ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
დომილიუმი – ჰუმანითი /Domilium – Humanity-ის საერთაშორისო დასახელება (აქტიური ნივთიერება): დომპერიდონი/domperidone
დომილიუმი – ჰუმანითი /Domilium – Humanity -ის კლინიკურ-ფარმაკოლოგიური ჯგუფი: ღებინების საწინააღმდეგო საშუალებები, დოფამინური რეცეპტორების ანტაგონისტები
დომილიუმი – ჰუმანითი /Domilium – Humanity აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები, უფასო პრეპარატების სიები და სხვა >>>
ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>
უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>
ათქ კოდი:
A03FA03
შემადგენლობა
ერთი ტაბლეტი შეიცავს
აქტიური ნივთიერება – 10 მგ დომპერიდონს (დომპერიდონი მალეატის სახით),
დამხმარე ნივთიერებები: სილიციუმი დიოქსიდი კოლოიდური, უწყლო, მიკროკრისტალური ცელულოზა, ნატრიუმის სახამებელ გლიკოლატი, გასუფთავებული ტალკი, სიმინდის სახამებელი, სტერომაქსი.
ფარმაკოლოგიური თვისებები
ფარმაკოკინეტიკა
უზმოზე პერორალური მიღებისას დომპერიდონი სწრაფად შეიწოვება. სისხლის პლაზმაში მაქსიმალური კონცენტრაცია აღინიშნება დაახლოებით 1 საათში. პრეპარატის ჭამის შემდეგ მიღებისას, დომპერიდონის აბსორბცია ნელდება, ხოლო ფართობი მრუდის ქვეშ (AUC) იზრდება. დომპერიდონის დაბალი ბიოშეღწევადობა (დაახლოებით 15%) განპირობებულია ექსტენსიური პირველადი მეტაბოლიზმით ღვიძლში.
კუჭის წვენის დაბალი მჟავიანობა აქვეითებს დომპერიდონის აბსორბციას.
დომპერიდონი 91-93% უკავშირდება პლაზმის ცილებს. მეძუძური ქალის რძეში დომპერიდონის კონცენტრაცია 4 ჯერ ნაკლებია, სისხლის პლაზმაში შესაბამის კონცენტრაციაზე. დომპერიდონი ცუდად გადის ჰემატოენცეფალურ ბარიერში.
დომპერიდონი მეტაბოლიზდება ღვიძლში ჰიდროქსილირების და N-დეზალკილირების გზით. გამოყოფა შარდით და განავლით შეადგენს პერორალური დოზის 33% და 66% შესაბამისად. მცირე რაოდენობით გამოიყოფა პრეპარატი უცვლელი სახით (10% განავლით და დაახლოებით 1% შარდით). დომპერიდონი არ კუმულირდება. სისხლის პლაზმიდან ნახევარგამოყოფის პერიოდი ერთჯერადი მიღების შემდეგ შეადგენს 7-9 საათს და ხანგრძლივდება თირკმლის მძიმე უკმარისობისას (20,8 სთ).
ფარმაკოდინამიკა
დომპერიდონი წარმოადგენს დოფამინის ანტაგონისტს. გააჩნია ღებინების საწინააღმდეგო მოქმედება, რომელიც განპირობებულია პერიფერიული (გასტროკინეტიკური) მოქმედებისა და ტრიგენულ ზონაში ქემორეცეპტორების ბლოკირების ერთობლიობით.
Domilium-Humanity შიგნით მიღებისას ზრდის კუჭის ანტრალური და დუოდენური ნაწილების შეკუმშვის ხანგრძლივობას, აჩქარებს მის დაცლას და ზრდის საყლაპავის ქვედა სფინქტერის ტონუსს. Domilium-Humanity არ ახდენს გავლენას კუჭის სეკრეციაზე. პრეპარატი ასტიმულირებს ჰიპოფიზიდან პროლაქტინის გამოყოფას.
გამოყენების ჩვენებები
მოზრდილებში:
• დისპეფსიური სიმპტომების კომპლექსი, რომელიც ხშირად ასოცირდება კუჭის დაცლის შენელებასთან, გასტრო-ეზოფაგურ რეფლუქსთან, ეზოფაგიტთან: ეპიგასტრიუმში სიმძიმის შეგრძნება, მუცლის შებერილობა, ტკივილი მუცლის ზედა ნაწილში, ბოყინი, გულძმარვა, გულისრევის შეგრძნება.
• ფუნქციური, ორგანული, ინფექციური წარმოშობის გულისრევა და ღებინება, რომელიც გამოწვეულია რადიოთერაპიით, მედიკამენტური თერაპიით, ან დიეტის დარღვევით. მათ შორის პარკინსონის დაავადების მქონე პაციენტებში დოფამინის აგონისტებით (L-დოპა და ბრომოკრიპტინი) გამოწვეული გულისრევა და ღებინება.
პედიატრიულ პრაქტიკაში
• ციკლური ღებინება, გასტრო-ეზოფაგური რეფლუქსი, რეგურგიტაციის სინდრომი და კუჭის მოტორიკის სხვა დარღვევები.
მიღების წესი და დოზირება
Domilium-Humanity ტაბლეტები მიიღება ჭამამდე.
მოზრდილები და 12 წელზე მეტი ასაკის მოზარდები: 1-2 ტაბლეტი 3 ან 4 ჯერ დღეში. მაქსიმალური სადღეღამისო დოზა – 80 მგ.
6-დან 12 წლამდე ასაკის ბავშვები: 1 ტაბლეტი 3 ან 4 ჯერ დღეში. აუცილებლობის შემთხვევაში შესაძლებელია დოზის გაორმაგება, მაგრამ არაუმეტეს 80 მგ-სა.
მკურნალობის ხანგრძლივობა საშუალოდ შეადგენს 1 თვეს.
თირკმლის უკმარისობის მქონე პაციენტებში რეკომენდებულია პრეპარატის მიღების სიხშირის შემცირება (იხ. ნაწილი განსაკუთრებული მითითებები).
გვერდითი მოვლენები
ხშირი
კუჭ-ნაწლავის ტრაქტის მხრივ: (კუჭ-ნაწლავის ტრაქტის გლუვი კუნთების სპაზმი, პირის სიმშრალე, მადის დარღვევა, კუჭის აშლილობა/ყაბზობა და სხვ.)
ნერვული სისტემის და გრძნობათა ორგანოების მხრივ: ექსტრაპირამიდული მოვლენები (უფრო ხშირად ბავშვებში და მოზრდილებში ჰემატოენცეფალური ბარიერის ფუნქციის დარღვევით), რომლებიც პრეპარატის მიღების შეწყვეტის შემდეგ ქრება, თავის ტკივილი, ასთენია, გაღიზიანებადობა, ძილიანობა, კონიუქტივიტი.
იშვიათი
სისხლის პლაზმაში პროლაქტინის დონის მომატებით გამოწვეული გალაქტორეა, გინეკომასტია და ამენორეა.
ძალიან იშვიათი
(<1/10000, ცალკეული შემთხვევების ჩათვლით) ანგიონევროზული შეშუპება, ანაფილაქსიური შოკი, ჭინჭრის ციება
უკუჩვენებები
• პრეპარატის კომპონენტების მიმართ მომატებული მგრძნობელობა
• ჰიპოფიზის პროლაქტინ-სეკრეტირებადი სიმსივნე (პროლაქტინომა)
• კეტოკონაზოლთან, ერითრომიცინთან ან იზოფერმენტ CYP3A4 სხვა ძლიერი ინჰიბიტორებთან (ფლუკონაზოლი, ვორიკონაზოლი, კლარითრომიცინი, ამიოდარონი და ტელიტრომიცინი) ერთდროული მიღება
• სისხლდენა კუჭ-ნაწლავის ტრაქტიდან, მექანიკური გაუვალობა, ან პერფორაცია (როდესაც კუჭის მოტორული ფუნქციის გაძლიერება შეიძლება იყოს სახიფათო)
• 6 წლამდე ასაკი
• ორსულობა და ლაქტაცია
ურთიერთქმედება სხვა სამკურნალო საშუალებებთან
ანტიქოლინერგული პრეპარატები თრგუნავენ დომპერიდონის მოქმედებას. ანტაციდურ და ანტისეკრეტორულ პრეპარატებთან (ციმეტიდინი, ნატრიუმის ბიკარბონატი) ერთდროული მიღებისას, დომპერიდონის ბიოშეღწევადობა მცირდება.
იზოფერმენტ CYP3A4-ს ინჰიბიტორები- აზოლის რიგის სოკოს საწინააღმდეგო პრეპარატები (ფლუკონაზოლი, იტრაკონაზოლი, კეტოკონაზოლი, ვორიკონაზოლი), მაკროლიდების ჯგუფის ანტიბიოტიკები (კლარითრომიცინი, ერითრომიცინი), აივ-პროტეაზის ინჰიბიტორები (ამპრენავირი, ატაზანავირი, ფოსამპრენავირი, ინდინავირი, ნელფინავირი, რიტონავირი, საქინავირი), ნეფაზოდონი, კალციუმის ანტაგონისტები (დილთიაზემი, ვარაპამილი), ამიოდარონი, აპრეპიტანტი, ტელიტრომიცინი, ზრდიან სისხლის პლაზმაში დომპერიდონის დონეს, ვინაიდან მისი მეტაბოლიზმი ძირითადად ხდება იზოფერმენტ CYP3A4 მეშვეობით.
კეტოკონაზოლთან ერთდროული მიღებისას შესაძლებელია Qთ ინტერვალის გახანგრძლივება 10-20 წამით მონოთერაპიასთან შედარებით. პარაცეტამოლთან და დიგოქსინთან ერთდროული მიღებისას კლინიკურად მნიშვნელოვანი ურთიერთქმედება არ გამოვლენილა. დოფამინერგული რეცეპტორების აგონისტებთან (ბრომოკრიპტინი, L-დოფა) ერთდროული მიღებისას დომპერიდონი არ ახდენს ზეგავლენას მათ ძირითად თვისებებზე.
განსაკუთრებული მითითებები
Domilium-Humanity ერთდროული გამოყენებისას ანტაციდებთან, ან ანტისეკრეტორულ პრეპარატებთან უკანასკნელი უნდა მიიღოთ ჭამის შემდეგ.
გამოყენება პედიატრიაში
Domilium-Humanity ტაბლეტები ნაჩვენებია მხოლოდ მოზრდილებსა და 35 კგ მეტი სხეულის მასის მქონე ბავშვებში (6 წელზე მეტი ასაკი).
გამოყენება ღვიძლის დაავადებების დროს
ღვიძლში დომპერიდონის მეტაბოლიზმის მაღალი ხარისხის გათვალისწინებით, Domilium-Humanity სიფრთხილით ინიშნება ღვიძლის უკმარისობის მქონე პაციენტებში.
გამოყენება თირკმლების დაავადებების დროს
თირკმლის მძიმე უკმარისობის მქონე პაციენტებში (კრეატინინი > 6 მგ /100 მლ ანუ > 0,6 მმოლ/ლ) დომპერიდონის ნახევარგამოყოფის პეროიდი იზრდება 7,4-დან 20,8 საათამდე. ერთჯერადი დოზის კორექცია საჭირო არ არის. თუმცა პრეპარატის ხანგრძლივი დანიშვნისას, მიღების სიხშირე უნდა შემცირდეს დღე-ღამეში ერთ ან ორ მიღებამდე. Mკურნალობის განმავლობაში პაციენტები საჭიროებენ მუდმივ მეთვალყურეობას.
ორსულობა
მონაცემები ორსულობაში დომპერიდონის გამოყენების შესახებ არასაკმარისია. Domilium-Humanity დანიშვნა ორსულობისას შესაძლებელია მხოლოდ იმ შემთხვევებში, როდესაც სავარაუდო სარგებელი დედისთვის ბევრად აღემატება პოტენციურ რისკს ნაყოფისათვის.
სამკურნალო საშუალების გავლენა სატრანსპორტო საშუალებების ან პოტენციურად საშიში მექანიზმების მართვის უნარზე
Domilium-Humanity არ ახდენს გავლენას ავტომობილის მართვის და ტექნიკასთან მუშაობის უნარზე.
დოზის გადაჭარბება
სიმპტომები: ძილიანობა, დეზორიენტაცია და ექსტრაპირამიდული სიმპტომები, განსაკუთრებით ბავშვებში.
მკურნალობა: რეკომენდებულია აქტივირებული ნახშირის მიღება და პაციენტის მონიტორინგი. ექსტრაპირამიდული მოვლენების განვითარებისას, შესაძლებელია ანტიქოლინერგული საშუალებების, ანტიჰისტამინური პრეპარატების, ანტიპარკინსონული სამკურნალო პრეპარატების დანიშვნა.
გამოშვების ფორმა
10 ტაბლეტი კონტურულ უჯრედულ შეფუთვაში.
2 შეფუთვა გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები
შეინახეთ არაუმეტეს 25°C ტემპერატურაზე, ბნელ და მშრალ, ბავშვებისთვის მიუწვდომელ ადგილას.
ვარგისიანობის ვადა
3 წელი
გამოშვების ფორმა: 10მგ ტაბლეტი №20 (2X10)
გაცემის რეჟიმი: II ჯგუფი (გაიცემა ფორმა N3 რეცეპტით)
მწარმოებელი: Unimax Laboratories, ინდოეთი