ოვიტრელი

ოვიტრელის ზოგადი ინფორმაცია

ოვიტრელი. OVITRELLE. უშვილობის მკურნალობის დროს გამოსაყენებელი პრეპარატების ჯგუფის გონადოტროპული სამკურნალო საშუალება. აქტიური ნივთიერება – choriogonadotropin alfa. ათქ.კლასიფიკაციის კოდი – G03GA08. მწარმოებელი ფირმა – Merck Serono (შვეიცარია).

ოვიტრელის შემადგენლობა და გამოშვების ფორმა

ოვიტრელი. OVITRELLE გამოდის 250მკგ/0,5მლ 0.5მლ კანქვეშ შესაყვანი ხსნარის ფორმით. ერთი შპრიცი შევსებული 0.5 მლ. ხსნარით შეიცავს აქტიურ ნივთიერებას ალფა ქორიოგონადოტროპინს 250მკმ (6500 ME).დამხმარე ნივთიერებებია: მანიტოლი, მეთიონინი, პოლოქსამერი 188, ფოსფორის მჟავა, ნატრიუმის ჰიდროქსიდი, საინექციო წყალი. აღწერა: გამჭირვალე ან ოდნავ ოპალესცირებული უფერო ან ღია ყვითელი ხსნარი.

ოვიტრელის ფასები ქართულ ფარმაცევტულ ბაზარზე

ოვიტრელის ფასები ფარმადეპოში
ოვიტრელის ფასები ავერსში
ოვიტრელის ფასები psp-ში
ოვიტრელის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ოვიტრელი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ოვიტრელის ფასების შესახებ შეუძლიათ მოგვაწოდონ  mpifarm@gmail.com

ოვიტრელის გამოყენების ძირითადი მიმართულებებია

• ფოლიკულის მრავლობითი მომწიფების ინდუქციის პროტოკოლში დამხმარე რეპროდუქციული ტექნოლოგიები
• ექსტრაკორპორალური განაყოფიერება
• უნაყოფობა ანოვულატორული
• უნაყოფობა ოლიგოოვულატორული

ოვიტრელის საფირმო აღწერიდან

ფარმაკოლოგიური თვისებები
ოვიტრელი შეიცავს ალფა ქორიოგონადოტროპინს, რომელიც იწარმოება რეკომბინირებული დნმ ტექნოლოგიების დახმარებით მას აქვს იგივე ამინომჟავური თანმიმდევრობა რაც ადამიანის ბუნებრივ ქორიოგონალურ გონადოტროპინს. ბოჭავს საკვერცხის თეკა უჯრედებსა და გრანულარული შრის ზედაპირზე არსებულ მალუთეინიზებელი ჰორმონისადმი მგრძნობიარე ტრანსმემბრანულ რეცეპტორებს. იწვევს ოოციტარულ მეიოზს, ფოლიკულის გასკდომას და ესტრადიოლის პროდუქციას (წარმოქმნას) ყვითელ სხეულში.
ფარმაკოკინეტიკა
ალფა ქორიოგონადოტროპინის კანქვეშა შეყვანისას აბსოლუტური ბიოშეღწევადობა შეადგენს დაახლოებით 40%, ნახევრადგამოყოფის პერიოდი – 30 საათი.
ჩვენებები
• ფოლიკულის მრავლობითი მომწიფების ინდუქციის პროტოკოლში დამხმარე რეპროდუქციული ტექნოლოგიებისას, მათ რიცხვში ექსტრაკორპორალური განაყოფიერებისთვის, ფინალური ფოლიკულის ინდუქციისა და ლუთეინიზაციის მიზნით გონადოტროპინით სტიმულაციის შემდეგ.
• ანოვულატორული ან ოლიგოოვულატორული უნაყოფობისას ოვულაციის ინდუქციისა და ლუთეინიზაციის მიზნით ფოლიკულის ზრდის სტიმულაციის ბოლოს.

მიღების წესები და დოზები
შეიყვანება კანქვეშ. ყოველი შპრიცი განკუთვნილია მხოლოდ ერთჯერადად გამოყენებისთვის.
ფოლიკულის მრავლობითი მომწიფების ინდუქციის პროტოკოლში დამხმარე რეპროდუქციული ტექნოლოგიებისას(დრტ), მათ შორის ექსტრა კორპორალური განაყოფიერების (ეკგ) დროს გონადოტროპინით სტიმულაციის შემდეგ ფოლიკულის საბოლოო მომწიფებისა და ლუთეინიზაციის მიზნით ოვიტრელი – დოზაში 250მკგ (შემცველი 1 შპრიცში) შეიყვანება ერთჯერადად ფოლიკულომასტიმულირებელი ჰორმონშემცველი პრეპარატისა ან მალუთეინიზებელი ჰორმონის ბოლო შეყვანიდან და ფოლიკულის ოპტიმალური განვითარების დონის მიღწევიდან 24-48 საათის შემდეგ.
ანოვულატორული ან ოლიგოოვულატორული უნაყოფობისას ოვულაციის ინდუქციისა და ლუთეინიზაციის მიზნით ფოლიკულის ზრდის სტიმულაციის ბოლოს:
ოვიტრელი- დოზაში 250მკგ(შემცველი 1 შპრიცში) შეიყვანება ერთჯერადად ფოლიკულის ოპტიმალური განვითარების დონის მიღწევიდან 24-48 საათის შემდეგ. რეკომენდებულია სქესობრივი კონტაქტი პრეპარატის შეყვანის დღეს და მეორე დღეს.

თუ პაციენტს დამოუკიდებლად შეყავს ოვიტრელი ,მას ესაჭიროება ყურადღებით წაიკითხოს და მკაცრად მისდიოს პრეპარატის შეყვანის ქვემოთმოყვანილ ინსტრუქციას:
1. დაიბანეთ ხელები. მნიშვნელოვანია, რომ თქვენი ხელები და საგნები, რომელთაც თქვენ იყენებთ იყოს სუფთა.
2. გაამზადეთ სუფთა ზედაპირი და დააწყვეთ მასზე ყველაფერი რაც საჭიროა ინექციისთვის.

– ტამპონი გაჟღენთილი სპირტით
(შეფუთვაში არ დევს).
– ერთი შპრიცი პრეპარატით.
3. ინექციის შეყვანა .მყისვე (მალევე) ჩაატარეთ ინექცია: შეარჩიეთ ინექციის ადგილი თქვენი მკურნალი ექიმის ან ექთნის რეკომენდაციის შესაბამისად (მუცელი, ბარძაყის წინა ნაწილი). გაიწმინდეთ არჩეული უბანი სპირტიანი ტამპონით. გადაჭიმეთ კანი თითებით და მოკლე ენერგიული მოძრაობით, მიმართეთ ნემსი 45-90 გრადუსიანი კუთხით კანის ნაკეცში. ჩაატარეთ კანქვეშა ინექცია, როგორც გასწავლეს. მოერიდეთ პრეპარატის მოხვედრას უშუალოდ ვენაში. შეიყვანეთ ხსნარი, დააჭირეთ რა ფრთხილად ხელი დგუშს. ისარგებლეთ იმდენი დროით რაც საჭიროა მთელი ხსნარის მოცულობის შესაყვანად. Aამის შემდეგ იმ წუთშივე ამოაძრეთ ნემსი და გაიწმინდეთ კანი ინექციის ადგილას სპირტიანი ტამპონით წრიული მოძრაობით.
4. უტილიზაცია გამოყენებული ნივთების ან (ხელსაწყოების). ინექციის შემდეგ ,მაშინვე მოათავსეთ გამოყენებული შპრიცი ბასრი საგნების შესანახ კონტეინერში. მთელი გამოუყენებელი ხსნარის მოცულობა უნდა იქნეს განადგურებული.
თუ თქვენ შეიყვანეთ ძალიან დიდი დოზა პრეპარატისა, შეიძლება აღმოცენდეს სიმპტომები საკვერცხის ჰიპერსტიმულაციის სინდრომისა, რომლებიც აღწერილია ნაწილში – “განსაკუთრებული მითითებები” ან “გვერდითი ეფექტები”. თუ ეს სიმპტომები განვითარდება მიმართეთ ექიმს.
თუ თქვენ დაგავიწყდათ პრეპარატის შეყვანა, მიმართეთ ექიმს.
გვერდითი მოვლენები
ადგილობრივი რეაქცია: ტკივილი ინექციის შეყვანის ადგილას.
ზოგადი: თავის ტკივილი, დაღლილობის გრძნობა.
ცნს – ის მხრივ: იშვიათად დეპრესია,აგზნებადობა,შეწუხებულობის გრძნობა. საჭმლის მომნელებელი სისტემის მხრივ: ღებინება, გულისრევა, ტკივილი მუცელში, იშვიათად დიარეა.
რეპროდუქციული სისტემის მხრივ: საკვერცხის ჰიპერსტიმულაციის სინდრომი, იშვიათად მძიმე ხარისხში, სარძევე ჯირკვლების ტკივილი.
უკუჩვენება
• ჰიპოთალამუსისა და ჰიპოფიზის სიმსივნეები.
• მაღალი მგრძნობელობა პრეპარატის შემადგენლობაში შემავალი აქტიური კომპონენტებისა და ნებისმიერი დამხმარე ნივთიერებებისადმი.
• საკვერცხის მოცულობითი ახლადწარმონაქმნები,ან კისტები,არადაკავშირებული საკვერცხის პოლიკისტოზთან.
• გაურკვეველი გენეზის ვაგინალური სისხლდენები.
• შაკვერცხის, საშვილოსნოს ან სარძევე ჟირკვლების კიბო.
• საშვილოსნოსგარე ორსულობა საწყისი 3 თვის განმავლობაში.
• თრომბოემბოლია
• პირველადი ოვარიული უკმარისობა.
• სასქესო ორგანოების განვითარების თანდაყოლილი მანკები, არაშეთავსებადი ორსულობასთან.
• საშვილოსნოს ფიბრომიომა არაშეთავსებადი ორსულობასთან.
• პოსტმენოპაუზა.
ოვიტრელი სიფრთხილით ინიშნება იმ პაციენტებში, რომელთაც აქვთ მძიმე სისტემური დაავადებები რადგან ორსულობამ შესაძლოა გაამწვავოს დაავადების მიმდინარეობა.
განსაკუთრებული მითითებები
აუცილებელია მკურნალობის დაწყებამდე დადგენილ იქნეს პაციენტებისა და მათი პარტნიორების უნაყოფობის მიზეზები და შეფასდეს დაორსულების შემთხვევაში სავარაუდო რისკის ფაქტორების. განსაკუთრებით საჭიროა გათვალისწინებულ იქნეს ჰიპოთირეოზის, ადრენოკორტიკული უკმარისობის, ჰიპერპროლაქტინემიის სიმპტომები, ჰიპოთალამუსისა და ჰიპოფიზის სიმსივნეების არსებობა, მკურნალობის გამოყენებული სპეციფიური მეთოდები.
საკვერცხის სტიმულაციის პროცესში დიდი რაოდენობით ფოლიკულების ერთდროული მომწიფების გამო არსებობს საკვერცხის ჰიპერსტიმულაციის სინდრომის აღმოცენების რისკი. სჰს–ის მძიმე ხარისხი შესაძლოა გახდეს სტიმულაციის მძიმე გართულება. სჰს რისკის შემცირების მიზნით ფოლიკულების სტიმულაციის ზრდის პროტოკოლში, აუცილებელია ულტრაბგერითი გამოკვლევები და მკურნალობამდე და მკურნალობის დროს სისხლში ესტრადიოლის მუდმივი კონტროლი
ბუნებრივ განაყოფიერებისაგან განსხვავებით სტიმულაციის ჩატარებისას იზრდება მრავალნაყოფიანი ორსულობის რისკი. Uუმრავლეს შემთხვევაში იბადებიან ორეულები. დამხმარე რეპროდუქციული მეთოდების გამოყენების დროს დაბადებული ახალშობილების რაოდენობა შეესაბამება საშვილსნოს ღრუში გადანერგილი (გადატანილი) ემბრიონების რიცხვს
ანოვულატორული უნაყოფობის მკურნალობის შემდეგ აბორტების სტატისტიკა, მათ რიცხვში დამხმარე რეპროდუქციული ტექნოლოგიების გამოყენების დროსაც, სხვა სახის უნაყოფობასთან შედარებით აჭარბებს პოპულაციაში საშუალო მაჩვენებელს
ოვიტრელის შეყვანამ შეიძლება გავლენა იქონიოს ადამიანის ქორიოგონადოტროპული ჰორმონის დონის იმუნოლოგიურ სურათზე სისხლის პლაზმაში და 10 დღის განმავლობაში შარდში ორსულობის ტესტი შეიძლება იყოს ცრუდადებითი.
ოვიტრელით ჩატარებული თერაპიის დროს შეასაძლოა მოხდეს ფარისებრი ჯირკვლის უმნიშვნელო სტიმულაცია..
ყურადღება. შენახვის ვადის მქონე პრეპარატი შეიძლება შეინახოთ მაცივრის გარეშე არა უმეტეს 25 გრადუსი ტემპერატურისა 30 დღის განმავლობაში. თუ 30 დღის მანძილზე პრეპარატი არ იქნა გამოყენებული იგი უნდა იქნეს განადგურებული.
გავლენა მართვაზე სატრანსპორტო საშუალებებისა
არ ახდენს გავლენას სატრანსპორტო საშუალებებისა ან რომელიმე სხვა მექანიზმების მართვაზე.
ჭარბი დოზირება
მონაცემები პრეპარატის დოზის გადაჭარბებასთან დაკავშირებით არ არსებობს. მიუხედავად ამისა, საკვერცხის სტიმულაციის პროცესში, დოზის გადაჭარბებისას, შეასაძლოა განვითარდეს საკვერცხის ჰიპერსტიმულაციის სინდრომი. (იხ. ”განსაკუთრებულ მითითებებში”). კლინიკურად ის ხასიათდება: საკვერცხის ჯგუფური კისტების წარმოქმნით და მათი სარისკო გასკდომით (პროლიფერაციით), ასციტის სიმპტომებით და ცირკულატორული მოშლილობებით..
საკვერცხის ჰიპერსტიმულაციის სინდრომის მაღალი რისკის შემთხვევაში ადამიანის ქორიოგონადოტროპინის შეყვანა უნდა შეწყდეს ამასთანავე არაუმცირესი 4 დღისა აუცილებელია სქესობრივი კონტაქტისგან თავის შეკავება ან გამოყენებულ უნდა იქნეს კონტრაცეპციის ბარიერული მეთოდები.
სხვა წამლებთან ურთიერთქმედება
მონაცემები სხვა სამკურნალწამლო საშუალებებთან ურთიერთქმედების შესახებ არ არსებობს. მიუხედავად ამისა, საჭიროა ექიმი ინფორმირებილი იყოს იმის შესახებ, თუ რა სხვა პრეპარატს (მათ შორის ურეცეპრო სამკურნალწამლო საშუალებებს) იღებდა ან იღებს პაციენტი.
შენახვის პირობები და ვადები
ორიგინალურ შეფუთვაში 2-8 გრადუსზე.არ გაყინოთ.
შეინახეთ ბავშვებისათვის მიუწვდომელ ადგილას.
ვარგისიანობის ვადა 2 წელი.
ვადის გასვლის შემდეგ პრეპარატი არ გამოიყენება.
აფთიაქში გაცემის წესი
რეცეპტით.