პანოფთალმიტი

პანოფთალმიტი

სიმპტომები:  ძლიერი ტკივილი თვალში და თავში. მკვეთრი ჰიპერემია, ქუთუთოების შეშუპება და თვალის კაკლის კონიუნქტივის შეშუპება >>>

არჩილ შენგელიალალი დათეშიძე

პანოფთალმიტი (panophthalmitis) – თვალის ყველა გარსისა და ქსოვილის მწვავე ჩირქოვანი ანთება.

პანოფთალმიტი  – ეტიოლოგია, პათოგენეზი. თვალის ეგზოგენური ინფიცირება სტაფილო – , პნევმო – და სტრეპტოკოკებით და სხვა მიკრობებით თვალის ჭრილობებში შეღწევისას და რქოვანას წყლულის გახვრეტის დროს. ძალიან იშვიათად – თვალში ინფექტის შეღწევა სეფსისის და სხვა ინფექციური დაავადებების დროს. შესაძლოა წარმოადგენდეს ენდოფტალმიტის გამოსავალს.

პანოფთალმიტი  –  სიმპტომები. ძლიერი ტკივილი თვალში და თავში. მკვეთრი ჰიპერემია, ქუთუთოების შეშუპება და თვალის კაკლის კონიუნქტივის შეშუპება. რქოვანა შეშუპებულია, შემღვრეულია, წინა კამერაში არის ჩირქი, ნეკროზული ქსოვილის ნაწილები; მინისებურ სხეულში – ჩირქოვანი ექსუდატი. დამახასიათებელია მხედველობის სწრაფი და მნიშვნელოვანი დაქვეითება. პროცესის პროგრესირების დროს ხდება სკლერის პერფორაცია, ჩვეულებრივ ლიმბთან. არაიშვიათად აღინიშნება ზოგადი ინტოქსიკაციის მოვლენები, სხეულის ტემპერატურის მომატება.

პანოფთალმიტი  –  მკურნალობა. მაქსიმალურად ინტენსიურია, პრინციპები ისეთივეა, როგორიც ენდოფტალმიტის დროს. დაავადების ადრეულ სტადიებზე გამოცნობისას და დროული აქტიური მკურნალობის დროს ხერხდება თვალის და ნარჩენი მხედველობის შენარჩუნება. თუმცა, ხშირად საჭირო ხდება თვალის ევისცერაცია, ვინაიდან ვითარდება მისი კვდომა და შემდგომი ატროფია. პროფილაქტიკა: თვალის ჭრილობების და სხვა დაავადებების დროული და სწორი მკურნალობა.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

თვალის დაავადებები