იმუნოკინდი

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): კომბინირებული/comb. drug

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ჰომეოპათიური საშუალებები
შემადგენლობა

1 ტაბლეტი (100 მგ) შეიცავს:
აქტიური ნივთიერებები:
Calcium carbonicum Hahnemanni D6 – 20 მგ
Calcium fluoratum D6 – 20 მგ
Calcium phosphoricum D6 – 20 მგ
Sulfur jodatum D12 – 20 მგ
სხვა ინგრიდიენტები (შემავსებლები): მიკროკრისტალური ცელულოზა, ტალკი, მაგნიუმის სტეარატი.
ჩვენებები
სასუნთქი გზების ხშირი და რეციდივული მწვავე ინფექციურ-ანთებითი დაავადებების პროფილაქტიკისთვის და ასევე ორგანიზმის იმუნიტეტის ამაღლებისთვის ძუძუთა და მცირე ასაკის ბავშვებში.
მიღების წესები და დოზები
6 წლამდე ასაკის ბავშვები: 1 ტაბლეტი 3–ჯერ დღეში.
მიიღება ჭამამდე 30 წუთით ადრე ან საკვების მიღებიდან 30 წუთის შემდეგ (ტაბლეტი უნდა გაიწოვოს პირის ღრუში).
ძუძუთა ბავშვების და 3 წლამდე ასაკის ბავშვების მკურნალობისას რეკომენდებულია ტაბლეტის გახსნა წყლის მცირე რაოდენობაში (1 ჩაის კოვზი).
არ შეიძლება ორმაგი დოზის მიღება პრეპარატის მიღების დავიწყების შემთხვევაში.
გვერდითი მოვლენები
არ არის ცნობილი პრეპარატის გვერდითი ეფექტების შესახებ. პრეპარატის მიღებისას თუ შეამჩნიეთ რომელიმე გვერდითი ეფექტი, მიმართეთ ექიმს.
შენიშვნა:
ჰომეოპათიური სამკურნალო საშუალების მიღებისას შესაძლებელია დაავადების არსებული სიმპტომების გარდამავალი გაძლიერება (პირველადი გაუარესება); ასეთ შემთხვევაში პრეპარატის მიღება უნდა შეწყვიტოთ და კონსულტაციისთვის მიმართეთ ექიმს.
უკუჩვენება
გამოვლენილი ალერგიული რეაქციები (ჰიპერმგრძნობელობა) პრეპარატის რომელიმე კომპონენტის მიმართ.
განსაკუთრებული მითითებები
ჭამის დროს იმუნოკინდის მიღება რეკომენდებული არ არის. უკეთესია, პრეპარატი მიიღოთ ჭამამდე 30 წუთით ადრე ან საკვების მიღებიდან 30 წუთის შემდეგ.
თუ ექიმმა გითხრათ, რომ თქვენს შვილს რომელიმე შაქრის აუტანლობა აქვს, ან თუ თქვენს შვილს ფარისებრი ჯირკვლის დაავადება აწუხებს, იმუნოკინდის მიღების დაწყებამდე კონსულტაციისთვის მიმართეთ ექიმს.
პრეპარატის მიმართ ცუდი ამტანობისას ან გაუთვალისწინებელი სიმპტომებისას მიმარტეთ ექიმს.
არ არის რეკომენდებული პრეპარატის ხანგრლივი მიღება ექიმთან წინასწარი კონსულტაციის გარეშე.
მოცემული პრეპარატი შეიცავს ლაქტოზას (რძის შაქარი).
ჭარბი დოზირება
ჭარბი დოზირებისას ან პრეპარატის მიღების შეწყვეტისას მავნე ეფექტების განვითარების საშიშროება არ არსებობს.
სხვა წამლებთან ურთიერთქმედება
ურთიერთქმედება სხვა სამკურნალო საშუალებებთან ცნობილი არ არის. შეატყობინეთ თქვენს ექიმს ან ფარმაცევტს თუ თქვენი ბავშვი იღებს სხვა სამკურნალო საშუალებებს.
შენახვის პირობები და ვადები
ინახება 25°C ტემპერატურამდე, ბავშვებისთვის მიუწვდომელ ადგილას.
ვარგისიანობის ვადა:
5 წელი. ვარგისიანობის ვადის ამოწურვის თარიღი მითითებულია შეფუთვასა და ფლაკონზე. ამ თარიღის გასვლის შემდეგ პრეპარატს ნუ გამოიყენებთ.
გამოშვების ფორმა: ტაბლეტი #150
გაცემის რეჟიმი: III ჯგუფი (ურეცეპტოდ)
მწარმოებელი: DHU, გერმანია

გაფრთხილება

Share this...Share on Facebook
Facebook