ცერაქსონის ზოგადი ინფორმაცია

ცერაქსონი. Ceraxon. თავის ტვინის მეტაბოლიზმის გასაუმჯობესებელი პრეპარატების – ნოოტროპული პრეპარატების ჯგუფის სამკურნალო საშუალება. აქტიური ნივთიერება – ციტიკოლინი. Citicoline. მწარმოებელი ფირმა – ფერერ ინტერნასიონალი, ს.ა. (ესპანეთი).

ცერაქსონის შემადგენლობა და გამოშვების ფორმა

ცერაქსონი. Ceraxon გამოდის 4 მლ 500მგ/4მლ I/V და I/M საინიექციო ხსნარის ფორმით. ხსნარი ინტრავენური და ინტრამუსკულური ინექციისათვის 500მგ/4მლ შეიცავს მოქმედ ნივთიერებას: ნატრიუმის ციტიკოლინს 522.5მგ (500მგ ციტიკოლინის ექვივალენტი). დამხმარე ნივთიერებებია: ქლორწყალბადმჟავა 1 M ან ნატრიუმის ჰიდროქსიდი 1 M 6,7-7,1 PH-მდე; საინექციო წყალი 4მლ-მდე. ხსნარი ინტრავენური და ინტრამუსკულური ინექციისათვის 1000მგ/4მლ შეიცავს მოქმედ ნივთიერებას: ნატრიუმის ციტიკოლინს 1045მგ (1000მგ ციტიკოლინის ექვივალენტი). დამხმარე ნივთიერებებია: ქლორწყალბადმჟავა 1 M ან ნატრიუმის ჰიდროქსიდი 1 M 6,7-7,1 pH-მდე; საინექციო წყალი 4მლ-მდე. შიგნით მისაღები ხსნარი შეიცავს მოქმედ ნივთიერებას: ნატრიუმის ციტიკოლინს 10,450გ (10,0გ ციტიკოლინის ექვივალენტი); დამხმარე ნივთიერებებია: სორბიტოლი, გლიცეროლი, მეთილპარაჰიდროქსიბენზოატი, პროპილპარაჰიდროქსიბენზოატი, გლიცეროლ ფორმალი, ნატრიუმის ციტრატის დიჰიდრატი, ნატრიუმის საქარინატი, საღებავი წითლი [პონსო 4-R], მარწყვის არომატიზატორი (მარწყვის ესნცია 1487 – S – Lucta), კალიუმის სორბატი, ლიმონმჟავა 50% ხსნარი, გასუფთავებული წყალი 100მლ.ხსნარი ინტრავენური და ინტრამუსკულური ინექციისათვის: გამჭირვალე, უფერო სითხე.შიგნით მისაღები ხსნარი: გამჭირვალე მოვარდისფრო სითხე მარწყვის სუნით. შესაძლებელი თითქმის თეთრი ფერის კრისტალების შემცველობა.

ცერაქსონის ფასები ქართულ ფარმაცევტულ ბაზარზე

ცერაქსონის ფასები ფარმადეპოში
ცერაქსონის ფასები ავერსში
ცერაქსონის ფასები psp-ში
ცერაქსონის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ცერაქსონი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ცერაქსონის ფასების შესახებ შეუძლიათ მოგვაწოდონ  mpifarm@gmail.com

ცერაქსონის აქტიური ნივთიერება

ციტიკოლინი. Citicoline. ციტიკოლინს მიაკუთვნებენ ნოოტროპების, ასევე სხვა ნეიროტროპული საშუალებების ჯგუფს.

სინონიმები

სომაზინა (SOMAZINA, Medial, ესპანეთი).

ცერაქსონის გამოყენების ძირითადი მიმართულებებია

• იშემიური ინსულტის მწვავე პერიოდი
• იშემიური და ჰემორაგიული ინსულტების აღდგენითი პერიოდი
• ტრავმა ქალა-ტვინის, მწვავე და აღდგენითი პერიოდი
• კოგნიტური დარღვევები თავის ტვინის დეგენერაციული და სისხლძარღვოვანი დაავადებებისას

ცერაქსონის საფირმო აღწერიდან

ფარმაკოლოგიური თვისებები
ციტიკოლინი წარმოადგენს უჯრედული მემბრანის ძირითადი ულტრასტრუქტურული კომპონენტების წინამორბედს (განსაკუთრებით ფოსფოლიპიდების), გააჩნია მოქმედების ფართო სპექტრი – ხელს უწყობს უჯრედების დაზიანებული მემბრანის აღდგენას, ახდენს ფოსფოლიპაზების მოქმედების ინჰიბირებას, იცავს უჯრედებს განადგურებისაგან, ზემოქმედებს რა აპოპტზის მექანიზმებზე. ინსულტის მწვავე პერიოდში ამცირებს დაზიანებული ქსოვილების მოცულობას, აუმჯობესებს ქოლინერგულ გადაცემას. ქალა-ტვინის ტრავმისას ამცირებს პოსტტრამვული კომის ხანგრძლივობას და ნევროლოგიური სიმპტომების გამოვლენას. ციტოკოლინი აუმჯობესებს ჰიპოქსიის დროს არსებულ სიმპტომებს, როგორებიცაა მეხსიერების გაუარესება, ემოციური ლაბილობა, ინიციატივის არ არსებობა, ყოველდღიური მოქმედებების შესრულება და თვითმომსახურება.
ეფექტურია დეგენერაციული და სისხლძარღვოვანი ეტიოლოგიის კოგნიტიური, გრძნობითი და მოტორული, ნევროლოგიური დარღვევების მკურნალობისას.
ფარმაკოკინეტიკა
რადგანაც ციტიკოლინი წარმოადგენს ბუნებრივ ნაერთს, რომელიც არის ორგანიზმში, არ არის შესაძლებელი კლასიკური ფარმაკოკინეტიკური კვლევის ჩატარება ციტიკოლინის ეგზოგენური და ენდოგენური რაოდენობის დადგენის სირთულის გამო. ჯანმრთელ მოხალისეებზე ჩატარებული ფარმაკოკინეტიკურ კვლევისას, რომელთაც შიგნით მისაღებათ ეძლეოდათ ციტიკოლინის მონიშნული C14, აღინიშნა მისი პრაქტიკულად მთლიანი შეწოვა. 5 დღის განმავლობაში, დოზის დანიშვნის შემდეგ განავალით გამოიყო 1% ნაკლები დანიშნული დოზა.
ჩვენებები
– იშემიური ინსულტის მწვავე პერიოდი
– იშემიური და ჰემორაგიული ინსულტების აღდგენითი პერიოდი
– ქალა-ტვინის ტრავმა, მწვავე და აღდგენითი პერიოდი
– თავის ტვინის დეგენერაციული და სისხლძარღვოვანი დაავადებებისას კოგნიტური დარღვევები.
მიღების წესები და დოზები
ხსნარი ინტრავენური და ინტრამუსკულრი ინექციისათვის
ინტრავენურად ინიშნება ნელი ინტრავენური ინექციის ფორმით (5წთ განმავლობაში), ან წვეთოვნად ინტრავენური გადასხმისათვის (40-60 წვეთი წუთში) ინსულტის და ქალა-ტვინის ტრავმის დროს მწვავე პერიოდში 1000-2000მგ ყოველდღიურად, დაავადების სიმძიმიდან გამომდინარე, 3-7 დღის განმავლობაში.
შემდგომში ინტამუსკულარულ, ან შიგნით მისაღებ ფორმაზე გადასვლით.
Iნტრამუსკულურად: 1-2 ინექცია დღეში. ინტრამუსკულური შეყვანისას თავი უნდა აარიდოთ პრეპარატის ერთიდაიმავე ადგილზე შეყვანას.
შიგნით მისაღები ხსნარი
200-300მგ (2-3მლ) 3ჯერ დღეში (პრეპარტი მიიღება დოზირებული შპრიცის მეშვეობით).
გვერდითი მოვლენები
ალერგიული რეაქციები (გამონაყარი, კანის ქავილი, ანაფილაქსიური შოკი), უძილობა, თავის ტკივილი, თავბრუსხვევა, აგზნებადობა, ტრემორი, გაბუჟება პარალიზებულ კიდურებში, გულისრევა, მადის დაქვეითება, ღვიძლის ფერმენტების აქტივობის ცვლილება, ცხელება. ზოგიერთ შემთხვევაში ცერაქსონს შეუძლია პარასიმპათიკური სისტემის სტიმულირება, ასევე ახდენს ხანმოკლე ჰიპოტენზიურ მოქმედებას.
უკუჩვენება
არ უნდა დაენიშნოთ პაციენტებს ვაგოტონიით (ვეგეტატიური ნერვული სისტემის პარასიმპატიკური ნაწილის ტონუსის მომატება) და მგრძნობელობის მომატებისას პრეპარატის ნებისმიერი კომპონენტის მიმართ.
არ უნდა მიიღონ 18 წლამდე ასაკის ბავშვება (რადგან არ არის მონაცემები ამასთან დაკავშირებით).
ორსულობა და ლაქტაცია
არ ჩატარებულა კონტროლირებადი გამოკვლევა ორსულობის დროს. თუმცა პრეპარატის მიღებისას ნაყოფისათვის რისკის არსების დამადასტურებელი საბუთი არ ყოფილა. ორსულობის დროს სამკურნალო პრეპარატს ნიშნავენ მხოლოდ მაშინ, თუ მოსალოდნელი სარგებელი აღემატება პოტენციურ რისკს.
ცერაქსონის ლაქტაციის პერიოდში დანიშვნისას ქალებმა უნდა შეწყვიტონ ბავშვის ძუძუთი კვება, რადგანაც არ არის მონაცემები დედის რძეში ციტიკოლინის გადასვლის შესახებ.
განსაკუთრებული მითითებები
შიგნით მისაღები ხსნარი
სიცივეში შეიძლება წარმოიშვას კრისტალების უმნიშვნელო რაოდენობა, კონსერვანტის დროებითი, ნაწილობრივი კრისტალიზაციის შედეგად. რეკომენდირებულ პირობებში შემდგომი შენახვისას კრისტალები იხსნება რამოდენიმე თვის განმავლობაში. კრისტალების არსებობა გავლენას არ ახდენს პრეპარატის ხარისხზე.
გავლენა სატრანსპორტო საშუალებების მართვაზე და მექანიზმებთან მუშაობაზე
ციტიკოლინი არ ახდენს გავლენას სატრანსპორტო საშუალების მართვაზე და მექანიზმებთან მუშაობაზე.
ჭარბი დოზირება
პრეპარატის დაბალი ტოქსიკურობის გათვალისწინებით დოზის გადაჭარბების შემთხვევები არ არის აღწერილი, თერაპიული დოზების გადაჭარბების შემთხვევაშიც კი.
სხვა წამლებთან ურთიერთქმედება
ციტიკოლინი აძლიერებს L-დიჰიდროქსიფენილალანინის ეფექტებს. არ არის რეკომენდირებული მისი დაიშვნა მეკლოფენოქსატის შემცველ პრეპარატებთა ერთად.
შენახვის პირობები და ვადები
შეინახეთ ბავშვებისათვის მიუწვდომელ ადგილას, არაუმეტეს 30ºC ტემპერატურის პირობებში.
შენახვის ვადა: 3 წელი.
არ გამოიყენოთ შეფუთვაზე მითითებული ვარგისიანობის ვადის გასვლის შემდეგ
აფთიაქში გაცემის წესი
გაიცემა რეცეპტით