ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი
მეტროთრომბოფლებიტი – (ბერძ. Metra საშვილოსნო + თრომბოფლებიტი)საშვილოსნოს ვენების ანთება, რომელიც მიმდინარეობს მათი თრომბოზით. როგორც წესი, მეტროთრომბოფლებიტის განვითარებას წინ უძღვის მშობიარობის შემდგომი ან ოპერაციის შედგომი მეტროენდომეტრიტი. კლინიკური სურათი ხასიათდება სხეულის ტემპერატურის აწევით, ხანგრძლივი, ზოგჯერ უხვი სისხლდენით სამშობიარო გზებიდან. ავადმყოფთა ზოგადი მდგომარეობა უარესდება, აღენიშნებათ ყრუ ხასიათის ტკივილები მუცლის ქვევით, ზოგადი სისუსტე, მოდუნება. მეტროენდრომეტრიტისაგან განსხვავებით სამშობიარო გზებიდან გამონადენი არა ჩირქოვანი, არამედ სისხლიანია; მუცლის ქვედა ნაწილი პალპაციით მტკივნეულია.
ბმულები: 1.საავტორო ფარმაცევტული სკოლა 2.სამედიცინო ლიტერატურა
3.საპატრიარქოს ქართული უნივერსიტეტი 4.დიეტები 5.ორსულობა და მშობიარობა