აქტიფერინი

აქტიფერინი

აქტიფერინის ზოგადი ინფორმაცია

აქტიფერინი. AKTIFERRIN. ანტიანემიური სამკურნალო საშუალება. აქტიური ნივთიერებები – რკინის სულფატი + სერინი. Ferrous sulfate + Serin. მწარმოებელი ფირმა – Ratiopharm GmbH (გერმანია).

აქტიფერინის შემადგენლობა და გამოშვების ფორმა

აქტიფერინი. AKTIFERRIN გამოდის კაფსულის, წვეთების და სიროფის ფორმით. 1 კაფსულა შეიცავს რკინის სულფატს 113.85 მგ (რაც შეიცავს 34.5 მგ II რკინას), D,L-სერინს  129.00 გ. დამხმარე ნივთიერებები: შალგის ზეთი (რაფინირებული), სოიოს ზეთი (ჰიდრირებული), სოიოს ზეთი (ნაწილობრივ ჰიდრირებული), მცენარეული ლიცეტინი, ყვითელი ცვილი, გლიცეროლი 85%, სორბიტოლი, ჟელატინი, რკინის ოქსიდი (წითელი, შავი).წვეთები: ფლაკონში 30 მლ.100 მლ შეიცავს რკინის სულფატს 4.72 გ, D,L-სერინს 3.56 გ. დამხმარე ნივთიერებები: ასკორბინის მჟავა, შაქრიანი ინვერტული სიროფი, კალიუმის სორბატი, ეთანოლი (94%), ჟოლოს არომატიზატორი, ქლიავის არომატიზატორი, გასუფთავებული წყალი. სიროფი: ფლაკონში 100 მლ.100 მლ შეიცავს რკინის სულფატს 3.42 გ, D D,L-სერინს 2.58 გ. დამხმარე ნივთიერებები: ასკორბინის მჟავა, ინვერტული სიროფი (72.7% მშრალი სიროფი), ეთანოლი (96%), ჟოლოს არომატიზატორი, ქლიავის არომატიზატორი, გასუფთავებული წყალი.

აქტიფერინის ფასები ქართულ ფარმაცევტულ ბაზარზე

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც აქტიფერინი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია აქტიფერინის ფასების შესახებ შეუძლიათ მოგვაწოდონ  mpifarm@gmail.com

აქტიფერინის  ფასები ფარმადეპოში

აქტიფერინის  ფასები ავერსში
აქტიფერინის ფასები psp-ში
აქტიფერინის  ფასები სხვა აფთიაქებში

აქტიფერინის აქტიური ნივთიერებები

რკინის სულფატი + სერინი. Ferrous sulfate + Serin. რკინის სულფატს + სერინს მიაკუთვნებენ მაკრო- და მიკროელემენტებს, ჰემოპოეზის სტიმულატორების ჯგუფს.

აქტიფერინის გამოყენების ძირითადი მიმართულებებია

  • ანემიები რკინადეფიციტური, სხვადასხვა ეტიოლოგიის
  • რკინის ლატენტური უკმარისობა,  რკინის ჭარბად დაკარგვასთან ან რკინის ძლიერ მოთხოვნილებასთან დაკავშირებული
აქტიფერინის საფირმო აღწერიდან

ფარმაკოლოგიური თვისებები
აქტიფერინი არის რკინას შემცველი პრეპარატი. რკინა აუცილებელია ორგანიზმისათვის: იგი შედის ჰემოგლობინის, მიოგლობინის, სხვადასხვა ფერმენტების შემადგენლობაში, უკუშექცევადად აერთებს ჟანგბადს და მონაწილეობს მთელ რიგ მჟავა-აღდგენით რეაქციებში, ასტიმულირებს ერითროპოეზს.
პრეპარატის შემადგენლობაში შემავალი а-ამინომჟავა სერინი ხელს უწყობს რკინის უფრო ეფექტურ შეწოვას და მის მოხვედრას სისტემური სისხლის დინებაში, ორგანიზმში მისი ნორმალური შემცველობის აღდგენით. ეს უზრუნველყოფს პრეპარატის უკეთესად ატანას და შესაძლებელს ხდის რკინის საჭირო დოზის შემცირებას. აქტიფერინის გამოყენებისას ხდება ორგანიზმში რკინის დეფიციტის სწრაფად შევსება, რაც იწვევს ანემიის კლინიკური (სისუსტე, დაღლილობა, თავბრუსხვევა, ტაქიკარდია, ტკივილის შეგრძნება და კანის სიმშრალე) და ლაბორატორიული სიმპტომების თანდათანობით რეგრესიას.
ჩვენებები
– სხვადასხვა ეტიოლოგიის რკინადეფიციტური ანემიები;
– ორგანიზმში რკინის ლატენტური უკმარისობა, დაკავშირებული რკინის ჭარბად დაკარგვასთან (სისხლდენები, მ.შ. საშვილოსნოდან, მუდმივი დონორობა) ან რკინის ძლიერ მოთხოვნილებასთან (ორსულობა, ლაქტაცია, აქტიური ზრდის პერიოდი, არასრულფასოვანი კვება, ქრონიკული გასტრიტი სეკრეტორული უკმარისობით, კუჭის რეზექციის შემდგომი მდგომარეობა, კუჭისა და 12-გოჯა ნაწლავის წყლულოვანი დაავადება, მოზრდილებისა და ბავშვების ორგანიზმის წინააღმდეგობის გაწევის უნარის დაქვეითება ინფექციური დაავადებების, სიმსივნეების დროს).
მიღების წესები და დოზები
კაფსულები
აქტიფერინის კაფსულები მიიღება შიგნით უშუალოდ ჭამის წინ ან ჭამის დროს. კაფსულები არ იღეჭება, მიიღება საკმარისი რაოდენობით წყლის დაყოლებით.
მოზრდილებსა და მოზარდებისათვის თერაპიის დასაწყისში ენიშნებათ თითო კაფსულა 2-3-ჯერ დღეში. მაგრამ პრეპარატის ცუდი ამტანობისას დოზა მაქსიმალურად მცირდება. ამ შემთხვევაში თერაპიის კურსის ხანგრძლივობა იზრდება (ჰემოგლობინის ნორმალიზებამდე).
6 წელზე უფროსი ასაკის ბავშვებში ინიშნება თითო კაფსულა ყოველდღე.
წვეთები
აქტიფერინის წვეთები მიიღება შიგნით უშუალოდ ჭამის წინ ან ჭამის დროს მცირე რაოდენობით სითხესთან ერთად (ხილის ჩაი ან წყალი).
სადღეღამისო დოზის დადგენა ხდება გაანგარიშებით 5 წვეთი სხეულის წონის 1 კგ-ზე, დანიშვნის რაოდენობა – 2-3-ჯერ დღეში.
ძუძუს ასაკის ბავშვები: საშუალო დოზა შეადგენს 10-15 წვეთს დღეში 3-ჯერ.
სკოლამდელი ასაკის ბავშვები: საშუალო დოზა შეადგენს 25-35 წვეთს დღეში 3-ჯერ.
სკოლის ასაკის ბავშვები: საშუალო დოზა შეადგენს 50 წვეთს დღეში 3-ჯერ.
სიროფი
სადღეღამისო დოზა: 5 მლ სხეულის წონის 12 კგ-ზე.
სკოლის ასაკის ბავშვები: საშუალო დოზა შედგენს 5 მლ 2-3-ჯერ დღეში.
სკოლამდელი ასაკის ბავშვები: საშუალო დოზა შედგენს 5 მლ 1-2-ჯერ დღეში.
მითითება: ფლაკონის გასახსნელად უნდა დაეჭიროს თავსახურს ქვევით და ამავდროულად დატრიალდეს ისრის მიმართულებით. გამოყენების შემდეგ თავსახური უნდა დაეხუროს და კარგად ჩაეხრახნოს (მიუწვდომელს ხდის ბავშვებისათვის).
შრატის, რკინისა და ჰემოგლობინის ნორმალური მაჩვენებლების მიღწევის შემდეგ პრეპარატით მკურნალობა გრძელდება კიდევ არანაკლებ 8-12 კვირა, შემანარჩუნებელი დოზის დანიშვნით.
გვერდითი მოვლენები
აქტიფერინი ავადმყოფების მიერ ჩვეულებრივ კარგად აიტანება.
შეიძლება განვითარდეს ჩივილები კუჭ-ნაწლავის ტრაქტის მხრივ (უმადობა, მწარე გემოს შეგრძნება პირში, მეტეორიზმი, ყაბზობა, დიარეა), თავის ტკივილი, თავბრუსხვევა, კანის ჰიპერემია.
დოზის შემცირებისას ეს მოვლენები ჩვეულებრივ ქრება.
უფრო იშვიათად შეიძლება გამოვლინდეს ალერგიული რეაქციები (ქავილი, გამონაყარი), აბდომინალური ტკივილი, კბილის, ყელის ტკივილი, ღებინება, გულისრევა, სისუსტე, მკერდის არეში სიმძიმის შეგრძნება, გაღიზიანება. იშვიათად – ანაფილაქსიური შოკი, ენცეფალოპათია ეპილეფსიური სინდრომით.
უკუჩვენება
– ჰიპერმგრძნობელობა პრეპარატის კომპონენტების მიმართ;
– რკინით გადატვირთვა (ჰემოსიდეროზი, ჰემოქრომატოზი);
– ანემიების სხვა სახეობები, რომლებიც განპირობებული არ არის ორგანიზმში რკინის დეფიციტით;
– სიდერობლასტური ანემია, ანემია ტყვიით მოწამვლისას;
– ჰემოლიზური და აპლასტიური ანემიები;
– კანის გვიანი პორფირია;
– ქრონიკული ჰემოლიზი.
ორსულობა და ლაქტაცია
ორგანიზმში დადგენილი რკინის დეფიციტის დროს აქტიფერინის გამოყენება ორსულობისა და ლაქტაციის პერიოდში საფუძველს მოკლებული არ არის და უსაფრთხოა.
განსაკუთრებული მითითებები
აქტიფერინის კურსებად დანიშვნისას აუცილებელია ჰემოგლობინის სისტემატური კონტროლი.
აქტიფერინის გამოყენებისას აღინიშნება შავი ფერის განავალი, რაც კლინიკურად უმნიშვნელოა!
სიფრთხილით: ავადმყოფებში კუჭისა და 12-გოჯა ნაწლავის წყლულოვანი დაავადებით, ნაწლავის ანთებითი დაავადებებით (ენტერიტი, დივერტიკულიტი, წყლულოვანი კოლიტი, კრონის დაავადება), ალკოჰოლიზმით (აქტიური ან რემისიის სტადიაში), ალერგიული დაავადებებით, ბრონქული ასთმით, ჰეპატიტით, ღვიძლის ან თირკმლის უკმარისობით, რევმატიული ართრიტით, სისხლის გადასხმისას.
არ შეიძლება აქტიფერინისათვის შავი ჩაის, ყავის, რძის დაყოლება, რათა არ შემცირდეს რკინის შეწოვა. გარდა ამისა, შეწოვის შემცირება შეიძლება გამოიწვიოს მაგარმა საკვებმა, პურმა, რძის პროდუქტებმა, კვერცხმა.
ჭარბი დოზირება
სიმპტომები: სისუსტე, დაღლილობა, პარესთეზიები, კანის მკრთალი ფერი, ცივი წებოვანი ოფლი, არტერიული წნევის დაწევა, გულისცემა, აკროციანოზი, მუცლის ტკივილი, დიარეა სისხლის შერევით, გულისრევა, ციანოზი, გონების არევა, სუსტი პულსი, ჰიპერთერმია, ლეთარგია, კრუნჩხვითი შეტევები, ცხელება, ლეიკოციტოზი, კომა – 12-24 საათის განმავლობაში, ღვიძლისა და თირკმლის მწვავე ნეკროზი – 2-4 დღეში.
მკურნალობა: სპეციფიკური თერაპიის ჩატარებამდე მიიღება ორგანიზმში ჯერ კიდევ შეუწოველი პრეპარატის კუჭიდან ამოღების ზომები (კუჭის ამორეცხვა), ისმევა რძე, იჭმევა უმი კვერცხი.
სპეციფიკური თერაპია ტარდება დეფეროქსამინის (დესფერალის) დანიშვნით შიგნით და პარენტერალურად. მწვავე მოწამვლისას რკინის შეერთებისათვის, რომელიც ჯერ კიდევ არ არის შეწოვილი კუჭ-ნაწლავის ტრაქტიდან, მიიღება შიგნით 5-10 გ პრეპარატი 10-20 ამპულის შიგთავსის სასმელ წყალში განზავების გზით.
მოწამვლის მოვლენათა განვითარებისას დეფეროქსამინი ნელა შეიყვანება კუნთში, ბავშვებში – 15 მგ/სთ, მოზრდილებში – 5 მგ/კგ/სთ (80 მგ/კგ/დღე-მდე). მსუბუქი მოწამვლის დროს – შეიყვანება კუნთში, ბავშვებში 1 გ ყოველ 4-6 საათში, მოზრდილებში – 50 მგ/კგ (4 გ-დღე-მდე).
მძიმე შემთხვევებში, რომლებსაც ავადმყოფებში შოკის განვითარება ახლავს, ხორციელდება 1 გ პრეპარატის ვენაში წვეთოვნად შეყვანა და ტარდება სიმპტომატური თერაპია.
ჰემოდიალიზი რკინის გამოსაყოფად არაეფექტურია, მაგრამ მისი გამოყენება შეიძლება რკინა-დეფეროქსამინის კომპლექსის გამოსაყოფად, ასევე შეიძლება დაინიშნოს ოლიგო – და ანურიისას. ასევე შესაძლებელია პერიტონული დიალიზის გამოყენება.
სხვა წამლებთან ურთიერთქმედება
სპეციფიკური ანტიდოტი – დეფეროქსამინი (დესფერალი).
ანტაციდური საშუალებები, კალციუმის პრეპარატები, ეთიდრონი, ყავა, კუჭის წვენის სიმჟავის შემამცირებელი პრეპარატები (მ.შ. ციმეტიდინი, პრეპარატები, რომლებიც შეიცავენ კარბონატებს, ბიკარბონატებს, ფოსფატებს, ოქსალატებს), პანკრეატინი, პანკრეოლიპაზა, რძე, ბოსტნეული, კვერცხის გული, ჩაი ამცირებენ აქტიფერინის შეწოვას. ამიტომ ჩამოთვლილი პროდუქტების მიღების შემთხვევაში აქტიფერინის მიღება შეიძლება მხოლოდ 1-2 საათში.
ასკორბინის მჟავა აბსორბციას აძლიერებს.
აქტიფერინი ამცირებს ფტორქინოლონების, პენიცილამინის, ტეტრაციკლინების აბსორბციას (მათი გამოყენება რეკომენდებულია რკინის პრეპარატების მიღებამდე 2 საათით ადრე ან მათი მიღებიდან 2 საათში).
რკინის პრეპარატების მაღალი დოზები ამცირებენ თუთიის პრეპარატების თირკმლის აბსორბციას (უკანასკნელთა მიღება რეკომენდებულია რკინის პრეპარატების მიღებიდან 2 საათში).
ეთანოლი ზრდის რკინის აბსორბციას და ტოქსიკური გართულებების განვითარების რისკს.
შენახვის პირობები და ვადები
პრეპარატი ინახება არა უმეტეს 25oC ტემპერატურაზე, მშრალ, სინათლისგან დაცულ და ბავშვებისათვის მიუწვდომელ ადგილას.
ვარგისიანობის ვადა – 2 წელი.
აფთიაქში გაცემის წესი
პრეპარატი გაიცემა ექიმის რეცეპტით.

Share on Facebook
Facebook
გააზიარე Facebook -ზე ..