ზერალგო

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): ფლურბიპროფენი/ flurbiprofen

აფთიაქები, ფასები, ფასდაკლებები

კლინიკურ-ფარმაკოლოგიური ჯგუფი: ანთების საწინააღმდეგო არასტეროიდული საშუალება. პროპიონის მჟავას წარმოებული

ათქ კლასიფიკაციის კოდი: M01AE09

 შემადგენლობა
თითო აპკიანი გარსით დაფარული ტაბლეტები შეიცავს
აქტიურ ნივთიერებას: ფლურბიპროფენს 100მგ
დამხმარე ნივთიერებებს: მიკროკრისტალური ცელულოზა PH 200, მაგნიუმის სტეარატი,
ტალკი, ლაქტოზaს მონოჰიდრატი (Tablettose), უწყლო კოლოიდური სილიციუმის
დიოქსიდი (Aerosil 200) ნატრიუმის კროსკარმელოზა(Ac-Di-Sol) OpadryII 85 G 34747
ვარდისფერი

ფარმაკოლოგიური თვისებები
ფარმაკოდინამიკა
ფლურბიპროფენი – არასტეროიდული ანთების საწინააღმდეგო საშუალებაა, ფენილფროპიონის
მჟავას წარმოებული ძლიერი ანალგეზიური და ანთებისაწინააღმდეგო მოქმედებით. მისი
მოქმედება განპირობებულია პროსტაგლანდინების სინთეზის ინჰიბირებით, კერძოდ ფერმენტ
ციკლოოქსიგენაზის დონეზე, რაც იწვევს პერიფერიულ ტკივილის მედიატორებზე ქსოვილთა
მგრძნობელობის დაქვეითებას.
გვერდითი მოვლენების სიხშირე დაკავშირებული ფლუბიპროფენის მიღებასთან, ძალიან
დაბალია; ძირითადად ვლინდება მსუბუქად და გარდამავალია. გვერდითი მოვლენები
ღვიძლის, თირკმელების, და სისხლმბადი სისტემის მხრიდან არ გამოვლენილა.
 
ფარმაკოკინეტიკა
შეწოვა:
პერორალურად მიღების შემდეგ ფლურბიპროფენი სწრაფად შეიწოვება კუჭ-ნაწლავის ტრაქტში
და აღწევს მაქსიმალურ კონცენტრაციას პლაზმაში დაახლოებით 1,5 საათში. საკვების მიღება
არ მოქმედებს სამკურნალო საშუალების ბიოშეღწევადობაზე.
განაწილება:
ფლურბიპროფენის თითქმის 99%-ზე მეტი უკავშირდება სისხლის პლაზმის ცილებს.
მეტაბოლიზმი:
ფლურბიპროფენის უმეტესი ნაწილი განიცდის მეტაბოლიზმს.
გამოყოფა: შარდთან ერთად გამოიყოფა 20 % თავისუფალი და კონიუგირებული ფორმით,
ხოლო 50% – ჰიდროქსილირებული მეტაბოლიტების სახით. ნახევრადგამოყოფის პერიოდი
დაახლოებით 6 საათია.
 
ჩვენებები
რევმატოიდური ართრიტი, ოსტეოართრიტი, მაანკილიზებელი სპონდილიტი, ბურსიტი,
ტენდინიტი, რბილი ქსოვილების ტრავმები, დისმენორეა
 
უკუჩვენებები
ფლუბიპროფენის მიმართ მომატებული მგრძნობელობა.
პრეპარატი უკუნაჩვენებია აგრეთვე იმ პაციენტებში,რომლებიც ამჟღავნებენ მომატებული
მგრძნობელობის რეაქციებს (ბრონქული ასთმა,ჭინჭრის ციება ან სხვა ალერგიული რეაქციები,)
ფლუბიპროფენის, ასპირინის ან სხვა არასტეროიდული პრეპარატების მიღების დროს.
წყლულოვანი დაავადების გამწვავება ან პეპტიური წყლული ანამნეზში.
 
განსაკუთრებული მითითებები
სავალდებულოა კარგად იყვნენ გაკონტროლებული ავადმყოფები,რომლებიც გადიან
ხანგრძლივ მკურნალობას არასტეროიდული ანთების საწინააღმდეგო საშუალებებით შესაძლო
გვერდითი მოვლენების გამომჟღავნების გამო. ისევე, როგორც სხვა არასტეროიდული ანთების
საწინააღმდეგო საშუალებები ფლუბიპროფენიც სიფრთხილით უნდა იქნას გამოყენებული იმ
პირებში, რომლებსაც აქვთ თირკმლისა და ღვიძლის ფუნქციის დარღვევები,რომელთაც უკვე
ჰქონდათ წარსულში თირკმლისა და ღვიძლის დაავადებები.
ფლუბიპროფენი ფრთხილად უნდა მიიღონ პირებმა გულის უკმარისობით, არტერიული
ჰიპერტენზიით და სხვა დაავადებებით შესაძლებელი შეშუპებისა და სითხის შეკავების
შესაძლო განვითარების გამო. მიუხედავად იმისა, რომ
ჩატარებული გამოკვლევების დროს, ფლუბიპროფენის გამოყენებას დოზით -200მგ, 12 თვეზე
მეტი დროით, სიხლდენის დრო არ გაუხანგრძლივებია, მაინც საჭიროა სიფრთხილის
გამოჩენა პათოლოგიური სისხლდენისკენ მიდრეკილების მქონე ავადმყოფებში.
არ უდა იქნას გამოყენებული ბავშვებში 15 წლამდე, ეფექტურობის და უსაფრთხოების არ
არსებობის გამო.
 
ურთიერთობა სხვა მედიკამენტებთან
ფლუბიპროფენმა შესაძლოა შეამციროს დიურეზული საშუალებების, მაგ. ფუროსემიდის
მოქმედება. ფლუბიპროფენი, როგორც სხვა არასტეროიდული ანთების საწინაარმდეგო
საშუალება,სიფრთხილით გამოიყენება პაციენტებთან, რომლებიც იღებენ ანტიკოაგულანტებს,
შესაძლებელი სისხლდენის რისკის გამო.
არსებობს ცნობა ფლუბიპროფენის პლაზმური კონცენტრაციის 50% შემცირების შესახებ
ასპირინთან ერთად მიღების შემთხვევაში, ამიტომ არ არის რეკომენდებული ამ ორი
მედიკამენტის ერთდროული გამოყენება. ფლუბიპროფენი იწვევს ციკლოსპორინების,
დიგოქსინის,ლითიუმის და მეთოტრექსატის პლაზმური კონცენტრაციის მატებას
აგფ ინჰიბიტორების თირკმლისმიერი გვერდითი მოვლენები შეიძლება გაიზარდოს
არასტეროიდული ანთების საწინააღმდეგო პრეპარატების მოქმედებით.
კორტიკოსტეროიდებმა შეიძლება გაზარდონ წყლულის განვითარების რისკი. ნაჩვენები იქნა,
რომ ფლუბიპროფენის გამოყენება აცეტილქოლინის ქლორიდთან და კარბაქოლინთან ერთად
არაეფექტურია.
 
ურთიერთობა ალკოჰოლთან / საკვებთან/ მცენარეულ საშუალებებთან
ალკოჰოლი: არ შეიძლება ალკოჰოლთან ერთად მიღება,რადგან შესაძლოა გააძლიეროს კუჭის
ლორწოვანის გაღიზიანება.
საკვები: საკვებმა შესაძლოა შეამციროს მედიკამენტის შეწოვის სისწრაფე, მაგრამ არ
მოქმედებს ბიოშეღწევადობაზე
მცენარეული საშუალებები: თავი უნდა ავარიდოთ ისეთი მცენარეული სასუალებების
გამოყენებსა, როგორიცააა კატის ბრჭყალი, ანგელოზას ფესვი, ფურისულა, ასფურცელა, ნიორი,
კოჭა, გინკგო, წითელი სამყურა, ცხენისწაბლა, მწვანე ჩაი, ჟენშენი. ყველა მათგანს აქვს
ანტითრომბოციტული მოქმედება.
 
გამოყენება ორსულობისა და ლაქტაციის დროს
ორსულობა
I და II ტრიმესტრი კატეგორია C. გამოყენება შესაძლებელია, თუ შესაძლო სარგებელი
აღემატება ნაყოფის პოტენციურ რისკს. III ტრიმესტრი კატეგორია D. ადექვატური და კარგად
კონტროლირებული კვლევების არარსებობის გამო რეკომენდებული არ არის გამოყენებული
იქნას ორსულ ქალებში. შესაძლებელია გამოყენება სიცოცხლისათვის საფრთხის შემცველ
სიტუაციებში, ან სერიოზული დაავადების მკურნალობისას, როდესაც სხვა სამკურნალო
საშუალებების გამოყენება შეუძლებელია ან არასაკმარისია. ორსულობის III ტრიმესტრში აასს
-ხანგრძლივმა გამოყენებამ შესაძლოა გამოიწვიოს: მშობიარობის შეკავება, ნაყოფიში
არტერიული
სადინრის ნაადრევი ჩაკეტვა და ხანგრძლივი ფილტვისმიერი ჰიპერტენზია მშობიარეში.
ლაქტაცია
რეკომენდებული არაა გამოყენებული იქნას ლაქტაციის პერიოდში პროსტაგლანდინების
ინჰიბიტორების შესაძლო გვერდითი მოვლენების გამო ახალშობილებში
 
სატრანსპორტო საშუალებების და სხვა პოტენციურად საშიში მექანიზმების მართვაზე
ზემოქმედებ
საჭიროა სიფრთხილის დაცვა სატრანსპორტო საშუალებების და მექანიზმების მართვის დროს
 
მიღების წესი და დოზირება
თუ არა არის სხვა დანიშნულება ექიმის მიერ, რეკომენდებული სადღეღამისო დოზა შეადგენს
150-200მგ-ს.
სიმპტომების სიმძიმიდან გამომდინარე სადღეღამისო დოზა შეიძლება გაიზარდოს 300მგ-მდე.
ჩვეულებრივი ტკივილების დროს საწყისი დოზაა 100მგ, შემდგომი ყოველი 4-6 საათის
განმავლობაში 50-100მგ. მაქსიმალური სადღეღამისო დოზა შეადგენს 300მგ.-ს
არ არის საჭირო გამოყენებული იქნას 15 წლამდე ასაკის ბავშვებში, პრეპარატის ეფექტურობის
და უსაფრთხოების მტკიცებულების არ არსებობის გამო.
 
გვერდითი მოვლენები
მხედველობის ორგანოების მხრივ: რქოვანას შეხორცების შენელება,თვალის კაკლის ჩავარდნა,
ქავილი,წვა,თვალის გაღიზიანება, თვალის შეწითლება
ცენტრალურ ნერვული სისტემის მხრივ: თავის ტკივილი, დაღლილობა, გაღიზიანებადობა
კანის მხრივ: ქავილი, გამონაყარი
ენდოკრინული სისტემის და ნივთიერებათა ცვლის მხრივ: სითხის შეკავება
კუჭ-ნაწლავის ტრაქტის მხრივ: ტკივილი მუცლის არეში, წვის შეგრძნება გულკერდის
მიდამოში, გულისრევა, ღებინება.
სმენის ორგანოების მხრივ: ტინიტუსი იშვიათად
იშვიათად (1% -ზე ნაკლები):
ცენტრალური ნერვული სისტემის მხრივ: ასეპტიური მინინგიტი, ჰალუცინაციები, დეპრესია,
პერიფერიული ნეიროპათია
კანის მხრივ: ალერგიული რეაქციები,სტივენ- ჯონსონის სინდრომი, მულტიფორმული
ერითემა, ტოქსიური ეპიდერმული ნეკროლიზი,ჭინჭრის ციება
გულსისხლძარღვთა სისტემის მხრივ: ანგიონევროზული შეშუპება, გულის შეგუბებითი
უკმარისობა, არტერიული ჰიპერტენზია, ტაქიკარდია
სისხლმბადი და ლიმფური სისტემის მხრივ: აგრანულოციტოზი, ლეიკოპენია,
თრომბციტოპენია, ძვლის ტვინის ფუნქციის დათრგუნვა,ჰემოლიზური ანემია, სასუნთქი
სისტემის მხრივ: ქოშინი
ღვიძლის ფუნქციის მხრივ: ჰეპატიტი
საშარდე სისტემის მხრივ: თირკმლის მწვავე უკმარისობა
საჭმლის მომნელებელი სისტემის მხრივ: კუჭ ნაწლავის წყლული
მხედვეობის ორგანოს მხრივ: ტოქსიკური ამბლიოპია
ხანდაზმულ ადამიანებში, არასტეროიდული ანთების საწინააღმდეგო პრეპარატების მიერ,
გვერდითი მოვლენების განვითარების რისკი უფრო დიდია. 60%-ს შეიძლება განუვითარდეს
კუჭ-ნაწლავის წყლული ან სისხლდენა. ცენტრალური ნერვული სისტემის მხრივ ცნობიერების
დაბინდვას, შფოთვას და ჰალუცინაციას ადგილი აქვს დიდი დოზების ან ჭარბი დოზირების
შემთხვევაში
არასასურველი ეფექტების გამოვლენისას მიმართეთ ექიმს
 
დოზის გადაჭარბება
არასტეროიდული ანთების საწინააღმდეგო საშუალებების დოზის გადაჭარბების სიმპტომები
ვლინდება ძილიანობით,უძილობით, გულისრევით, ღებინებით, ეპიგასტრიუმის მიდამოებში
ტკივილით და გადის შემანარჩუნებელი თერაპიის შემდგომ. შესაძლებელია სისხლდენა კუჭ-
ნაწლავიდან. იშვიათად შესაძლოა განვითარდეს არტერიული ჰიპერტენზია, მწვავე თირკმლის
უკმარისობა,სუნთქვის გაძნელება და კომა. ანაფილაქსიური რეაქციები,რომლებიც შეიმჩნევა
არასტეროიდული ანთების საწინააღმდეგო საშუალებების მიღებისას, შესაძლოა განვითარდეს
ჭარბი დოზირებისას. არასტეროიდული ანთების საწინააღმდეგო საშუალებების
გადაჭარბებით მიღებისას საჭიროა ჩატარდეს სიმპტომატური და შემანარჩუნებელი
მკურნალობა.სპეციფიური ანტიდოტი არ არსებობს. დოზის გადაჭარბების სიმპტომების
შემთხვევაში ან პრეპარატის დიდი დოზით მიღებისას(დოზის 5-10ჯერ გადაჭარბებული
მიღება) საჭიროა ღებინება გამოვიწვიოთ ან მივცეთ აქტივირებული ნახშირი(მოზრდილებს 60-
100გრ ბავშვებს 1-2გრ/კგ-ზე) ან ოსმოსური კუჭში გამხსნელები. პლაზმის ცილებთან
შეერთების მაღალი სიჩქარის გამო,ფორსირებული დიურეზი, შარდის გატუტიანება გადასვლა
და ჰემოდიალიზი ან ჰემოპერფუზია შესაძლოა არაეფექტური იყოს.
 
შენახვის პირობები
პრეპარატი ინახება არაუმეტეს 25°Cსაკუთარ შეფუთვაში,  მზისგან და ნესტისაგან დაცულ, ბავშვებისათის მიუწვდომელ ადგილზე

ვარგისობის ვადა
3 წელი
პრეპარატი არ გამოიყენება ვარგისობის ვადის გასვლის შემდეგ.

გამოშვების ფორმა: 100მგ აპკიანი გარსით დაფარული ტაბლეტი №15

გაცემის რეჟიმი: III ჯგუფი (ურეცეპტოდ)

მწარმოებელი: Drogsan Pharmaceuticals, თურქეთი

გაფრთხილება