როტაკინაზა. ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
♦ როტაკინაზა აფთიაქებსა და ბაზებში, ფასები, აქციები, პრაისები, ინტერნეტ-აფთიაქები >>
♦ ჩაწერა საქართველოს Top – ექიმებთან >>
♦ უცხოეთიდან კონსულტაციები, დიაგნოსტიკა და მკურნალობა უცხოეთში >>
საერთაშორისო დასახელება (აქტიური ნივთიერება): სტრეპტოკინაზა/streptokinase
კლინიკურ-ფარმაკოლოგიური ჯგუფი: ანტიჰემორაგიული და ჰემოსტაზური საშუალებები, ფიბრინოლიზის ინჰიბიტორები
შემადგენლობა
პრეპარატის ერთი ფლაკონი შეიცავს:
აქტიური ნივთიერება: სტრეპტოკინაზა 1 500 000 სე.
დამხმარე ნივთიერებები: პოლიგელინი, ადამიანის შრატის ალბუმინი.
აღწერილობა: წყალში ადვილად ხსნადი, ლიოფილიზირებული, ჰიგროსკოპული მშრალი ფხვნილი თეთრი ან თითქმის თეთრი ფერის.
ფარმაკოლოგიური თვისებები
როტაკინაზა – ფიბრინოლიზური საშუალება, შეიცავს სტრეპტოკინაზას, ფერმენტულ ცილას, რომელიც მიღებულია 50 000 დალტონის მოლეკულური მასის მქონე С ჯგუფის β-ჰემოლიზური სტრეპტოკოკის კულტურიდან. პლაზმინოგენთან (პროფიბრინოლიზინთან) ურთიერთქმედებისას ქმნის კომპლექსს, რომელიც
ააქტიურებს სისხლის ან სისხლის კოლტის პლაზმინოგენის გარდაქმნას პლაზმინად (ფიბრინოლიზად). ეს უკანასკნელი არის პროტეოლიზური ფერმენტი, რომელიც ხსნის ფიბრინის ბოჭკოებს სისხლის კოლტსა და თრომბში, იწვევს ფიბრინოგენისა და პლაზმური პროტეინების დეგრადაციას, მათ შორის შედედების V (აქცელირინი) და VII (კონვერტინი) ფაქტორებისა. ხსნის თრომბს, როგორც ზედაპირზე, ისე შიგნიდან მოქმედებით.
ჩვენებები
– მიოკარდიუმის მწვავე ინფარქტი (პირველი 12 საათის განმავლობაში);
– ფილტვის არტერიისა და მისი ტოტების თრომბოემბოლია;
– არტერიების თრომბოზი და თრომბოემბოლია (პერიფერიული არტერიების მწვავე, ქვემწვავე, ქრონიკული თრომბოზი, ქრონიკული მაობლიტირებელი ენდარტერიიტი, არტერიოვენოზური შუნტის ობლიტერაცია);
– ბადურის ცენტრალური სისხლძარღვების ოკლუზია – 6-8 საათზე ნაკლები
ხანდაზმულობის (არტერიები); 10 დღეზე ნაკლები ხანდაზმულობის (ვენები);
– დიაგნოსტიკური ან თერაპიული პროცედურების შედეგად განვითარებული
არტერიების თრომბოზი ბავშვებში, ახალშობილებში სისხლძარღვების თრომბოზი
კათეტერიზაციის დროს;
– შინაგანი ორგანოების ვენების თრომბოზი, კიდურების ღრმა ვენებისა (14 დღეზე ნაკლები ხანდაზმულობის) და მენჯის ვენების თრომბოზი;
– რეთრომბოზი სისხლძარღვებზე ოპერაციის შემდეგ;
– ჰემოდიალიზური შუნტის თრომბოზი;
– თრომბოზი გულის სარქველების პროთეზირებისას;
– ი/ვ კათეტერის გამორეცხვა (მათ შორის ჰემოდიალიზისთვის განკუთვნილის);
– მიოკარდიუმის მწვავე ინფარქტის დროს მოსვენების სტენოკარდიის მონო- ან
კომბინირებული თერაპია.
მიღების წესები და დოზები
როტაკინაზა ვენაში შეყავთ წვეთოვნად, ხოლო აუცილებლობისას – ინტრაარტერიულად ან ინტრაკორონარულად. სტრეპოკინაზის ხსნარის დამზადებისას არ შეიძლება მისი შენჯღრევა, რათა არ წარმოიქმნას ქაფი.
მიოკარდიუმის ინფარქტის (პირველი 12 საათის განმავლობაში) შემთხვევაში ინიშნება ინტრავენურად, წვეთოვნად, 1 500 000 სე დოზით, გახსნილი 100 მლ ნატრიუმის ქლორიდის 0.9%-იანი ან გლუკოზის 5%-იან ხსნარში. შესაძლებელია ინტრაკორონარული შეყვანა დოზით 250 000-300 000 სე 30-60 წუთის განმავლობაში.
პერიფერიული არტერიებისა და ვენების თრომბოზი: ხანმოკლე თრომბოლიზის შემთხვევაში ინტრავენურად, წვეთოვნად, საწყისი დოზით 250 000 სე 30 წუთის განმავლობაში, შემანარჩუნებელი დოზა – 1 500 000 სე/სთ 6 საათის განმავლობაში; საჭიროებისამებრ შეიძლება კურსის განმეორება (მაგრამ არა უგვიანეს მეხუთე დღისა პირველი კურსის ჩატარების მომენტიდან). ხანგრძლივი თრომბოლიზის შემთხვევაში ინტრავენურად, წვეთოვანი სახით, 250 000 სე დოზით 30 წუთის განმავლობაში, შემდეგ 1 000 000 სე/სთ ინფუზიის სახით, ხანგრძლივობით 12 საათიდან 3-5 დღემდე (არა უმეტეს); საჭიროებისამებრ შეიძლება თერაპიის გაგრძელება შესვენების შემდეგ და სხვა ჰომოლოგიური თრომბოლიზური საშუალებების შესაძლო ჩანაცვლებით.
ღრმა ვენების თრომბოზი, ფილტვის არტერიის თრომბოემბოლია და არტერიული ოკლუზია: ინტრავენურად, წვეთოვნად, დოზით 250 000 სე 100-300 მლ გამხსნელში 30 წუთის განმავლობაში. დარტყმითი დოზის შეყვანისთანავე იწყება შემანარჩუნებელი თერაპია. შეიძლება 100 000 სე როტაკინაზის შეყვანა ყოველ ერთ საათში ერთხელ 3 დღის განმავლობაში. შეიძლება 12-საათიანი ინფუზიის ჩატარება დოზით 1 200 000 სე 500 მლ გამხსნელში. ძალიან მნიშვნელოვანია, რომ ინფუზიის სიჩქარე იყოს მუდმივი. ინფუზიის დასრულების შემდეგ სასურველია სისხლძარღვების გამტარობის საკონტროლო გამოკვლევა. თუ 3 დღის განმავლობაში დადებითი კლინიკური ეფექტი არ აღინიშნა, თერაპია უნდა შეწყდეს. აუცილებლობის შემთხვევაში როტაკინაზით მკურნალობა შეიძლება გაგრძელდეს კიდევ 1-3 დღით.
ჰემოდიალიზურ შუნტში თრომბის გასახსნელად 100 000 სე როტაკინაზას ხსნიან ნატრიუმის ქლორიდის იზოტონური ხსნარის 100 მლ-ში. შუნტის დათრომბილ მონაკვეთში შეყავთ 10 000 – 25 000 სე (10 – 25 მლ), რის შემდეგაც შუნტის ვენურ ბოლოს კეტავენ მომჭერით. შუნტის არტერიულ ბოლოს უერთებენ სტერილურ შპრიც-ტუმბოს – საჰაერო სიცარიელის შესაქმნელად, რომელიც უზრუნველყოფს არტერიის პულსაციას. საჭიროების შემთხვევაში შეიძლება როტაკინაზას ხელმეორედ შეყვანა 30-45 წუთის შემდეგ.
არტერიების თრომბოზი ბავშვებში, მათ შორის ახალშობილებში განვითარებული სხვადასხვა პროცედურის შედეგად: ინტრავენურად, წვეთოვნად, დოზით 1000-10000 სე/კგ სხეულის მასაზე, 20-30 წუთის განმავლობაში, შემდგომი ხანგრძლივი (მაგრამ არა უმეტეს 5 დღისა) ინტრავენური ინფუზიით, დოზით 1000 სე /კგ/სთ, შეყვანა წყდება, როცა პულსი ხდება პალპირებადი ან შეყვანის ადგილიდან ვითარდება სისხლდენა; აუცილებლობისას – ლოკალური ლიზისი დოზით 50 სე/კგ/სთ.
გვერდითი მოვლენები
როტაკინაზის გამოყენებისას შეიძლება განვითარდეს არასპეციფიური რეაქცია
ცილაზე: თავის ტკივილი, გულისრევა, შეციება, ალერგიული რეაქციები
(გამოხატული ალერგიული რეაქციის შემთხვევაში რეკომენდებულია
კორტიკოსტეროიდების გამოყენება), სისხლდენა შეყვანის ადგილიდან, აგრეთვე ღრძილებიდან.
სწრაფი ინტრავენური შეყვანისას შეიძლება განვითარდეს ჰიპოტენზია, გულის
რითმის დარღვევა. გასათვალისწინებელია ემბოლიის განვითარების შესაძლებლობა (თრომბის ელემენტების მობილიზაციის გამო).
უკუჩვენება
– წინა 10 დღის განმავლობაში გადატანილი ოპერაცია, ტრავმა, ბიოფსია, (ლავიწქვედა ან საუღლე ვენის) პუნქცია, გულის ტამპონადა, ენდოტრაქეული ინტუბაცია;
– თავის ტვინის არტერიების დაზიანება, რომელსაც შეიძლება ადგილი ჰქონდეს მძიმე არტერიული ჰიპერტენზიის, ჰიპერტონიის ან დიაბეტური რეტინოპათიის, ახლო
წარსულში (2 თვემდე) გადატანილი ინსულტის ან სხვა ცერებროვასკულარული
პათოლოგიის, ანევრიზმის დროს;
– სისხლდენა ან სისხლდენის განვითარების მაღალი რისკი (ჰემორაგიული დიათეზი, თრომბოციტოპენია, თირკმელების და/ან ღვიძლის მძიმე უკმარისობა, წინა 6 თვის განმავლობაში საჭმლის მომნელებელი ტრაქტის ეროზიულ-წყლულოვანი დაზიანება – პეპტიური წყლული, არასპეციფიური წყლულოვანი კოლიტი, დივერტიკულიტი, მენსტრუ- ალური სისხლდენა, ორსულობის პერიოდი – განსაკუთრებით პირველი 18 კვირის განმავლობაში, მშობიარობის შემდგომი პერიოდი, ტუბერკულოზის აქტიური ფორმა, სიმსივნეები, მწვავე პანკრეატიტი);
– კარდიალური ემბოლიის რისკი, მაგალითად, წინაგულების ციმციმის დროს მიტრალური სარქვლის დაზიანებისა და ბაქტერიული ენდოკარდიტის ფონზე;
– ახლო წარსულში (მანეიტრალიზებელი ანტისხეულების მაღალი ტიტრის განსაზღვრამდე 5 დღიდან 6 თვემდე) სტრეპტოკინაზით მკურნალობა;
– გულის მიტრალური მანკი წინაგულების ციმციმით, სეფსისური ენდოკარდიტი;
– თავის ტვინის სიმსივნე ან მეტასტაზები ცენტრალურ ნერვულ სისტემაში.
ორსულობა და ლაქტაცია
პრეპარატის გამოიყენება უკუნაჩვენებია ორსულობისას (განსაკუთრებით პირველი 18 კვირის განმავლობაში) და მშობიარობის შემდგომ პერიოდში.
განსაკუთრებული მითითებები
როტაკინაზით მკურნალობის დაწყება ყველა შემთხვევაში საჭიროა რაც შეიძლება
ადრე, ვინაიდან უკეთესი ეფექტი აღინიშნება ახალად წარმოქმნილი თრომბის
შემთხვევაში. მკურნალობა ტარდება თრომბინის დროისა და სისხლში ფიბრინოგენის შემცველობის კონტროლით. პრეპარატის შეყვანამდე რეკომენდებულია
ფიბრინოგენის შემცველობის, თრომბინის დროისა და აქტივირებული ნაწილობრივი თრომბოპლასტინური დროის განსაზღვრა. განსაკუთრებულ სიფრთხილეს მოითხოვს რატოკინაზის დანიშვნა 75 წელს გადაცილებულ პაციენტებში.
ჰეპარინის გამოყენება შეიძლება რატოკინაზის ინფუზიის შეწყვეტიდან არაუმცირეს 4 საათში.
რეკომენდებული არ არის სისტემური გამოყენება მიოკარდიუმის ინფარქტის დროს, თუ გასულია 24 საათი და მეტი, ღრმა ვენების თრომბოზის დროს, თუ გასულია 14 დღე და მეტი; ბადურას სისხძარღვების თრომბოზის დროს: არტერიული
ოკლუზიისას, თუ გასულია 6-8 საათი და მეტი, ღრმა ვენებისას, თუ გასულია 10 დღე და მეტი, არტერიების ქრონიკული ოკლუზიისას, მათ შორის მაობლიტირებელი
ენდარტერიიტის დროს, თუ გასულია 6 კვირა და მეტი.
ჭარბი დოზირება
სიმპტომები: გვერდითი მოქმედების გაძლიერება (შედარებით ხშირად – სისხლდენა).
მკურნალობა: სისხლდენის შეჩერება (შეძლებისდაგვარად), ანტიფიბრინოლიზური საშუალებების (ტრანექსამის მჟავა, პარაამინომეთილბენზოის მჟავა, კალიკრეინის ან პროტეაზის ინჰიბიტორები, მათ შორის აპროტინინი, ამინოკაპრონის მჟავა – 5 გ/სთ, შემდგომ 1 გ/სთ 4-8 საათის განმავლობაში ეფექტის მიღწევამდე) დანიშვნა, სისხლის დანაკარგის აღდგენა (დექსტრანისა და ჰიდროქსიეთილირებული სახამებელის
გარდა), სიმპტომური მკურნალობა.
სხვა წამლებთან ურთიერთქმედება
ჰეპარინი, კუმარინის წარმოებულები, დიპირიდამოლი, არასტეროიდული ანთების საწინააღმდეგო საშუალებები, მათ შორის აცეტილსალიცილის მჟავა, დექსტრანები, ვალპროის მჟავა, აძლიერებენ შედედების საწინააღმდეგო ეფექტს და ზრდიან
სისხლდენის რისკს.
შეუთავსებელია პლაზმის ჩამანაცვლებელ ხსნარებთან – ჰიდროქსიეთილირებულ
სახამებელთან და დექსტრანთან.
შენახვის პირობები და ვადები
ინახება სინათლისაგან დაცულ ადგილას, +2°С-დან +20°C-მდე ტემპერატურის პირობებში.
დაიცავით გაყინვისაგან.
შეინახეთ ბავშვებისათვის მიუწვდომელ ადგილას.
ვარგისიანობის ვადა
3 წელი წარმოებიდან.
დაუშვებელია პრეპარატის გამოყენება ვარგისიანობის ვადის გასვლის შემდეგ.
გამოშვების ფორმა: 1 500 000 სე ლიოფილიზირებული ფხვნილი ი.ვ. საინექციო ხსნარის მოსამზადებლად მინის ფლაკონში
გაცემის რეჟიმი: II ჯგუფი (გაიცემა ფორმა N3 რეცეპტით)
მწარმოებელი: SEDICO pharmaceutical company, ეგვიპტე