ქრონიკული ტონზილიტი

By ყელ-ყური, , , , , , , , , , ,

ქრონიკული ტონზილიტი
არჩილ შენგელია, ლალი დათეშიძე

ქრონიკული ტონზილიტი (chronic tonsillitis) – სასის ნუშების ანთება; ავადდებიან როგორც მოზრდილები, ასევე ბავშვები.

ეტიოლოგია, პათოგენეზი

მიზეზები: განმეორებითი ანგინები, იშვიათად სხვა მწვავე ინფექციური დაავადებები (ქუნთრუშა, წითელა, დიფთერია). ქრონიკული ტონზილიტის განვითარებას ხელს უწყობს ცხვირით სუნთქვის დარღვევა, ცხვირის დანამატი წიაღების დაავადებები, კარიესული კბილები, ალვეოლური პიორეა, ქრონიკული კატარული ფარინგიტი, ქრონიკული რინიტი.

სიმპტომები, მიმდინარეობა

ხახაში ჩაფხაჭნის, უცხო სხეულის შეგრძნება, არასასიამოვნო სუნი პირიდან, ე. წ. საცობების – კაზეოზური მასების ამოხველება, რომლებიც წარმოიქმნებიან ნუშების ლაკუნებში, პერიდული ყელის ტკივილი ყლაპვის დროს, რომელიც გადაეცემა ყურში.
ხშირად დაავადება მიმდინარეობს ხანგრძლივი სუბფებრილიტეტით, შრომისუნარიანობის დაქვეითებით, თავის ტკივილით, ზოგჯერ რეფლექტორული წარმოშობის ხველით. ზოგიერთ ავადმყოფს არანაირი ჩივილი არა აქვს.

ხშირია გართულებები:

გულის, სახსრების დაზიანება, ზოგადი სისუსტე, ოფლიანობა. შესაძლებელია რევმატიზმის, ნეფრიტის განვითარება. ფარინგოსკოპიით – ქრონიკული ანთებითი პროცესის ნიშნები: სასის ნუშები გაფაშრებული, დანაწიბურებულია, შეხორცებულია სასის რკალებთან, ნუშების ზედაპირი არათანაბარია, ლაკუნები გაფართოებულია.
ნუშებზე შპატელით დაწოლისას ლაკუნებიდან გამოიყოფა ,,საცობები” ან გადმოედინება ჩირქი არასასიამოვნო სუნით. სასის წინა რკალების ლორწოვანი გარსი ჰიპერემიულია, განსაკუთრებით მათი თავისუფალი ნაპირი. რეგიონალური ლიმფური კვანძები ხშირად გადიდებული და პალპაციით მტკივნეულია.
ნუშების დიდი ზომები ყოველთვის არ წარმოადგენს ქრონიკული ტონზილიტის ნიშანს (ბავშვებში ეს ფიზიოლოგიურია); პირიქით, ქრონიკული ანთებითი ცვლილებები ხშირად ვითარდება პატარა ნუშებში.

მკურნალობა

მკურნალობა კონსერვატიულია და ტარდება უმთავრესად ქრონიკული ტონზილიტის გაურთულებელი ფორმების დროს; მისი არაეფექტურობის, ასევე ქრონიკული ტონზილიტის გართულებული ფორმების დროს სასის ნუშებს ამოკვეთენ (ტონზილექტომია).
ოპერაციის უკუჩვენებებია: ჰემოფილია, თრომბოციტოპენია და სხვ. ტოზილექტომიის შეფარდებითი უკუჩვენებებია: ტუბერკულოზი, ჰიპერტონული დაავადება, შაქრიანი დიაბეტი და სხვ.

ყელ-ყურ-ცხვირის დაავადებები

ქრონიკული ტონზილიტი – ლალი დათეშიძისა და არჩილ შენგელიას პოსტის FB-პრეზენტაცია გვანცა მჭედლიძისგან

🤔 გეცნობათ ეს სიმპტომები?
🆘 ისინი შეიძლება ტონზილიტზე მიანიშნებდნენ!
🩺 ქრონიკული ტონზილიტი – სასის ნუშების ანთება, რომელიც გამოწვეულია განმეორებითი ანგინებით ან, იშვიათად, სხვა მწვავე ინფექციური დაავადებებით (ქუნთრუშა, წითელა, დიფთერია)
🔎 ქრონიკული ტონზილიტის განვითარებას ხელს უწყობს:
✔️ ცხვირით სუნთქვის დარღვევა;
✔️ ცხვირის დანამატი წიაღების დაავადებები;
✔️ კარიესული კბილები;
✔️ ალვეოლური პიორეა;
✔️ ქრონიკული კატარული ფარინგიტი;
✔️ ქრონიკული რინიტი
💊 ტონზილექტომიის მკურნალობა კონსერვატიულია და ტარდება უმთავრესად ქრონიკული ტონზილიტის გაურთულებელი ფორმების დროს, ხშირად მიმართავენ ტონზილექტომიას – სასის ნუშების ამოკვეთას
💬 დაინტერესდით?
👉 შეიტყვეთ მეტი ქრონიკული ტონზილიტის შესახებ ლალი დათეშიძისა და არჩილ შენგელიას სტატიიდან – https://bit.ly/3982YzA
#ტონზილიტი #ტონზილიტისსიმპტომები #ტონზილიტისმკურნალობა #ტონზილიტისნიშნები #ტონზილიტიბავშვებში #ქრონიკულიტონზილიტი #ტონზილექტომია #სასისნუშებისანთება #გართულებულიტონზილიტი #სასისნუშებისამოკვეთა #ტონზილექტომიისოპერაცია #ყელისტკივილი #ტკივილიყლაპვისას #ლარინგიტი #ლალიდათეშიძე #არჩილშენგელია #გვანცამჭედლიძე

გამოგვყევით სოც.ქსელებში:

ლიტერატურა, წყაროები, გაფრთხილება

  • გაფრთხილება
  • დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  • დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.