დიკლონატი პ რეტარდი 100

დიკლონატი პ რეტარდი 100

დიკლონატი პ რეტარდი 100–ის ზოგადი ინფორმაცია

დიკლონატი პ რეტარდი 100. DICLONAT P RETARD 100. არასტეროიდული ანთების საწინააღმდეგო პრეპარატების – ფენილძმარჟავას წარმოებულების ჯგუფის სამკურნალო საშუალება. აქტიური ნივთიერება – დიკლოფენაკის ნატრიუმი. Diclofenac sodium. მწარმოებელი ფირმა – პლივა ხრვატსკა დ.ო.ო.(ხორვატია).


დიკლონატი პ რეტარდი 100 აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები,  უფასო პრეპარატების სიები და სხვა >>>

ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>

უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>


დიკლონატი პ რეტარდი 100–ის შემადგენლობა და გამოშვების ფორმა

დიკლონატი პ რეტარდი 100DICLONAT P RETARD 100 გამოდის 50 მგ სუპოზიტორიის და 100 რეტარდ ტაბლეტის ფორმით. 1 სუპოზიტორია შეიცავს 50 მგ დიკლოფენაკის ნატრიუმს. 1 ტაბლეტი რეტარდი შეიცავს 100 მგ დიკლოფენაკის ნატრიუმს.

დიკლონატ პ რეტარდი 100–ის ფასები ქართულ ფარმაცევტულ ბაზარზე

დიკლონატ პ რეტარდი 100–ის ფასები ფარმადეპოში
დიკლონატ პ რეტარდი 100–ის ფასები ავერსში
დიკლონატ პ რეტარდი 100–ის ფასები psp-ში
დიკლონატ პ რეტარდი 100–ის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც დიკლონატი პ რეტარდი 100, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია დიკლონატ პ რეტარდი 100–ის ფასების შესახებ შეუძლიათ მოგვაწოდონ  mpifarm@gmail.com

დიკლონატი პ რეტარდი 100–ის აქტიური ნივთიერება

დიკლოფენაკის ნატრიუმი. Diclofenac sodium.

დიკლონატი პ რეტარდი 100–ის სინონიმები

დიკლაკი (Diclac, NOVARTIS CONSUMER HEALTH S.A., გერმანია), დიკლობერლი  N75 (Dicloberl  N75, Berlin-Chemie Menarini,  გერმანია), დიკლობერლი  რეტარდი (Dicloberl  retard, Berlin-Chemie Menarini, გერმანია), დიკლო-დენკი 100 რეტარდი (Diclo-Denk 100 Retard, Denk Pharma, გერმანია), დიკლო-დენკი 100 რექტალი (Diclo-Denk 100 Rectal, Denk Pharma, გერმანია), დიკლო-დენკი 50 (Diclo-Denk 50, Denk Pharma, გერმანია), დიკლო-დენკი 75 ინექცია (Diclo-Denk 75 Injection, Denk Pharma, გერმანია), დიკლოფეროლი (DIKLOFEROL, AVERSI, საქართველო), დიკლოფეროლი N (DIKLOFEROL N, AVERSI, საქართველო).

დიკლონატი პ რეტარდი 100–ის გამოყენების ძირითადი მიმართულებებია

რეტარდ ტაბლეტი 100, სუპოზიტორიები:

  • ართრიტი რევმატოიდული
  • სპონდილოართრიტი ანკილოზური
  • ართროზი
  • სპონდილოართროზი
  • რევმატიული დაავადებები, სახსრის დაზიანების გარეშე მიმდინარე
  • ტკივილი, ხერხემლის დაავადებების დროს
  • ანთებითი პროცესები პოსტტრავმული
  • ანთებითი პროცესები პოსტოპერაციული
  • შეშუპება პოსტტრავმული
  • შეშუპება პოსტოპერაციული
  • გინეკოლოგიური დაავადებები
  • დისმენორეა პირველადი
  • ადნექსიტი

საინექციო ხსნარი:

  • ძლიერი ტკივილები, ანთებითი და დეგენერაციული რევმატიული დაავადებების დროს (რევმატოიდული ართრიტი, ანკილოზური სპონდილიტი, ართროზები, სპონდილოართროზი)
  • რევმატიული დაავადებები, სახსრის დაზიანების გარეშე მიმდინარე
  • ტკივილი ხერხემლის დაავადებების დროს
  • ანთებითი პროცესები პოსტტრავმული
  • ანთებითი პროცესები პოსტოპერაციული
  • შეშუპება პოსტტრავმული
  • შეშუპება პოსტოპერაციული
  • კოლიკა ნაღვლის ბუშტის
  • კოლიკა თირკმლის

დიკლონატი პ რეტარდი 100–ის საფირმო აღწერიდან

ფარმაკოლოგიური თვისებები
დიკლონატი პ წარმოადგენს არასტეროიდულ, ანთების საწინააღმდეგო პრეპარატს, რომელსაც გააჩნია ანთების საწინააღმდეგო, ანალგეზიური და სიცხის დამწევი ეფექტი.
ფარმაკოკინეტიკა
რევმატიული დაავადებების დროს პრეპარატი ამცირებს დილის შებოჭილობის ხანგრძლივობას, ტკივილს (როგორც მოსვენების, ასევე მოძრაობის დროს), სახსრების შეშუპებას, ასევე აუმჯობესებს სახსრების ფუნქციონალურ მდგომარეობას, რაც ხელს უწყობს პაციენტის მდგომარეობის გაუმჯობესებას.
ტრავმების დროს და პოსტოპერაციულ პერიოდში დიკლოფენაკი სწრაფად ხსნის სპონტანურ ტკივილებს და ამსუბუქებს ანთების და ჭრილობის შედეგად განვითარებულ შეშუპებებს. მისი ტკივილგამაყუჩებელი თვისებების გამო დიკლოფენატი პ აგრეთვე გამოიყენება სხვადასხვა გენეზის შედეგად წარმოქმნილი ტკივილის დროს (კბილის ტკივილი, პირველადი დისმენორეა). საინექციო ხსნარი გამოიყენება დაავადების მწვავე პერიოდებში ტკივილების სწრაფი კუპირების მიზნით. პრეპარატის ეფექტი ვლინდება შეყვანიდან 15-30 წთ-ს შემდეგ. ტაბლეტები დაფარულია მჟავაგამძლე გარსით, რის გამოც იგი იხსნება მხოლოდ ნაწლავებში და არ იწვევს კუჭის ლორწოვანი გარსის გაღიზიანებას. სპეციფიური ტექნოლოგიით მომზადებული რეტად ტაბლეტების აქტიური ნივთიერება ნელა გამოიყოფა, რაც ხელს უწყობს პრეპარატის პროლონგირებულ მოქმედებას. ამის გათვალისწინებით რეტარდ ტაბლეტები გამოიყენება მხოლოდ მოზრდილების ქრონიკული დაავადებების სამკურნალოდ, რადგან სადღეღამისო დოზის ერთჯერ მიღება გაცილებით ამარტივებს მკურნალობას.
ჩვენებები
რეტარდ ტაბლეტი 100, სუპოზიტორიები
– ანთებითი და დეგენერაციული რევმატიული დაავადებები
(რევმატოიდული ართრიტი, ანკილოზური სპონდილოართრიტი, ართროზი, სპონდილოართროზი);
– სახსრის დაზიანების გარეშე მიმდინარე რევმატიული დაავადებები; – ტკივილი ხერხემლის დაავადებების დროს;
– პოსტტრავმული და პოსტოპერაციული ანთებითი პროცესები და შეშუპება;
– მტკივნეული და./ან ანთებითი გინეკოლოგიური დაავადებები, მაგალითად პირველადი დისმენორეა, ადნექსიტი.
საინექციო ხსნარი:
– ანთებითი და დეგენერაციული რევმატიული დაავადებების დროს გამოხატული ძლიერი ტკივილები (რევმატოიდული ართრიტი, ანკილოზური სპონდილიტი, ართროზები, სპონდილოართროზი);
– სახსრის დაზიანების გარეშე მიმდინარე რევმატიული დაავადებები;
– ტკივილი ხერხემლის დაავადებების დროს;
– პოსტტრავმული და პოსტოპერაციული ანთებითი პროცესები და შეშუპება;
– ნაღვლის ბუშტის და თირკმლის კოლიკა;
მიღების წესები და დოზები
ტაბლეტები რეტარდ 100
ჩვეულებრივ გამოიყენება 1 ტაბლეტი დღეში. დასაშვებია 2 ტაბლეტის გამოყენება დღეში. თუ აუცილებელია და თუ პრეპარატი არ იწვევს გვერდით ეფექტებს, ასეთ შემთხვევაში დასაშვებია პრეპარატის მიღება 2-3 კვირის განმავლობაში, სადღეღამისო დოზით 300 მგ.
არ შეიძლება ტაბლეტის გაყოფა ან დაღეჭვა. იგი მიიღება დიდი რაოდენობით სითხესთან ერთად. სასურველია საკვების მიღებამდე.
სუპოზიტორია:
ღამის ტკივილების და დილის შებოჭილობის შესამცირებლად ინიშნება 1 სუპოზიტორია საღამოს ძილის წინ. ამავდროულად, დღისით მიიღება პრეპარატის ტაბლეტები.
სუპოზიტორიები გამოიყენება იმ შემთხვევაში, თუ შეუძლებელია პრეპარატის პერორალური მიღება.
ამპულები:
მოზრდილებში ჩვეულებრივ ინიშნება 1 ამპულა დღე-ღამეში. პრეპარატი შეჰყავთ ღრმა ინტრამუსკულარული ინექციის სახით დუნდულას ზედა გარეთა კვადრატში. მძიმე შემთხვევებში შესაძლებელია დაინიშნოს 2 ინექცია დღე-ღამეში, რამდენიმე საათიანი ინტერვალების გამოტოვებით და ინექციის ადგილების მონაცვლეობით. ამპულების გამოყენება შესაძლებელია დიკლონატი პ-ს სხვა სამკურნალო ფორმებთან ერთად. ამპულები განკუთვნილია მხოლოდ ინტრამუსკულარული ინექციებისთვის. იმის გამო, რომ პრეპარატის ზემოაღნიშნული ფორმები შეიცავენ აქტიური ნივთიერების მაღალ კონცენტრაციებს, შესაბამისად ისინი არ გამოიყენება ბავშვებში. აუცილებლობის შემთხვევაში, 6 წელზე უფროს ბავშვებში და მოზარდებში ინიშნება პრეპარატის ინექციები. პრეპარატის სადღეღამისო დოზა შეადგენს 2 მგ/კგ ბავშვის სხეულის წონას. იუვენილური რევმატოიდული ართრიტის მკურნალობის დროს სადღეღამისო დოზა შეიძლება გაიზარდოს 3 მგ/კგ-მდე, რაც წარმოადგენს პრეპარატის მაქსიმალურ სადღეღამისო დოზას.
გვერდითი მოვლენები
დიკლონატი პ ჩვეულებრივ არ იწვევს გვერდით მოვლენებს. თუმცა მკურნალობის დასაწყისში შესაძლოა გამოვლინდეს ტკივილი ეპიგასტრიუმის არეში, ბოყინი, მსუბუქი თავბრუსხვევა და თავის ტკივილი. აღნიშნული მოვლენები სუსტად არის გამოხატული და რამდენიმე დღის შემდეგ თავისით გაივლის. არ საჭიროებს მკურნალობის შეწყვეტას. გარდა ამისა შესაძლებელია გამოვლინდეს გულისრევა, ღებინება და ფაღარათი.
ძალიან იშვიათ შემთხვევებში შესაძლებელია განვითარდეს პეპტიური წყლული, ან უკვე არსებული წყლულოვანი დაავადების გამწვავება, რის დროსაც საჭიროა პრეპარატის მიღების შეწყვეტა.
ლიტერატურაში აღწერილია კანის გამონაყარის, პერიფერიული შეშუპების, ტრანსამინაზების რაოდენობის უმნიშვნელო მომატების, სიყვითლის, ჰეპატიტის, თირკმლის უკმარისობის, ნეფროტოქსიკური სინდრომის, აპლასტიური ანემიის და აგრეთვე ალერგიული რეაქციის ერთეული შემთხვევები (ასთმა, ანაფილაქსიური რეაქციები).
აღწერილია სისხლმბადი ფუნქციის დარღვევის ცალკეული შემთხვევები – ლეიკოპენია, თრომბოციტოპენია. სანთლების გამოყენებისას შესაძლებელია გამოვლინდეს ადგილობრივი გაღიზიანების ნიშნები და აგრეთვე ბუასილის გამწვავება.
ინექციის ადგილას შესაძლებელია განვითარდეს ტკივილი და ადგილობრივი სიმაგრე. ყველა ზემოაღნიშნული ეფექტის გამოვლენისას, იმ გვერდითი ეფექტების ჩათვლით, რომელიც არ არის ზემოთ აღწერილი, დაუყოვნებლივ უნდა ეცნობოს მკურნალ ექიმს.
უკუჩვენება
– კუჭის და თორმეტგოჯა ნაწლავის წყლული გამწვავების ფაზაში;
– დიკლოფენაკის ნატრიუმის და პრეპარატის სხვა კომპონენტების მომართ მომატებული მგრძნობელობა;
– თუ ანამნეზში აღინიშნება ბრონქული ასთმა, ჭინჭრის ციება, აცეტილსალიცილის მჟავასთან და სხვა არასტეროიდული ანთებისსაწინააღმდეგო პრეპარატების მიღებასთან დაკავშირებული მწვავე რინიტი;
– პროქტიტი გამწვავების ფაზაში (სანთლების გამოყენების შემთხვევაში);
– ბავშვები (6 წლამდე).
ორსულობა და ლაქტაციის პერიოდი:
ორსულობის პერიოდში დიკლონატი პ ინიშნება მხოლოდ აუცილებლობის შემთხვევებში. ასეთ დროს ინიშნება ყველაზე მცირე ეფექტური დოზა. არ არის რეკომენდირებული დიკლონატ პ-ს დანიშვნა ორსულობის III ტრიმესტრში. შიგნით მისაღები დიკლოფენაკის 50 მგ-ს დანიშვნისას, რომელიც მიიღებოდა 8 საათიანი ინტერვალებით, აღმოჩნდა, რომ პრეპარატი გადადის დედის რძეში. თუმცა რძეში არსებული კონცენტრაცია იმდენად მცირე იყო, რომ არანაირი გვერდითი ეფექტი არ გამოიწვია ბავშვებში.
არ არის რეკომენდირებული დიკლონატი პ-ს საინექციო ხსნარის გამოყენება ორსულობის და ლაქტაციის პერიოდში.
განსაკუთრებული მითითებები
პრეპარატი სიფრთხილით ინიშნება ხანდაზმულ პაციენტებში, რადგან კუჭ_ნაწლავის ტრაქტში წარმოქმნილი წყლული, პერფორაცია და სისხლდენა იწვევს უფრო სერიოზულ გართულებებს. ეს გართულებები შესაძლებელია წარმოიქმნას მკურნალობის ნებისმიერ პერიოდში, ყოველგვარი წინამორბედი მდგომარეობების და დამძიმებული ანამნეზის გარეშე. პაციენტთა ასეთ ჯგუფში გამოიყენება დიკლოპენატი პ-ს უმცირესი ეფექტური დოზა. კუჭ-ნაწლავის დაავადებების მქონე პაციენტები, აგრეთვე თუ ანამნეზი აღინიშნება კუჭის და თორმეტგოჯა ნაწლავის წყლული, წყლულოვანი კოლიტი ან კრონის დაავადება, აგრეთვე ღვიძლის, გულის და თირკმელების პათოლოგიის დროს ექიმის მკაცრი დაკვირვების ქვეშ. დიკლოფენატი პ-ს ხანგრძლივი მკურნალობის დროს აუცილებელია ღვიძლის ფუნქციების და სისხლის პერიფერიული სურათის რეგულარული გადამოწმება.
თუ ღვიძლის დარღვეული ფუნქცია არ გამოსწორდა ხანგრძლივი პერიოდის განმავლობაში, მაშინ დიკლონატ პ-ს მკურნალობა უნდა შეწყდეს. მკურნალობა აგრეთვე უნდა შეწყდეს კანის გამონაყარის, ეოზინოფილიის და კუჭ-ნაწლავის ტრაქტის სისხლდენის დროს. თუ მკურნალობის დროს გამოვლინდა თავბრუსხვევა ან ცნს-ს სხვა მოვლენები, ასეთ შემთხვევაში პაციენტმა თავი უნდა აარიდოს პოტენციურად საშიშ საქმიანობას, რაც მოითხოვს ყურადღების კონცენტრაციას და სწრაფ ფსიქომოტორულ რეაქციებს. კომბინირებული მიღებისას დიკლოფენატი პ-ს შეუძლია გაზარდოს ლითიუმის, დიგოქსინის და მეტოტრექსატის კონცენტრაცია და შესაბამისად მათი ტოქსიკური ეფექტები. აგრეთვე მოსალოდნელია ციკლოსპორინის ნეფროტოქსიკური მოვლენების გაძლიერება.
სხვა არასტეროიდული ანთებისსაწინააღმდეგო პრეპარატების მსგავსად, დიკლონატ პ-ს შეუძლია შეამციროს დიურეტიკების ეფექტურობა. დიკლონატი პ-ს და კალიუმშემნახველი პრეპარატების გამოყენებისას მოსალოდნელია სისხლში კალიუმის დონის მომატება. დიკლოფენაკის და აცეტილსალიცილის მჟავის ერთდროული გამოყენებისას მოსალოდნელია დიკლოფენაკის კონცენტრაციის დაქვეითება პლაზმაში.
სხვადასხვა არასტეროიდული ანთებისსაწინააღმდეგო პრეპარატების კომინირებული გამოყენებისას იზრდება გვერდითი რეაქციების განვითარების რისკი. განსაკუთრებული სიფრთხილე არის საჭირო პერორალურ ანტიდიაბეტურ საშუალებებთან და ანტიკოაგულანტებთან ერთად კომბინირებული მიღებისას. დიკლონატი პ-ს დოზის გადაჭარბებას არ ახასიათებს სპეციფიური კლინიკური სურათის გამოვლენა. ნაჩვენებია კუჭის ამორეცხვა, გააქტიურებული ნახშირის დანიშვნა და სიმპტომური მკურნალობის ჩატარება.
შენახვის პირობები და ვადები
რეტარდ ტაბლეტები და სუპოზიტორია ინახება ოთახის ტემპერატურაზე (15-25oC).
ამპულები ინახება გრილ, სინათლისგან დაცულ ადგილას.
ინახება ბავშვებისთვის მიუწვდომელ ადგილას.
შენახვის ვადა:
რეტარდ ტაბლეტები – 5 წელი
სუპოზიტორია – 3 წელი
ამპულები – 5 წელი
(მითითებულია შეფუთვაზე)
აფთიაქში გაცემის წესი
რეცეპტით