ქავილი ან ქსოვილოვანი შეშუპება (ანგიონევროზული შეშუპება), რომელიც ვრცელდება ტუჩებზე, სახესა და/ან კიდურებზე, თავს იჩენს ნაკლები სიხშირით და საჭიროებენ პრეპარატით მკურნალობის შეწყვეტას. შესაძლებელია, აგრეთვე, განვითარდეს ზომიერი, არა-ანგიონევროზული შეშუპება, მაგალითად, კოჭის სახსრების მიდამოებში.
ნაკლები სიხშირით ვლინდება თვალის ეპითელური ქსოვილის (კონიუქტივიტი) გაღიზიანება და იშვიათად – სახის სიწითლე. ძალზედ იშვიათ შემთხვევებში გვხდება ისეთი სერიოზული კანის რეაქციები, როგორიცაა მრავალფორმიანი ერითემა, სტივენს-ჯონსის სინდრომი ან ტოქსიკური ეპიდერმული ნეკროლიზი. ძალიან იშვიათად – გამონაყარი ლაქებითა და შესიებით (მაკულოპაპულური ეგზანთემა ან ენანთემა), ან ბუშტუკის ფორმის კანის მწვავე დაავადება (პერფინგუსი), კანის საფარველის გაუარესება (ფსორიაზი), კანსა თუ ლორწოვან გარსში ქერცლიანი, ბუშტუკოვანი ან სირსველისებური (ფსორიაზიფორმული, პემფიგოიდური ან სირსველისებური) ცვლილებები, მგრძნობელობა სინათლის მიმართ(ფოტოსენსიბილიზაცია), თმის ცვენა, ფრჩხილების გაყოფა, სისხლძარღვების ანთება და რეინოს დაავადებისას (სიმეტრიული განგრენა) სისხლძარღვთა სპაზმების მომატება ან განვითარება.
კანზე მომხდარ ზოგიერთ ცვლილებას, შესაძლებელია თან ახლდეს ტემპერატურის მომატება, კუნთებისა და სახსრების ტკივილი (მიალგია, ართრალგია), სისხლძარღვთა ანთება და გარკვეული ლაბორატორიული პარამეტრების შეცვლა (ეოზინოფილური ლეიკოციტოზი და/ან ანტინუკლეინური ანტისხეულების მაჩვენებლის ზრდა)
კანის სერიოზული რეაქციის არსებობის ეჭვის შემთხვევაში, დაუყოვნებლივ მიმართეთ თქვენს მკურნალ ექიმს და საჭიროების შემთხვევაში შეწყვიტეთ ტრიტაცე® 2.5  მგ ტაბლეტების მიღება.
მწერის შხამით გამოწვეული ჰიპერმგრძნობელობითი რეაქციები თავს იჩენს აგფ-ინჰიბიტორებთან მიმართებაში და თან ახლავთ მეტად სეროზული შედეგები.
თირკმელების მხრივ: თირკმლის ფუნქციის დარღვევების შემთხვევა ან გაუარესება ნაკლებად ხშირია და ძალზედ იშვიათ შემთხვევებში იწვევენ თირკმლის მწვავე უკმარისობას. ძალზედ იშვიათად გვხდება შარდში პროტეინების მზარდი გამოყოფის შემთხვევები, რასაც ზოგჯერ თან ახლავს თირკმლის ფუნქციის გაუარესება.
საყრდენ-მამოძრავებელი და სხვა სისტემების მხრივ: ძალზედ იშვიათად – კუნთების შევიწროება, კუნთებისა და სახსრის ტკივილი ან სიცხე.
ცვლილებები სისხლში/ლაბორატორიული კვლევები: იშვიათად ვლინდება ჰემოგლობინის კონცენტრაციის შემცირება, ჰემატოკრიტი, ლეიკოციტები თუ თრომბოციტები. განსაკუთრებით თირკმლის დარღვეული ფუნქციის, კოლაგენოზის მქონე პაციენტებში ან ვინც ამავდროულად იღებს ალოპურინოლს, პროკაინამიდს, ან გარკვეულ პრეპარატებს, რომლებიც ხელს უწყობს დაცვითი რეაქციების შემცირებას, ძალზედ იშვიათად გვხდება სისხლის საერთო ანალიზში პათოლოგიური შემცირება ან სხვა ცვლილებები (ანემია, თრომბოციტოპენია, ნეიტროპენია, ეოზინოფილია). ძალზედ იშვიათად – სისხლის ზოგიერთი ან ყველა უჯრედის სრული დაკარგვა (მაგალითად, ძვლის ტვინის განვითარების უნარის დაკარგვით გამოწვეული აგრანულოციტოზი ან პანციტოპენია). ძალზედ იშვიათ შემთხვევებში შეინიშნება მომატებული ანტინუკლეინური ანტისხეულების მაჩვენებლები.
ჰემოლიზის/ჰემოლიზური ანემიის ძალზედ იშვიათი შემთხვევები აღინიშნება, იშვიათი ნივთიერებათა ცვლის დარღვევასთან კავშირის ჩათვლით (გლუკო-6-ფოსფატა დეჰიდროგენაზას უკმარისობა).
ნაკლებად ხშირ შემთხვევებში, თირკმლის დარღვეული ფუნქციის მქონე პაციენტებში, შესაძლებელია გაიზარდოს სისხლში შარდოვანას და კრეატინინის კონცენტრაციები, აგრეთვე, ძალიან იშვიათად – სისხლში კალციუმის შემცველობის დონეები, მაშინ, როდესაც ცალკეულ შემთხვევებში, შესაძლებელია ადგილი ჰქონდეს სისხლში ნატრიუმის შემცველობის დონის შემცირებას.
სისხლში კალიუმის შემცველობის მომატება ახასიათებთ იმ პაციენტებს, რომელთაც აქვთ გამოხატული დიაბეტი (შაქრიანი დიაბეტი).
ნაკლები სიხშირით ვლინდება ბილირუბინისა და ღვიძლის ფერმენტების კონცენტრაციის ზრდა და იშვიათად – შრატის კუჭქვეშა ჯირკვლის ფერმენტები.
ძალზედ იშვიათ შემთხვევებში აღინიშნება შარდში პროტეინების გამოყოფა.
შენიშვნა: აღნიშნული ლაბორატორიული მაჩვენებლები უნდა იქნას შესწავლილი მკურნალობის დაწყებამდე და რეგულარულად პრეპარატით მკურნალობის მანძილზე.
მწვავე გვერდითი ეფექტების გამოვლენის შემთხვევაში: მოულოდნელი, აგფ-ინჰიბიტორებით გამოწვეული ქსოვილოვანი შეშუპების, რომელიც ვრცელდება ხორხზე, ყელსა და/ან ენაზე, მკურნალობა დაუყოვნებლივ ხდება ექიმთან. უცილებელია სტაციონარში სულ მცირე 12-24 საათიანი მონიტორინგი.
ზოგიერთ ვითარებაში სისხლის წნევის მკვეთრი დაცემა, სიყვითლე და ჰიპერმგრძნობელობითი რეაქციები შესაძლებელია სიცოცხლისათვის სახიფათო აღმოჩნდეს.

უკუჩვენებები
– მომატებული მგძნობელობა აქტიური ნივთიერება რამიპრილის, სხვა აგფ-ინჰიბიტორებისა თუ ტრიტაცე® ტაბლეტების ნებისმიერი შემადგენელი ნივთიერების მიმართ;
– მიდრეკილება ქსოვილოვანი შეშუპებისადმი (ანგიონევროზული შეშუპება, რასაც იწვევს ადრე ჩატარებული მკურნალობა აგფ-ინჰიბიტორებით);
– თირკმლის არტერიების შევიწროება (ორივე მხარეს ან ცალ მხარეს – ერთი თირკმლის არსებობის შემთხვევაში);
– ახლახანს გადანერგილი თირკმელი;
– გულის მარცხენა პარკუჭის სარქველების მნიშვნელოვანი შევიწროება (ჰემოდინამიურად შესაბამისი აორტის ან მიტრალური სარქველის სტენოზი) ან მარცხენა პარკუჭიდან სისხლის გამოდენის სხვა სახით დარღვევა (დარღვეული ჰიპერტროფიული კარდიომიოპათია);
– სისხლში საწყისი ალდოსტერონის მზარდი კონცენტრაციები;
– ორსულობა (ორსულობა უნდა გამოირიცხოს მკურნალობის დაწყებამდე და მკურნალობის მანძილზე);
– ლაქტაციის პერიოდი;
– მუდმივი, გამოხატული, დაბალი არტერიული წნევა (ჰიპოტენზია; 90 mmHG-ზე ნაკლები სისტოლური წნევა);
– არტერიული წნევის მკვეთრი დაცემა მწოლიარე მდგომარეობიდან წამოჯდომის დროს (პოსტურალური დარღვევა);
– გულის მწვავე უკმარისობა (NYHA IV);
– გულ-მკერდის არეში მოულოდნელი ეპიზოდური ტკივილი (არასტაბილური სტენოკარდია);
– სიცოცხლისათვის საშიში გულის რითმის დარღვევები (პარკუჭოვანი ექსტრასისტოლია);
– ფილტვისმიერი გული (core pulmonale).
ვინაიდან პრეპარატით მკურნალობასთან დაკავშირებით არასაკმარისი გამოცდილებაა, მათი მიღება შემდეგ შემთხვევებში დაუშვებელია:
– თირკმლის დაავადებები, რომელთა მკურნალობაც ხორცილედება იმ პრეპარატებით, რომლებიც ამცირებს სხეულის თავდაცვის უნარს (კორტიკოსტეროიდები, არასტეროიდული ანთების საწინააღმდეგო პრეპარატები, იმუნომოდულატორები და/ან ციტოტოქსიკური ნივთიერებები);
– დიალიზის შემდეგ;
– ღვიძლის პირველადი დაავადება ან ღვიძლის მწვავე დისფუნქცია;
– გულის მძიმე უკმარისობა ისეთი სიმპტომების თანხლებით, როგორიცაა სითხის დაგროვება ქსოვილსა და/ან სხეულის ღრუში (დეკომპენსირებული გულის უკმარისობა);
– ბავშვთა ასაკი.
ტრიტაცეს ან სხვა აგფ-ინჰიბიტორების ერთდროულმა მიღებამ და სისხლის ფილტრაციის გარკვეულმა პროცედურებმა, რომლის დროსაც სისხლი ეხება უარყოფითად დამუხტულ ზედაპირებს (მაგ. “AN 69 მემბრანა” დიალიზში ან დექსტრანის სულფატი დაბალი სიხშირის ლიპოპროტეინების აფერეზისში), შესაძლებელია გამოიწვიოს ჰიპერმგრძნობელობითი რეაქციები და სიცოცხლისათვის სახიფათო შოკიც კი.
შესაბამისად, გადაუდებელი დიალიზის ან ჰემოფილტრაციის ან დაბალი სიხშირის ლიპოპროტეინების აფერეზისის აუცილებლობის შემთხვევაში, წინასწარ უნდა შეწყდეს მკურნალობის კურსი და შეიცვალოს სხვა პრეპარატით (არა აგფ-ინჰიბიტორით) ან გამოყენებული უნდა იქნას დიალიზის განსხვავებული მემბრანა.
მწერების შხამთან (მაგ: ფუტკრის ან ბზიკის შხამთან) მიმართებაში მგრძნობელობის დაქვეითების (დესენსიბილიზაციის) აუცილებლობის შემთხვევაში, აგფ-ინჰიბიტორი დროებით უნდა შეიცვალოს სხვა ჯგუფის შესაბამისი პრეპარატით. წინააღმდეგ შემთხვევაში, შეიძლება განვითარდეს სიცოცხლისათვის სახიფათო ჰიპერმგრძნობელობითი რეაქციები (როგორიცაა სისხლის წნევის დაცემა, სუნთქვის გაძნელება, ღებინება, კანის ალერგიული რეაქციები). აღნიშნულმა რეაქციებმა, შესაძლებელია აგრეთვე, თავი იჩინონ მწერის (მაგ. ფუტკრების ან ბზიკების) კბენის შემდეგ.

ორსულობა და ლაქტაცია 
ორსულობა: პრეპარატის მიღებამდე ორსულობა უნდა გამოირიცხოს რეპროდუქციული ასაკის ქალებში. პრეპარატით მკურნალობის განმავლობაში, ამ ქალებმა უნდა გამოიყენონ კონტრაცეპციის ადექვატური მეთოდები.
ტრიტაცეთი მკურნალობის პროცესში დაორსულების შემთხვევაში, მიმდინარე მკურნალობის კურსი უნდა შეიცვალოს მკურნალობის სხვა მეთოდით სამედიცინო მეთვალყურეობის ქვეშ, რათა შემცირდეს ბავშვის ჯანმრთელობაზე არსებული საფრთხის რისკი. პოტენციურად ყველაზე ძლიერი ზიანი ბავშვს შეიძლება მიაყენოს პრეპარატის მიღებამ ორსულობის ბოლო 6 კვირაში.
ლაქტაცია: პრეპარატის აქტიური ნივთიერება რამიპრილი გადადის ცხოველთა რძეში. ვინაიდან არ არის დადგენილი, გადადის თუ არა რამიპრილი ქალის რძეში და იწვევს თუ არა არასასურველ ეფექტს ბავშვზე ძუძუს წოვის დროს, ამიტომ დაუშვებელია პრეპარატის მიღება ლაქტაციის პერიოდში. თუ ექიმი ჩათვლის, რომ მკურნალობა აუცილებელია ლაქტაციის პერიოდში, მაშინ უნდა შეწყდეს ძუძუთი კვება.

განსაკუთრებული მითითებები
თუ აღინიშნება ან აღინიშნებოდა ერთ-ერთი ქვემოთ მოცემული დაავადება:
– წყალ-მარილოვანი დისბალანსი (მაგ. მუდმივი ღებინების ან ფაღარათის შემდეგ);
– დარღვეული იმუნური რეაქციები ან კოლაგენოზი (წითელი მგლურა, სკლეროდერმია);
– იმ პრეპარატების ერთდროული მიღება, რომლებიც ამცირებს თავდაცვით რეაქციებს (მაგ., კორტიკოსტეროიდები, ციტოსტატიკები, ანტიმეტაბოლიტები) ან ალოპურინოლის, პროკაინამიდის ან ლითიუმის მიღება.
ტრიტაცეს პირველად მიღებამ ან დოზის გაზრდამ, შესაძლებელია გამოიწვიოს სისხლის წნევის მოულოდნელი, მკვეთრი დაცემა და თირკმლის ფუნქციის დარღვევა შემდეგ შემთხვევებში:
– ერთდროული მიღება წყლის ტაბლეტებთან (დიურეზულებთან) ერთად;
– წყალ-მარილოვანი უკმარისობა;
– მკვეთრად გამოხატული მაღალი არტერიული წნევა;
– გულის უკმარისობა, განსაკუთრებით გულის მწვავე შეტევის შემდეგ;
– გულის მარცხენა პარკუჭიდან სისხლის მიმოქცევასთან დაკავშირებული პრობლემები (მაგ, აორტის ან მიტრალური სარქველის შევიწროება, ჰიპერტროფიული კარდიომიოპათია);
– თირკმლის არტერიის ჰემოდინამიურად შესაბამისი შევიწროება (შეიძლება აუცილებელი გახდეს მიმდინარე დიურეზულებით მკურნალობის შეწყვეტა).
აღნიშნულ შემთხვევებში, მაგალითად, თუ სხეულის კომპლექსური სისხლის წნევის მარეგულირებელი სისტემა (რენინანგიოტენზინის სისტემა) უკვე განსაკუთრებულად გააქტიურებულია, სისხლის წნევაზე ყურადღებით უნდა ჩატარდეს მონიტორინგი, რათა გამოირიცხოს არტერიული წნევის შემდგომი დაცემა.
მკურნალობის დასაწყისში აგრეთვე ყურადღებით უნდა განხორციელდეს მონიტორინგი არტერიული წნევის ცვლილებაზე, იმ შემთხვევაში თუ პაციენტი 65 წელზე მეტი ასაკისაა; თუ სისხლის წნევის არასასურველი, მკვეთრი დაცემა განსაკუთრებით სახიფათოა პაციენტისათვის (მაგ., კორონარული სისხლძარღვების ან იმ სისხლძარღვების შევიწროება, რომლებიც თავის ტვინს ამარაგებს).
პრეპარატის მიღებამდე უნდა შემოწმდეს თირკმლის ფუნქცია. რეკომენდებულია, რომ თირკმლის ფუნქციაზე ყურადღებით განხორციელდეს დაკვირვება, განსაკუთრებით კი მკურნალობის პირველ რამდენიმე კვირაში.
ზემოაღნიშნული განსაკუთრებით ეხება:
– იმ პაციენტებს, რომელთაც აღენიშნებათ გულის უკმარისობა;
– პაციენტებს, რომელთაც აღენიშნებათ თირკმლის არტერიების შევიწროება ცალ მხარეს;
– პაციენტებს, რომელთაც აღენიშნებათ თირკმლის დისფუნქცია.
აუცილებელია სისხლის ცალკეული მაჩვენებლის შემოწმება, განსაკუთრებით მკურნალობის დასაწყისსა და შემდეგ რისკ-პაციენტებში: პაციენტები, რომელთაც აღენიშნებათ თირკმლის დისფუნქცია, კოლაგენოზი და რომლებიც იტარებენ მკურნალობას იმ პრეპარატებით, რომლებმაც შეიძლება გავლენა მოახდინონ სისხლის ანალიზზე (მაგ. პრეპარატები, რომლებიც ამცირებენ თავდაცვით რეაქციებს, ალოპურინოლი ან პროკაინამიდი).
იმ შემთხვევაში, თუ აღინიშნება ისეთი სიმპტომები, როგორიცაა სიცხე, ლიმფური კვანძების გაფართოება და/ან ყელის ანთება პრეპარატით მკურნალობის დროს, აუცილებელია ექიმის კონსულტაცია (ლეიკოციტების ანალიზი).

გაფრთხილება: იმ შემთხვევაში, თუ მკურნალობის დროს განვითარდება ქსოვილოვანი შეშუპება (ანგიონევროზული შეშუპება), მკურნალობა პრეპარატით დაუყოვნებლივ უნდა შეწყდეს და აუცილებელია ექიმის კონსულტაცია. შესაძლებელია იგი გავრცელდეს ხორხზე, ყელსა და/ან ენაზე. აგრეთვე შეიძლება ადგილი ჰქონდეს ტუჩების, სახის, კიდურებისა და კუჭ-ნაწლავის ქსოვილის შეშუპებას.
ხანდაზმული პაციენტები: ხანდაზმული (65 წელზე მეტი ასაკის) პაციენტების მკურნალობისას აუცილებელია სიფრთხილის ზომების დაცვა.
ბავშვები: ვინაიდან პრეპარატით მკურნალობის გამოცდილება დადგენილი არ არის, ამიტომ იგი  ბავშვებში არ გამოიყენება.
პრეპარატის ზემოქმედება ავტოტრანსპორტისა და მექანიზმების მართვის უნარზე: პრეპარატით მკურნალობა საჭიროებს რეგულარულ სამედიცინო მონიტორინგს. ინდივიდუალურად გამოხატული განსხვავებული რეაქციების გამო, მან შეიძლება გავლენა მოახდინოს რეაქციის დროზე და დაარღვიოს სატრანსპორტო საშუალების მართვის, მანქანების გამოყენების ან უსაფრთხოდ მუშაობის უნარი. ეს განსაკუთრებით თავს იჩენს მკურნალობის დასაწყისში, დოზის გაზრდისას, სხვა პრეპარატზე გადასვლისას ან ალკოჰოლთან კომბინაციაში.
მითითება: პრეპარატის მიღება აუცილებელია მხოლოდ ექიმის მიერ დანიშნული ვადის მანძილზე.
სიფრთხილე: განსაკუთრებით იმ პაციენტებში, რომელთაც აღენიშნებათ წყალ-მარილოვანი უკმარისობა (მაგ. პირღებინება, ფაღარათი, დიურეზულებით მკურნალობა), გულის უკმარისობა, განსაკუთრებით გულის მწვავე შეტევის შემდეგ, ან მკვეთრად გამოხატული მაღალი სისხლის წნევა, სისხლის წნევის მკვეთრმა დაცემამ შესაძლებელია თავი იჩინოს ტრიტაცეთი მკურნალობის დასაწყისში.
შესაბამისად, უნდა მოხდეს მარილისა თუ სითხის არსებული დისბალანსის კორექცია პრეპარატით მკურნალობის დაწყებამდე. დიურეზულების დოზა უნდა შემცირდეს ან საერთოდ შეწყდეს სულ მცირე 2-3 დღით ადრე. აღნიშნულ პაციენტებში მკურნალობის კურსი იწყება რამიპრილის 1.25 მგ დოზით დილით. შესაბამისად, ტრიტაცეთი ან ძლიერმოქმედი დიურეტიკების დოზის შემდგომი ზრდის შემდეგ, პაციენტი უნდა იყოს სამედიცინო მეთვალყურეობის ქვეშ სულ მცირე რვა საათი მაინც, რათა თავიდან აიცილოთ სისხლის წნევის მკვეთრი დაცემა.
აგფ-ინჰიბიტორის ეფექტი შეიძლება უფრო ძლიერი იყოს ზოგიერთ ხანდაზმულ პაციენტში (65 წელზე მეტი ასაკის), ვიდრე ახალგაზრდა პაციენტებში. ყველაზე დაბალი საწყისი დოზის (დღეში 1.25 მგ რამიპრილი) მიღება მიზანშეწონილია ხანდაზმულ პაციენტებსა და იმ პაციენტებში, რომელთა მიმართებაშიც სისხლის წნევის მკვეთრი დაცემა მეტად სახიფათოა. (მაგ. პაციენტები, რომელთაც ახასიათებთ კორონარული სისხლძარღვების და იმ სისხლძარღვების შევიწროება, რომლებიც ტვინს სისხლით ამარაგებს).
იმ პაციენტებს, რომელთაც აღენიშნებათ სისხლის მაღალი წნევის სერიოზულად პროგრესირებადი ფორმა (ავთვისებიანი ჰიპერტენზია) ან გულის უკმარისობა, განსაკუთრებით გულის მწვავე შეტევის შემდეგ, ტრიტაცეთი მკურნალობა უნდა იქნას დაწყებული საავადმყოფოში.

ჭარბი დოზირება
დოზის გადაჭარბების შემთხვევაში, ან თუ ბავშვმა მიიღო რამდენიმე ტაბლეტი, აუცილებელია გადაუდებელი სასწრაფო დახმარების აღმოჩენა.
ჭარბ დოზირებასთან დაკავშირებით შესაძლებელია თავი იჩინონ შემდეგმა სიმპტომებმა: სისხლის წნევის მკვეთრი დაცემა, გულისცემის შენელებული სიხშირე, ცირკულაციური შოკი, მარილოვანი და სითხის დისბალანსი, თირკმლის ფუნქციის დარღვევა.
ერთი ან რამდენიმე დოზის გამოტოვება: ნუ მიიღებთ დამატებით დოზას შემდგომში, მხოლოდ განაგრძეთ დანიშნული დოზით მკურნალობა.
აბსტინენციური სინდრომის განვითარების რისკი: ნუ შეწყვეტთ ტრიტაცეთი მკურნალობას ექიმთან კონსულტაციის გარეშე.
არტერიული წნევა შეიძლება კვლავ გაიზარდოს იმ პაციენტებში, რომელთაც ახასიათებთ მაღალი არტერიული წნევა.

სხვა წამლებთან ურთიერთქმედება
– ტრიტაცეს®შეუძლია კიდევ უფრო გაზარდოს სისხლში კალიუმის შემცველობის დონე, კალიუმის შემცველი პრეპარატების მიღებისას ან სხვა პრეპარატების მიღებისას, რომლებიც ხელს უწყობენ კალიუმის შემცველობის დონის ზრდას. ზემოაღნიშნული მოიცავს გარკვეული ტიპის საშუალებებს (ე.წ. კალიუმის შემანარჩუნებელი დიურეზულები, როგორიცაა ამილორიდი, ტრიამტერენი, სპირონოლაქტონი) და ჰეპარინს.
– სისხლის წნევის დამწევი პრეპარატები, როგორიცაა კალციუმის არხების ბლოკატორები, β-ადრენობლოკატორები და, განსაკუთრებით, დიურეზულები, ხელს უწყობენ ტრიტაცეს სისხლის წნევის დამწევი ეფექტის ზრდას (სხვა დიურეზულებთან ერთდროული მკურნალობისას რეკომენდებულია სისხლში ნატრიუმის შემცველობის დონის რეგულარული მონიტორინგი).
– სხვა პრეპარატებს, რომელთაც ახასიათებთ სისხლის წნევის დამწევი ეფექტი (მაგ. ნიტრატები, ტრიციკლური ანტიდეპრესიული საშუალებები, საძილე მედიკამენტები და საანესთეზიო პრეპარატები – ჰიპნოზური საშუალებები, ნარკოტიკები, საანესთეზიო საშუალებები) შეუძლიათ უფრო მეტად შეუწყონ ხელი სისხლის წნევის დაქვეითებას.
– ტრიტაცეს სისხლის წნევის დამწევი ეფექტი შესაძლებელია შემცირდეს სისხლის წნევის ამწევი ისეთი საშუალებებით, როგორიცაა სისხლძარღვთა შემავიწროვებელი სიმპათომიმეტური პრეპარატები (მაგ. ეფედრინი).
– სისხლის ანალიზში ცვლილებები თავს იჩენენ ძირითადად ალოპურინოლთან, პროკაინამიდთან ან ისეთ პრეპარატებთან ერთდროული მკურნალობის დროს, რომლებიც ამცირებენ სხეულის თავდაცვით რეაქციებს (ციტოსტატურები, იმუნოდეპრესიული საშუალებები, სისტემური კორტიკოსტეროიდები).
– ლითიუმის მიღება დასაშვებია ტრიტაცესთან ერთად მხოლოდ იმ შემთხვევაში, თუ ყურადღებით განხორციელდა მონიტორინგი შრატში ლითიუმის კონცენტრაციებზე, რათა თავიდან იქნას აცილებული გულსა და ნერვებზე საზიანო ეფექტის რისკის ზრდა.
– სისხლში შაქრის შემცველობის დამწევი პერორალური პრეპარატები (მაგ. სულფანილშარდოვანას ნაწარმები, ბიგუანიდები) და ინსულინი: არსებობს რისკი, რომ სისხლში შაქრის შემცველობის მაჩვენებელმა დაიწიოს ნორმალურ მაჩვენებელზე დაბლა (ჰიპოგლიკემია), ვინაიდან ინსულინის მიმართ რეზისტენტობა შესაძლებელია შემცირდეს ტრიტაცეთი და გაიზარდოს პრეპარატების სისხლში შაქრის შემცველობის დამწევი ეფექტი (მკურნალობის დასაწყისში განსაკუთრებით რეკომენდებულია სისხლში შაქრის შემცველობის ყურადღებით მონიტორინგი).
– ტკივილგამაყუჩებელმა და ანთების საწინააღმდეგო გარკვეულმა პრეპარატებმა (არასტეროიდული ანთების საწინააღმდეგო მედიკამენტები, როგორიცაა ინდომეტაცინი, ასპირინი) შესაძლებელია შეამცირონ სისხლის წნევის დამწევი ეფექტი, გამოიწვიონ თირკმლის დისფუნქცია და სავარაუდოდ გაზარდონ კალიუმის შემცველობის დონე.
ტრიტაცეს მიღება საკვებთან და სასმელთან: საკვები მარილი – სისხლის წნევის დაქვეითების შემცირება და გულის უკმარისობის დროს ტრიტაცეს ეფექტის დაქვეითება.
ალკოჰოლი: სისხლის წნევის დაქვეითების  და ალკოჰოლის ეფექტის ზრდა.

შენახვის პირობები და ვადა
პრეპარატი ინახება არა უმეტეს 30°C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 5 წელი.

გაცემის რეჟიმი: II ჯგუფი (გაიცემა ფორმა N3 რეცეპტით)

მწარმოებელი: Sanofi-aventis S.P.A, იტალია

გაფრთხილება

 

Share this...Share on Facebook
Facebook
Tweet about this on Twitter
Twitter
English English Georgian Georgian