nostalgia

მკურნალობა უცხოეთში


ვეროშპირონი

ვეროშპირონის ზოგადი ინფორმაცია

ვეროშპირონი. VEROSPIRON. კალიუმის დამზოგავი დიურეზული  პრეპარატების ჯგუფის სამკურნალო საშუალება. აქტიური ნივთიერება – სპირონოლაქტონი. Spironolactone. მწარმოებელი ფირმა – გედეონ რიხტერი (უნგრეთი).

ვეროშპირონის შემადგენლობა და გამოშვების ფორმა

ვეროშპირონი. VEROSPIRON გამოდის 50 მგ– და  100 მგ–იანი კაფსულის და  25 მგ–იანი ტაბლეტის ფორმით. თითოეული ტაბლეტი შეიცავს 25 მგ სპირონოლაქტონს. თითოეული კაფსულა შეიცავს 50 მგ და 100 მგ სპირონოლაქტონს. ტაბლეტები: თეთრი ან თითქმის თეთრი ბრტყელი, მრგვალი ტაბლეტები ნაზოლით, დამახასიათებელი მერკაპტანული სუნით მარკირებით “VEROSPIRON” ცალ მხარეს. კაფსულა 50 მგ: კაფსულის შიგთავსი: წვრილი გრანულირებული ფხვნილისმაგვარი თეთრი ან თითქმის თეთრი ნარევი. კაფსულა 100 მგ: კაფსულის შიგთავსი: წვრილი გრანულირებული ფხვნილისმაგვარი თეთრი ან თითქმის თეთრი ნარევი. კაფსულა: მყარი ჟელატინის ზომით #0; ზედა ნაწილი: გაუმჭვირვალე, ნარინჯისფერი; ქვედა ნაწილი:  გაუმჭვირვალე, ყვითელი ფერის. ტაბლეტები: კაჟბადის კოლოიდური დიოქსიდი; მაგნიუმის სტეარატი; ტალკი; სიმინდის სახამებელი; ლაქტოზას მონოჰიდრატი. კაფსულები 50 მგ და 100 მგ კაფსულის შიგთავსის დამხმარე ნივთიერებები: ნატრიუმის ლაურილსულფატი; მაგნიუმის სტეარატი; სიმინდის სახამებელი; ლაქტოზას მონოჰიდრატი. მყარი ჟელატინის კაფსულა, 50 მგ კაფსულის ზედა ნაწილი: ქინოლისნის ყვითელი საღებავი (E 104, ფ. ინდ. 47005); ტიტანის დიოქსიდი (E 171, ფ. ინდ. 77891); ჟელატინი; კაფსულის ქვედა ნაწილი: ტიტანის დიოქსიდი (E 171, ფ. ინდ. 77891); ჟელატინი; მყარი ჟელატინის კაფსულა, 100 მგ კაფსულის ზედა ნაწილი: ნარინჯისფერი საღებავი (E 110, ფ. ინდ. 15985); ტიტანის დიოქსიდი (E 171, ფ. ინდ. 77891); ჟელატინი; კაფსულის ქვედა ნაწილი: ნარინჯისფერი საღებავი (E 110, ფ. ინდ. 15985); ტიტანის დიოქსიდი (E 171, ფ. ინდ. 77891); ქინოლინის ყვითელი საღებავი (E 104, ფ. ინდ. 47005); ჟელატინი.

ვეროშპირონის ფასები ქართულ ფარმაცევტულ ბაზარზე

ვეროშპირონის ფასები ფარმადეპოში
ვეროშპირონის ფასები ავერსში
ვეროშპირონის ფასები psp-ში
ვეროშპირონის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ვეროშპირონი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ვეროშპირონის ფასების შესახებ შეუძლიათ მოგვაწოდონ  mpifarm@gmail.com

ვეროშპირონის აქტიური ნივთიერება

სპირონოლაქტონი. Spironolactone. ქიმიური დასახელება – (7ალფა,17ალფა)-7-(აცეტილთიო)-17-ჰიდროქსი-3-ოქსოპრეგნ -4-ენ-21-კარბონის მჟავის გამა-ლაქტონი. ბრუტო–ფორმულა: C24H32O4S. სპირონოლაქტონს მიაკუთვნებენ დიურეტიკების ჯგუფს. CAS-კოდი: 52-01-7.

ვეროშპირონის სინონიმები

სპირონოლაქტონი (Spironolactone, Your Pharmacy, საქართველო).

ვეროშპირონის გამოყენების ძირითადი მიმართულებებია

  • ალდოსტერონიზმი პირველადი
  • მკურნალობის ხანმოკლე, ოპერაციის წინა კურსისათვის
  • არაოპერაბელობის შემთხვევაში
  • ავადმყოფის მიერ ოპერაციაზე უარის  თქმის შემთხვევაში
  • შეშუპება,  ჰიპერალდოსტერონიზმთან დაკავშირებული
  • გულის  უკმარისობა შეგუბებითი
  • ნეფროზული სინდრომი
  • ჰიპერტენზია ესენციური
  • ჰიპოკალიემია

ვეროშპირონის საფირმო აღწერიდან

ვეროშპირონის ფარმაკოლოგიური თვისებები

კონკურენტული გზით სპირონოლაქტონი ნეფრონის დისტალურ ნაწილებში ხელს უშლის ალდოსტერონით წყლისა და ნატრიუმის შეკავებას და კალიუმის გამოყოფას. ალდოსტერონის მიმართ ანტაგონიზმი ვლინდება არა მხოლოდ ნატრიუმისა და ქლორის იონების ექსკრეციის გაძლიერებით და კალიუმის იონების გამოყოფის შემცირებით, არამედ შარდთან ერთად წყალბადის იონების ბლოკირებით. დიურეზული მოქმედების შედეგად სპირონოლაქტონი ახდენს ჰიპოტენზიურ ეფექტს.

ვეროშპირონის ფარმაკოკინეტიკა

კარგად და სწრაფად შეიწოვება კუჭ-ნაწლავის ტრაქტიდან. დაახლოებით 90% უერთდება პლაზმის ცილებს. სწრაფად მეტაბოლიზდება ფარმაკოლოგიურად აქტიური მეტაბოლიტების წარმოქმნით: 7α-თიომეთილსპირონოლაქტონი და კანრენონი. მეტაბოლიტები ძირითადად გამოიყოფა შარდთან ერთად და მცირე რაოდენობით – ნაღველთან ერთად. სპირონოლაქტონი და მისი მეტაბოლიტები პლაცენტაში და დედის რძეში აღწევენ.

ვეროშპირონის ჩვენებები

პირველადი ალდოსტერონიზმი:

- მკურნალობის ხანმოკლე, ოპერაციის წინა კურსისათვის;

- ხანგრძლივი გამოყენებისათვის არაოპერაბელობის ან ავადმყოფის მიერ ოპერაციაზე უარის თქმის შემთხვევაში.

განმეორებით ჰიპერალდოსტერონიზმთან დაკავშირებული შეშუპებების მკურნალობა.

გულის შეგუბებითი უკმარისობა სხვა მკურნალობის არაეფექტურობის ან აუტანლობის შემთხვევაში, ან სხვა დიურეზული საშუალებების ეფექტურობის მომატების აუცილებლობის შემთხვევაში.

ნეფროზული სინდრომი ძირითადი დაავადების მკურნალობის, დიურეზულების გამოყენების არაეფექტურობის და საკვებში მარილის შეზღუდული რაოდენობით გამოყენების შემთხვევაში.

ესენციური ჰიპერტენზია, ძირითადად, ჰიპოკალიემიის დროს კომბინაციაში სხვა ჰიპოტენზიურ საშუალებებთან.

ჰიპოკალიემიის მკურნალობა, როდესაც სხვა მკურნალობის გამოყენება არ შეიძლება.

დიგიტალისით მკურნალობის დროს ჰიპოკალიემიის პროფილაქტიკისათვის, როდესაც მკურნალობის სხვა მეთოდები მიუღებელია.

ვეროშპირონის მიღების წესები და დოზები

პირველადი ალდოსტერონიზმი: დიაგნოზის დასმის შემდეგ 100-400 მგ დღეში როგორც ოპერაციული ჩარევის დამხმარე საშუალება.

არაოპერაბელობის შემთხვევაში შეიძლება ჩატარდეს ხანგრძლივი მკურნალობა უმცირესი ეფექტური დოზით, რომლის შერჩევაც ინდივიდუალურად ხდება. მსგავს შემთხვევებში ყოველ 14 დღეში საწყისი დოზა უნდა შემცირდეს მანამ, სანამ არ იქნება მიღწეული უმცირესი ეფექტური დოზა. ხანგრძლივი მკურნალობისას მიზანშეწონილია პრეპარატის სხვა დიურეზულ საშუალებებთან კომბინირება გვერდითი რეაქციების განვითარების პრევენციის მიზნით.

შეშუპების სინდრომი (გულის უკმარისობა, ღვიძლის ციროზი, ნეფროზული სინდრომი): ჩვეულებრივი საწყისი დოზა მოზრდილებისათვის შეადგენს 100 მგ/დღე (25-200 მგ/დღე), განაწილებული 2 მიღებად. უფრო მაღალი დოზების დანიშვნისას მიზანშეწონილია სხვა დიურეზულებთან კომბინირება, რომლებიც მოქმედებენ თირკმელების არხების პროქსიმალურ ნაწილებზე, ამ დროს ვეროშპირონის დოზა უცვლელი რჩება.

ბავშვებში ინიშნება გაანგარიშებით 3 მგ სხეულის წონის კგ-ზე, ერთჯერადად ან განაწილებული 2 მიღებად.

ესენციური ჰიპერტენზია: ინიშნება კომბინაციაში სხვა დიურეზულ საშუალებებთან, ჩვეულებრივი საწისი დოზა შეადგენს 50-100 მგ დღეში და 2 მიღებად ნაწილდება. მკურნალობა არანაკლებ 2 კვირა უნდა გაგრძელდეს, ვინაიდან მაქსიმალური ჰიპოტენზიური ეფექტი ამ ვადის გასვლის შემდეგ აღინიშნება. შემდეგი დოზირება ინდივიდუალურია.

ჰიპოკალიემია: 25-100 მგ/დღე, თუ კალიუმის ანაზღაურების პერორალური ან კალიუმის შემანარჩუნებელი სხვა მეთოდი არასაკმარისად ეფექტურია.

ვეროშპირონის გვერდითი მოვლენები

გვერდითი რეაქციები დაკავშირებულია ალდოსტერონით კალიუმის გაძლიერებული გამოყოფის კონკურენტულ ბლოკირებასთან და სპირონოლაქტონის ანტიანდროგენულ ეფექტთან.

კანის მხრივ: ჰიპერემია, ჭინჭრის ციება, ანულარული ერითემის, კანის მგლურასმაგვარი ცვლილებების, ალოპეციის ერთეული შემთხვევები.

საყრდენ-მამოძრავებელი აპარატის მხრივ: ოსტეომალაცია (ცალკეული შემთხვევა).

ნერვული სისტემის მხრივ: თავის ტკივილი, ატაქსია, მომატებული ძილიანობა.

კუჭ-ნაწლავის ტრაქტის მხრივ: კუჭის ტკივილი, წყლული, დიარეა, ღებინება, გულისრევა, სისხლდენა კუჭიდან. ღვიძლის მხრივ: ჰეპატიტი (ცალკეული შემთხვევა).

წყალ-ელექტროლიტური ბალანსის მხრივ: ჰიპერკალიემია (ხშირად განსაკუთრებით თირკმლის ფუნქციის დაქვეითებისას), ჰიპონატრიემია, ჰიპერქლორემიული მეტაბოლური აციდოზი.

ენდოკრინული სისტემის მხრივ: ხშირად გინეკომასტია, დოზადამოკიდებული ამენორეა, სარძევე ჯირკვლების შეშუპება, მენსტრუაციების შეცვლა, ჰირსუტიზმი, იმპოტენცია, ქალებში ხმის ტემბრის შეცვლა.

გულ-სისხლძარღვთა სისტემის მხრივ: არტერიული წნევის არასასურველი დაწევა.

სისხლმბადი სისტემის მხრივ: იშვიათად თრომბოციტოპენია, აგრანულოციტოზი, ეოზინოფილია ღვიძლის ციროზის ფონზე.

ვეროშპირონის უკუჩვენებები

ჰიპერმგრძნობელობა პრეპარატის რომელიმე ინგრედიენტის მიმართ, ანურია, თირკმლის მწვავე უკმარისობა, თირკმელების დაქვეითებული ფუნქცია (გლომერულური ფილტრაცია < 10 მლ/წთ), ჰიპერკალიემია, ჰიპონატრიემია, ორსულობა, ლაქტაცია.

ორსულობა და ლაქტაცია

ორსულობისა და ლაქტაციის პერიოდში პრეპარატი უკუნაჩვენებია. პრეპარატის დანიშვნის აუცილებლობისას ლაქტაცია უნდა შეწყდეს.

ზეგავლენა ავტოტრანსპორტის მართვისა და მექანიზმებთან მუშაობის უნარზე

საწყის პერიოდში, რომლის ხანგრძლივობა ინდივიდუალურია, იკრძალება ავტომანქანის მართვა და ისეთ მექანიზმებთან მუშაობა, რომლებიც საჭიროებს დიდ ყურადღებას, და დაკავშირებულია ტრავმატიზმის რისკთან.

ვეროშპირონის განსაკუთრებული მითითებები

განსაკუთრებული სიფრთხილეა საჭირო იმ დაავადებების არსებობისას, რომლებიც ქმნიან მიდრეკილებას აციდოზის და/ან ჰიპერკალიემიის განვითარებისაკენ.

თირკმლის დაქვეითებული ფუნქციისას და ჰიპერკალიემიისას შესაძლებელია სისხლში შარდოვანას აზოტის დონის ტრანზიტორუული მომატება. ასევე შესაძლებელია შექცევადი ჰიპერქლორემიული მეტაბოლური აციდოზის განვითარება. თირკმელების, ღვიძლის დაავადებების, ხანდაზმულობის შემთხვევაში აუცილებელია სისხლის ელექტროლიტებისა და თირკმელების ფუნქციის კონტროლი.

ვეროშპირონი ზეგავლენას ახდენს დიგოქსინის, კორტიზოლისა და ეპინეფრინის კონცენტრაციებზე სისხლში. სპირონოლაქტონით მკურნალობის დროს ალკოჰოლის მიღება აკრძალულია.

ლაქტოზას აუტანლობის შემთხვევაში გასათვალისწინებელია, რომ პრეპარატის 25 მგ-ანი ტაბლეტი შეიცავს 146 მგ ლაქტოზას მონოჰიდრატს, 50 მგ გაფსულა – 127.5 მგ და 100 მგ კაფსულა – 255 მგ.

ჭარბი დოზირება ვეროშპირონით

სიმპტომები: ძილიანობა, გონების დაბინდვა, წყალ-ელექტროლიტური ბალანსის დარღვევა.

მკურნალობა სიმპტომურია, სპეციფიური ანტიდოტი არ არსებობს. აუცილებელია წყალ-ელექტროლიტური და მჟავა-ტუტოვანი წონასწორობის უზრუნველყოფა: კალიუმის გამომყოფი დიურეტიკების გამოყენება, ინსულინთან ერთად გლუკოზის პარენტერალური შეყვანა, მძიმე შემთხვევებში – ჰემოდიალიზის ჩატარება.

ვეროშპირონის სხვა წამლებთან ურთიერთქმედება

შესაძლებელია ინტერაქციები შემდეგ საშუალებებთან:

- სალიცილატები (დიურეზული ეფექტის დაქვეითება);

- სხვა დიურეზული საშუალებები (დიურეზის გაძლიერება);

- ანტიჰიპერტენზიული საშუალებები, განსაკუთრებით, განგლიობლოკატორები (ჰიპოტენზიური ეფექტის გაძლიერება);

- კალიუმი და კალიუმის შემანარჩუნებელი დიურეტიკები (იზრდება ჰიპერკალიემიის რისკი);

- ანთების საწინააღმდეგო არასტეროიდული საშუალებები (იზრდება ჰიპერკალიემიის საშიშროება);

- ანგიოტენზინ-გარდამქმნელი ენზიმის ბლოკატორები (იზრდება ჰიპერკალიემიის საშიშროება);

- ფლუდროკორტიზონი (კალიუმის გამოყოფის პარადოქსული გაძლიერება);

- დიგოქსინი (დიგოქსინის ნახევარგამოყოფის პერიოდის გახანგრძლივება);

- კარბენოქსოლი (კარბენოქსოლის მოქმედების შემცირება);

- ნეომიცინი (მცირდება სპირონოლაქტონის შეწოვა);

- ამონიუმის ქლორიდი (იზრდება აციდოსის განვითარების საშიშროება);

- მითოტანი (აქვეითებს მითოტანის ეფექტურობას);

- კუმარინის წარმოებულები (აქვეითებს ეფექტურობას);

- ტრიპტორელინი, ბუსერელინი, გონადორელინი (აძლიერებს მათ მოქმედებას).

ვეროშპირონის შენახვის პირობები და ვადები

ტაბლეტები:

ინახება +15oC-დან +25oC ტემპერატურის პირობებში.

კაფსულები:

ინახება +15oC-დან +30oC ტემპერატურის პირობებში.

ვარგისიანობის ვადა: 5 წელი.

ვეროშპირონის გაცემის წესი

გაიცემა ექიმის რეცეპტით.

Comments are closed.

დარგობრივი საიტები

vaka