შეკრულობის გართულებები

 შეკრულობის გართულებები

არჩილ შენგელია

ხანგრძლივად მიმდინარე შეკრულობა (ყაბზობა) შესაძლოა გახდეს სხვადასხვა გართულებების მიზეზი, როგორიცაა მეორადი კოლიტი, პროქტოსიგმოიდიტი (სიგმოიდური და სწორი ნაწლავის ანთება). ბრმა ნაწლავში შიგთავსის დიდი ხნით დაყოვნების შედეგად შესაძლოა მოხდეს მისი უკან დაბრუნება წვრილ ნაწლავში ენტერიტის განვითარებით (რეფლუქს-ენტერიტი). შეკრულობა (ყაბზობა) ასევე შეიძლება გართულდეს სანაღვლე გზების დაავადებებით, ჰეპატიტით.

ხანგრძლივად მიმდინარე შეკრულობა (ყაბზობა) განაპირობებს სწორი ნაწლავის სხვადასხვა დაავადებების განვითარებას, ყველაზე ხშირად კი ჰემოროის, ასევე ანალური ნახეთქების სწორი ნაწლავის ირგვლივ უჯრედისის ანთებითი პროცესის (პარაპროქტიტი) წარმოქმნას.

იშვიათ შემთხვევეში შესაძლოა განვითარდეს  მსხვილი ნაწლავის გაფართოება და დაგრძელება (შეძენილი მეგაკოლონი), რაც კიდევ უფრო მდგრადს ხდის შეკრულობას (ყაბზობა) ხანგრძლივად მიმდინარე შეკრულობის (ყაბზობის) კიდევ უფრო საშიშ გართულებას წარმოადგენს სწორი და მსხვილი ნაწლავის კიბო.

არსებობს მოსაზრება  იმის თაობაზე,  რომ საკვები ბოჭკოებით ღარიბი პროდუქტების გამოყენებით გამოწვეული ნაწლავის შიგთავსის ხანგრძლივად დაყოვნება იწვევს კანცეროგენული ნივთიერებების დაგროვებასა და მავნე ზეგავლენას ნაწლავის კედელზე. საგანგაშო სიმპტომებს წარმოადგენს ზოგადი ცუდი თვითშეგრძნება, გახდომა, ახლად წარმოშობილი შეკრულობა (ყაბზობა) 50 წელს გადაცილებულ პირებში, რომელთაც კუჭის მოქმედება აქამდე ქონდათ ნორმალური, სისხლისშემცველობა განავალში.

  საავტორო უფლებები დაცულია

______________________________________

 გადასვლა გვერდზე ,,შეკრულობა