ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
საერთაშორისო დასახელება (მოქმედი ნივთიერება_: რუტოზიდი/RUTOSIDE
აფთიაქები, ფასები, ფასდაკლებები …
კლინიკურ-ფარმაკოლოგიური ჯგუფი: ქრონიკული ვენური უკმარისობის სამკურნალო საშუალება. ანგიოპროტექტორი.
შემადგენლობა და გამოშვების ფორმა:
კაფსულები: შეფუთვაში 50 ც.
1 კაფს.
რუტოზიდი…………………………………. 300 მგ
დამხმარე ნივთიერეები: შემავსებლები.
გელი გარეგანი გამოყენებისათვის: ტუბში 40 გ.
1 გ
რუტოზიდი…………………………………… 20 მგ
დამხმარე ნივთიერებები:
ბენზალკონიუმის ქლორიდი (კონვერსანტი), შემავსებლები.
ფარმაკოლოგიური თვისებები:
პრეპარატი ხელს უწყობს კაპილარების კედლების გამყარებას და მათ განვლადობის ნორმალიზებას. ახდენს ერითროციტების აგრეგაციის ბლოკირებას და გააჩნია დამცავი მოქმედება სისხლძარღვების ენდოთელიუმზე.
ქრონიკული ვენური უკმარისობის დროს ვენორუტონი ამცირებს დაავადების ნიშნების სიმძიმეს, როგორიცაა შეშუპებები, ტკივილი, კრუნჩხვა, ტროფიული დარღვევა, ვარიკოზული დერმატიტი და ვარიკოზული წყლულები. ამსუბუქებს სიმპტომებს, რომელიც ჩვეულებრივ დაკავშირებულია ბუასილთან – ტკივილი, ექსუდაცია, ქავილი და სისხლდენა.
ვენორუტონის გელი ამცირებს შეშუპებებს და სხვა სიმპტომებს, რომლებიც დაკავშირებულია ქვედა კიდურების ქრონიკულ ვენოზურ უკმარისობასთან ან ტრავმულ დაზიანებებთან. ვენორუტონის გელი – წყლიანი გელი, რომელიც არ შეიცავს სპირტს, ის ადვილად შეიწოვება, არ გააჩნია სუნი და არ ტოვებს ცხიმოვან ლაქებს.
ფარმაკოკინეტიკა:
შიგნით მიღების შემდეგ14C-O- (B-ჰიდროქსიეთილ)-რუტოზიდების, აბსორბცია ადამიანებში შეადგენს დაახლოებით 10-15%-ს. უმაღლესი კონცენტრაციები პლაზმაში მიიღწევა 1-9 საათის ფარგლებში. 120 საათის განმავლობაში, კონცენტრაციების განსაზღვრა შესაძლებელია; მათი შემცირება ხდება ბიექსპონენციალურად.
ნიშანდებული პრეპარატის შიგნით მიღების შემდეგ აღინიშნება მისი გამოყოფა შარდში 3-6% ოდენობით 48 საათში. ნახევარგამოყოფობის პერიოდი მერყეობს 10-დან 25 საათამდე, კონკრეტული ავადმყოფის შემთხვევაში მისი ხანგრძლივობა შედარებით მუდმივია. O- (B-ჰიდროქსიეთილ)-რუტოზიდები და მათი გლუკოკორნირებული მეტაბოლიტები ძირითადად გამოიყოფა ნაღველთან ერთად.
ადგილობრივი გამოყენებისას აქტიური ნივითერების ძირითადი კომპონენტები სწრაფად აღწევენ ეპიდერმალურ ბარიერს. 30 წუთის შემდეგ მათი აღმოჩენა შესაძლებელია დერმაში, ხოლო 2-5 საათის შემდეგ – კანქვეშა ცხიმოვან უჯრედში. გელის ადგილობრივად გამოყენებისას სისხლში აქტიური ნივთიერების ძირითადი კომპონენტების კონცენტრაციების განსაზღვრის დღეისათვის არსებული ყველა მეთოდი არასაკმარისად მგრძნობიარეა.
ჩვენებები:
ქრონიკულ ვენურ უკმარისობასთან დაკავშირებული შეშუპებები და სიმპტომები (დაღლილობა, სიმძიმის შეგრძნება და ქვემო კიდურების ტკივილი, პარესთეზია, კრუნჩხვები, შესივება);
პოსტფლებიტური სინდრომი, ტროფიული დარღვევები, ვარიკოზული დერმატიტი და ვარიკოზული წყლულები.
პრეპარატი ასევე გამოიყენება დამხმარე მკურნალობის სახით სკლეროთერაპიის დროს და ვარიკოზული კვანძების მოცილებისას.
ტრავმატული გენეზისის ტკივილი და შეშუპება, მათ შორის იოგების დაჭიმვის დროს, კუნთების დაჭიმვის ან დაჟეჟილობის დროს.
ბუასილის სიმპტომები (ტკივილი, ექსუდაცია, ქავილი და სისხლდენა) და მათი გართულებები.
ვენური უკმარისობა და ბუასილი ორსულობისას მე-4 თვიდან დაწყებული.
რეტინოპათიის დროს დამხმარე მკურნალობის სახით იმ პაციენტებში, რომლებსაც აღენიშნებათ შაქრიანი დიაბეტი და ათეროსკლეროზი: გარდამავალი სიბრმავის ეპიზოდების პროფილქატიკა.
გელი ასევე გამოიყენება ტრავმატული გენეზისის ტკივილისა და შეშუპების დროს, მათ შორის იოგების დაჭიმვის, კუნთების დაჭიმვის ან დაჟეჟილობის დროს.
მიღების წესი და დოზირება:
საწყის ეტაპზე ინიშნება 1 კაფსულა (300 მგ) დღეში 3-ჯერ ჭამის დროს. სიმპტომების შემცირება ჩვეულებრივ აღინიშნება მკურნალობის დაწყებიდან 2 კვირის განმავლობაში. რეკომენდებულია პრეპარატის იგივე დოზების მიღება იმ დრომდე, ვიდრე სრულად არ გაქრება შეშუპება და სხვა სიმპტომები. შემდეგ შესაძლებელია მკურნალობის შეწყვეტა (მდგომარეობის გაუმჯობესება ჩვეულებრივ გრძელდება 4 კვირა მკურნალობის შეწყვეტის შემდეგ).
სიმპტომების ხელახლა გამოვლენის შემთხვევაში, საჭიროა მკურნალობის განახლება ზემოთ მითითებულ დოზებში ან დამხმარე დოზებში. დამხმარე მკურნალობა: მინიმალური დამხმარე დოზა შეადგენს დღეში 600 მგ-ს, ე.ი. 2 კაფსულა დღეში 2-ჯერ.
წაისვით გელი დაზიანებულ ადგილას დილით და საღამოს, რბილად შეიზილეთ ვიდრე ბოლომდე არ შეიწოვება.
აუცილებლობის შემთხვევაში შესაძლებლია გელის წასმა ბინტის ან ელასტიური წინდების ქვეშ.
გვერდითი მოვლენები:
ზოგჯერ აღინიშნება ისეთი გვერდითი ეფექტები, როგორიცაა გამონაყარი კანზე, მსუბუქი დისპეფსიური დარღვევები, თავის ტკივილი, სახის ჰიპერემია. აღნიშნული ეფექტები სწრაფად ქრება მკურნალობის შეწყვეტის შემდეგ.
უკუჩვენებები:
*მომატებული მგრძნობელობა O (B-ჰიდროქსიეთილ)-რუტოზიდების ან სხვა რუტოზიდების მიმართ. ორსულობის I ტრიმესტრი.
ორსულობა და ლაქტაცია:
კლინიკური გამოკვლევების დროს ვენორუტონი შესწავლილ იქნა ორსულობის პერიოდში. თუმცა, მისი გამოყენება I ტრიმესტრში სპეციალურად არ იქნა შესწავლილი.
ცხოველებში ჩატარებული გამოკვლევებისას არ აღინიშნა არც ტერატოგენური და არც სხვა არასასურველი ზემოქმედება ნაყოფზე. ყოველივე ზემოთქმულის და კლინიკურ პრაქტიკაში მიღებული წესების გათვალისწინებით, ვენორუტონის დანიშვნა შიგნით რეკომენდებულია მხოლოდ ორსულობის მე-4 თვიდან და მხოლოდ აბსოლუტური ჩვენებების არსებობის შემთხვევაში. O-(B-ჰიდროქსიეთილ)-რუტოზიდების ნარჩენებს, რომლებიც განისაზღვრება ნაყოფის ქსოვილებში და დედის რძეში (ცხოველებზე ჩატარებული ექსპერიმენტული გამოკვლევები) კლინიკური მნიშვნელობა არ გააჩნიათ.
განსაკუთრებული მითითებები:
თუ პრეპარატის მიღების პერიოდში დაავადების სიმპტომები არ შემსუბუქდა, მიმართეთ ექიმს კონსულტაციისთვის.
ჭარბი დოზირება:
არ არსებობს მონაცემები ვენორუტონის ჭარბი დოზირების შესახებ, რასაც შესაძლოა თან ახლდეს კლინიკური გამოვლინებები.
სხვა წამლებთან ურთიერთქმედება:
დღეისათვის არ არსებობს მონაცემები მისი სხვა პრეპარატებთან ურთიერთქმედების შესახებ.
შენახვის პირობები:
პრეპარატი ინახება ოთახის ტემპერატურაზე, ტენისაგან დაცულ ადგილას.
ვარგისიანობის ვადა: მითითებულია შეფუთვაზე.
მწარმოებელი: NOVARTIS CONSUMER HEALTH S.A., შვეიცარია