კტ შუნტოგრაფია

კტ შუნტოგრაფია (შუნტების კომპიუტერული ტომოგრაფია) გამოიყენება შუნტირების ოპერაციის შემდგომ პერიოდში შუნტის გამავლობის შესაფასებლად. კტ შუნტოგრაფიის მიზანია დროულად გამოვლინდეს შუნტის სტენოზი და შეირჩეს მკურნალობის ტაქტიკა. პროცედურა არ საჭიროებს არტერიული სისხლძარღვების კათეტერიზაციას და ტარდება ამბულატორიულ პირობებში.

კტ შუნტოგრაფიის დროს საკონტრასტო ნივთიერების შეყავთ იდაყვის ვენაში, რის შემდეგაც ხდება სერიული სურათების გადაღება. სპეციალური კომპიუტერული დამუშავების შემდეგ  კი მიიღება გამოსაკვლევი სისხლძარღვის სამგანზომილებიანი გამოსახულება.

ორგანოთა პათოლოგიები, კვლევის მეთოდები


  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

..