ლაქტალი

  • თურმანიძის მალამოები

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება: რძემჟავა, გლიკოგენი/lactid acid, glykogen

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: საშოს მიკროფლორის წონასწორობის მარეგულირებელი საშუალებები
ფარმაკოლოგიური თვისებები:
ვაგინალური გელი ლაქტალი შეიცავს რძემჟავას, რომელიც აქვეითებს ვაგინალური pH -ის დონეს, მჟავე გარემო დადებითად მოქმედებს ნორმალურ ვაგინალურ მიკროფლორაზე და თრგუნავს პათოგენური და პირობით-პათოგენური ფლორის ზრდას. ლაქტალის შემადგენლობაში შემავალი გლიკოგენი უზრუნველყოფს საკვებით რძემჟავა ბაქტერიებს. დაქვეითებული ვაგინალური pH -ის მაჩვენებელი და შესაბამისი საკვები აღადგენს ნორმალურ ვაგინალურ ბალანსს, ვაგინალური მიკროფლორა აღდგება, ამავდროულად ეფექტურად შესუსტდება გამონადენი, დისკომფორტი და უსიამოვნო სუნი.
ლაქტალური ვაგინალური გელი კურნავს და ხელს უშლის ბაქტერიული ვაგინოზის რეციდივის განვითარებას ბუნებრივი გზით.
ჩვენებები:
ბაქტერიული ვაგინოზი (ქრონიკული, მორეციდივე);
ვაგინალური ინფექციების მკურნალობის შემდეგ, ნორმალური მიკროფლორის აღდგენის მიზნით;
საშოს ბუნებრივი pH -ის შენაჩუნება და ვაგინალური ინფექციების პროფილაქტიკა (ყოველდღიური საფენების და ტამპონების ხშირი გამოყენებისას).
მიღების წესები და დოზები:
მკურნალობა
ბაქტერიული ვაგინოზი –1 ტუბი დღეში 7 დღის განმავლობაში
შენარჩუნება და პრევენცია;
ბუნებრივი pH-ის ბალანსის შენარჩუნება და სიმპტომების განმეორების პრევენცია –1 ტუბი ყოველ მესამე დღეს 3 თვის განმავლობაში;
ანტიბიოტიკების მიღების დროს pH-ის დონის შენარჩუნება –   1 ტუბი დღეში კურსის ბოლოს 4-5 დღის განმავლობაში;
სიმპტომების განმეორება მენსტრუაციის დროს –1 ტუბი მენსტრუაციის ბოლოს 1-2 დღის განმავლობაში;
მოახრახნეთ თავი და ტუბის მთელი ყელი მოათავსეთ საშოში, გამოდევნეთ შიგთავსი. ლაქტალის გამოყენება უმჯობესია ძილის წინ. სასურველია საფენის გამოყენება, ვინაიდან ხშირია მცირე გამონაჟონი, რაც არ ამცირებს მკურნალობის ეფექტურობას ვაგინალური გელი ლაქტალი გამოცდილია და კლინიკურად ტესტირებული.
კლინიკურმა კვლევებმა უჩვენეს, რომ ლაქტალის ფორმულა უსაფრთხო და ეფექტურია.
მისი გამოყენება შეიძლება ორსულობის და მენსტრუაციის დროს.
განსაკუთრებული მითითებები:
ვაგინალური გელი ლაქტალის გამოყენებამ თანმხლები სოკოვანი ინფექციის ან საშოს ქსოვილში ნახეთქების არსებობის დროს შეიძლება გამოიწვიოს მსუბუქი მწიწკვნელი ტკივილი, რაც დროებითია და სწრაფად გაივლის.
ვაგინალური გელი ლაქტალი არ გამოიყენება დაორსულების სურვილის შემთხვევაში, ვინაიდან დაბალი pH ნაკლებად ხელსაყრელი გარემოა სპერმისათვის. ნუ გამოიყენებთ მას როგორც კონტრაცეპტივს.
გამოშვების ფორმა: 5 მლ ტუბი N7
მწარმოებელი: Kullgren Pharma, შვედეთი

გაფრთხილება

Share this...Share on Facebook
Facebook