ლალი დათეშიძე
ფრჩხილქვეშა პანარიციუმი – ხშირად განპირობებულია ფრჩხილის ქვეშ მოხვედრილი უცხო სხეულებით, ფრჩხილქვეშა ჰემატომის დაჩირქებით. დიაგნოზის დადგენა რთული არ არის და ეყრდნობა შემდეგ ნიშნებს: ტკივილის სინდრომი, მტკივნეულობა პალპაციის დროს და ფრჩხილის ქვეშ ჩირქის დაგროვება.
მკურნალობა ოპერაციულია, შესაძლებელია შესრულდეს ამბულატორიულ პირობებში. ჩვეულებრივ საჭირო არ არის მთლიანი ფრჩხილის ფირფიტის მოცილება. ასეთი ოპერციული ჩარევის ჩვენებაა ,,მცურავი ფრჩხილის ფირფიტის ” სიმპტომი, ანუ ჩირქის დაგროვება ფრჩხილის მთლიანი სიბრტყის ქვეშ.
კანქვეშა პანარიციუმი წარმოადგენს თითის ჩირქოვანი დაზიანების ყველაზე ხშირ ფორმას. დამახასიათებელი სიმპტომებია ტკივილი, კანის გაწითლება, შეშუპება, ინფილტრაცია, მკვეთრი ტკივილი თითის მოხრისას. ხშირად ანთებითი პროცესი ლოკალიზებულია ფრჩხილის ფალანგზე. კონსერვატიული მკურნალობა შესაძლებელია ადრეულ სტადიაზე ქსოვილთა ჩირქოვან გალღობამდე, ლიმფანგიტის ან თითის ფუნქციის მკვეთრ შეზღუდვის განვითარებამდე. ტკივილის გაძლიერება წარმოადგენს ოპერაციის ჩვენებას. კონსერვატიული მკურნალობა: სიმშვიდე ფუნქციურ მდგომარეობაში, კიდურის შემაღლებული მდებარეობა, ჰიპერემიის გავრცელებისა და შეშუპების ყოველდღიური კონტროლი, რის გამოც არასასურველია აბაზანებისა და მაზების გამოყენება, რომლებმაც შესაძლოა შეცვალონ კანის ფერი. ნახვევების ყოველდღიური შეცვლისას გამოიყენება აბაზანები დეზინფექციური ხსნარით, რის შემდეგაც იდება ნახვევი. ანტიბიოტიკოთერაპია ინიშნება ინფექციის გავრცელებისას, ტკივილის სინდრომის პროგრესირებისას ნაჩვენებია ოპერაციული მკურნალობა.
ფარმაკოთერაპია და პრეპარატები
ფარმაცევტული ფირმების წარმომადგენლებს ვთხოვთ მოგვაწოდონ ინფორმაცია საქართველოში ოფიციალურად რეკომენდებული პრეპარატების შესახებ mpifarm@gmail.com. თქვენს მიერ მოწოდებულ მასალების მიხედვით აღიწერება თქვენი პრეპარატის გამოყენების სპეციფიკა ამ დაავადების მკურნალობის დროს და პრეპარატის მოკლე დახასიათება,რომელიც გავა პრეპარატის აღწერის სპეციალურ გვერდზე.
ფიტოთერაპია
იხილეთ “ემპირიული და კლინიკური ფიტოთერაპია”
ვის მივმართოთ
იხილეთ ექიმთა კატალოგი
თემატურად მომიჯნავე სტატიები
საავტორო უფლებები
მასალა წარმოადგენს “ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. საიტებს უფლება ეძლევათ ეს სტატია, არაკომერციული მიზნით, გადააკოპირონ თავიანთ ინტერნეტ-გვერდებზე და ფორუმებში. სტატიის თავში აუცილებლად უნდა დაეწეროს: აღებულია “ლალი დათეშიძის სამედიცინო ენციკლოპედიიდან www.medgeo.net “
სტატიის განვითარება და სრული ვერსიები
MedGeoNet-ზე წარმოდგენილი მასალების სრული და ახალი ვერსიები პერიოდულად გამოდის დისკების ფორმით. იხ. >>>
გაფრთხილებები
ლიტერატურა
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
- Большая медицинская энциклопедия; Москва, издательство ,,Советская энциклопедия” – 1988
Viewed 687 times by 359 viewers
Posted in ქირურგიული |
