მკურნალობა უცხოეთში


  სინეკოდი

სინეკოდის ზოგადი ინფორმაცია

სინეკოდი. SINECOD. ხველის საწინააღმდეგო სამკურნალო საშუალება. აქტიური ნივთიერება – ბუტამირატი. Butamirate. ათქ.კლასიფიკაციის კოდი – R05DB. მწარმოებელი ფირმა – Pharma – GenMed (შვეიცარია).

სინეკოდის შემადგენლობა და გამოშვების ფორმა

სინეკოდი. SINECOD გამოდის 20მლ წვეთების და სიროფის ფორმით. სიროფი შეიცავს ბუტამირატის დიჰიდროგენოციტრატს 15მგ/10მლ. სხვა ინგრიდიენტებია: შემავსებლები – სორბიტოლი, სახარინი, ვანილინი; კონსერვანტი E210. პერორალურად მისაღები წვეთები ბავშვებისათვის შეიცავენ  ბუტამირატის დიჰიდროგენოციტრატს 5მგ/1მლ. სხვა ინგრიდიენტებია: შემავსებლები – სორბიტოლი, სახარინი, ვანილინი; კონსერვანტი E210. სიროფი და წვეთები დამატკბობლების სახით შეიცავენ სახარინს ან სორბიტოლს, ამიტომ ყველა ამ ფორმის დანიშვნა შეიძლება ავადმყოფებისათვის შაქრიანი დიაბეტით.

სინეკოდის ფასები ქართულ ფარმაცევტულ ბაზარზე

სინეკოდის ფასები ფარმადეპოში
სინეკოდის ფასები ავერსში
სინეკოდის ფასები psp-ში
სინეკოდის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც სინეკოდი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია სინეკოდის ფასების შესახებ შეუძლიათ მოგვაწოდონ  mpifarm@gmail.com

სინეკოდის აქტიური ნივთიერება

ბუტამირატი. Butamirate. ქიმიური დასახელება – 2-[2-(დიეთილამინო)ეტოქსი]ალფა- ეთილბენზოძმარ მჟავის ეთილის ეთერი (ციტრატის სახით). ბრუტო–ფორმულა: C18H29NO3. ბუტამირატს მიაკუთვნებენ ხველის საწინააღმდეგო საშუალებების ჯგუფს. CAS-კოდი:18109-80-3.

ამავე  მოქმედ ნივთიერებას შეიცავენ

სტოპტუსინი (STOPTUSSIN, Teva, ჩეხეთი; butamirate, guaifenesin).

სინეკოდის გამოყენების ძირითადი მიმართულებებია

  • ხველა მწვავე, ნებისმიერი ეტიოლოგიის
  • ხველის აღმოფხვრა ოპერაციამდე და პოსტოპერაციულ პერიოდში ქირურგიული ჩარევებისა და ბრონქოსკოპიის შემდეგ
  • ყივანახველა

სინეკოდის საფირმო აღწერიდან

ფარმაკოლოგიური თვისებები
პრეპარატი სინეკოდის აქტიური ნივთიერება ბუტამირატის ციტრატი წარმოადგენს ცენტრალური მოქმედების ხველის საწინააღმდეგო საშუალებას, რომელიც არც ქიმიურად, არც ფარმაკოლოგიურად არ განეკუთვნება ოპიუმის ალკოლოიდებს. გარდა ამისა, პრეპარატი ამცირებს სასუნთქი გზების წინააღმდეგობას, რაც დასტურდება სპირომეტრის მაჩვენებლების გაუმჯობესებით.
ფარმაკოკინეტიკა
ბუტამირატი – 2-(2-დიეთილამინოეტოქსი)-ეთილ-2-ფენილ ბუტირატი სწრაფად და მთლიანად შეიწოვება პერორალურად მიღების დროს.
სიროფის 150 მგ ბუტამირატის ციტრატის შემცველი დოზის მიღების შემდეგ პლაზმაში ძირითადი მეტაბოლიტის (2-ფენილზეთის მჟავას) მაქსიმალური კონცენტრაცია მიიღწევა დაახლოებით 1.5 საათის შემდეგ და შეადგენს 6.4 მკგ/მლ. ნახევარდაშლის პერიოდი შეადგენს 6 საათს.
პრეპარატის განმეორებით დანიშვნისას სისხლში რჩება მისი ხაზოვანი კონცენტრაცია და კუმულაცია არ აღინიშნება.
ბუტამირატის ჰიდროლიზი, თავიდან 2-ფენილზეთის მჟავამდე და დიეთილამინოეტოქსიეთანოლამდე, იწყება სისხლში. ამ მეტაბოლიტებს ასევე გააჩნიათ ხველის საწინააღმდეგო აქტივობა. ბუტამირატის მსგავსად, მეტაბოლიტებს გააჩნიათ პლაზმის ცილებთან დაკავშირების თითქმის მაქსიმალური (დაახლოებით 95%) დონე, რაც განაპირობებს პლაზმიდან მათი ნახევარდაშ.ლის ხანგრძლივ პერიოდს. 2-ფენილზეთის მჟავა ნაწილობრივ მეტაბოლიზირდება პარამდგომარეობაში ჰიდროქსილირების გზით. სამივე მეტაბოლიტი გამოიყოფა ძირითადად შარდთან ერთად, თანაც მეტაბოლიტები მჟავე რეაქციით მნიშვნელოვნად დაკავშირებულნი არიან გლუკორონის მჟავასთან.
ჩვენებები
- ნებისმიერი ეტიოლოგიის მწვავე ხველა;
- ხველის აღმოფხვრა ოპერაციამდე და პოსტოპერაციულ პერიოდში ქირურგიული ჩარევებისა და ბრონქოსკოპიის შემდეგ;
- ყივანახველა.
მიღების წესები და დოზები
საბავშვო წვეთები: 2 თვიდან 1 წლამდე ასაკის ბავშვებში – 10 წვეთი 4-ჯერ დღეში; 1-3 წლის – 15 წვეთი 4-ჯერ დღეში; 3 წლისა და უფროსები – 25 წვეთი 4-ჯერ დღეში.
სიროფი: 3-6 წლის – 5 მლ 3-ჯერ დღეში; 6-12 წლის – 10 მლ 3-ჯერ დღეში; 12 წლის და მოზარდები – 15 მლ 3-ჯერ დღეში; მოზრდილებში – 4-ჯერ დღეში.
შეძლებისდაგვარად წვეთები და სიროფი გამოიყენება ჭამის წინ.
გვერდითი მოვლენები
გამონაყარი, ღებინება, თავბრუსხვევა (სიხშირე 1%-ზე ნაკლები), რომლებიც ქრება პრეპარატის დოზის შემცირების ან მიღების შეწყვეტისას.
უკუჩვენება
ჰიპერმგრძნობელობა პრეპარატის კომპონენტის მიმართ.
ორსულობა და ლაქტაცია
ცხოველებზე ჩატარებულ კვლევებში არასასურველი ზემოქმედება ნაყოფზე არ გამოვლენილა. კონტროლირებადი კვლევები ორსულ ქალებში არ ჩატარებულა. ამასთან დაკავშირებით სინეკოდის გამოყენება არ შეიძლება ორსულობის I ტრიმესტრში. II და III ტრიმესტრში სინეკოდის გამოყენება შეიძლება პირდაპირი ჩვენების არსებობისას.
უსაფრთხოების მიზნით, დედის რძეში აქტიური ნივთიერების შეღწევის შესაძლებლობის შესახებ მონაცემთა არარსებობის გათვალისწინებით, სინეკოდის დანიშვნა ლაქტაციის პერიოდში შეიძლება მხოლოდ იმ შემთხვევაში, თუ დედისათვის სარგებელი ამართლებს ბავშვისათვის პოტენციურ რისკს.
განსაკუთრებული მითითებები
სიროფი და წვეთები დამატკბობლების სახით შეიცავენ სახარინს ან სორბიტოლს, ამიტომ ყველა ამ ფორმის დანიშვნა შეიძლება ავადმყოფებისათვის შაქრიანი დიაბეტით.
ჭარბი დოზირება
შემთხვევით ჭარბი დოზირებისას შესაძლებელია შემდეგი სიმპტომების გამოვლინება: ძილიანობა, ღებინება, გულისრევა, დიარეა, წონასწორობის შეგრძნების დაკარგვა და ჰიპოტენზია. ჭარბი დოზის შემთხვევაში ინიშნება აქტივირებული ნახშირი, მარილიანი საფაღარათო საშუალებები, ასევე ტარდება გულ-სისხლძარღვთა სისტემისა და სასუნთქი სისტების ფუნქციის შემანარჩუნებელი ღონისძიებები.
სხვა წამლებთან ურთიერთქმედება
გამოვლენილი არ არის.
შენახვის პირობები და ვადები
პრეპარატი შენახვის სპეციალურ პირობებს არ საჭიროებს.

 

Comments are closed.

nostalgia

დარგობრივი საიტები

vaka