დისპარეუნია

დისპარეუნია (დის… + ბერძ. pareunos – თანამცხოვრები) ქალების სქესობრივი დარღვევების საერთო სახელწოდებაა. ამ ტერმინის ქვეშ ასევე  მოიაზრება  სექსუალური დისფუნქციის სხვადასხვა ფორმა, ორგაზმის მიღწევის უუნარობა სქესობრივი აქტის ნორმალური მიმდინარეობისას მუდმივ პარტნიორთან, მტკივნეულობის არსებობა  სქესობრივი ურთიერთობისას, როგორც ქალის ისე, მამაკაცის მხრიდან.

დისპარეუნიის განვითარებაში მნიშვნელოვან როლს თამაშობს პიროვნების ინდივიდუალური თავისებურებები, კონსტიტუცია, გენეტიკური წინასწარგანწყობა, ასევე გარემო ფაქტორები – არაერთგვაროვანი სქესობრივი მიდრეკილებები, სექსუალური ქცევის განსხვავებული ფორმები. ზოგ შემთხვევაში დისპარეუნია, მტკივნეული სქესობრივი აქტი ვითარდება სასქესო ორგანოების ინფექციების, ანთებითი და დეგენერაციული ცვლილებების, ანომალიების, ტრავმების დროს, აღინიშნება გენიტალგია, რის გამოც ქალი თავს არიდებს სქესობრივ კონტაქტს. დისპარეუნია შეიძლება განაპირობოს პარტნიორებს შორის სიყვარულის არარსებობამ, სხვადასხვა სომატურმ დაავადებებმა, ნევროზულმა დარღვეევებმა, არასასურველი  ორსულობის ან ვენერიული დაავადებების შიშმა, ჰიგიენური და ესთეტიკური პირობების არარსებობამ, სქესობრივი ურთიერთობისათვის შეუფერებლმა გარემომ, იშვიათი, ხანმოკლე და არარეგულარულმა სქესობრივმა ურთიერთობამ, მამაკაცის მხრიდან არასაკმარისმა სქესობრივმა სტიმულაციამ. გარკვეული როლი დისპარეუნიის განვითარებაში აკისრია სქესობრივი პარტნიორის არაადექვატურ ქცევას, ქალის ფსიქოლოგიურ თავისებურებებს.

დისპარეუნია მამაკაცებში ნაკლებადაა გამოხატული, თუმცა შეიძლება გამოიწვიოს არასასურველმა ხშირმა სქესობრივმა კონტაქტმა (ქალის თხოვნით, საკუთარი სექსუალური შესაძლებლობების შესამოწმებლად). ერთ პარტნიორთან ხანგრძლივი დისპარეუნია  სხვა პარტნიორთანაც იგივე პრობლემის განვითარებისათვის ხელშემწყობ ფაქტორს წარმოადგენს, გარდა ამისა შეიძლება გახდეს მიზეზი მეორადი ნევროზული რეაქციებისა, სქესობრივი სიახლოვისადმი ინტერესის შემდგომი დაკარგვით. დისპარეუნიის გამოხატული ფორმების დროს გამოიყენება კომპლექსური მკურნალობა, რომელშიც აუცილებლად ჩართული უნდა იყოს ფსიქოთერაპია.

ლიტერატურა, წყაროები, გაფრთხილება

  • გაფრთხილება
  • დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  • დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

(2) ლალი დათეშიძეარჩილ შენგელიასამედიცინო ენციკლოპედიური განმარტებითი ლექსიკონი

დისპარეუნია – 1. ქალებში სქესობრივი დარღვევების საერთო სახელწოდება; 2. ორგაზმის მიღწევის უუნარობა, სქესობრივი აქტის ნორმალურად ჩატარებისას მუდმივ პარტნიორთან; 3. მტკივნეული სქესობრივი აქტი, რაც შესაძლებელია განპირობებული იყოს ვაგინიზმით, ქალის სასქესო ორგანოების ანთებითი პროცესებით.

.

გადასვლები: საიტი „სექსოლოგია“ პორტალზე www. medgeo. Net; ინტიმური საქონლის მაღაზია

 

Share on Facebook
Facebook
გააზიარე Facebook -ზე ..