იმუნალი

იმუნალი

იმუნალის ზოგადი ინფორმაცია

იმუნალი. IMMUNAL. იმუნომოდულატორების – ფიტოპრეპარატების  ჯგუფის სამკურნალო საშუალება. აქტიური ნივთიერება – echinacea purpurea. ათქ.კლასიფიკაციის კოდი – L03AX. მწარმოებელი ფირმა –  OTC – Sandoz (სლოვენია).

იმუნალის შემადგენლობა და გამოშვების ფორმა

იმუნალი. IMMUNAL გამოდის 0.8 მგ/1 მლ წვეთების ფორმით 50 მლ–იან ფლაკონში. 1 მლ შიგნით მისაღები წვეთები შეიცავს 0.8 მლ წვენს, რომელიც მიღებულია აყვავილებული ექინაცეის ახლადდამუშავებული ბალახისაგან (Echinacea purpurea L.). დამხმარე ნივთიერებებია: ეთილის სპირტი, სორბიტოლი.აღწერილობა: გამჭვირვალედან დაბინდულამდე ყავისფერი ხსნარი; შენახვის პროცესში შესაძლებელია ნალექის წარმოქმნა.

იმუნალის ფასები ქართულ ფარმაცევტულ ბაზარზე

იმუნალის ფასები ფარმადეპოში

იმუნალის ფასები ავერსში

იმუნალის ფასები psp-ში

იმუნალის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც იმუნალი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია იმუნალის ფასების შესახებ შეუძლიათ მოგვაწოდონ  mpifarm@gmail.com

იმუნალის მოქმედ ნივთიერებას შეიცავენ

იმუნალ პლუსი (IMMUNAL PLUS, NOVARTIS CONSUMER HEALTH S.A., სლოვენია; echinacea purpurea, ascorbic acid), იმუნო-რიცი (IMUNO-RITZ,  GMP, საქართველო; Echinacea purpurea, Uncaria tomentosa, Spirulina Havais).

იმუნალის გამოყენების ძირითადი მიმართულებებია

  • ინფექციური დაავადებები, მწვავე, გაურთულებელი
  • გაციება
  • გრიპი
  • ინფექციური დაავადებები, ქრონიკული

იმუნალის საფირმო აღწერიდან

ფარმაკოლოგიური თვისებები
იმუნალი წარმოადგენს იმუნომასტიმულირებელ პრეპარატს, რომელიც დამზადებულია სამკურნალო მცენარეული ნედლეულისაგან.
მეწამული ექინაცეა (Echinacea purpurea L.) შეიცავს აქტიურ ნივთიერებებს, რომლებიც აძლიერებენ ორგანიზმის ბუნებრივ დამცავ ძალებს და მოქმედებენ როგორც არასპეციფიური მასტიმულირებლები. ლეიკოციტების (გრანულოციტების) რიცხვის გაზრდით და ფაგოციტოზის გააქტიურებით. პრეპარატის მოქმედი ნივთიერებები თრგუნავენ ადამიანის ორგანიზმში მიკროორგანიზმების გამრავლებას და ხელს უწყობენ ინფექციის გამომწვევი ბაქტერიების განადგურებას. გარდა ამისა, დადგენილია ექინაცეის ბალახის ვირუსის საწინააღმდეგო მოქმედება გრიპისა და ჰერპესის გამომწვევების მიმართ.
ჩვენებები
მეწამული ექინაცეის წვენის გამოყენება რეკომენდებულია იმუნიტეტის სტიმულირების მიზნით პაციენტებში გაურთულებელი მწვავე ინფექციური დაავადებებით, რომლებიც მიდრეკილნი არიან ხშირად გაცივებისკენ, გაცივებისა და გრიპის პროფილაქტიკისათვის, ასევე როგორც დამხმარე სამკურნალო საშუალება ქრონიკული ინფექციური დაავადებების ანტიბიოტიკებით ხანგრძლივი თერაპიის დროს, რომელსაც ახლავს იმუნიტეტის დაქვეითება.
მიღების წესები და დოზები
ეფექტის მისაღწევად იმუნალის® წვეთები მიიღება არანაკლებ ერთი კვირის განმავლობაში. სწორი დოზირების გასაადვილებლად თითოეულ შეფუთვაში მოთავსებულია გრადუირებული დოზირებული პიპეტი. მიღების წინ წვეთების საჭირო რაოდენობა მცირეოდენ წყალში უნდა განზავდეს.
მოზრდილები და 12 წელზე უფროსი ასაკის მოზარდები: 2.5მლ წვეთები დღეში სამჯერ.
6-12 წლის ბავშვები: 1.5მლ წვეთები დღეში სამჯერ.
1-6 წლის ბავშვები: 1.0მლ წვეთები დღეში სამჯერ.
შეუჩერებლად გამოყენების ხანგრძლივობა 8 კვირას არ უნდა აღემატებოდეს.
გვერდითი მოვლენები
იშვიათ შემთხვევებში შეიძლება განვითარდეს ჰიპერმგრძნობელობა პრეპარატის მიმართ, რომელიც გამოიხატება ალერგიული რეაქციით კანის მხრივ (სიწითლე, გამონაყარი).
უკუჩვენება
– პროგრესიული სისტემური და აუტოიმუნური დაავადებები, როგორებიცაა ტუბერკულოზი, ლეიკოზები, კოლაგენოზები, გაფანტული სკლეროზი, შიდსი ან აივ-ინფექცია;
– ჰიპერმგრძნობელობა პრეპარატის კომპონენტების და რთულყვავილოვანთა ოჯახის მცენარეების მიმართ.
ორსულობა და ლაქტაცია
ნებისმიერი სხვა სამკურნალო საშუალების მსგავსად, ამ პრეპარატის გამოყენება არ არის რეკომენდებული ორსულობის ან ლაქტაციის პერიოდში ექიმთან წინასწარი კომსულტაციის გარეშე.
განსაკუთრებული მითითებები
წვეთების შენახვისას შესაძლებელია ხსნარის ამღვრევა ან ნალექის წარმოქმნა, რომელიც აქტიური პოლისაქარიდებისაგან შედგება. გამოყენების წინ ფლაკონი უნდა შეინჯღრეს.
ზეგავლენა ყურადღების კონცენტრირების უნარზე
განსაკუთრებული სიფრთხილე საჭირო არ არის.
ჭარბი დოზირება
პრეპარატის ჭარბი დოზით გამოწვეული ინტოქსიკაციის სიმპტომები აღნიშნული არ არის
სხვა წამლებთან ურთიერთქმედება
იმუნალის® წვეთები შეიცავს სპირტს, რის გამოც პრეპარატს შეუძლია გააძლიეროს ან შეცვალოს სხვა წამლების ეფექტი. კლინიკურად მნიშვნელოვანი ურთიერთქმედებები აღნიშნულია ცეფალოსპორინის ხუთი წარმოებულიდან ერთერთთან (ცეფამანდოლი, ცეფოტეტანი, ცეფმენოქსიმი, ცეფაპერაზონი და მოქსალაქტამი) და ალკოჰოლთან (მცირე რაოდენობაც კი) კომბინაციაში. პაციენტის რეაქცია ხასიათდებოდა სახის სიწითლით, ღებინებით, ოფლიანობით, თავის ტკივილით და გახშირებული გულისცემით. ამის გამო იმუნალის® წვეთების გამოყენება ნებადართულია ცეფალოსპორინის ზემოაღნიშნული წარმოებულებით მკურნალობის კურსის დასრულებიდან სამი დღის გასვლის შემდეგ.
შენახვის პირობები და ვადები
ინახება ბავშვებისათვის მიუწვდომელ ადგილას არაუმეტეს 25oC ტემპერატურაზე.
ვარგისიანობის ვადა 3 წელი.
პრეპარატის გამოყენება შეფუთვაზე მითითებული ვარგისიანობის ვადის გასვლის შემდეგ არ შეიძლება
აფთიაქში გაცემის წესი
რეცეპტის გარეშე