კონტრიკალი 10 000

კონტრიკალი 10 000

კონტრიკალი 10 000–ის ზოგადი ინფორმაცია

კონტრიკალი 10 000. Contrical 10 000. ანტიჰემორაგიული და ჰემოსტაზური პრეპარატების – ფიბრინოლიზის ინჰიბიტორების ჯგუფის სამკურნალო საშუალება. აქტიური ნივთიერება – აპროტინინი. Aprotinin. მწარმოებელი ფირმა – ტევა (გერმანია).

კონტრიკალი 10 000–ის შემადგენლობა და გამოშვების ფორმა

კონტრიკალი 10 000. Contrical 10 000 გამოდის საინექციო ხსნარის მოსამზადებლად 10000კმე ფხვნილის და ამპულის (გამხსნელი) ფორმით. ერთი ფლაკონი აქტიური ნივთიერების სახით შეიცავს მსხვილფეხა რქოსანი პირუტყვის ფილტვებიდან მიღებული აპროტინინის 10 000 ანტიტრიფსინულ ერთეულს. დამხმარე ნივთიერებებია: მანიტოლი. ერთი ამპულა გამხსნელით შეიცავს 2 მლ ნატრიუმის ქლორიდის იზოტონურ ხსნარს.

კონტრიკალ 10 000–ის ფასები ქართულ ფარმაცევტულ ბაზარზე

კონტრიკალ 10 000–ის ფასები ფარმადეპოში
კონტრიკალ 10 000–ის ფასები ავერსში
კონტრიკალ 10 000–ის ფასები psp-ში
კონტრიკალ 10 000–ის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც კონტრიკალი 10 000, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია კონტრიკალ 10 000–ის ფასების შესახებ შეუძლიათ მოგვაწოდონ  mpifarm@gmail.com

კონტრიკალი 10 000–ის აქტიური ნივთიერება

აპროტინინი. Aprotinin. ქიმიური დასახელება – ერთჯაჭვიანი პოლიპეპტიდი,რომელიც შეიცავს 58 ამინომჟავას. ბრუტო–ფორმულა: C284H432N84O79S7. აპროტინინს მიაკუთვნებენ ფიბრინოლიზის ინჰიბიტორების, ფერმენტების და ანტიფერმენტების ჯგუფს. CAS-კოდი:9087-70-1.

კონტრიკალი 10 000–ის სინონიმები

გორდოქსი (GORDOX, Gedeon Richter, უნგრეთი).

კონტრიკალი 10 000–ის გამოყენების ძირითადი მიმართულებებია

  •  პანკრეატიტი მწვავე
  • პანკრეატიტი პოსტოპერაციული
  • ემბოლია ცხიმოვანი
  • სისხლდენები და სისხლჩაქცევები,ჰიპერფიბრინოლიზის შედეგად გამოწვეული( პოსტტრავმული, პოსტოპერაციული, მშობიარობამდელი, მშობიარობის შემდგომი და მშობიარობის დროს)
  • მძიმე ჰემორაგიული გართულებები თრომბოლიტური თერაპიების დროს
  • შოკური მდგომარეობები

კონტრიკალი 10 000–ის საფირმო აღწერიდან

ჩვენებები
– მწვავე პანკრეატიტი;
– პოსტოპერაციული პანკრეატიტისა და ცხიმოვანი ემბოლიის პროფილაქტიკა;
– ჰიპერფიბრინოლიზის შედეგად გამოწვეული სისხლდენები და სისხლჩაქცევები: პოსტტრავმული, პოსტოპერაციული, მშობიარობამდელი, მშობიარობის შემდგომი და მშობიარობის დროს; მძიმე ჰემორაგიული გართულებები თრომბოლიტური თერაპიების დროს;
– შოკური მდგომარეობები.
დოზირება
ექიმის დანიშნულების გარეშე, კონტრიკალის დოზირების რეჟიმი არის შემდეგი:
მწვავე პანკრეატიტის დროს:
პაციენტს დაუყოვნებლივ უკეთდება ვენებში (ნელა) 200 000 – 300 000 ანტიტრიფსინული ერთეული კონტრიკალი, ხოლო შემდეგ 24 საათის განმავლობაში ვენებში წვეთებით კიდევ შეიყვანება 200 000 – 300 000 ანტიტრიფსინული ერთეული კონტრიკალი. ამგვარი მკურნალობა ტარდება დაავადების კლინიკური სურათისა და ლაბორატორიული ანალიზების მაჩვენებლების ნორმალიზაციამდე.
პოსტოპერაციული პანკრეატიტის პროფილაქტიკა:
ვენებში ნელა შეიყვანება დღე-ღამეში 200 000 ანტიტრიფსინული ერთეული კონტრიკალი დამხმარე მკურნალობის სახით.
შოკური მდგომარეობების სამკურნალოდ:
თავდაპირველად ვენებში ნელა შეიყვანება 200 000-300 000 ანტიტრიფსინული ერთეული კონტრიკალი, ხოლო შემდეგ 140 000 ანტიტრიფსინული ერთეული ყოველ 4 საათში.
ცხიმოვანი ემბოლიის პროფილაქტიკა:
თავდაპირველად ვენებში ნელა შეიყვანება 200 000 ანტიტრიფსინული ერთეული კონტრიკალი, ხოლო შემდეგ ყოველდღიურად ვენებში ნელა შეიყვანება 200 000 ანტიტრიფსინული ერთეული კონტრიკალი დამხმარე მკურნალობის სახით.
სისხლდენების დროს:
თავდაპირველად ვენებში ნელა შეიყვანება 300 000 ანტიტრიფსინული ერთეული კონტრიკალი, ხოლო შემდეგ ნელა ვენებში – 140 000 ანტიტრიფსინული ერთეული ყოველ 4 საათში.
ბავშვებში კონტრიკალი შეიყვანება სადღეღამისო დოზით 14 000 ანტიტრიფსინული ერთეული კგ სხეულის მასაზე.
მიღების წესები და დოზები
1 ფლაკონის შემცველობა იხსნება 2 მლ ნატრიუმის ქლორიდის იზოტონურ ხსნარში. მოცემული ხსნარი შეიყვანება პაციენტის მწოლიარე მდგომარეობაში ვენებში (ნელა, მაქსიმუმ 5 მლ 1 წუთში) ან ხანმოკლე ან ხანგრძლივი წვეთოვანი ინფუზიით. იმ პაციენტებში, რომლებსაც აღენიშნებათ კუჭქვეშა ჯირკვლის მწვავე ნეკროზი ან ფერმენტების შემცველი გამონადენი მუცლის ღრუში, პრეპარატის შეყვანა დამატებით შეიძლება მუცელში.
გვერდითი მოვლენები
შეიძლება აღინიშნოს, უფრო მეტად განმეორებითი დოზების შეყვანისას, გამონაყარი კანზე, ანაფილაქსური რეაქციების სიმპტომები ანაფილაქსური შოკის განვითარებამდე. გარდა ამისა, შეიძლება გამოვლინდეს ტაქიკარდია, გულისრევა, პირღებინება, არტერიული ჰიპოტენზია, კანის საფარის სიფერმკრთალე, ქოშინი, ჭარბი ოფლიანობა.
უკუჩვენება
კონტრიკალი არ გამოიყენება აპროტინინის მიმართ მომატებული მგრძნობელობის მქონე პაციენტებში. იმ პაციენტებში, რომლებსაც აღენიშნებათ მომატებული მიდრეკილება ჰიპერმგრძნობელობის რეაქციებისადმი ან მომატებული მგრძნობელობა სამკურნალო საშუალებების მიმართ, კონტრიკალი გამოიყენება მხოლოდ განსაკუთრებული სიფრთხილით. კონტრიკალი არ გამოიყენება ორსულობის პირველ სამ თვეში.
განსაკუთრებული მითითებები
ალერგიული რეაქციების განვითარებისა და შოკის სიმპტომების გამოვლენისას კონტრიკალის მიღება დაუყოვნებლივ უნდა შეწყდეს. აუცილებლობისას, ასეთ შემთხვევებში მიიღება ზოგადი ზომები აღნიშნული გართულებების აღმოსაფხვრელად, როგორიცაა მაგალითად, 0.05-0.1 მგ ადრენალინის ერთჯერადი ან მრავალჯერადი შეყვანა ვენებში, 250-1000 მგ პრედნიზოლონის შეყვანა ვენებში და პლაზმის შემცვლელების შეყვანა.
სხვა წამლებთან ურთიერთქმედება
კონტრიკალი აქვეითებს სტრეპტოკინაზებისა და უროკინაზების აქტივობას. შეძლებისდაგვარად, კონტრიკალი არ გამოიყენება სხვა პრეპარატებთან კომბინაციაში, განსაკუთრებით ბეტალაქტამურ ანტიბიოტიკებთან.
შენახვის პირობები და ვადები
3 წელი.
არ გამოიყენება ვარგისიანობის ვადის გასვლის შემდეგ.
შენახვის პირობები
ინახება ინახება ბავშვებისათვის მიუწვდომელ ადგილას, არა უმეტეს 30oC-ზე.
აფთიაქში გაცემის წესი
გაიცემა ექიმის რეცეპტით.

Share this...Share on Facebook
Facebook