აბსცესი
აბსცესი (abscess) – ქსოვილის ჩირქოვანი ანთება, რომელიც ხასიათდება დაშლის შემოფარგლული კერის წარმოქმნით. რბილის ქსოვილების აბსცესის გამომწვევი ყველაზე უფრო ხშირად არის სტაფილო – და სტრეპტოკოკი;.
აბსცესის დროს ანთების კერა მკაფიოდაა შემოფარგლული გარემომცველი ქსოვილებიდან. დასაწყისში ეს არის გრანულაციური ქსოვილი; შემდგომში გრანულაციური ქსოვილის ირგვლივ წარმოიქმნება შემაერთებელქსოვილოვანი გარსი.
პიოგენური მემბრანა აფერხებს ანტიბიოტიკების შეღწევას აბსცესის ღრუში. დაშლის კერიდან ტოქსიკური პროდუქტების შეწოვის გამო ორგანიზმის ინტოქსიკაცია კვლავ გრძელდება.
პიოგენური მემბრანის დარღვევის შედეგად (მკვეთრი ზეწოლა აბსცესის ღრუზე), ან ზოგადი და ადგილობრივი იმუნური მექანიზმების დაქვეითების დროს, ინფექცია ვრცელდება აბსცესიდან, რასაც მოჰყვება სეფსისი და ჩირქოვანი გამონადენი.
მკურნალობა მხოლოდ ქირურგიულია; ჩარევის სახე დამოკიდებულია აბსცესის სიდიდესა და ლოკალიზაციაზე.
ლიტერატურა, წყაროები, გაფრთხილება
- გაფრთხილება
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.
.
2. ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი
აბსცესი – კაფსულით შემოსაზღვრული ჩირქგროვა, რომელიც წარმოიქმნება მწვავე ან ქრონიკული კეროვანი ინფექციის შედეგად და იწვევს ქსოვილთა დაშლას დაზიანებულ კერაზე. ვითარდება ქსოვილში მიკრობების შეჭრის (სტაფილოკოკები, სტრეპტოკოკები, პროტეუსი და სხვ.), გართულებული პნევმონიის (ფილტვის აბსცესი), ან ჩირქოვანი პროცესის გამომწვევის გავრცელებით სისხლით ან ლიმფის გზით.
აბსცესი შეიძლება წარმოიქმნას სამკურნალო ნივთიერებების შეყვანის ადგილზე, ასეპტიკის დაუცველობის გამო.
..