ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
საერთაშორისო დასახელება (აქტიური ნივთიერება): პარაცეტამოლი. კოფეინი, ასკორბინის მჟავა, ალოეს ქსტრაქტი/paracetamol, caffeine, ascorbic acid, aloe
აფთიაქები, ფასები, ფასდაკლებები …
კლინიკურ-ფარმაკოლოგიური ჯგუფი: გაციების დროს გამოსაყენებელი საშუალებები
შემადგენლობა
პარაცეტამოლი – 500მგ, ასკორბინის მჟავა – 50მგ, კოფეინი – 25მგ, მუკალტინი – 50მგ, ალოეს მშრალი ექსტრაქტი – 10მგ.
დამხმარე ნივთიერებები: შაქარი, სახარინ ნატრიუმი, ლიმონმჟავა, ნატრიუმის ციტრატი, ფორთოხლის, ლიმონის, თაფლის, ან თაფლისა და ლიმონის ემულსია;
ფარმაკოლოგიური თვისებები
პარაცეტამოლი – 500მგ, ასკორბინის მჟავა – 50მგ, კოფეინი – 25მგ, მუკალტინი – 50მგ, ალოეს მშრალი ექსტრაქტი – 10მგ.
დამხმარე ნივთიერებები: შაქარი, სახარინ ნატრიუმი, ლიმონმჟავა, ნატრიუმის ციტრატი, ფორთოხლის, ლიმონის, თაფლის, ან თაფლისა და ლიმონის ემულსია;
ჩვენებები
გრიპის, გაციების სიმპტომური მკურნალობა, რისთვისაც დამახასიათებელია ტემპერატურის მატება, ცემინება, მწვავე რინიტი, თავის, ყელის, კუნთების ტკივილი.
მიღების წესები და დოზები
პაკეტის შიგთავსი უნდა გაიხსნას ერთ ჭიქა ცხელ წყალში მორევით.
მოზრდილებში: 1 პაკეტი ყოველ 4-6 საათში ერთჯერ, მაგრამ არა უმეტეს 4 მიღებისა 24 საათის განმავლობაში.
მკურნალობის გაგრძელება არ არის რეკომენდირებული 5–ზე მეტი დღის განმავლობაში.
პრეპარატი განსაკუთრებით ეფექტურია გრიპისა და გაციების პირველი სიმპტომების გამოვლენისთანავე მიღებისას.
გვერდითი მოვლენები
რეკომენდირებულ დოზებში გვერდითი მოვლენები არ აღინიშნება. ზოგიერთ შემთხვევაში შეიძლება ადგილი ჰქონდეს ალერგიული რეაქციების განვითარებას კანზე გამონაყარის, ქავილის, კვინკეს შეშუპების სახით.
იშვიათად შესაძლებელია განვითარდეს ჰემოპოეზური სისტემის მხრივ დარღვევები.
პრეპარატის მაღალი დოზით და ხანგრძლივი პერიოდით გამოყენებისას მოსალოდნელია ღვიძლის და თირკმლების ფუნქციის დარღვევა, რისთვისაც აუცილებელია სისხლის სურათის შემოწმება.
უკუჩვენება
• მომატებული მგრძნობელობა პრეპარატში შემავალი კომპონენტების მიმართ.
• შაქრიანი დიაბეტი;
ორსულობა და ლაქტაცია
პრეპარატი არ გამოიყენება ორსულობის პერიოდში. ლაქტაციის პერიოდში გამოყენების აუცილებლობის შემთხვევაში, მკუნალობის პერიოდში ბავშვს უნდა შეუწყდეს დედის რძით კვება.
განსაკუთრებული მითითებები
• პრეპარატის დანიშვნა არ არის რეკომენდირებული ორსულობისა და ლაქტაციის პერიოდში.
• პრეპარატი სიფრთხილით ინიშნება მაო-ს ინჰიბიტორებთან, ბეტა-ადრენობლოკატორებთან კომბინაციაში.
• ნეოქოლდი სიფრთხილით ინიშნება შაქრიანი დიაბეტის მძიმე ფორმების, შინაგანი ორგანოების მძიმე ფუნქციური დარღვევების დროს, ჰიპერთირეოზის, კორონარული არტერიების გამოხატული ათეროსკლეროზისას.
• არ არის მიზანშეწონილი პარაცეტამოლის შემცველ სხვა სამკურნალო საშუალებებთან ერთად პრეპარატის ერთდროული გამოყენება.
• ნეოქოლდით მკურნალობისას დაუშვებელია ალკოჰოლის, საძილე საშუალებების და ტრანკვილიზატორების დანიშნა.
ჭარბი დოზირება
დოზის გადაჭარბების შემთხვევაში 24 საათის განმავლობაში შეიძლება განვითარდეს კანის საფარველის სიფერმკრთალე, ანორექსია, გულისრევა, ღებინება.
ჭარბი დოზირების შემთხვევაში საჭიროა კუჭის ამორეცხვა, ადსორბენტის დანიშვნა, აცეტილცისტეინის და მეთიონინის შეყვანა.
სხვა წამლებთან ურთიერთქმედება
აძლიერებს არაპირდაპირი ანტიკოაგულანტების (კუმარინის ნაწარმების) ეფექტს და ჰეპატოტოქსიური პრეპარატებით ღვიძლის დაზიანების ალბათობას. მეტოკლოპრამიდი ზრდის, ხოლო ქოლესტირამინი ამცირებს პრეპარატის შეწოვის ინტენსივობას. ბარბიტურატები ამცირებენ,,ნეოქოლდი”-ს სიცხის დამწევ აქტივობას. სპირტი აჩქარებს პარაცეტამოლის შეწოვას.
შენახვის პირობები და ვადები
ვარგისიანობის ვადა: 2 წელი.
ვარგისობის ვადის გასვლის შემდეგ პრეპარატის მიღება დაუშვებელია.
შენახვის პირობები: ინახება 15-25oC ტემპერატურის პირობებში, მშრალ, სინათლისგან დაცულ და ბავშვებისთვის მიუწვდომელ ადგილზე.
ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.
გამოშვების ფორმა:
7გ პერორალური ხსნარის მოსამზადებელი ფხვნილი პაკეტი #10
გაცემის რეჟიმი: III ჯგუფი (ურეცეპტოდ)
მწარმოებელი: ნეოფარმი, საქართველო