ღვიძლისმიერი ენცეფალოპათია

ღვიძლისმიერი ენცეფალოპათია encephalopathy

ღვიძლისმიერი ენცეფალოპათია ნევროლოგიური და ფსიქიკური დარღვევების კომპლექსი, რომელიც წარმოიქმნება ღვიძლის ქრონიკული დაავადების დროს.

ღვიძლისმიერი ენცეფალოპათია – ეტიოლოგია, პათოგენეზი. ენცეფალოპათიის მიზეზებია ტოქსიკური აზოტოვანი ნაერთები, რომლებიც ხვდებიან სისხლში და ტვინში ღვიძლის ფუნქციის დარღვევის გამო. ტვინში მორფოლოგიური დარღვევები მსგავსია ჰეპატურ-ცერებრული დისტროფიის დროს გამოვლენილი დარღვევებისა.

ღვიძლისმიერი ენცეფალოპათია – სიმპტომები, მიმდინარეობა. დამახასიათებელია პროგრესირებადი დემენცია და ქერქქვეშა დარღვევები (ტრემორი, რიგიდულობა, ბრადიკინეზია). ამას შესაძლოა შეურთდეს ნათხემოვანი და პირამიდული ნიშნები. დიეტის დარღვევის დროს ხდება ფსიქიკური მოშლილობების მკვეთრი გაღრმავება; წარმოიქმნება ,,ეპიზოდური სტუპორი”, რომელიც გრძელდება რამდენიმე დღე და ზოგჯერ გადადის ღვიძლის კომაში. განსხვავებით ჰეპატურ-ცერებრული დისტროფიისაგან, აღწერილი სიმპტომთკოპლექსი წარმოიქმნება ავადმყოფებში ღვიძლის აშკარა პათოლოგიით, ამათან ადგილი არა აქვს სპილენძის ცლის ცვლილებებს.

ღვიძლისმიერი ენცეფალოპათია პროგნოზი. დაავადება ნელა პროგრესირებს; ავადმყოფები იღუპებიან ღვიძლისკომით.

ნერვული სისტემის დაავადებები


ლიტერატურა, წყაროები, გაფრთხილება

  • გაფრთხილება
  • დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  • დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

.

Share on Facebook
Facebook
გააზიარე facebook -ზე ..