ორსულობის მე–17 კვირა

ამავე პოსტიდან შეგიძლიათ შეარჩიოთ და გამოიწეროთ ორსულებისთვის საჭირო ნივთები ინტერნეტ-მაღაზია ,,ამაზონიდან”. ასევე იხილეთ   ქვემოთ ამავე ფერის ტექსტები

როგორ იცვლება ბავშვი

ორსულობის მე–17 (მეჩვიდმეტე) კვირაზე ნაყოფის წონა 100 გრამი, სიგრძე კი 11–12 სანტიმეტრია. ჩამოყალიბებული და განვითარებული აქვს ყველა სახსარი. ჩონჩხი გაძვალებას განაგრძობს. უმჯობესდება სმენაც. მისი პატარა ჭიპი, რომლითაც პლაცენტაზეა მიბმული, უფრო მსხვილდება და მაგრდება. ფუნქციონირებას იწყებს თირკმელები. ისინი იკავებენ თავიანთ საბოლოო ადგილმდებარეობას და იწყებენ შარდის გამოყოფას, რაც სანაყოფე წყლებს ემატება. მართალია, ნაყოფის გამომყოფ სისტემას უკვე დაწყებული აქვს ფუნქციონირება, მაგრამ მთავარ გამომყოფ ორგანოდ მაინც პლაცენტა რჩება, რომლის საბოლოო ჩამოყალიბება მე–18 კვირას მთავრდება.

ტანსაცმელი ორსულთათვის ,,ამაზონზე” maternity clothes >> 

ნაყოფის მოძრაობა უფრო აქტიურდება; შენ უკვე კარგად გრძნობ ამ პროცესს. ხელებისა და ფეხების რეფლექსური მოძრაობები ძალზე კარგი ვარჯიშია ნაყოფის კუნთების განვითარებისთვის. მნიშვნელოვანია ის გარემოებაც, რომ ბავშვს უკვე შეუძლია თავისა და ხელების მოძრაობის კოორდინაცია: პაწაწინა ხელის მტევანი მიაქვს პირთან და თითის წოვას იწყებს.

ფეხებისა და ხელების თითები ისე აქვს განვითარებული, რომ მათი მოძრაობა ნათლად ჩანს ულტრაბგერითი გამოკვლევის დროს. თითის ან მუშტის წოვისას, ნაყოფი ყლაპავს სანაყოფე წყალს, რომლის მეშვეობით საჭმლის მომნელებელი და გამომყოფი სისტემების მუშაობისთვის აუცილებელ სითხეს იღებს. ორსულობის მე–17 (მეჩვიდმეტე) კვირას  ნაყოფს უვითარდება ქონის თხელი ფენა, ანუ კანქვეშა ცხიმოვანი უჯრედისი, რომელიც აქტიურად მონაწილეობს ენერგიის გამომუშავებასა და ნივთიერებათა ცვლის პროცესში.




როგორ იცვლები შენ

ორსულობის მე–17 (მეჩვიდმეტე) კვირისთვის, წონაში 2,5–დან 4,5 კილოგრამამდე გაქვს მომატებული. მუცლის გაზრდის, წონის მომატებისა და სიმძიმის ცენტრის გადანაცვლების გამო, ცოტა მოუქნელი გახდი. საჭიროა, დროებით ხმარებიდან ამოიღო მაღალქუსლიანი ფეხსაცმელი; ატარე მოსახერხებელი ფეხსაცმელი და ტანსაცმელი.

თუ მიწაზე მყარად დგომას და გადაადგილებას შეძლებ, თავს უფრო დაცულად და იმედიანად იგრძნობ. ღმერთმა არ ქნას, მუცელზე რაიმე ტრავმა ან დარტყმა მიიღო –– ეს ძალიან ცუდი იქნება შენთვისაც და პატარასთვისაც. ამიტომ, არ დაგავიწყდეს, მანქანით მგზავრობისას მუცლის დაბლა აუცილებლად შეიკარი სამგზავრო ღვედი.

♦ როგორ გამოვიწეროთ ,,ამაზონიდან” >>
♦ Medgeo.net-ის ინტერნეტ-მარკეტი >>
♦ საქონელი ორსულთათვის >>

მომზადებულია  http://www.pregnancycalendar.ru/kalendar/-ის მიხედვით


1. ორსულობის კვირეები:  1-2 10 11 12 13 14 15  16  17 18  19  20 ,21 2223 24 25 26 27 28 29 30 31 32 33 34 35 36 37 38 39 40 41. 2. ორსულობა და მშობიარობა. იხ.   ,,რა სჭირდება ორსულს?”