Acinetobacter baumannii (ლათ.)-აცინეტობაქტერიების გვარის გრამუარყოფითი სახეობა. მათი ბინადრობის ბუნებრივი გარემო დღემდე გაურკვეველია. თუმცა, იწვევენ საავადმყოფოსშიდა ინფექციებს და ისეთ პათოლოგიურ მდგომარეობას როგორიც არის: მენინგიტი, პნევმონია, ჭრილობათა ინფექცია, უროგენიტალური ინფექციები. Acinetobacter baumannii-ი დიდ პრობლემას ქმნის ერაყის და ავღანეთის ომის ვეტერანებში, რადგან ხშირად რთულდება მათი მკურნალობა. მას ირონიულად Iraqibacter-ს უწოდეს. Acinetobacter baumanni-ით გამოწვეული დაავადების სიმპტომები, შეიძლება არ განსხვავდებოდეს სხვა ბაქტერიული ინფექციებისაგან. Acinetobacter baumannii-ი შედის ACB (A. baumannii, A. calcoaceticus და გამოუკვლეველი სახეობა – Acinetobacter 13TU) კომპლექსში. კომპლექსის შიგნით რთულია, ადამიანის პათოლოგიაში, კონკრეტული სახეობის როლის გამოვლენა. A. Baumannii ასევე მოიცავს ე.წ. ESKAPE-პათოგენს (Enterococcus faecium, Staphylococcus aureus, Klebsiella pneumoniae, Acinetobacter baumannii, Pseudomonas aeruginosa და Enterobacter-ის გვარის სახეობები), ბაქტერიების ჯგუფი, რომელსაც მომატებული რეზისტენტობა ახასიათებს ანტიბიოტიკებისადმი.
პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.