ალელი – – (ბერძნულიდან allelon – სხვა) გენის ორი და მეტი ალტერნატიული ფორმიდან ერთ–ერთი, რომელსაც გააჩნია განსაზღვრული ლოკალიზაცია ქრომოსომაზე და ნუკლეოტიდების უნიკალური თანმიმდევრობა. ალელური გენები აკონტროლებენ ალტერნატიულ ნიშან–თვისებებს. (1)
ალელი (allel, allelic gene) – ალელები – ერთი და იგივე გენის სხვადასხვა ფორმები, რომელიც მოთავსებულია ჰომოლოგიური ქრომოსომების მსგავს მონაკვეთებში (ლოკუსებში) და განაპირობებს ერთი და იმავე ნიშნის, სხვადასხვა ვარიანტების არსებობას. ბუნებაში გავრცელებული ალელები, რომლებიც სახეობის დამახასიათებელ ნიშნებს განაპირობებენ, ეწოდება ველური ტიპის ალელები, ხოლო მისგან წარმოქმნილი, შეცვლილი გენის სტრუქტურით მიღებულ ალელებს – მუტანტური. უმრავლესობა გენებისათვის, ცნობილია მხოლოდ ორი ალელი (ალელური წყვილები). თუმცა, გვხვდება მრავლობით ალელთა სერიები, რომელიც განსხვავდება ნიშნის გამოვლენის მიხედვით (მაგალითად, სამი ალელი განაპირობებს ადამიანის სისხლის ოთხი ძირითადი ჯგუფის არსებობას). (2)
გაფრთხილება!
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი
.