ენზიმური ეპილაცია

ამ გვერდიდან შეგიძლიათ შეარჩიოთ და გამოიწეროთ ეპილატორები  ინტერნეტ-მაღაზია ,,ამაზონიდან”.  იხილეთ ქვემოთ, ამავე ფერის ტექსტები. 

♦♦♦ გთავაზობთ ინტერნეტ-მაღაზია ,,ამაზონში”  ეპილატორების  ფილტრირებულ ლინკს; დასათვალიერებლად და შესაძენად შებრძანდით მითითებული ლინკიდან  >>>>>

ენზიმური ეპილაცია

ენზიმური ეპილაციის პროცედურების დროს იყენებენ თერმოთერაპიასა და ენზიმის შემცველ ნივთიერებას, რაც აფერხებს თმების ზრდას. ამ მეთოდს ცვილოვან ეპილაციასთან კომპლექსში მიმართავენ. აღსანიშნავია, რომ ენზიმური ეპილაცია თანამედროვე ეპილაციის უახლესი მეთოდია. ენზიმის შემცველი პრეპარატების გამოყენება საშუალებას იძლევა, უმოკლეს ვადაში და თანაც, მტკივნეული  შეგრძნებების გარეშე, სულ რაღაც ერთი სეანსის დროს მოვიცილოთ არასასურველი თმები.

ენზიმური ეპილაციის ჩატარებამდე, ერთი დღით ადრე, აუცილებელია კანის სინჯის აღება. პროცედურის დროს, დასამუშავებელ კანზე უსვამენ ენზიმის შემცველ ნივთიერებას და შემოახვევენ სპეციალურ თერმობანდაჟს. ინფრაწითელი გამოსხივების მეშვეობით, ენზიმური პრეპარატი ღრმად შედის კანში, აღწევს თმის ბოლქვებამდე და ანადგურებს მას. ენზიმური ეპილაციის შემდეგ, ატარებენ ცვილოვან ეპილაციას. სეანსის ხანგრძლივობა 40–50 წუთია. მდგრადი ეფექტის მისაღებად საჭიროა 4–7 სეანსის ჩატარება. ამ მეთოდის გამოყენებისას დისკომფორტს მხოლოდ ცვილოვანი ეპილაციით გამოწვეული არასასიამოვნო შეგრძნებები ქმნის.

ამ პროცედურების ჩატარების შემდეგ, აღდგენის პერიოდში, აუცილებელია დამუშავებული ადგილების დაცვა მტვრისგან. ერთი კვირის მანძილზე, უნდა ვერიდოთ პლიაჟზე გასვლასა და სოლარიუმში გარუჯვას; სხვა შემთხვევაში, დამუშავებულ ადგილებზე აუცილებლად გაჩნდება პიგმენტური ლაქები. სეანსებს შორის ინტერვალში რეკომენდებული არაა ეპილაციის სხვა სახეობით სარგებლობა.

ენზიმური ეპილაცია ითვალისწინებს არასასურველი თმების და ბეწვების მოცილებას: იღლიაში, ბიკინის მიდამოში, ფეხებსა და ხელებზე. სახეზე მისი გაკეთება დაუშვებელია.

ამ მეთოდის უარყოფით მხარედ ქიმიური პრეპარატების გამოყენება ითვლება, რაც მგრძნობიარე კანის მქონე ადამიანებში ელერგიულ რეაქციას იწვევს. ამდენად, ეს მეთოდი ყველა ადამიანისთვის სასურველი არაა.

სამაგიეროდ, მისი დადებითი მხარე  პროცედურათა უმტკივნეულოდ ჩატარებაა.

ენზიმურ ეპილაციას გარკვეული უკუჩვენებებიც ახასიათებს: მან შესაძლოა გამოიწვიოს გულ–სისხლძარღვთა დაავადებები, ანთებითი პროცესები, ონკოლოგიური გართულებანი, სისხლდენა და ა.შ.

მოამზადა თამარ პაპავამ
კოსმეტოლოგია>>>ეპილაცია