ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
საერთაშორისო დასახელება (აქტიური ნივთიერება): კომბინირებული/comb. drug
აფთიაქები, ფასები, ფასდაკლებები …
კლინიკურ-ფარმაკოლოგიური ჯგუფი: ბიოლოგიურად აქტიური დანამატები, სედაციური საშუალებები, ფიტოპრეპარატები
შემადგენლობა
L- ტრიფტოფანი (L-tryptophan), ბარამბოს ექსტრაქტი (Melissa Officinalis), ცაცხვის ექსტრაქტი (Tilia cordata Miller), ვიტამინი B6 (პირიდოქსინის ჰიდროქლორიდი), მაგნიუმის გლკონატი
ფარმაკოლოგიური თვისებები:
ნეო პეკეს ფელიცე სუენოს სედაციური მოქმედების პრეპარატია, ნაჩვენებია ძილის დარღვევის, მოუსვენრობის და ნერვული აღგზნებადობის დროს. შექმნილია L- ტრიფტოფანისა და იმ მცენარეთა ექსტრაქტების ბაზაზე, რომლებიც ხელს უწყობენ ძილის მოწესრიგებას
L- ტრიფტოფანი – ადუნებს ორგანიზმის სასიცოცხლო ფუნქციებს და აადვილებს ჩაძინების პროცესს. L- ტრიფტოფანი – წარმოადგენს მელატონინის წყაროს ორგანიზმისთვის. მელატონინი – ჰორმონი, რომელიც ძილის ცირკადულ რიტმს არეგულირებს. მისი გამომუშავება მაქსიმუმს აღწევს ღამით (შუაღამიდან დილის 4 საათამდე ორგანიზმი აწარმოებს 30-ჯერ მეტ მელატონინს, ვიდრე დღისით) გათენებისას კი მიუხედავად იმისა რომ თვალი დახუჭულია, სინათლის მოქმედებით მელატონინის წარმოება მცირდება, სხეული ფხიზლდება და ადამიანი იღვიძებს. L- ტრიფტოფანი მონაწილეობს ნიაცინის – ვიტამინი B3 წარმოქმნის პროცესში და შედეგად უზრუნველყოფს ჟანგბადის მიწოდებას თავის ტვინის უჯრედებისთვის და აუმჯობესებს მათ ფუნქციონირებას
ბარამბო, ცაცხვი – სასიამოვნო სუნის მქონე მცენარე ხსნიან ცენტრალური ნერვული სისტემის სპაზმს და გამაბრუებელი ეფექტის გამო გააჩნიათ სედაციური მოქმედება
ვიტამინი B6 – მნიშვნელოვან როლს ასრულებს ნეიროქიმიკატების სინთეზში, რომლებიც პასუხისმგებელნი არიან ტვინის ნორმალურ ფუნქციონირებაზე
მაგნიუმის გლკონატი – გამოიყენება მედიცინაში, როგორც მოსადუნებელი საშუალება, მისი დეფიციტის დროს ნეირონებს (ნერვულ უჯრედებს) არ ძალუძთ ნერვულ იმპულსთა მიღება და გატარება, ისინი ადვილად აგზნებადნი ხდებიან, რის შედეგადაც იმატებს ადამიანის მგრძნობელობა გარე გამღიზიანებლებისა და სტრესის მიმართ
ჩვენება:
• ეპიზოდური, ხანმოკლე და გარდამავალი ინსომნიის მკურნალობა
• ქცევაზე დამოკიდებული ინსომნიის მკურნალობა
• უძილობა ბავშვებში და მოზარდებში გამოწვეული: შფოთვით, შიშით ან გაღიზიანებადობით, გადაღლილობით, მომატებული აღგზნებადობით
მიღების წესი და დოზირების მეთოდი:
• 0-2 წელი: 5 მლ 1X დღეში;
• 2-5 წელი: 5 მლ 2X დღეში ან 10 მლ 1X დღეში;
• 5 წლის ზემოთ ბავშვები- 10 მლ 2X დღეში.
მიიღება კვებისგან დამოუკიდებლად, სასურველია საღამოს ძილის წინ. მკურნალობის კურსის ხანგრძლივობა 1 თვე. კურსის განმეორებას განსაზღვრავს მკურნალი ექიმი.
უკუჩვენება:
მომატებული მგრძნობელობა პრეპარატის შემადგენლობაში შემავალი კომპონენტების მიმართ
შენახვის პირობები და ვადები:
პრეპარატი ინახება თავდახურულ მდგომარეობაში 250C ბავშვებისათვის მიუწვდომელ ადგილას.
ფლაკონი გამოიყენება გახსნიდან 1 თვის მანძილზე
პრეპარატის გამოყენება დაუშვებელია ვარგისობის ვადის გასვლის შემდეგ, რომელიც აღნიშნულია ფლაკონზე და კოლოფზე
მწარმოებელი: NEOVITAL DISTRIBUCION SL, ესპანეთი
გამოშვების ფორმა: 150 მლ სიროფი მზომი ჭიქით, ვაშლის არომატით №1
გაცემის რეჟიმი: III ჯგუფი (ურეცეპტოდ)