ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება:  PENTASTARCH

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: პლაზმის შემცვლელი საშუალება.
შემადგენლობა და გამოშვების ფორმა:
საინფუზიო ხსნარი: ფლაკონში 250 მლ და 500 მლ, შეფუთვაში 10 ც.
ჰიდროქსიეთილსახამებლის (200/0.5) 10% ხსნარი ნატრიუმის ქლორიდის იზოტონურ ხსნარში.
100 მლ
ჰიდროქსიეთილსახამებელი (200/0.5)…..   6 გ
ნატრიუმის ქლორიდი…………………..        0.9 გ
1 ლ
აქტიური ნივთიერებები:
პოლი (o-2-ჰიდროქსიეთილ) სახამებელი…….  100.0 გ
ჩანაცვლების ხარისხი        0.40-0.55 და საშუალო მოლეკულარული წონა 200000 დალტონი
ნატრიუმის ქლორიდი………         9.0 გ
Na+………………………………     154 მმოლ/ლ
Cl-…………………………………   154 მმოლ/ლ
სხვა კომპონენტები:
ნატრიუმის ჰიდროქსიდი, მარილმჟავა, საინექციო წყალი, pH- 3.5-6.0 მჟავიანობის ტიტრი – <1 მმოლ/ლNaOH/ლ, თეორიული ოსმოლარობა – 308 მოსმ/ლ.
ფარმაკოლოგიური თვისებები:
10% ჰაეს–სტერილის მოქმედების მექანიზმი: 10% ჰაეს- სტერილის ინფუზია (500 მლ 15 წუთში) უზრუნველყოფს პლაზმის მოცულობის მომატებას. იგი იწვევს ჰემოდინამიკის და მიკროცირკულაციის გაუმჯობესებას 3-4 საათის განმავლობაში. პრეპარატი განიცდის ჰიდროლიზს შრატის ამილაზას მოქმედებით და გამოიყოფა თირკმელებით. 24 საათის შემდეგ 54% ორგანიზმში შეყვანილი ჰიდროქსიეთილსახამებელი გამოიყოფა შარდით, და მხოლოდ 10% ამ დროისთვის რჩება პლაზმაში. ჰიდროეთილსახამებელი მიიღება ამილოპექტინიდან და მას ახასიათებენ მოლეკულური წონის, ხარისხის და შემადგენელი კომპონენტების მიხედვით. მისი საშუალო მოლეკულური წონა შეადგენს 2000000 დალტონს, განაწილების ხარისხი დაახლოებით 0.5, რაც ნიშნავს, რომ 10 გლუკოზურ ამილოპექტინის ფუძეს შეესაბამება 5 ჰიდროქსიეთილის ჯგუფი C2პოზიციაში. ჰიდროქსიეთილსახამებლის ძირითადი ჯაჭვები წარმოდგენილია გლუკოზის ფუძეებით, რომლებიც  შეერთებულია ალფა-1.4 კავშირებით ლატერალური განშტოვებებით, დაკავშირებული 1.6 კავშირებით. ჰიდროქსიეთილსახამებელი სტრუქტურულად წააგავს გლიკოგენს, რითაც აიხსნება მის მიმართ კარგი ტოლერანტობა და ანაფილაქსიური რეაქციების დაბალი სიხშირე. ჰაეს-სტერილი გამოირჩევა ხსნარის მაღალი ხარისხით და არ იძლევა ფლოკულაციას ტემპერატურის ცვალებადობის დროს.
ჩვენებები:
ჰიპოვოლემიის მკურნალობა და პროფილაქტიკა;
ქირურგიული ჩარევების დროს (ჰემორაგიული შოკი);
ტრავმული დაზიანებების დროს (ტრავმული შოკი);
დამწვრობის დროს (დამწვრობით გამოწვეული შოკი);
ინფექციის დრო (სეპტიური შოკი);
სისხლის თერაპიული განზავება (ჰემოდილუცია).
მიღების წესი და დოზირება:
პრეპარატი გამოიყენება ინტრავენური ინფუზიისათვის.
ანაფილაქსიური რეაქციის შესაძლო განვითარების გამო დასაწყისში 10-20 მლ პრეპარატი შეჰყავთ ძალიან ნელა, ექიმის მეთვალყურეობის ქვეშ. სადღეღამისო დოზა და ინფუზიის სიჩქარე დამოკიდებულია სისხლის დაკარგვის ხარისხზე და ჰემოკონცენტრაციაზე. მისი თერაპიული სიგანე განისაზღვრება განზავების ხარისხით. პაციენტებში ფილტვების ან გულსისხლძარღვთა სისტემის მხრივ გართულების გარეშე 30% ჰემატოკრიტი განსაზღვრავს კოლოიდური ჩანაცვლებითი საშუალებების შეყვანის მოცულობას.
რეკომენდებული დოზა მოცულობის დეფიციტის (ჰიპოვოლემია და შოკის ჩანაცვლებითი თერაპია) სამკურნალოდ და პროფილაქტიკისათვის შეადგენს:
მაქსიმალური სადღეღამისო დოზა:
20 მლ/კგ დღეში
(=1500 მლ 75 კგ წონაზე დღეში).
(=2.0 გ ჰიდროქსიეთილსახამებელი ერთ კგ წონაზე დღეში).
ინფუზიის მაქსიმალური სიჩქარე:
20 მლ/კგ წონაზე საათში
(=1500 მლ 75 კგ წონაზე დღეში).
(=2.0 გ ჰიდროქსიეთილსახამებელი ერთ კგ წონაზე დღეში)
რეკომენდებული დოზა ჰემოდილუციური თერაპიის დროს:
კრიტერიუმი ინდივიდუალურია ყოველი ავადმყოფისათვის და განისაზღვრება ჰემატოკრიტის მაჩვენებელის შემცირებით. პრეპარატის გამოყენება შეიძლება განხორციელდეს იზოვოლემიის ან ჰიპერვოლემიის პრინციპით მცირე (250 მლ), საშუალო (500 მლ) და მაღალი (2-ჯერ 500 მლ) დოზებით. იგი გამოიყენება შემდეგი სქემით:
სადღეღამისო დოზა:
ა) 250 მლ დღეში (მცირე დოზა)
ბ) 500 მლ დღეში (საშუალო დოზა)
გ) 500 მლ 2-ჯერ დღეში (მაღალი დოზა)
ინფუზიის სიჩქარე:
ა) 250 მლ 0.5-2 საათში
ბ) 500 მლ 4-6 საათში
გ) 500 მლ 2-ჯერ 8-24 საათში
სიფრთხილეა საჭირო:
აღწერილია კავშირი პრეპარატის დოზასთან და ქავილის განვითარებასთან ოტონევროლოგიური დაავადების დროს, როგორიცაა სმენის დაქვეითება, შუილი ყურებში, კონტუზია. ასეთ შემთხვევებში რეკომენდებულია დოზის შემცირება მაქსიმუმ 250 მლ-მდე დღეში. ამით ქავილის განვითარების სიხშირე მცირდება. რეკომენდებულია დიდი რაოდენობით სითხის გამოყენება.
გამოყენების ხანგრძლივობა:
ჰიპოვოლემიის მკურნალობა და პროფილაქტიკა: ფარმაკოლოგიური და კლინიკური გამოცდილება არ ზღუდავს პრეპარატის განმეორებით გამოყენებას. ხანგრძლივობა და თერაპიული გამოყენება განისაზღვრება ჰიპოვოლემიის ხანგრძლივობით და დონით.
თერაპიული ჰემოდილუცია:
10% ჰაეს-სტერილის გამოყენება ჰემოდილუციური თერაპიისათვის რეკომენდებულია 10 დღის განმავლობაში.
გვერდითი მოვლენები:
იშვიათ შემთხვევაში პრეპარატმა შეიძლება გამოიწვიოს ანაფილაქსიური რეაქციები. შეუთავსებლობის განვითარების შემთხვევაში ხსნარის გამოყენება შეწყვეტილი უნდა იქნას.
კლინიკური სიმპტომებისა და სიმძიმის ხარისხის მიხედვით ჩასატარებელი თერაპიულიღონისძიებები:
1. კანის რეაქციები: ანტიჰისტამინური პრეპარატები.
2. ტაქიკარდია, არტერიული წნევის დაქვეითება, თავბრუსხვევა, გულისრევა, ღებინება: ინფუზიის შეწყვეტა. რეკომენდებულია ავადმყოფის ლოგინში ჩაწვენა, ანტიჰისტამინური პრეპარატების და კორტიკოსტეროიდების (პრედნიზოლონი 120 მგ ინტრავენურად) კომბინაცია.
3. შოკი, ასთმური მდგომარეობა (ბრონქოსპაზმი): წოლითი რეჟიმი, რეანიმაცია.
დანიშნულება:
– ადრენალინი 0.05-0.1 მგ ინტრავენურად;
– კორტიკოსტეროიდები (პრედნიზოლონი ინტრავენურად);
– 5% ალბუმინი ინტრავენურად.
ჰაეს–სტერილის ხანგრძლივი ყოველდღიური გამოყენება მაღალ დოზებში ხშირად იწვევს ქავილს, რომელიც ძნელად ექვემდებარება მკურნალობას. იგი შეიძლება განვითარდეს მკურნალობის შეწყვეტიდან რამოდენიმე კვირის შემდეგ და თვეობით გაგრძელდეს. იშვიათად აღინიშნება ტკივილები თირკმელების არეში. ასეთ შემთხვევაში რეკომენდებულია პრეპარატის მიღების შეწყვეტა, სითხის შეყვანის უზრუნველყოფა და შრატის კრეატინინის მაჩვენებლის ხშირი კონტროლი.
10% ჰაეს–სტერილის მაღალმა დოზებმა შეიძლება გამოიწვიოს სისხლდენის დროის პროლონგირება, კლინიკურად მნიშვნელოვანი სისხლდენის განვითარების გარეშე.
შენიშვნები: ჰიდროქსიეთილსახამებელის გამოყენების დროს შესაძლებელია შრატის ამილაზას კონცენტრაციის მომატება, რაც ხელს უშლის პანკრეატიტის დიაგნოსტიკას. აუცილებელია შრატის იონოგრამის და სითხის ბალანსის რეგულარული კონტროლი.
უკუჩვენებები:
* გულის მძიმე შეგუბებითი უკმარისობა;
* თირკმელების უკმარისობა (შრატის კრეატინინი აღემატება 2 მგ/დლ ან 177 მკმოლ/ლ-ზე მეტი);
* სისხლის კოაგულაციის მძიმე დარღვევები (გამონაკლისია სიცოცხლისათვის საშიში მდგომარეობები);
* ჰიპერჰიდრატაცია (მძიმე ხარისხის შეშუპება) ან მძიმე ხარისხის დეჰიდრატაცია
* ქალასშიდა სისხლდენა.
* ალერგია სახამებელის მიმართ.
არ მოიპოვება მონაცემები პრეპარატის გამოყენების შესახებ ორსულებში და ლაქტაციის დროს.
მკურნალობის დაწყებისას რეკომენდებულია შრატში კრეატინინის კონტროლი. კრეატინინის შემცველობის დროს 1.2-2.0 მგ/დლ  ან 106-177 მკმოლ/ლ, ანუ თირკმელების კომპენსირებული უკმარისობისას, აუცილებელია სითხის ბალანსი და რეტენციის დონის ყოველდღიური კონტროლი. შრატში კრეატინინის ნორმალური მაჩვენებლების მიუხედავად შარდის გამოყოფის მხრივ გადახრა შეიძლება მიუთითებდეს თირკმელების ფუნქციის კომპენსირებულ დარღვევაზე. პრეპარატის ხანგრძლივი გამოყენების დროს აუცილებელია თირკმლისმიერი რეტენციის კონტროლი 1-2-ჯერ.
მკურნალობის დროს უზრუნველყოფილი უნდა იყოს სითხის საკმარისი რაოდენობით მიწოდება (2-3 ლ დღეში). პრეპარატი განსაკუთრებული სიფრთხილით გამოიყენება ფილტვების შეშუპების და ღვიძლის მძიმე ქრონიკული დაავადებების დროს.
სხვა წამლებთან ურთიერთქმედება:
არ არის რეგისტრირებული.
სხვა პრეპარატებთან განზავების შემთხვევაში დაცული უნდა იქნას სრული ასეპტიკა, აგრეთვე გათვალისწინებული უნდა იქნას მათთან შეთავსებადობა.
შენახვის პირობები:
პრეპარატი ინახება ბავშვებისაგან დაცულ ადგილას. გამოიყენება მხოლოდ იმ შემთხვევაში, როდესაც ხსნარი გამჭვირვალეა და შეფუთვა არ არის დაზიანებული.
მწარმოებელი: FRESENIUS KABI, გერმანია

გაფრთხილება